2004 年 8 月 7 日 星期六 【晴】

亞太最後一日...
一早起身整豆漿....去文化中心映月樓呃飯食。
聽口琴設計 forum，悶，返基地清場...當日苦心經營，今日要親手拆毀，有 d 失落....好唔捨得呢度o既高度自治。好唔捨得o係呢度自出自入o既日子。

食最後晚餐，影低 d 美好時光先...

Closing ceremony，入到決賽可以坐前 d，真係開心，可以拍片。
雖然台灣屈機，不過我地成績都不錯。

Open class solo：
1st runner-up 許景霖
2nd runner-up 黃志榮

Open class duet：
1st runner-up C Poon & Kelvin
2nd runner-up 許景霖 & Edmund

Open class ensemble：
1st runner-up Figlisten

Free style ：
Champion 黃志榮 (勁，隻歌佢自己寫架。雖然唔關我事，不過我都好開心)

Band：
1st runner-up King's College Harmonica Band
2nd runner-up Hotung Secondary school Harmonica Band
知道 KC 第二我真係喊左出黎，好唔開心....雖然我地都輸比 St Paul Co- edu，不過成熟 d 諗，連續三屆亞太 band 都係香港第一，仍然值得開心。(打到呢度好肚餓...咕嚕咕嚕)

有無漏呀 ？無啦....(有一項我係特登唔打o既)

Closing ceremony 期間，我成日用 poster 同小朋友講"喂"，後來小朋友用 poster 問我：「d 豆漿真係你整架？可唔可以整埋比我飲呀？(我話"好丫，下次慶功整比你飲")...多謝...」

佢隔左一陣又偷偷地拎過黎用 poster 講：「你好靚呀」
比佢吹漲“ )

多謝 "你地" 對我坦白，之前唔逼都唔講，唔夠朋友呀！我以口琴 hei 會始創人o既身份無限期 hei 你地.....

我同 Tommy duet 有 Honour cert (90 or above)，我好開心~~

>>August 8, 2004 at 6:15:27 PM GMT+8

2004 年 8 月 6 日 星期五 【晴】

今日過得好開心，不過真係好"支力"....
八點九落船，行過屈巨氏想買野...未開
上基地，見到 d 人，同佢地打招呼，無個有反應，呢 d 人，以後！我都唔會再同佢地打招呼！

隊長永遠都最遲到，我頂你！"釣魚好唔好呀"
拍片拍到手都震埋，(無人感激你架，你收啦！)

吹完 band，我最後一項有份玩o既比賽...鬆晒。
返基地訓左半個鐘，去睇樂樂隧 trio，仲有 Shatalia， Harmonicube。
後面坐左班嘈死人o既韓國小朋友，Tommy 嚇佢地，靜晒。

偷睇 Chmel rehearsal (今晚場 concert)，好勁，不過如果唔係 Tommy 話可能有 Sigmund Groven，我會返基地訓覺。

食飯....食左好多餐麥當勞同大家樂.....好悶呀，見到個餐牌好想喊 -_-
同佢地食就開心返晒

Supporting team 有新 mission，樂樂呢幾日咳得咁辛苦，買支京都念慈奄川貝枇杷膏比佢啦~屈巨氏終於開喇。許紹聰成日昅住支枇杷膏，虎視眈眈...見你幫樂樂彈琴，算啦。“ )

聽 concert，好幸福呀！左邊有 Tommy，右邊有樂樂。(前面仲有無聊 King's 小朋友)
中埸休息，比兩邊夾攻o即左成分鐘，個位窄到死，再o即抽筋喇！
我要練唔怕 o即！！
蝦無聊 King's 小朋友，嘿嘿嘿。
同佢地呢班人坐都係丟臉....晚晚都比場務打咁滯。
Sigmund Groven 好勁呀， d 慢歌超超超好聽！拍到隻手爛都要拍到佢 encore，好野，wedding march。

補充：duet 有佢做評判，勁開心！有機會o係佢面前吹一首歌仔真係萬分榮幸。

你地冤枉我口疏...攪到我都懷疑係咪自己爆出去....好彩真係唔係我。我清白架！
哈哈哈！好笑...
我要怪獸扭蛋公仔，不過我好理智。好笑...

>>August 7, 2004 at 5:45:38 PM GMT+8

2004 年 8 月 5 日 星期四 【晴】

拍片拍到好"支力"，好辛苦呀

我都好難過..." (
最難過係令你咁唔開心。

比老細乍型....我仲以為 Judy 係好人....

扭蛋"怪獸"好得意。

>>August 6, 2004 at 4:38:15 PM GMT+8

2004 年 8 月 4 日 星期三 【晴】

我今日好開心....

今日 duet 初賽，去到夾下都好地地，一上到比賽間房就好緊張喇。結果o係 d 重要接駁位甩左...灰晒。算啦，反正都無諗住入到決賽...

去 band rehearsal，得我一個 bass，炒晒...激死關 sir

跑返去聽樂樂 duet，諗住幫佢拍片，去到過左...灰晒
算啦，去睇 ensemble，勁呀！勁屈機呀！台灣派左 chord 神黎參加....五重奏快 d 幫拖！我拍片已經定過腳架喇，哈哈哈。

睇完ensemble，梁為正話比我知我 duet 入到決賽，好開心呀！樂樂 & 志交、C Poon & Kelvin 都入到，三隊 ensemble 都入到，好野。有得睇返樂樂 duet。

返基地食飯(exhibition center)。有記者黎採訪，我應承左 call 人黎撐場，點知大家比賽緊...
o係基地無聊無聊無聊....我已經成為大家o既 supporting team，專責斟水、提供少量充飢食物、拍片、大家比賽時幫手拎雜物、打氣...我真係重要呀！

太無聊，使橫手(打尖)報名玩 open-stage，嘿嘿嘿嘿，呢 d 叫主埸之利。玩下隻 duet 決賽版，雖然多人過比賽，o係正文化中心大堂中間，不過都吹得好過今朝初賽...我玩 open-stage
都係為左張有相o既 cert 咋....個名出 Angela & Tommy，再次使橫手要佢 print 張寫全名o既。

Ice blue 先生(gap 怪)玩open-stage，勁多動作，笑死，我拍左片，可以私下問我拎。
到成個口琴節完晒我再放 d cert，相，片 上黎比大家睇下。

Ice blue今日語錄：
「最多只係試過有九個女仔圍住我...」
「佢地六個加埋我又幾好聽喎...」當時大舊隊 ensemble 練緊，Ice blue 自己o係度吹 d 無聊野。
「咩叫 solo 呀？」吹漲！我問佢除左 solo 仲參加左乜野。
「男女授授不親，我唔可以幫你掐喇...」Tommy 幫樂樂掐膊頭，我幫Tommy 掐...Ice blue 企係我後面同我講....佢講到好似係我o既損失咁....
「你係咪英皇口琴五重奏其中一奏呀？」佢問 關 sir...
「我今日好開心呀，識左唔少人，仲發現原來你地咁多人識我...」
「唔洗有緣呀，我有你電話」樂樂同佢講"有緣再見"


食飯....行左九條街...

佳佳提醒左我，聽日係偉大o既 Big 2 Alliance 成立四週年紀念。當年，我地就o係國泰機上鋤 2 結義，話咁快就四年喇，o個次去第三屆亞太，係我一生做得最o岩o既決定。各位當日係我朋友，而今日仲係我朋友o既人，我愛你(地)。

>>August 5, 2004 at 5:28:30 PM GMT+8

2004 年 8 月 3 日 星期二 【晴】

C Poon 今日好靚。好彩佢 solo 入到決賽咋，今朝我要幫手睇住展覽廳，無得睇佢初賽 。
有八千張 leaflet，拎一疊o係張大 poster 前面扮 "補習天王"，比 d 台灣參賽小朋友笑...哈哈哈，佢地多次走過黎同我講：「你好(普通話)」

我照顧大家真無無微不至，哈哈哈。

今日亞太 opening，表現.....哈哈哈。我勁 "支力"，rehearsal 十六個 bar rest 我訓著左...差 d 跌琴。黎真o個次 何會長致詞又係超眼訓.....

勁 over-run....可惡呀！好玩，第一次對住咁多人表演。

好想玩 open stage

女子支力！！

今日 0900-2300，痴線架！
聽日 0915 文化中心再會...

>>August 4, 2004 at 5:18:49 PM GMT+8

2004 年 8 月 2 日 星期一 【晴】

今晚挨義氣晨早去文化中心做雜工，抹左大大話話百幾個口琴，加其他雜務。

今晚有件好開心o既事...哈哈哈哈

又有另一件事.....我好唔開心
我一早知遲早有呢一日....

>>August 3, 2004 at 4:32:16 PM GMT+8

2004 年 8 月 1 日 星期日 【晴】

一早起身整豆漿，正呀，「多豆少水」政策，我覺得好好味。裝起佢，拎過 KC 比 Tommy，樂樂，大舊，Crystal，C Poon 飲。拎住咁多豆漿，覺得自己好似小販。

佢仲未丟，真係開心喇。

練練練.....有李 sir 指導，獲益良多。

幫手裱相，哈哈哈，亂黎....用 d 剩餘物資玩阿謙同阿沈....


>>August 2, 2004 at 4:53:17 PM GMT+8

2004 年 7 月 31 日 星期六 【晴】

自從有左個 back-up diary 之後，我以為無人會再睇呢度添，見到樂樂o係呢度留言真係開心喇

>>August 1, 2004 at 5:40:30 AM GMT+8

2004 年 7 月 30 日 星期五 【晴】

整豆漿
去 G2000 換過件恤衫，今日無 mood 試條褲，下次先換...
去 MYO 度，早左四十五分鐘...未開門，o係走廊呆坐。今日練二至七點半。

請大家飲豆漿，C Poon 同 Crystal 太遲喇，為免變壞，比 Tommy 飲晒佢。

放十五分鐘 break，我，Tommy，大舊一齊跑去麥當勞買野食，樂樂唔肯食麥當勞，咁買個普通麵包比佢啦。返到去o岩o岩夠鐘，"mau" o係 double bass 後面食。

另一個作曲家黎聽，佢....一定好想打指揮喇，哈哈哈。

吹到好悶，趁有幾個 bar rest，同大舊猜，輸左踢 lum 指揮個識架(我地坐第一行)，我輸左，淆底，大舊話改踢陳聖佳o個個，哈哈，好！放另一個 break，玩無聊野。同 Tommy 分別企o係 Arthur 兩邊扮傾電話....
Tommy ：「喂，Angela 呀？」
會長：「做咩呀？」
Tommy ：「你o係邊呀？」
會長：「o係你對面呀。」
Tommy ：「邊度呀？我見唔到你呀....(大動作咁周圍望)」
會長：「都話對面咯.....(我見到 Arthur 奸笑，我忍唔住笑...行動結束)」

練完，同樂樂，Tommy，大舊，C Poon，Crystal 同阿沈去黑店食飯，即席笑談廣東話：「呢間黑店丫！」

買黃豆...當家姐知道我O係牛頭角咁遠買豆，佢同嘉利講：「婷婷真係為我地著想喇。」
滿懷安慰....

>>August 1, 2004 at 5:22:02 AM GMT+8

2004 年 7 月 29 日 星期四 【晴】

一早去 King's 同 Tommy 夾 duet，夾夾夾...佢地練 band，我自閉練琴
有個小朋友同 pianist 夾緊 solo，我過去搭訕....
會長：「你幾多歲呀？」
小朋友：「12 」
會長：「哦，咁我同你差唔多o者...(哈哈哈)」

過左一陣...

小朋友：「姐姐，我想去買支水呀。 」
會長：「好丫，咁我同你去啦」
小朋友：「我知道 7-11 o係邊喎。 」
會長：「咁你同我講？」

同樂樂去粵華琴行找數，仲有大把時間，去食飯。由於有太多時間，我地睇埋新聞先走.....慢步行去 MYO 度，行行行....

樂樂：「喂，做乜行得咁快呀？好似趕時間咁... 」
會長：「咁慢 d 囉...」
樂樂：「要行返轉頭行過。」

過馬路，綠燈閃緊，我快速過埋去....
會長：「快 d 啦，轉燈喇...」
樂樂：「唔得！」
於是佢慢慢咁行，又望下 d 司機....沾沾自喜咁話：「d 司機真係比我吹漲呀，見我行得咁慢，又唔可以撞我...(閃左勁耐都唔轉，吹漲！)」

我地爭拗緊一個話題，樂樂話：「我洗乜呃你o者？」
好，就憑你呢句，我信你。

練練練，作曲家第一次黎聽....佢一定好唔開心喇。
走，我又落錯車....Qurry Bay 站
我：「無 Tommy 我就唔會行錯路...」
Crystal 同 C Poon 回頭一望見到我：「你做乜落車呀？你未到架....」
係喎，好樣衰咁上返車...Arthur 奸笑

>>July 30, 2004 at 4:57:29 PM GMT+8