2004 年 11 月 8 日 星期一 【晴】

Tommy，大家都係人o者，你洗唔洗咁勁呀？ ODE mid-term 滿分....

o個個人，好討厭，快 d 消失！抵你地陳家絕後！

我個心仲停留緊o係文化中心展覽館......隱隱約約o既鋸木聲，試簧片聲，《Orpheus in der unterweit 》 聲...《Fidder on the roof 》聲

作個最壞的準備　但是向著最高最遠星體出發
如果真的不會飛　試試跌下的滋味
落地以後以雙腳去繼續歷奇 人間的風景也很美

>>November 9, 2004 at 3:29:17 PM GMT+8

2004 年 11 月 7 日 星期日 【晴】

就快失聲，講野走走地音....哈哈哈

想坐電單車~學就唔好預我

>>November 8, 2004 at 5:57:40 PM GMT+8

2004 年 11 月 6 日 星期六 【晴】

要做一個無用o既人，一定要得人歡心；如果唔得人歡心，最好就做個有用o既人

好討厭！我好憎你呀！快 d 同我消失！你都係。

最近 d 親戚個個都生仔，係咁輪住生，佢地就好啦，有 b b 玩，不過 b b 呢家野，玩下好喇，養佢？激死你！

>>November 7, 2004 at 3:21:49 PM GMT+8

2004 年 11 月 5 日 星期五 【晴】

今日去 MTR Training center 參觀，七點二起身，cher 左個早餐，出門口，打電話叫埋阿 Tim 起身。我又早左半個鐘到，坐o係月台溫 FM，差 d 訓著。

今次 visit 都幾好玩，不過都唔夠上次好玩。我被困o係車長張凳同道門之間...

返 City 做 MKT project，其實今次都唔關我事o既....話咁快又走得

返屋企訓晏覺，訓到五點半，搵 Tommy 食巴西燒烤，經過維園暗角，見到有對男女o係度"抄" (廣東話第三聲)野，男o既隻手o係女o既條裙入面....哈哈哈，扮見到行過

食食食，好味，有 d 論盡o既人倒瀉水...倒到我個袋濕晒。有個拎住串燒雞翼o既 waiter 整跌左比我地o個隻雞翼，DA...佢話：「唔好意思」跟住竟然放返落我地隻碟...

o係皇室堡見到有隻跳跳虎錶超得意，仲有豬仔o係錶帶。(尋日好想買，不過而家唔想喇，唔要 lu )

Tommy 打我呀！打到我塊面有條好紅o既痕....
死人Tim ，我會記住你食 lunch o個時講過乜野，好憎你呀！

>>November 7, 2004 at 4:07:00 AM GMT+8

2004 年 11 月 4 日 星期四 【晴】

好辛苦，尋晚SQM 到兩點半，今朝六點半起身...點解我要咁作賤自己？ Seyd i講得o岩，"It's you fault"，下次打死都唔去。

上 IM，派卷，好唔開心呀。我咁比心機溫書....點解喎
今日無帶外套，著左 Stephen o個件，佢睇落都好似好凍，不過都借比我，真係好人喇。上堂上到好肚餓，同 Stephen 同阿 Tim 食飯。好幸福，除左星期四，日日返學都有人陪我食飯。去 CSC 博殺....好支力，我都唔知點解仲頂得住....覺得自己好 free rider....Andy 隻手好乾燥，我半逼佢咁o者左一大 pat 甜睡潤虜露落佢隻手度，我真係關心同學呀~

做完 SQM， lur 左 Penny 同阿 Tim 陪我行 mega sale，遲到上 SQM 都照行...
去緊o個時阿 Tim 大我，話我唔敢掟佢個 file 落地，我o係佢個 file 拎返我地份 SQM project 出黎，放左佢個 file 落地就行左去，(CSC 閘口裡面)，哈哈，勁 lau 打，佢又吹我唔漲喎。當我話緊如果 mega sale 有野食賣就好....去到真係有喎，我笫第一次o係 mega sale 見到有野食賣。仲有豬仔玩具添呀~我唔買！阿添問賣糖個 sales 姐姐：「買多 d 有無得平 d 架？」姐姐話：「你買幾多先？」Tim：「四包」姐姐話：「十蚊四包比你啦。(本身$3@)」阿 Tim 就話要四包芒果糖，我同個 sales 姐姐講：「唔好o者，三包芒果糖，一包蜜蜂糖，我要食蜜蜂糖」哈哈，好野，得逞。成堂係咁食糖，雖然我買左蜜蜂糖，不過我又想食芒果糖喎...搶野。

我都覺得自己今日勁 lau 打，阿 Tim 已經好幾次想打我.....哈哈，好玩，我又攪佢排香口膠，佢怒啤我，(真係好惡架)，又奈我唔何....唔玩喇，佢真係嬲喇

返屋企 lu....

>>November 5, 2004 at 12:59:14 PM GMT+8

2004 年 11 月 3 日 星期三 【晴】

我對阿 Tim 改觀喇，佢係一個好男仔。佢今日好肚餓都等埋我先走...仲幫我搬個大紙箱去到太子，仲幫我推門，佢係咪有病呀？去到紅門，佢話：「你做乜唔幫我推門呀？」
會長：「你做乜行得快過我呀？」「幫你推門囉。」我要介紹 d 好女仔比佢！

唔得喇，要訓喇，雖然未做晒野....0232

>>November 4, 2004 at 6:32:43 PM GMT+8

2004 年 11 月 2 日 星期二 【晴】

尋晚入 SQM data，入到兩點半，仲夜過溫 SOM，傻的....
本來今朝想十點半起身做野，不過實在好支力，訓到自然醒，開學咁耐你試過未...

玩留言信箱，之前比 Tommy 笑我錄o個個名同本身段錄音格格不入，所以而家錄過，全部自己講，之後打比自己留言：「你都幾無聊個喎。」
快 d 打比我聽下啦~唔知點解之前 d 留言無晒....

阿媽話菊花茶明目，狂飲...日日對住個電腦真係想死....
聽日又要看 lab...

尋日見到 Edith，佢瘦左好多....原來佢o既病情惡化...好擔心佢，please pray for her

以前好鍾意收 e-mail，而家都鍾意，不過唔係 web mail o個 d...

會長說：「你呢排咁辛苦，我決定親手煮個米粉比你食慰勞下你」

今日搽左唇膏返工，又訓左晏覺，所以精神奕奕咁返工~做左三份，三個都超好人

我發覺自己對住某d 人越來越無耐性
一個從來都唔接受意見o既同學

>>November 3, 2004 at 5:03:04 PM GMT+8

2004 年 11 月 1 日 星期一 【晴】

為左 SOM mid-term，我呢幾日天昏地暗，寫 study aid 寫到手腕無辦法再郁到先去訓，無他o既，書到用時方恨少，都係o個句，自作孽。訓醒條頸痛到唔知點咁...今日表現平平，不過不失咁啦，問返阿 Tim 答乜野，佢好似好有見地咁，我自愧不如。

去又一城麥當勞做 SQM 問卷，低 b 架，我點解要企o係度受你氣？你以為自己係邊個呀？你估你唔答我真係交唔到功課呀？！我要訓覺呀，尋晚已經夜訓，今朝又早起(起唔到身，cum 左自己兩巴，覺得好蠢，咁就醒晒喇)，雖然訓返，始終都係眼訓家嘛，今晚仲要返工，放過我好唔好？都話左我返工前一定要訓架啦，我今晚做唔到卷，(實際上做到，精神上做唔到)，口齒不清，有失專業呀！最衰都係阿 Tim！係佢喇。佢幾衰呀，o係當勞做問卷o個時 掂 我隻手喎，都叫你唔好咁仰慕我咯，抑壓下你 d 禽獸行為啦。我嗌架。

好眼訓，我要冬眠

>>November 2, 2004 at 6:37:02 PM GMT+8

2004 年 10 月 31 日 星期日 【晴】

尋晚發左個白痴夢：我o係個好大o既雪櫃拎左個 bb 仔出黎，(未死架)，用廁紙幫佢沖涼...

新出o個隻強生清爽配方潤虜油幾好用，不過都唔香o既...同舊o個隻一樣

>>November 1, 2004 at 6:33:26 AM GMT+8

2004 年 10 月 30 日 星期六 【晴】

又去睇下豬仔產品，原來條手鏈四百幾，好貴呀，銀乍，洗唔洗呀？同埋睇唔到豬仔，只睇到士多啤梨。

今晚五個人同 C Poon 補慶祝生日，去 壽司亭 食，超無奈，食左一個 round，大家完全好似未開始食野咁，會長當機立斷，建議去第二度食下場，否則一定破產。埋單，折左都二百五左右。阿沈拎張金咭出黎簽，樂樂即刻話：「其實都唔係好貴o者，好似無比過錢咁...」樂樂換左銀包，無左張會長一百蚊 lu。-_-去某茶餐廳再食，我本人覺得呢間係超好食o既。又有無聊侍應 serve 我地。講無聊野，樂樂講開佢o岩o岩捐完血，我話特別節日去捐血有紀念品，樂樂：「愚人節去會點呀？」
Tommy：「其實唔係捐緊血架，放晒落地乍....」好笑，好好笑

打機，玩 photo hunt，樂樂用掩眼法從後遮住我...-_-
樂樂今日著 Puma 衫，好靚呀~超鍾意


我買左條不知名頸鏈，竟然無敏感，我 d 皮膚已經無咁高貴喇...

尋日懶 surprise 送個無線電話比人，趁佢行開成個換左，我打開見入左電，就咁叉，叉左四五個鐘之後，比人發現我原來唔記得插舊電o個條電線，比人笑左一百年。

>>November 1, 2004 at 12:11:00 AM GMT+8