2004 年 7 月 28 日 星期三 【晴】


世界末日

我太努力練琴喇，嘴角損左...繼續練

>>July 30, 2004 at 5:00:14 PM GMT+8

2004 年 7 月 26 日 星期一 【晴】

我最憎o係屋企練 bass 架喇，成個傻仔咁。

練 band， Ada 的確係好勁，已經有大舊咁勁喇。就快有肥鋒咁勁，就快有關 sir 咁勁...

同 Tommy 食飯，可惡呀 ，要我等？我返屋企，你等，嘿嘿嘿。
嘩，有手信，勁大三角朱古力，仲有一大袋不同酒店o既日用品，勁鍾意。
o係街見到一隻好似人扮o既狗，好笑

輕微咁剪左頭髮，Garfield：「just want to let you know, you are so beautiful today...」
多謝

>>July 27, 2004 at 3:30:46 PM GMT+8

2004 年 7 月 25 日 星期日 【晴】

上次練 band 比關 sir 潤，今日早 d 起身練琴，返到去，只見神色凝重咁話：「Angela，委屈你喇，要你吹返 bass。」

會長心想：「唔係咁攪笑下話？！」
關 sir o既眼神講：「珍珠都無咁真。」
會長心想：「真係比你吹漲呀！」
關 sir o既眼神講：「你咬我食呀？！」

Bass 未練喎....今次真係比你吹漲呀！

放工...Tommy 黎左？去食宵夜..... dood 晒

>>July 27, 2004 at 3:39:42 AM GMT+8

2004 年 7 月 24 日 星期六 【晴】

我一路都以為 26 號係星期二....死喇，Tommy 聽日就返喇....我...未練好呀
，佢一定會好鄙視我...

今日 5th APHF mock competition，約大舊同學一齊去灣仔搭船去。



有個吹《上海灘》o既騎呢佬，大鵬展翅。佢吹緊o個時隻手會跳舞架...佢同肥鋒講：「Harmonicube，我係 Ice blue，我想加入你地....」(Harmonicube 係一隊 Trio o既名。)
呆晒。我決定比賽o個時去捧佢場。


o係門口登記o既 counter 同肥鋒吹水，有個細路拎住包 "甘大枝" 食，我話：「好味呀...」點知佢問我食唔食喎，我食左佢一支。佢話未食飯，好肚餓，我就 請佢食左三包米餅。


魚蛋撩我猜，結果佢無晒力，哈哈哈。因為我輸做三下掌上壓，佢輸做十下。

完晒，一個人走

故事一則：「有一天，我在大廳裡，突然看見一位滿臉歉意的日本工作人員，安慰著一位大約四歲的西方小孩，飽受驚嚇的小孩已經哭得精疲力盡了。問明原因之後，我才知道，原來這位日本工作人員，因為那天小孩較多，而一時疏忽，在兒童的網球課結束後，少算了一位，而將這位澳洲小孩留在網球場。等到她發現人數不對時，才趕快跑到網球場，將這位小孩帶回來，而小孩因為一個人在偏遠的網球場，而飽受驚嚇，哭得稀浬嘩啦的。

現在澳洲媽媽出現了，看著自己的小孩哭得慘兮兮的。
如果你是這位媽媽，你會怎麼做？是痛罵那位工作人員一頓？還是直接向主管抗議？或是很生氣的將小孩帶離開，再也不參加『兒童俱樂部』了？

都不是！我親眼看見這位媽媽，蹲下來安慰四歲的小孩，並且很理性的告訴他：『已經沒事了，那位日本姊姊因為找不到妳而非常的緊張難過，她不是故意的，現在你必須親親那位日本姊姊的臉頰，安慰她一下！』

當下我只見那位四歲的小孩，墊起腳跟，親親蹲在他身旁的日本工作人員的臉頰，並且輕輕的告訴她：『不要害怕，已經沒事了！』

就是要這樣的教育，才能養出寬容、體貼的孩子吧！」

>>July 25, 2004 at 5:59:01 PM GMT+8

2004 年 7 月 23 日 星期五 【晴】

好野，我搵返好耐之前整網頁 o個幾隻 gap 公仔...放左落電話度做 screensaver。不過我始終搵唔返隻青蛙...

早 d 去搵樂樂，志交，許景食飯，行左九條街，個黑椒汁雞扒意粉都幾好食架，不過！ d 餐具好污糟！

行返九條街上去，練野前見到 Hamker 有新造型....

影低先，肥安：「Hamker 算到架...」(肥安未知咩事)

千算萬算，Hamker 比我地笑左成個鐘都未算到咩事。嘿嘿

我點可以比佢一個人專美，我又試下新造型先...


>>July 24, 2004 at 4:41:29 PM GMT+8

2004 年 7 月 22 日 星期四 【晴】

返工。唔見 Garfield，Christine 話佢改左返星期六，咩話？你話我星期五唔返砍死我喎....
會長：「哼！我要 delete 晒佢預約左o個 d 電話！」
Cherry認真咁問：「乜你知佢約左邊 d 架？」
會長：「(無奈...)我講笑o者。」
結果 Garfield 有返，係Christine 聽錯。

今日坐我隔離掟電話o既男同事，變本加厲，掟埋筆。呢種人，唔應該做呢行，你今個電話比人cut，你掟完電話就一把死狗咁o既聲打下一個電話，傻o既都唔幫你做啦。

我尋日發完發嘮騷，今日會好好練琴架喇

>>July 24, 2004 at 5:14:52 AM GMT+8

2004 年 7 月 21 日 星期三 【晴】

「七個人得兩個人吹到」
我已經無練細琴差唔多五年喇，練都唔係一時三刻可以上返手啦
concert 完左一星期又點呀，我要做o既野根本從未停過
如果要有天份，有時間先可以o係 band 生存到，我唔想繼續玩喇
有時我都好想好似大家咁由朝練到晚，不過無人搵我夾，就算啦。
既然所有組合都放棄左我，唔爭在多一樣啦

其實我根本就唔應該留o係 band。唔識樂理，連五線譜都睇唔掂，又吹得唔好...既然我都離開左何東，其實好多野，係唔應該強求o既

>>July 24, 2004 at 5:08:10 AM GMT+8

2004 年 7 月 20 日 星期二 【晴】

今日返 City 做 CCIV 個報告，約我十二點半，四個男同學，無一個準時。
有兩個未做自己o個份。兩個玩失蹤。
我好嬲，我係好想大聲咁"問候"佢地架，不過，我念在今日之後就可以永遠唔洗同佢地一齊做野，我忍。

(做左兩個幾鐘....我就黎爆炸喇！)

我忍你好耐喇，死肥仔！
淨係識得比 d 選擇人，扮晒比人揀，然後自己揀先。
「你想寫開頭完結尾呀？我就好想寫開頭...」
會長：「你咁講即係逼我寫結尾啦，咁你又扮晒問我？」(我係鬧你呀，不過我笑住講，吹呀？你收啦！賤人！都唔係男人黎架！)

我已經做好自己本分，你地唔做野，我就唔會再同你地客氣！死肥仔！死肥仔！

(幾分鐘後...)

死肥仔：「你做埋個封面丫...」
會長：「又係我？我o岩o岩先做完篇訪問咋喎！」我係唔做呀，吹呀？！爽呀！
佢死死地氣咁話：「咁我做啦....」哈哈！好興奮呀！hurrah！


晏晝對住死肥仔太激氣，連晚飯都無胃口食就返工。

今朝搭車諗無聊野先諗過，有時 d 好朋友激親我，佢地一定係唔小心o既，(唔通佢地特登咩？)，既然係咁，我唔應該嬲佢地。既然我又當佢地係好朋友，我無理由唔體諒佢地家嘛，仲有咩好嬲呢？

再諗，就算係特登激我o既，又或者做野之前唔會考慮我感受o既，呢 d 人我早就無當佢地係朋友啦，洗鬼理佢咩。就係咁諗諗下....，世界上應該係無"嬲"呢樣野o既，但係.....

見到死肥仔，我就無明火起...我終於明白，對住呢種人，嬲係唔夠架！要同佢鬥衰，結果.....豁然開朗，哈哈哈「你咬我食呀？！」

會人比人出賣過咁多次，一早已經唔再係好人喇！

講返返公，我好敬佩 Garfield，雖然佢咁做係唔值得鼓勵o既。
我地o既工作雖然煩，不過我地都有尊嚴架！唔做就收線，你憑乜野留難我地呀？又唔係你出糧比我地。 Garfield 鬧得好！

266xxx11 打比我又唔認，我難得打返去覆家嘛...邊個呀，好自首喇。

>>July 21, 2004 at 5:41:54 PM GMT+8

2004 年 7 月 19 日 星期一 【晴】

1930-2130 Ko Shan Theatre - Pluto's saxophone recital

今日係阿恆首個正式o既 recital，我等左好多年喇...

好開心有 Canon 同埋 Salut de Amour，如果....我會開心 d，不過我知唔係。

係呀，我係唔開心呀。好朋友唔可以呷醋咩？好朋友唔可以少器咩？

唉，點解我今次唔買花喎....係我衰

我想排隊拎簽名架，咁耐無見，排隊打個招呼我都好開心架，不過無理由八個人等我家嘛；弊在佢地走左我又唔識返屋企喎...
咁好啦....走啦。

臨走先醒起我未簽名，係我幫佢簽，大叫：「我要幫佢簽名呀....」支筆比人拎走左喇...激死

走....樂樂同黃志榮企o係馬路中間「笑談廣東話」

>>July 21, 2004 at 8:31:18 AM GMT+8

2004 年 7 月 18 日 星期日 【晴】

今日 Crystal 生日，我同大舊精心佈局...

首先，我去買蛋糕，(大舊要幫口琴協會做野)，再去 斜路底 7-11 同大舊會合。大舊實在太慢喇，我買杯雪糕，借 d 倚雪埋個蛋糕o係燒賣o個個雪櫃，會長驚嘆：「你真聰明！」

C Poon 打黎，話要去食飯。好！大舊及時黎到，衝呀！"支力"死人，條斜路真係"要了我的命"！

及時去到，大舊點蠟燭...點解 d 蠟唔係滴落個蠟燭托，而係滴落我隻手o既？大舊！趁 Tommy 唔o係度就蝦我喇！(呢句留比 Tommy 睇)

我無買野比 Crystal 呀，帶左梳蕉咋，



>>July 19, 2004 at 4:46:19 PM GMT+8