2004 年 2 月 26 日 星期四 【晴】

哈，今日真係預期之中忙，一返到中心就開始準備今日講座既野．．．唔，其實今日個講座我覺得都幾fruitful架，一方面可以聽下關於催眠同洗腦既野，對我黎講係一樣幾新解既野，另方面又可以聽下從宗教人士既角度點椒去處理青少年沉溺行為既野．．．呀！個催眠治療師勁靚仔後生，把聲仲要有少少似譚耀文咁好柔咁架，真係好正．．．不過佢有少少cool囉，唔係咁願意彩人！呢方面唔太好，其實佢一黎時我都唔敢想像佢係一個催眠治療師，仲係要公會既主席添！之後夜晚就好攪笑，有個妹係我地中心比人偷左個電話，喊到七彩咁，我就安慰左佢好耐先可以冷靜到．．．唉，我都好明白佢既心情，唔見佢心愛既野真係好唔開心架．．．希望佢快d開心番啦！

頭先返到黎老公屋企，靜靜雞為佢煮左糖水，希望老公喜歡啦．．．因為見近日老公水飲湯水嘛，係要滋潤一下嘛！跟住自己頭先好眼訓咁眼左，點知一醒就係兩點幾喇．．．好在聽日唔洗返早，不過下午約左屋企人飲茶，都要早起架喇．．．

>>February 27, 2004 at 7:15:02 PM GMT+8

2004 年 2 月 25 日 星期三 【晴】

嘩，今日好死忙．．．日頭要入學校做野，跟住就趕返中心，再出去灣仔度見僱主．．．同果個僱主真係好死攪笑，不斷係度講，最後足足講左成粒鐘，因為我都知佢係好有誠意加入我地既計劃既，所以我都好留心聽架，哈～最後當然大家都達成合作既協議啦！

跟住放工返屋企成個人好似散左咁，好累呀！不過好在聽日返下夜，但係要早少少返工，因為聽日中心攪講座，要幫手呀，所以又係唔可以有得抖下喇．．．

>>February 27, 2004 at 6:55:34 PM GMT+8

2004 年 2 月 23 日 星期一 【晴】

哈，今日好開心．．．因為琴晚係老公度訓，今朝可以唔洗咁早起身，而老公佢仲早過我出門口，佢出門口前仲可以有老公錫番啖先，然後再訓．．．哈，呢種滋味真係難以形容．．．實在係一個字，"lum"．．．

跟住收工之後，打個電話比老公，本應想約佢食飯，點知老公話約左人．．．本來都諗住算啦，返屋企啦，點知回家途中老公打比我，話已經推左人，同我食飯．．．嘩，都不知幾咁開心死．．．好啦，之後終於可以見到老公同佢一齊食飯喇，老公又比左個驚喜我喎，送左一份厚禮比我，哈，佢送左一set名牌子既沐浴及護膚套裝比我，好似要成六百蚊架，我真係．．．有少少過以唔去呀，無啦啦收咁厚禮！不過真係好開心，又係一個"lum"字呀！

老公真係錫我架，雖然琴晚大家有少少嬲嬲地，不過都唔會動搖到我地之間既感情既．．．老公，我地要為我地既將來而努力呀！加油！

>>February 24, 2004 at 3:13:35 PM GMT+8

2004 年 2 月 22 日 星期日 【晴】

唔，今日老公同我都放早，我本來一心諗住可以約老公食飯，或者煮飯佢食既，點知老公約左佢既舊情人食飯．．．唉！算啦，我都冇所謂，因為我都知道冇野，不過個心咪就係梗住梗住咁囉，後來老公叫我今晚去佢度，都好啦，可以見到佢．．．但係去之前老公突然打比我，話佢送緊人返屋企．．．嘩，真係情天霹靂架，好唔開心，因為我覺得佢做乜咁好死，又唔見佢對我咁好？佢都好似好耐冇試過送我返屋企喇喎？？？好多好多？出現左係我個心度，越諗越唔開心，仲好嬲，後來仲嬲左老公好耐．．．後來大家傾番，我喊左出黎，個心先舒服d，老公佢解釋左點解，不過我真係唔係要佢解釋，而係我想佢concern我既feeling多d．．．

>>February 24, 2004 at 1:13:05 AM GMT+8

2004 年 2 月 21 日 星期六 【晴】

唔，今日本來真係講口齒，九點去到老公度．．．不過係諗住搭的士．．．哈，老公唔比我搭，話晒錢呀，所以都係後來成十點先去到佢度，佢冇怪我既，因為大家都好眼訓好累．．．哈！後來我地一齊食早餐，hair左一陣我地就出街，萬無目的咁去行，首先去左食野，跟住搭西鐵去左錦上路既吉慶圍，行完之後去左青衣城行街，好耐冇去過喇．．．唉！其實咁就去左半日，好似冇乜意義咁．．．後來都係返左元朗，去左食泰國野．．．唔，好好味，仲好好好．．．．飽添，因為太多野食喇．．．

>>February 24, 2004 at 1:09:17 AM GMT+8

2004 年 2 月 20 日 星期五 【晴】

嘩，今日一朝早入學校帶日營．．．好辛苦，好眼訓．．．雖然只係要hold一個早上既活動，但係都可以令你要死咁．．．

帶完個camp之後，我地幾個同事好似死左咁，又累又眼訓．．．唔理咁多，即刻都走人啦！跟住我仲有下場，約左阿蚊佢地班舊同學去唱k，嘩，好死眼訓，班人又遲到，得我一條友一早去拎位，個個都遲黎，我一條友唱左成差不多半個鐘佢地班人先出現，真係激死，悶死．．．不過唔緊要啦，最緊要一班人玩得開心嘛，真係幾開心架，係咁講笑，又食左好多野呀，攪到好愈飽咁返屋企．．．唉！聽日仲同老公抖氣，話一早九點去到佢度添．．．係咪有少少自己拎黎衰呢？只怪自己太好性喇．．．

>>February 24, 2004 at 1:06:01 AM GMT+8

2004 年 2 月 18 日 星期三 【晴】

唔，今日真係忙到要死．．．今朝早唔知醒呀，成九點先至彈左起身，好慘！跟住就梗係ｏ拿ｏ拿聲攪掂，再搭的士返工啦．．．唉！真係好慘！跟住返到中心又趕住拎埋今日入學校開組既物資要十點前入到學校喎，真係好趕，死得人！不過好在後來都可以九點十個幾字去到學校．．．

開完組之後，就即刻趕返中心開會呀！唉！人都傻，要一到開會一度食飯．．．好辛苦！食完飯之後本來係當值既，都要一度當一度開會．．．呀！好喇，開完會喇，就要預備今個星期六去日營既野．．．呀！天呀！好麻煩呀，好多野做，果個咁既負責同事又麻煩喎，d野過得去咪算囉，又係度指生晒．．．唉！冇計，鬼叫自己係assist佢咩，係咁架喇．．．不過好在仲有另一個assist佢既同事一齊去，佢對於負責同事有少少既工作內容都有少少不滿，我地三個一傾個rundown果時，好在有多一個人撐下我o者，唉！

唔，希望果日既活動順利成功啦．．．唉！有樣野真係好慘，都唔知咩事．．．我呢兩日成日無啦啦抽筋，係雙腳一齊抽果隻，好辛苦，琴晚已經臨訓果刻抽左成半個鐘，跟住今日又係無啦啦睇睇下電視又抽過，好慘！唔知點解．．．我估唔知係咪食得太多藥，d藥太勁，攪到我咁．．．唉，好慘呀！

>>February 20, 2004 at 3:15:16 AM GMT+8

2004 年 2 月 17 日 星期二 【晴】

唔，今日感覺好忙，好多野做，做到都唔知自己係度做乜咁．．．好累．．．本來夜晚應該要去外展，但係都冇時間去，為左聽日既小組，同埋星期六既day camp，真係機乎取左我條命．．．

唉！聽日仲忙，又要一朝去學校開組，跟住又要開會，跟住又要當值．．．天呀！

>>February 19, 2004 at 11:14:08 AM GMT+8

2004 年 2 月 16 日 星期一 【晴】

唔，今日我又病左．．．其實我自己都唔想，琴日聽到老細話，遲些會有關於我地同事拎病假既數字，可能總會遲d 會實施計劃，控制拎病假既同事既情況，希望得到改善．．．或者如果每個月都有拎病假既，份apprasial可能會有mark住．．．唉！天呀！我都唔想病架，我一氣喘親就根本返唔到工架喇，因為連出門口都有困難．．．我都好擔心自己唔會再被續約架，因為心知自己既情況又唔係咁標青，唉！真係好擔心要我再出去搵工．．．因為我其實so far都幾enjoy而家同client既關係同工作，我好希望可以繼續落去呢！不過而家可以做既，就係．．．我要努力向上，不枉諸君寄望．．．支持我啦！

>>February 17, 2004 at 3:00:33 PM GMT+8

2004 年 2 月 15 日 星期日 【晴】

唔，今日都幾無聊呀！今日淨係返一節去開會，跟住就走左去老公度本來係拎番個手提火牛，（上次留低左架），點知又眼訓，所以係老公度訓左一陣，醒果時已經係成三點幾四點，咁跟住清潔下老公屋企之後就走人．．．沿路行番去朗屏，行左一陣元朗廣場．．．一d野都買唔到，但係心中卻係有野想買．．．後來自己一條友走左去屯門市中心行，點知都買唔到自己心目中既野，反而比我買左一樣高飛既產品，都幾開心架！最後就返左屋企，但係個妹要用電腦做功課，所以都係冇電腦用．．．不過見佢做功課做到三更半夜，都有少少心痛佢架！！

今日就係咁渡過左，都係食飯睇電視咁．．．咁hair既生活真係好耐冇試過喇，聽日都係返一節，不過好在下午OR TEAM要開會，所以會好過少少，起碼去咁少少時間丫．．．哈，好似好節墮咁．．．

>>February 17, 2004 at 1:05:36 AM GMT+8