2004 年 5 月 22 日 星期六 【晴】

今日好好天呀，不過我o既唯一娛樂 ─ 練 band。都好開心o既....不過，如果去踩單車一定仲開心o者

今日走兩場。
0900-1200 何東中學五十週年暨口琴隊二十五週年音樂會練習。我都知無人會黎捧我場架喇.....不過有得睇我著校服演出喎

《Come dance with me》，《Come, hop hop hop》，《D'you call this working?》，《PreIude to Act I》
我無譜呀，記得上次練完 band，因為我個袋無位，於是就塞左份譜叫 Tommy 幫我 keep 住，而家佢話唔知去左邊喎..可惡，於是會長周圍同人講：「佢整唔見左我疊譜呀...」


吹 Melodica 班同學仔吹《Come dance with me》第一句時，關 Sir 要求大聲 d，佢地就吹到好大聲，一吹完就話：「嘩，好嘈呀！」佢地比自己嘈親，哈哈哈哈，傻架

食 lunch，阿沈，Tommy，C Poon，Sharon，會長。阿沈同 Sharon叫左杯無豆味澄半透明o既豆漿，比會長取笑。散。

會長即刻返屋企打機，話咁快就爆左機，心血來潮，整豆漿。訓晏覺。

1930-2130 第五屆亞太區口琴節開幕音樂會練習。地點：航天科技中心，( MYO 個竇)。
《Prelude for Harmonica Orchestra》,《Elite Gathering》
李指揮......驚世駭俗：「(指住 MYO percussion的成員)，是但搵個頂住先啦。」
吹《Prelude for Harmonica Orchestra》，李指揮：「第六十七小節 "da........砰"」大家笑到收唔到聲，會長睇左份譜好耐，一臉茫然問 Ada：「邊度係"砰" 呀？」佢 d 動作真係令人想死，根本笑到吹唔到。MYO 一定覺得香港口琴協會 d 人好低能啦，搵個咁.....有個人風格o既指揮。作為呢隊 band o既成員，我覺得好丟架。樂樂做咩比左張証件相 Camay 架？點解我無架？唔得呀，我又要！好野，我又有。其實樂樂之前仲比過一張佢小學時期o既証件相我，好得意架，得我一個有乍，哈哈哈哈哈。本來想買糖比樂樂食架，好彩買唔到，原來佢都唔係鍾意食樂加杏仁糖o既。樂樂真係得意喇。原來 Arthur 都好得意架，佢第時大個一定會好靚仔，我話o既！

散 band，十幾個人去食宵夜。又去上次話無晒野食o既麥當勞，收銀小姐本來同其他人講緊野，一轉身見到我地十幾人企晒o係度，嚇親：「救命呀！」大家靜晒，呆左，Tommy：「我地唔係黎打劫架。」大家大笑，另一個職員話可以整野比我地食，不過要等。太好喇，大家興高采烈咁坐低，豬展又難為 d 收銀姐姐：「腸仔包丫唔該......無呀？咁菠蘿油呢？」
真係唔好意思，要人地個個 OT，呢間麥當勞請到呢班員工，實在有幸！下次練完 band 再去

行去地鐵站途中，地上有隻曱甴，我地圍佢....許景霖完全無理我地，拖住個行李箱直行直過，(佢今日退宿)，仲碌過左隻曱甴添，(佢唔係有心o既).....，我地見到咁o既景象，又笑到停唔到。Edmund 可能為免曱甴嚇親 Camay，多返意圖踩死佢，【註！】不過係無一腳中架，會長又再大笑。最後，曱甴用兩隻腳一撐，反轉自己就死左喇，佢係咪比我地激死架？

搭地鐵返屋企，Tommy "帶我" 蕩失路，行左、上錯車共三次，遲左成半個鐘先返到屋企.....地鐵剋星！路痴！負方向感.....

打打下日記，突然諗起一樣野，打開床鋪一睇，呀~~~~！何東 concert d 譜o係我張床下面呀，我令 Tommy 矇上不白之冤.....對唔住呀

多謝 Roy 同學 send 黎o既 games，養魚o個個好好玩

>>May 22, 2004 at 5:54:34 PM GMT+8

2004 年 5 月 20 日 星期四 【晴】

我要踩單車，不準落雨！

0820，大雨。0840，決定取消踩單車。
兩星期o既盼望.....知道我有幾唔開心嗎？點解好似得我一個覺得失望o既？

傻女　為何要苦笑　明明我可以大叫

OK，唔緊要，可以改去唱 K，尋晚仲有人口口聲聲話「wah,this week i sing three times la, but i will still go tomorrow」
點知今日「我今個禮拜已經去左三次喇....尋晚先去完....唔去喇」

Tim 同學話陪我電車一日遊，行太平山，或者去打小人......我仲係唔開心....「你咩事唔開心呀?有咩可以同我講喎」。算啦，多謝你呀 Tim 同學，當我無事得架喇。

Tommy 話：「不如去游水丫....呀，唔得喎，我.....」又係"你"，我仲以為"我"添。「世界上有咁多野，我唔記得幾樣都好正常o者」，哦，幾樣，咁你記得邊幾樣.....講到捐血，點解少少野都唔肯信下我？
『凡年齡介乎十六至六十五歲之間，體重超過四十一千克（約九十磅）之健康正常人仕，便可參予捐血救人的行列。年滿十八歲或以上之男性可每隔三個月捐血一次，而女性則每隔四個月可捐血一次。年齡屆乎十六至十七歲之青少年，可每隔六個月捐血一次，但須先徵得家長簽署同意書。』節錄自香港紅十字會網頁。

心情差得很，聽住《Solitudes-exploring nature with music》小睡片刻，都係訓得唔太好
我仲諗住訓醒時會發現當時係朝早八點四，原來頭先係發惡夢，望一望個天，天氣唔錯喎，出發去踩單車 lu....

聽古巨基，聽到開心返.....一個電話，又唔開心返。

又訓，訓醒又無事 lu。

我們到底發生了什麼事
你的態度突然那麼固執
我也毫無理由的堅持
又沒有時間聽對方的解釋

我們到底用錯了什麼字
讓每句話都變得不誠實
也許感情該到此為止
免得傷害了還怨對方太放肆

其實我們一樣自私
只保留讓自己快樂的方式
卻總是誤解別人的心事
不斷的自以為是

其實我們一樣幼稚
只在乎自己哭過了多少次
說感情像長不大的孩子
不斷的敷衍了事

>>May 21, 2004 at 1:01:40 PM GMT+8

2004 年 5 月 19 日 星期三 【晴】

2：30 PP 牙醫陳

哎呀，我唔覺意令 Tim 同學變左今日最幸福o既人添，佢一起身就可以聽到我把聲喇。
會長今日好開心。

阿恆七月有 recital 呀，好開心好開心，點解呢點解呢？唔知呀.....唔知佢會唔會親自話比我知呢。偉大o既七月。

睇牙前，仲未夠鐘，行萬寧，見到樂加杏仁糖，我記得樂樂鍾意食架，買左一包。後來知道樂樂今日唔去得練 band，好失望呀，自己食。

>>May 21, 2004 at 12:54:18 AM GMT+8

2004 年 5 月 18 日 星期二 【晴】

今朝 07：55 比 Miss Kam 打黎嘈醒左，-_-'....

我實在太鍾意而家隻錶喇，無左電成個禮拜，今日換電竟然個時間仲o係度。

約左 Tim 同學食 lunch....

星期五好有可能會落雨，點算呀？

今日專程返 City interview，失敗了，如 Tim 同學所料，揀左 Chris 無揀我，開頭我都有 d 唔開心架，不過後來我諗，神一定有更好o既安排o係後面....咁我就無咁唔開心喇，(第二朝訓醒)，已經無晒事喇。我好慶幸我臨離開 City 先知道，因為我可以好開心咁同 Tim 同學捉棋。我地三個本來 library 借左碟睇架，但發現唔係好夠位，去還碟....行行行...噫？遙控呢？ Chris 叫 Tim 同學返去拎.....當 Tim 同學行到好遠，我就問 Chris：「用我個証借個喎，點解佢都肯返去拎o既？」於是 Chris 就意圖叫返 Tim 同學返黎....

我地上七樓玩康樂棋，o係明讓我o既情況下，我輸一隻棋。Chris 去 interview，我試圖以飛行棋打敗 Tim 同學，佢都不屑贏我：「不如玩國際象棋啦，你未輸架，不過我地唔玩乍，你未輸架....」如是者，玩國際象棋，已經去到將軍無棋o既地步，Tim 同學又說：「不如玩第二樣啦，你未輸架，不過我地唔玩乍，你未輸架....」Chris 又返黎喇，我地玩「地鼠尋寶」，Tim 同學又贏喇。輸比你地又有咩所謂丫，你地唔係我o既對手，你地係我o既朋友，係我o既 motivator。我想超越你地，但亦甘心輸比你地。

Muliti purpose room 有籌款義賣，會長說，呢件衫幾靚喎，Tim 同學：「你唔好買呀，我買左」，我同 Chris 都鍾意件衫，我地就各買左一件，哈哈哈哈，繼情侶裝後又一新矩獻→朋友裝。其實 Tim 同學根本就來想我地買，同佢一樣，但又唔好意思講喎，就扮晒叫我地唔好買喇，你o既一舉一動都在會長掌握之中。

Tim 同學話要捐錢起一座 building，命名為「Small Tim Tim Building」，如果o係呢座 building 考試，我一定唔敢話比人知。會長：「我捐錢買一張好舒服o既凳入是但一個 LT就夠喇。叫 Great La La Chair。」Tim 同學話：「o岩啦，你只係值一張凳..」呢 d 就係識左我一個 Sem o既人講o既野，不過此言差矣，Tommy 一聽我覆述，就話：「哦，因為你係會長，(Chairperson)....」全對！呢 d 就係識左我四年o既人會講o既野。

o係每一道門前，Chris 同學都係 City 最有風度o既男仔。

第一次參加家長會，幼兒園的老師說：“你的兒子有多動症，在板凳上連三分鐘都 座不了，你最好帶他去醫院看一看。”

回家的路上，兒子問她老師都說了些什麼，她鼻子一酸，差點流下淚來。因為全班30位小朋友，惟有他表現最差；惟有對他，老師表現出不屑。然而她還是告訴她的兒子：“老師表揚你了，說寶寶原來在板凳上坐不了一分鐘，現在能坐三分鐘了。其他的媽媽都非常羨慕媽媽，因為全班只有寶寶進步了。”

那天晚上，她兒子破天荒吃了兩碗米飯，並且沒讓她餵。

兒子上小學了。家長會上，老師說：“全班50名同學，這次數學考試，你兒子排第40名，我們懷疑他智力上有些障礙，您最好能帶他去醫院查一查。”

回去的路上，她流下了淚。然而，當她回到家裡，卻對坐在桌前的兒子說：“老師對你充滿信心。他說了，你並不是個笨孩子，只要能細心些，會超過你的同桌，這次你的同桌排在21名。”

說這話時，她發現，兒子黯淡的眼神一下子充滿了光，沮喪的臉也一下子舒展開來。她甚至發現，兒子溫順得讓她吃驚，好像長大了許多。第二天上學時，去得比平時都要早。

孩子上了初中，又一次家長會。她坐在兒子的座位上，等著老師點她兒子的名字，因為每次家長會，她兒子的名字在差生的行列中總是被點到。然而，這次卻出乎她的預料，直到結束，都沒聽到。她有些不習慣。臨別，去問老師，老師告訴她：“按你兒子現在的成績，考重點高中有點危險。”

她懷著驚喜的心情走出校門，此時她發現兒子在等她。路上她扶著兒子的肩，心裡有一種說不出的甜蜜，她告訴兒子：“班主任對你非常滿意，他說了，只要你努力，很有希望考上重點高中。”

高中畢業了。第一批大學錄取通知書下達時，學校打電話讓她兒子到學校去一趟。
她有一種預感，她兒子被清華錄取了，因為在報考時，她給兒子說過，她相信他能考取這所學校。

他兒子從學校回來，把一封印有清華大學招生辦公室的特快專遞交到她的手，突然轉身跑到自己的房間裡大哭起來。邊哭邊說：“媽媽，我知道我不是個聰明的孩子，可是，這個世界上只有你能欣賞我……”這時，她悲喜交加，再也按捺不住十幾年來凝聚在心中的淚水，任它打在手中的信封上。

一句鼓勵的話 可改變一個人的觀念與行為 甚至改變一個人的命運
一句負面的話 可刺傷一個人的心靈與身體 甚至毀滅一個人的未來

2004 年 5 月 17 日 星期一 【晴】

我好辛苦呀，又好似上個月咁....好暈呀

練琴，練練練....

打機....無力喇，成個人都好"支力"。

姓蘇o既，怏 d 去捐血。

我去返工 lu.....因為心情好，我今日好開心咁打電話，本來諗住會做到一份架，最後竟然做左三份，三個都好好人

坐我隔離o既 interviewer原來係師妹黎架，4C1 班人呀....好感動呀，佢認得我喎~老實講，佢唔講我真係唔認得佢。曾經，我每日 on duty就逐個認住佢地，我真係好鍾意 4C1，o係佢地班度 on duty 真係好開心。

公司裡，一個德樹牌產品的紙箱上：「謝謝您的愛用」想死，哈哈哈哈，影低佢先。

>>May 18, 2004 at 4:48:25 PM GMT+8

2004 年 5 月 16 日 星期日 【晴】

我仲以為今個暑假會過得好開心，點知係咁悶架。
點解有 d 野，考試期間得閒做，反而放假就好似無時間做架？

返工，遇到九龍的好人黃小姐，有一百個「好」。

逼 Tommy 同我玩國際象棋。大佬呀，你識唔識玩架？完全都唔遵守規則，好離譜呀。明明係唔可以食我喲棋家嘛，明明第一舖一定要比我贏家嘛，你究竟識唔識捉棋架.....

發夢考 A-Level，一日內一次過考三科，三份卷一次過派晒，我做完兩份，得返十五分鐘，好驚，心想：「其實唔做呢份，拉埋都應該合格」，但又唔敢交白卷，睇下係咩卷先，原來係中文讀本問答，唔做唔得喎，拉高個分都係靠佢....好焦急，嚇醒左。個夢好刺激呀~ ^_^ ~ 我鍾意

五月十二日   星島日報

2004 年 5 月 15 日 星期六 【晴】

返牛浸。Miss Kam 不在。
會長：「Miss Kam 今日做司琴呀.....噫？原來係下星期...」
傻仔：「噫？兩個一齊彈喎....」
會長：「點會呀？」
傻仔：「呢度寫甘 X X 姊妹丫嘛，即係佢地兩姊妹一齊彈。」
哈哈哈哈，咁如果 Miss Kam 有十個妹就幣喇。

玩生化危機....玩左一陣，個心臟已經好痛，都係唔玩....

名畫《禱告的手》背後的故事

杜雷耳 (Durer) 和京斯坦 (Kingstein) 是兩個新進的藝術家，同時也是一對好朋友。他倆都天才橫溢，只需再雕琢便可成器。但他們家窮，沒有能力入藝術學院進修。他們只好日間工作晚間練畫。但這樣做，大大影響他們的進步。

最後他們想出了一個辦法，就是蚰其中一人工作去支持另一個專心習畫。經過抽籤後，京斯坦被選上全時間工作，而杜雷耳就進藝術學院。過了一段時間，杜雷耳學有所成，逐闖出名堂，便打算叫京斯坦停止工作，專心學畫。

但京斯坦對杜雷耳說，他已不能再畫畫了，他的雙手因工作過勞已經十分粗糙扭曲了。為了他的朋友，京斯坦犧牲了他的藝術前程，努力工作賺錢，沒有半點怒忿和不憤的心。

有一天，杜雷耳回家看見京斯坦的房門虛掩，京斯坦正跪在床前雙手合十祈禱。杜雷耳就把他的好友那雙祈禱的手畫出來。京斯坦的手並不美麗，但充分表達了一份愛的友誼。


人若說「我愛神」，卻恨他的弟兄，就是說謊話的；不愛他所看見的弟兄，就不能愛沒有看見的神。(約壹 4:20)

　

2004 年 5 月 14 日 星期五 【晴】

一早起身自己玩 R6，所有 mission 都完成到....大進步！

去航天科技中心練亞太嘅開幕音樂會，嘩！同 M Y O 夾架.....Darren 宣傳佢個 recital，我多數會去，因為 Darren 係好人，仲係一個唔囂張嘅勁人。

練練練， 許翔威首 Jubilee Overture 好淺，不過好好玩。樂樂個樣又比上次得意左。我同 Tommy 玩 duet，，搵多幾個人玩 ensemble，，哈哈哈哈哈。九點八，散 Band，好友善嘅一堆大廈管理員同我地揮手道別。同阿沈、費拉、Tommy 食宵夜，行左一千里路先搵到仲開緊門嘅麥當勞。

返到屋企十二點正，沖涼玩 R6，阿沈大退步.....我只係炸死左五個隊友就比人話， C Poon 炸死晒八個人就無人話佢，原來係因為佢有前科，樂樂中途加入，佢咁耐無玩仍然係好勁。雖然今朝自己練過，面對住佢地幾個，我仍然係廢人一個。三點，訓覺。

>>May 16, 2004 at 8:31:10 AM GMT+8

2004 年 5 月 13 日 星期四 【晴】

本來打算今日去長沙，但係一旱起身發覺勢色唔對，烏雲滿佈，立時改變行程，同 Tommy 去旺角無聊。去左花園街後面，成條街都係寵物嘅街，睇無聊魚、無聊龜、無聊蒼鼠、無聊龍貓、無聊兔仔.....有一隻龜反轉左，起唔返身，比另一隻暴力龜食左半條尾及四隻腳趾。我好想救佢架，不過無能為力。想當年，我隻小徽不知幾醒目，我成日都反轉佢，訓練到佢能夠用唔超過三秒就反返轉，實在係一隻有鬥志嘅龜。小徽又行得快，又善良，又乖，(不過唔聽話)，可惜，受奸人所害.....

無聊左大半日，去維園欺負雀鳥....去食飯，去世貿中心玩 Photo Hunt，得出一堆結論，再轉化為口訣，以便廣泛流傳，造福人群：
棟樓高左呀，舊雲無左呀，隻袖短左呀，無左隻窗呀，死喇死喇，我睇到喇，個影長左呀。

話咁快，五個不同之處就搵齊喇，記住背熟口訣呀......你唔係真係背掛？

Tim 同學好憎人生日，叫我唔好生日喎，好好好，你話點就點啦，反正今日都唔係

同 Tommy 玩 Black Thorn，唉，我命中率最高得 44%，不過只係 T kill 左一個人，咁耐無玩，已經不錯！會長：「我實在的告訴你，你已經做得很好。」

>>May 14, 2004 at 6:55:08 PM GMT+8

2004 年 5 月 12 日 星期三 【晴】

我悶到要做家務....

原來佢已經返左香港喇，會長樣樣後知後覺....。唔通佢唔記得左自己生日？點解佢咁驚訝我記得嘅？會長以前話過，就算全世界都唔記得，最少都一定仲有我記得。

包餃子，好好食~包左四十幾隻，已經食左大半。好野，去"良辰" 食水餃河，好耐無食過喇。"良辰" 係何東中學附近嘅食肆，會長以前幾乎日日 lunch都食水餃河，實在太好食喇。畢業之後食過一次乍，就係返去攞 cert，順道搵 C Poon 食飯。今日由於返去練 band，又可以食喇~
本來我唔諗住出呢個 concert 架，因為返工撞左一日練 band....放低左 Bass 兩年，今日返到去完全吹唔掂.....不過佢地之前練左咁耐，都咁炒晒.....哈哈哈哈哈

原來個 concert 著校服演出架，我玩喇我玩喇，哈哈哈
有無人想捧我場呀？

>>May 14, 2004 at 2:19:53 AM GMT+8