2004 年 3 月 24 日 星期三 【暴雨】

唉！今日已經係呢幾日黎比較心情好少少既一日，因為下午好忙咁同伴你班仔面試，跟住忙完之後夜晚就出左去上堂．．．雖然係上堂時個人好累，成日恰眼訓，但係都總好過係中心度又見到果個死人老細丫．．．唔想再對住佢喇，好辛苦呀！我就係會瘋癲．．．

唉！真係唔知件事幾時會完．．．我成日祈禱，希望神可以讓件事可以快些順利攪掂，而且唔好有咩壞既後果．．．唉！真係好痛苦呀！好矛盾．．．個心好想有個了結，但係又同時好擔心會係一個唔好既了結．．．

>>March 26, 2004 at 1:52:54 PM GMT+8

2004 年 3 月 23 日 星期二 【陰】

唔．．．今日都冇乜特別，只不過本來琴晚約好晒面試既仔，唔知點解全部放晒飛機，最後得一個黎左．．．唉．．．有冇攪錯先得架，個個都放飛機？？近日心情確實麻麻地啦，仲要攪埋晒咁既野，真係好唔好心情呀！

今日老闆無啦啦同我講野，其實我都唔係好想應佢，不過外於工事，我都要應佢啦．．．唉，而家唔係好想同呢個人講野，甚至見都唔係好想見到佢．．．不過冇計，除非一日我真係離開呢一度啦．．．唉，今日佢對於上次件事終於講左一句咁多既說話，就係：上次你請假件事我遲d會同你再傾．．．我心諗，有乜好傾呀，你上次咪罵左我啦，仲有野想話我呀？唔通你仲有誠意同我傾野咩，係既就果日大家已經可以好好咁傾啦．．．不過我都預左佢講既所謂傾，都唔方係好野．．．一係話佢會將份報告交去人事處，一係就暗示叫我走囉．．．好！我就即管睇下佢想點．．．

>>March 24, 2004 at 3:44:11 PM GMT+8

2004 年 3 月 22 日 星期一 【陰】

今日既心情都係差不多，都冇乜心情啦．．．唉，一朝早就入到元朗，要帶d仔出去觀塘學野，咁就出左去成日，最後仲要帶佢地返去元朗先．．．我後來都要返中心一尚啦．．．返到去咪又要做埋手尾先走人．．．今日個人好累，一來冇乜心情，二來好累呀！！

今日返到中心時，我都唔係好想同果個人講野，連見到唔係好想見到佢．．．不過後來佢叫左我同個同事一齊入去佢房，講左兩句野之後，就冇再叫過我入去佢房．．．所以我都未知件事係點．．．我都唔知呀．．．我唔係好想再去理，只係想做好現在要做既事，同埋好好咁為自己去計劃一下跟住要做同要行既路．．．

神呀．．．今次我知又係你安排要我去行既一個挑戰．．．我真係唔知點好，好希望你可以比條光明既大道我去走啦．．．唉．．．

>>March 24, 2004 at 3:45:43 AM GMT+8

2004 年 3 月 21 日 星期日 【陰】

今日發生既事，完全係我冇諗過會係喧．．．真係好失望．．．我失望不但係對對方失望，而都對自己份工作好失望，對某client好失望，對好多野都好失望．．．

唉！講真，我都唔知對方為乜？佢做咁多野都係擺明要煮死我，而完全冇誠意同我一齊去解決問題，去面對問題．．．呢d又係咩人黎架呢？又唔機會人講野，又只係識將自己既情緒發洩係人身上，又只係識將整件事怪晒係人身上，而唔睇清楚件事其實係點．．．所以，我今次真係好失望，而且好有決心離開．．．真係．．．

不過，講真，而家呢一刻我唔會咁衝動．．．都係睇對方有咩行動先囉．．．講真，如果佢同我玩野，我一定會同佢玩到底．．．講起真係好激氣．．．！！！當然，我已經感覺到呢個地方已經唔再係我久留之地喇．．．算啦，我又未怕過，我都對自己有一定既信心既．．．只不過有少少野都總係唔係好捨得咁，包括有d好同事啦，我都當左佢地係好朋友架喇，仲有我既仔仔女女啦，我曾經好努力做左出黎有成果既工作咁啦．．．唉！真係唔開心呀．．．．今日出去同班舊同學食飯，其實個心情都唔係咁好，所以成日都冇點出聲．．．不過算啦，而家都要面對現實，人地睇黎都唔會出聲，到左夠約時咪唔續囉，有乜大不了丫．．．講真，人地續我我都要諗諗呀！

>>March 24, 2004 at 3:41:44 AM GMT+8

2004 年 3 月 20 日 星期六 【陰】

嘩，真係好多日冇寫過日記．．．真係懶．．．其實係一來個人成日都好累，另一方面都幾忙，都冇乜時間去寫啦．．．不過都係一句懶啦．．．哈

今日一朝早起身呀，五點半就起身喇，因為要一早去山頂，今日係童軍知友社三十五周年步行籌款，全世界同事都需要出席，真係好早，好眼訓呀．．．琴晚我都成十二點幾先訓，所以好鬼死累！不過，最後個活動都好順利進行同完成左，而且完成左之後都同所有同事一齊去左山頂既峰景餐廳食飯．．．不過確實幾貴，都好容下，今個人都食左成舊幾水，我好耐冇試過咁大洗喇．．．不過，唔通唔跟同事咩？係幾貴架，不過冇計啦．．．

返到屋企真係即刻大覺訓喇，因為太累，起身之後睇dvd，哈，睇左果套拳霸呀，嘩，好勁呀，真係好激，打到超級嚇人．．．不過幾好睇呀！真係超級暴力啦．．．

>>March 21, 2004 at 1:52:58 PM GMT+8

2004 年 3 月 19 日 星期五 【陰】

唉！今日真係發生好大件事係我身上．．．唉，真係好唔開心，好擔心，好唔知點好．．．呀！！！！好想大叫，好想喊，好想死．．．點算好呀！！！

唉，好在老公對我不離不棄，佢對我真係好好，為左我，佢真係做左好多野，又幫左我好多，又係我身邊陪住我．．．真係好在有老公係度咋，如果唔係我真係唔知自己點過．．．又唔知點算好，又唔知點處理問題．．．我就係咁衰架喇，一遇到事我好容易會亂左陣腳，好唔冷靜．．．唔，希望件事可以快些完結，又可以順利攪掂好佢啦．．．

我以後真係唔敢喇．．．放過我啦．．．神呀！！

>>March 21, 2004 at 1:58:28 PM GMT+8

2004 年 3 月 14 日 星期日 【陰】

唉～今日好鬼死黑．．．琴日已經累到要死啦，今日又要一早返工．．．不過d仔咪同我一樣咁早，所以都冇得計！個人成日都好累好頭痛頭暈咁，好死辛苦．．．終於捱到放工就即刻走人返屋企喇，一返到屋企簡直係想死咁，好辛苦個人，好似感冒咁，個頭超級痛同暈，食左藥都係咁，夜晚果時個胃仲好辛苦，好想嘔，但係又嘔唔出．．．唉，一句講晒，好辛苦．．．而家都仲好頭痛同頭暈，都唔知做乜．．．我好恨自己，好憎自己成日病．．．好唔鍾意自己成日都係咁．．．我唔想咁呀！！！

>>March 16, 2004 at 4:15:05 AM GMT+8

2004 年 3 月 13 日 星期六 【陰】

唉！終於去完camp番黎喇．．．真係好辛苦．．．因為第一日行足十六公里呀，真係死得人．．．而家個周身都好痛，好慘！而且琴晚訓覺時又訓得唔好，又好凍，成晚凍醒左，又起左幾次身著襪著衫咁，好辛苦．．．個睡袋真係唔係好夠暖呀！唉！而且又唔係好訓得著，因為擔心班仔唔知攪乜野．．．講真，每次帶仔去camp都係咁架喇，邊有得訓架，冇事發生你都已經好感恩喇，係咪？不過都好在，終歸整個camp都好順利，而且都冇野發生，都好感恩架．．．

今日返黎就好累，跟住都即刻走左去訓．．．不過訓醒之後就真係好好多，仲有精神可以睇左一套vcd同埋一套無線電影添．．．哈．．．聽日同後日到老公帶展翅去camp喇，希望佢都可以順利啦．．．掛住佢呀！

>>March 15, 2004 at 10:52:40 AM GMT+8

2004 年 3 月 11 日 星期四 【陰】

今日返下夜，下午名義上係出去外展行區，但其實真係approach唔到人，所以最終變左係行街．．．不過我冇買野，都係買左少少聽日去camp既野，都係買比d仔架咋，自己既野我都係去到放左工先至買．．．不過後來放工之後，都去左買衫，哈．．．因為個人好悶，好唔知做乜，唯一係購物係可以令我既心情好少少，所以都係去左買野．．．唔通女人就係咁既？

夜晚放工之後約埋老公一齊去惠康買聽日去camp同行山既食物．．．好開心，好掛住老公，終於可以見到佢．．．因為足足成個星期冇見過佢，仲要係大家都冇點傾過電話咁，大家都好忙，尤其係老公佢，佢好忙．．．我都唔敢打電話比佢喇，好怕被拒絕既感覺．．．因為試得太多喇．．．

唔，聽日去camp喇，仲要行山．．．唉！真係辛苦．．．希望捱得住啦．．．

>>March 15, 2004 at 10:39:48 AM GMT+8

2004 年 3 月 10 日 星期三 【晴】

嘩！今日都幾忙下，成日係中心走黎走去．．．唔知發咩神經，係咁執下自己既file同垃圾．．．真係再頂唔順自己個位咁亂喇，所以的起心肝去執下．．．朝早就入左學校，今日係最後一堂，終於鬆左一口氣．．．因為都幾辛苦，一次過開兩個連續既組，仲要係兩個唔同target既組喎，都幾辛苦．．．不過好在細果班有小朋友都好唔捨得我，仲話好想去中心度玩同埋探我添，都有少少安慰既．．．不過大果班就麻麻地喇．．．anyway都完左喇，開心晒，不過而家跟住落黎有大把野跟呀：佢地既會員證呢，evaluation交比學校，埋數，買野．．．唉！好煩．．．

死啦，好快三月尾就會開始跟埋元中既啟航行動．．．雖然我係assist個同事去做o者，但係我自己又要跟伴你高飛，好怕d時間會撞到嘔呀！唉，又要去plan下下期伴你既時候喇．．．仲有，好多野未做，尤其JOB果度出信都未做．．．唉！天呀！我而家已經好少出外展，我再唔出，再搵唔到一個群組既話，真係好怕冇得續約呀！好擔心．．．．

>>March 12, 2004 at 3:45:06 AM GMT+8