2004 年 3 月 2 日 星期二 【晴】

presentation rehearsal 左兩次，都有14分鐘，為左避免overrun，cut 左d ，竟然得返10分鐘.....my goodness

好驚比人問問題，所以事先同班同學講，叫佢地唔好問問題

眼訓，眼見電視做緊叮噹都熄左佢訓覺

>>March 3, 2004 at 4:23:19 PM GMT+8

2004 年 3 月 1 日 星期一 【陰】

尋日做野做到兩點幾先訓，好辛苦。我當時諗，如果今晚死左就好喇，唔洗 present，死而無怨
結果今日。

我提唔起精神做野....本身已經唔開心........唔講喇，免得有人斷章取義。

我識珍惜自己，係你地唔珍惜我


食格格脆薯塊做晚餐。返工，真係好開心，亦都真係好辛苦。九點五十七分之後我就無做野，傾住計等放工....

今個 禮拜咁忙，我聽日唔想返工呀....不過忙下都好o既，反正一個人都用唔晒廿四個鐘





想清洗所有紀錄試過結識你 就當相戀這幾年我斷了氣記不起
我共你縱是有開心過 更多不快回憶 要清理

>>March 2, 2004 at 3:35:20 PM GMT+8

2004 年 2 月 29 日 星期日 【晴】

我尋晚訓得唔好，成晚碌黎碌去，諗無聊野.....我只要幻想自己同人地大鬧一埸，我就覺得自己用道理打低左佢咁，因為對方每一句都o係我掌握之中嘛

我今日早左 d 起身...因為要上健身...要著核突褲，所有運動長褲都係"腸褲"！.....所以早 d 返去換

我今日一起身就好開心喇~
會長：「點解呀？」
唔講喎


原來健身咁多野讀架，好苦惱呀

家姐尋日飛左線去我度...唔記得飛返走
男仔：「喂，XXX ，你o係campus呀？」
「我唔係 XXX 呀，佢飛左線去我度...不過佢而家唔係同我一齊...」
男仔：「把聲一樣o既，你玩我呀？」(佢真係以為我玩佢...)

MIS tutorial 答兩條問題都答得唔好...
「人地答 o個 d 可以o係 note搵到，我答o個 d 要自己諗.....我唔識答呀...」
衰人：「即係你無諗啦....」
「你咁講咩意思呀？」
衰人：「無電喇....」
「(#@%&@^%*).....」

>>March 1, 2004 at 10:59:35 AM GMT+8

2004 年 2 月 28 日 星期六 【晴】

為左獎勵自己勤力左半日準備 management presentation，我買左條頸鍊送比自己....反正都係無人........
我食左煎釀三寶同埋魚蛋，實在太好味喇....

我今日開始練琴.....會長：「你又吹得幾好聽喎....果然寶刀未老」咪讚我啦，咁悶

>>February 29, 2004 at 5:45:14 PM GMT+8

2004 年 2 月 25 日 星期三 【晴】

2004 年 2 月 24 日 星期二 【晴】

今日派 Econ quiz... full mark，不過都錯左一題
話說有一條 MC 係唔屬於今次範圍o既，Ryan 話錯左唔扣分，岩左照比分
我錯o個條 MC 理應係全份卷最淺架....

Which of the following changes in the CPI shows the greatest rate of inflation or deflation?

a) 120-100
b) 100-120
c) 120-140
d) more than one changes shows the same rate of change

我揀左 (d)，好白痴呀！再一次証明我係唔識計數架
不過滿分我仍然好自豪


我本身並唔鐘意 hurt 人或者講是非....不過每當我見到佢我都不由得暗嘆一句：「頂！邊有 d 咁嘔心o既男人架！」然而我真的看到了....撞鬼囉....我拎自己去餵螞蟻都唔 show 佢

唔知係咪我心理變態呢，人地一xxxxx我就會好憎佢...以前都係咁




今年第五屆亞太區口琴節o係香港攪，本來有人好耐之前應承同我夾 duet 架，不過要而家開始練，大佬呀，我又要返學又要返工，仲要做家頭細務...你估我好似你咁呀？我提議考試後 intensive 咁練，佢又話要練另外兩個 concert....咁咪唔好同我夾囉，我又吹得差，根本都唔配同佢夾 duet 啦....

諗起都悲從中來，我花o既時間唔算少丫，點解毫無成績架？難道口琴界容不下我？我o既潛力真係咁低？

其他人可以放好多時間去練琴，佢地一係讀書好叻，一係差到貼地...佢地可以放棄讀書去練琴，因為有 d 讀同唔讀成績都一樣....無他o既，佢地付出左有收成，得到人地認同....
我呢？我懶唔起呀，而家我唔讀就一定追唔上...我點解要為口琴放棄學業丫，反正都吹唔好

有人可以不顧一切去追尋夢想，因為佢地有料，有機會。如果你玩樂器玩到好似我咁o既"水準"，你就會明白，我其實玩唔起....諗起岩岩學口琴o既我.....而家我好睇唔起自己！會長：「唔好唔記得你曾經用晒所有積蓄去買琴，交 band 費，參加比賽，仲要扮到唔洗錢；唔好唔記得你曾經心甘情願放學後留到八點練 band，仲要成日比屋企人冷嘲熱諷；唔好唔記得你曾經喊住咁話要去玩亞太呀........」
「記得，咁又點丫？」
會長：「你唔配再掂口琴呀，我命令你，由而家開始，忘記晒所有有關口琴o既野！其他人鼓勵你玩返口琴係呃你架...最後，唔好唔記得佢地每個點樣背叛你，中傷你...記住呀！」

>>February 25, 2004 at 6:50:40 PM GMT+8

2004 年 2 月 22 日 星期日 【晴】

第一堂上健身，無著運動衫...玩單車....踩咁耐先用到六個卡路里...傻架？食碗就幾百卡路里...真係唔划算....

(1)今日係我o既大黑日。朝早搭地鐵唔記得落車，未試過o係太子站去九龍塘....唔識路添
(2)食晏又勁多人...個飯又唔太好味添
(3)MIS 做左咁多野....Miss 又以為得亞Tim 有做野。我同亞 Tim 乜都準備好晒...另外兩個組員連題目都無睇過，會唔會太過份呀
(4) MS 功課無滿分
(5)比教練笑我望唔到個跑步機 "stop"掣

不過都有少少好事發生o既：
(1)亞Tim 講左當代書院o既 slogan比我聽『會考無難度 成績有進步 "羅"滿分 你做得到』


我爸爸連續兩日去睇醫生...第一日，醫生話佢喉嚨發炎...佢就醫生無料，唔肯食藥；第二日，醫生話佢上呼吸道感染，佢就好滿意....明明 d 藥一樣

>>February 23, 2004 at 4:33:02 PM GMT+8

2004 年 2 月 21 日 星期六 【晴】

即使身邊世事再毫無道理　
與你永遠亦連在一起
你不放下我　我不放下你
我想確定每日挽著同樣的手臂
不敢早死要來陪住你　
我已試夠別離並不很淒美
見盡了　雲湧風起　還怎麼捨得放下你

我要去深山隠居呀，我唔要做功課呀...
我今日溫左 MS - Forecasting，唔聽書都仲睇得明，簡直善用盡我o既天賦呀，好野。

溫溫下書走落惠康買野食....有薯片食，好野...

>>February 22, 2004 at 4:16:12 PM GMT+8

2004 年 2 月 20 日 星期五 【晴】

辛苦死人咩..EN 功課由 1030 做到 1700，痴線架！
同一個智障o既人講道理、提出意見、更正錯誤都係白費心機！以後有得揀的話，我誓死唔再同呢個騎呢怪一組做野！ I swear！

做完，去食飯~碗仔翅，豉椒肉片河、焗牛脷意粉、格格脆薯塊、炸雞。好味呀我仲想食 7-11 軟雪糕添架，去買o個時，個店員奸笑：「無晒喇~~」佢開心晒啦，我咁失望

>>February 21, 2004 at 4:36:27 PM GMT+8

2004 年 2 月 19 日 星期四 【晴】

今日早堂account，我突然發現亞Paul都唔係話教得特別好o者...只係教得慢

交完功課就去行百佳，好誘惑呀~好多薯片同朱古力呀，好多炸雞同壽司呀....爭扎下先，我唔買！買左大蘋果，好大個呀，哈哈哈，覺得自己好似白雪公主....入面o既巫婆，拎住個蘋果o係度奸笑....

If i were a termite, how would I kill myself?

準備 EN negotiation meeting....我點解要受 d 咁o既苦喎？
如果我係叮噹，我要呢個世界無晒 meeting。如果當我遇到困難，可以好似大雄咁喊喊喊就有叮噹幫我就好喇

好想快 d 畢業呀，唔知畢業o個時邊個肯黎同我影相呢?



P.S 多謝叮噹幫我做 EN 功課

>>February 20, 2004 at 6:06:52 PM GMT+8