2004 年 9 月 28 日 星期二 【晴】

我要開始節食喇....



今日溫書，溫得超 hei，溫溫下索性去訓晏覺算數....發夢自己o係香港大球場對出渣住架我心目中o既靚車，渣得超 hei，一路渣一路做住其他野....我問自己：「我係咪發夢呀？」自己答返：「梗係啦，仲洗問」去到一個地方，見到全世界水位迅間降低左一米...感覺到自己已經訓左好耐，一定又係校錯左鬧鐘喇，果然！



回到現實，聽到有個乞人憎到極點o既細路女o係公園不停尖叫。我有生之年都未試過尖叫，我亦極憎人尖叫。憎o既情度係想跑落公園捏死佢，討厭o既細路！討厭o既細路女！！！你估你值得我行咁多路去對付你咩？BB 明明係好得意o既野，究竟係乜野令到佢地變得咁邪惡？係 d 唔識教仔o既父母！

>>October 2, 2004 at 4:09:20 PM GMT+8

2004 年 9 月 27 日 星期一 【晴】

返八點半 FM，好著數呀，未夠十點就落堂。

備課，睇左兩個 case，好勤力呀！今日真係開心，食米線，得返三條春卷，好彩前面個人無叫到。超開心，即刻笑...上 SOM，發火，掃晒衰 Tim d 野落地。

返屋企食飯，難得齊人，好野。

去維園 "哈哈哈"，有大舊，沈，樂樂，Tommy，C Poon，我。飲杯，企唔穩，哈哈哈...個人開心易醉 d。叫樂樂帶月餅罐黎，樂樂：「我記得你前幾年又係叫我帶，結果我都無帶...」

玩迷你燈籠，一點即"著"。 C Poon 超無聊，就咁拎住個燈籠坐左約三個鐘。我地唔煲蠟，玩炒蠟，個火超細，好 hei...spatula 都出埋...o係啤酒樽蓋上面煲小型蠟，有小型水點彈左入去，樂樂受小型傷...

一人一格月餅，飲杯~唱"南無阿彌陀佛"...食大舊媽咪整o既茶葉蛋...好似扒飯咁食，係咁食...

趕尾班車。好眼訓....

我今日買左一大支強生嬰兒甜睡潤膚露，好開心，好香呀~一打開就眼訓..zZＺ
佢隻系列o既沐浴露一出我已經想買架喇，不過我又一向都唔鐘意用沐浴露...
總之好味啦。

>>September 29, 2004 at 7:25:41 AM GMT+8

2004 年 9 月 26 日 星期日 【晴】

下晏打比 Tommy...
會長：「前日食左個栗子味o既冰皮月餅...」
Tommy：「咩話？輪椅味？」

聽日我地一堆 hei 人去維園玩火~會有 C Poon，大舊，沈，樂樂，Tommy...可能仲有肥鋒
樂樂，計埋聽日，我地一齊過(起碼)第三個中秋喇。

>>September 27, 2004 at 3:44:58 PM GMT+8

2004 年 9 月 25 日 星期六 【晴】

今日我為推動香港經濟付出左好多.....

同家姐入聖安娜睇蛋糕，媽咪就快生日....
我睇左個細蛋糕，家姐話買個大 d ...
會長：「唔好啦，上次都食唔晒...」
家姐：「咁又係，一人一舊先盞...」
救命，呢句野勁老土！我笑左半條街，佢都唔知點解自己講埋 d 咁o既野...

>>September 26, 2004 at 8:58:37 AM GMT+8

2004 年 9 月 23 日 星期四 【晴】

超低能，遲左一個鐘起身，校錯鬧鐘，好趕。

四個鐘空堂，同阿 Tim， Andy 上七樓玩大富翁，我一個鐘都唔洗就清盤，超屈機。有另一堆 MSS 同學又玩大富翁，好似我地 major 上大富翁堂，分班實習加討論....好玩。

上 SQM，死喇，開始有數計喇，頭頂頓時升起一百個問號。死人 Winnie the Pooh o係 whiteboard 寫錯野又唔改...好彩 Tim 同學都教到我....佢唯一比我優勝o既，就係計數。

難得o係屋企食飯。
屋企有返一種好耐都無出現o既野，好熱鬧。話說當時八點半，全家都未買六合彩，阿爸死都話截左，無得再買，阿媽唔信，家姐都覺得應該仲有..於是阿爸話：「輸賭丫，有得買我比廿蚊你..」阿媽迅即淆底，家姐即刻話同佢賭，於是家姐咁就多左廿蚊喇，如果我唔係沖緊涼我都同佢賭呀，因為佢無話我地輸都要比廿蚊丫嘛。比家姐著數晒 >_<

>>September 24, 2004 at 3:25:44 PM GMT+8

2004 年 9 月 22 日 星期三 【晴】

本身得一個鐘食 lunch，不過要傾 CB，咁o岩 T&D 早左少少放，用十分鐘 cher 左個飯....

Judy 打黎...我再次心軟，今晚返工，多謝 Garfield 人叫大家留份 young age 比我...(不過攪到我好唔好意思)

遇到個超好人受訪者.....一口氣讀九個廣告真係超 lau 打！

>>September 23, 2004 at 4:33:33 PM GMT+8

2004 年 9 月 21 日 星期二 【晴】

尋晚食左藥，好支力，撻落床好快就訓著，點知 阿 Tim send 個 SMS 黎嘈醒左我....點幾喇....仲要係話我無聊，你個奴才丫....

好嬲呀，我真係好想辭職呀....

好激氣，81 號巴士司機用門夾我，仲無道歉。本身已經好嬲架啦，即刻氣上心頭！我決定投訴佢，連名都已經抄埋架喇。過左一陣，我決定唔投訴喇，得饒人處且饒人，我唔想累人無左份或者唔知點啦....

我真係唔想做乖孩子，唔想做好人，有太多枷鎖......我唔要做負責任o既人，我唔要為人設想，我唔要守規矩，呢個世界好唔公平呀，我愛人如己，咁我呢？

我乜都得，就係得兩樣唔得─呢樣唔得，o個樣唔得

「如果 愛情是個最孤單國度
就在荒島起舞 只得我知道
曾為你怎麼跌倒
不懂得愛 不懂得我 別親我」

「麻煩你傷我心 麻煩你使我再下沉
麻煩你用心 使我痛哭可以更興奮
麻煩你使我更傷
誰人都說吃得苦才被景仰 倘有些同情心理
麻煩你 盡量殘忍給我福氣
(麻煩你 別太誠懇使我憎你)

我故作這樣強 可否終於給我好收場 ?
我看似這樣強 可否多一點讚賞 ?」

癲完喇，做完 P&S IM 功課，開心晒~

我想唱 k，邊個可以陪我

>>September 22, 2004 at 5:58:47 PM GMT+8

2004 年 9 月 20 日 星期一 【晴】

放學，傾 CB 由五點半傾到八點，好肚餓，好支力...一出銅鑼灣地鐵站，發覺超大雨，有把遮o係手，不過太支力喇，慢慢行去小巴站，滕膝頭以下都濕透，算啦，無心情跑。超超超大雨，好好玩，一路行一路忍唔住笑，痴線架，大雨到丫，雖然好狼狽，都不忘企o係度影下相。噫？我幾時行左落條河架？小巴站搬左落河咩？




遮左個人過馬路，上小巴，好凍呀！

落車，見有人企左o係度，遮埋佢返去佢棟大廈o個邊，一 d 都唔順路架，不過反正我都濕晒啦，唔爭在行多幾十步，(來回超過一百米架)。佢好似好驚我咁o既....-_-" 點睇我都似係好人啦

成九點幾喇，餓死人....終於有得食飯，好野。

會長：「警告你唔好病呀！」哦，係o既係o既...

>>September 21, 2004 at 3:17:54 PM GMT+8

2004 年 9 月 19 日 星期日 【晴】

我發夢同 Tommy 嗌大交...話說我地o係街上因一件無聊事o係度嘈，佢怒然轉身離開，我當然都繼續自己走啦，點知佢幾秒後折返，唔係追返我，係我當時拎住佢隻錶，佢拎返之後又走過....我而家好嬲喇！

阿 Tim 打電話黎搵我食 lunch，可惜，我又拒絕左佢喇，嘿嘿嘿

超鍾意 Puma 同 Patrick Cox，買邊個好呢？

返工，件背心好似好低咁o既，o係屋企都好地地，一出門口就越來越暴露...返到公司仲發現自己反轉左件衫黎著，好彩我著住外套，無人發現咋，超白痴。

公司洗手間轉左用蜜糖味空氣清新劑，好.....香。




個日記係我架，我唔希望有人再未經我同意就改我 d 野，我特登放咁大張相出黎自有我o既原因！你唔好逼我改 password。我覺得你完全無尊重我！你可以當係改自己 server o既野，不過如果係咁我唔會再用。你唔好逼我改埋個 password。我覺得你完全無尊重我！我好嬲呀！快 d 回復原狀呀！(算啦，有 d 野根本無得返轉頭)

我係一個獨立o既個體，你=/=我

>>September 20, 2004 at 3:55:10 PM GMT+8

2004 年 9 月 18 日 星期六 【晴】


終於可以休息下，今日好開心。

拎疊好厚o既 notes 去中央圖書館比樂樂，返屋企。

想整薑汁燉奶，原來屋企無晒薑...改整雙皮奶...成功。其實我最憎飲奶！

《I still love you》
執迷真係好可怕，全世界都好心勸你，你偏偏唔聽；你明知無機會，不過你偏偏連自己都唔信，係咁等，等到自己受傷....你問：「我係咪好傻呀？」「係」，但係你叫我點忍心話比你知？愛總是令人失去理智，無人有權話你蠢，無人可以話你錯，你爭取自己o既幸福係o岩o既，不過愛都係適可而止好 d，試下忘記啦，大家都為你心痛。

Re: 大舊
呢張我都鐘意，不過影到我成個傻仔咁...


家姐見我個杯蓋有少少生鏽，佢特登去買過比我，點知比佢預期貴左一蚊，佢就無買到喇....

雖然睇完，不過...可唔可以留耐 d 呀？睇多陣丫，聽埋隻歌先走

>>September 19, 2004 at 1:35:41 PM GMT+8