2004 年 7 月 16 日 星期五 【晴】

我要日日寫日記，等 Tommy 返黎知道我做過乜。

1:30 去 King's，個 mission 係o係 關 Sir 指緊o既時候不經不覺咁將佢包圍，再o孔佢唔覺一齊衝入 music room 用三蛋糕制服佢。我地首先慢條斯理咁行上 music room，用 "C" 制，行去側門；入左樂器房，用滅聲器，點蠟燭，熄電話；叫侯紹華由music room 正門入去熄燈，我地聽到生日歌就由側門衢衝入去，好完美o既計劃....好，alpha go go go！入到去...噫，咁光o既？侯紹華仲未埋到燈掣....dood sai

原來 Oriana 早左兩個鐘到，比 關 Sir 發現左。關 Sir 話佢正準備鬧人，我地及時救左人質。食食食...有好多雞翼剩，我個如意算盤經已打好，諗住大家當下午茶，點知關 Sir 比左校工-_-，我唔開心呀。仲有一個細蛋糕剩，我同訐景食左半個，會長：「非洲話事啤，成個食....算啦，包剪 dup...」叫左幾個埋黎猜....但係我淆底，去洗野....返到黎個蛋糕無左，原來訐景食晒...我記得佢好反對猜架，原來係咁解。

出發去香港電台，口琴工作坊，(我唔記得幾時會播)，周啟良同"蝙蝠俠"夾o個時我訓著左，一完我都識醒拍手，一擘大眼就見到 Crystal 同大舊笑我。玩有獎問答，我地四個(五人幫減 Tommy)明明積極參與，不過李志敏造馬唔叫我地答。

blues harp 示範，搵現場觀眾試玩，全部舉手o既都係小朋友，不過仲有一個 King's 升 form 2 不過睇落好細個o既"小朋友"...用blues harp 扮火車聲...

臨完場每個現場觀眾有一個 blues harp 送，我地即刻狂扮火車，仲有動作添。大舊前世可能係火車黎架，佢扮得最似。

借香港電台個 studio 錄音，亞太隻"主題"音樂，又係梅廣釗編o既，佢仲親身黎指添，指指下又變左關 Sir。

走，去 Pacific Place 食飯，扯埋歐隊長去，原來"小朋友"好鐘意痴住樂樂o既，可惡呀！幾時輪到你呀？樂樂叫我地唔好同"小朋友"講野，會一發不可收拾。我地四人幫用人牆包住樂樂。

有個女仔(同 Arthur 有關o既) 睇完七月十四o個個 gala night，睇中左梁為正：「佢側面好似好靚」，笑佢！一二三，哈哈哈哈哈...

>>July 17, 2004 at 6:16:08 PM GMT+8

2004 年 7 月 15 日 星期四 【晴】

好眼訓。今朝八點五十分起身返去聽講座，好肚餓，不過怕遲到，所以唔打算食早餐。臨出門口，阿爸問：「你唔食粥呀？」
我諗住有現成o既，梗係食啦，即刻走去打開個褒睇下....
阿爸隨即話：「未得個喎...」
你玩野咩？

返到城大，太餓，用五分鐘食左"一座山"咁多炒麵，急急腳行上去聽講座，去到，門口貼住張紙，話講座取消，但當出席左，好野！hurrah！ole！

去 Tommy 度夾 duet，之後同佢媽咪一齊去食 lunch，食左"一塊田"咁多雜菜沙律...

又夾 duet，噫？有叮噹睇，即刻罷工。

睇《Love Actually》，三級架？！不過有 d 好笑o既

留o係佢屋企同佢一家食晚飯，咁大碗飯o既？點解我今日成日都要咁飽架？uncle 車我返屋企。

佢地一家上機，開始十日o既歐洲旅程

>>July 17, 2004 at 5:28:52 PM GMT+8

2004 年 7 月 13 日 星期二 【晴】

今日 concert，三大不滿

不滿一：full rehearsal 明明話有飯食，結果無

不滿二：今日明明話有車接，呃我地返左何東，等左一大輪，話就唔到時間，無車接，自己去，不過仲要 gather 晒全隊 band一齊搭車。本來話搭的士....
Orianna一句：「咁咪要分好多架的士囉？」
說：「咁搭巴士啦...有得 claim 錢架。」
Crystal，C Poon，我心諗：「dood 左八達通會有錢 claim？信你就奇。」結果我地一於搭的士，寧願自己出錢...到左之後，唔問都唔知，發現其他最後都係搭的士喎，我地好激氣，決定 claim 錢。

我地問隊長：「幾時知道無車架？」
隊長說：「今朝囉。」
我地：「咁點解唔通知我地呀？」
隊長說：「Miss Kam 話約埋一齊去喎。」
dood sai！

不滿三：場刊大篇幅介紹 chior，提都唔提我地。完場唔叫我地上台影相。開頭我地前排拎側晒面博影到我地個不滿樣，後來攝影師先生話佢有影埋我地，我地先坐好。連攝影師都記得我地，Miss Kam 竟然唔記得！

走o個時我係咁倚揭下本埸刊就掉左落街邊垃圾桶，hurrah！

玩非洲話事啤，勁好玩。首先我輸左 五十下 sit up，廿下掌上壓，"支力"死。不過太正常，無謂多講。

精華：
Joey 反轉套校服著
梁為正埃住陌生男子(chior)說：「你記唔記得我o者？」
Arthur o係鏡錫自己(都唔敢)
玩潛烏龜輸左，爬過隔離房
玩 cum 棉胎，前一後一，cum 紅唔 cum 黑，梁為正同Arthur鬥輸...結果我直頭捉Arthur隻手去 cum，成功完成！hurrah！

梁為正今日好黑仔，就針對佢啦，哈哈哈！

我o岩o岩發現 hongkong.com upgrade 左個 e-mail 之後，我所有舊 e-mail 都無晒。無喇，乜都無喇，可以見證住我同亞恆相識o既幾十個 e-mail 無晒喇.....我好唔開心！呢 d e-mail 每一個都係我美好o既回憶，而家無晒喇...

>>July 17, 2004 at 5:28:10 PM GMT+8

2004 年 7 月 12 日 星期一 【晴】

中環大會堂 final rehearsal，激"支力"！

四點放學，趕去地鐵站同 Tommy 會合...一齊去大會堂鋤 2 ，間房班妹妹仔太嘈，我生存唔到，一齊出去樓梯前面張檯玩。張檯光線不足，我地十足十古裝片裡面 d 獄卒咁，一邊玩，一邊聽到 d "囚犯"o係房入面大叫。

今日手風唔係咁咁，(自封o既)2 后地位不保。Crystal 出完一堆大牌就話：「無牌喇無牌喇...」唔係指無晒大牌，而係手上已經無乜牌...

採排採排採排....隻手軟晒...琴都拎唔起。Sandman 唱得o個一隻歌叫做六大主角，我地口琴隊奏六隻歌就o係場刊連相都無一張，當我地係咩呀？聽聞係我地廿五週年喎...做乜紀念 chior 呀？

>>July 13, 2004 at 4:13:08 PM GMT+8

2004 年 7 月 11 日 星期日 【晴】

尋迷玩樂，荒廢一天

>>July 11, 2004 at 5:00:49 PM GMT+8

2004 年 7 月 9 日 星期五 【晴】

下雨看世界...




我知 Tommy 同 樂樂 一定好肚餓o者，所以我買左三十件煎釀三寶去探班。同莊庭皓，大舊，黃志榮，梁為正佢地一齊食。會長拿出一大盒煎釀三寶，吃飽了三千人....

有 d 人練 band 好唔留心架....大舊囉，又成日吹錯，又搗亂，跑黎跑去咁，頭髮又亂喎....(我要針對大舊，佢踩我呀...)


點解唔肯放開 d 呢，與其令自己繼續唔開心落去，不如趁仲有彎轉快 d 收拾心情啦
退一步 看得更遠
放開 得到更多
自在 活得更精彩

阿謙見我地講緊揀科，埋黎攪 gag：「呢科我以前有報呀，佢地好想收我....我 feel 到架。」
會長：「我知中大都好想收我架，我一科都唔報佢地幾唔開心呀。」
C Poon：「揀唔揀 nursing 好呢？」
會長：「你怕唔怕血丫？」
C Poon：「唔怕。」
會長：「咁你怕唔怕幫 d 污糟 o既人沖涼丫？」
C Poon：「怕呀怕呀！」

>>July 10, 2004 at 4:53:30 PM GMT+8

2004 年 7 月 8 日 星期四 【晴】

《糖果屋》


練 band....

會長狂扮 Hamker， Tommy：「你好醜樣呀，我唔要你喇 ...」會長：「我都係扮o個時一陣o者，不過佢長期係咁....不如我地成個 bass part 一齊扮 Hamker 丫...」
" Look out "，"譜你都無？"
DB 有 200% 出席率！
食飯，打機，photo hunt 都要跟機？！玩玩玩，大舊成日都無表現，比人砍手指...不過佢一係唔搵，一搵就搵到 d 超難o既。 Tommy：「你 photoshop 黎架？」之後我亦有些少表現：「我係小畫家...」篤到悶晒，改為篤 C Poon 個頭。
出黎o個時 d 頭髮好臭...
夜喇，派 Tommy 送阿女，阿媽自己返屋企..

想當年，我放榜有邊個記得？有幾幾人打過比我？

>>July 10, 2004 at 4:05:04 AM GMT+8

2004 年 7 月 8 日 星期四 【晴】

網上討論----12/7

>>June 20, 2004 at 10:46:20 AM GMT+8

2004 年 7 月 7 日 星期三 【晴】

尋日訓左五個鐘乍，好眼訓。

CCIV present，好玩，Tutor 話我地講得好，夠全面，仲問我地拎個 powerpoint。

練 duet，今日唔知係咪太 支力， HP 值超低，完全吹唔掂，索性唔練，去食飯。

去文化中心採排，樂樂寫左張生日卡比我呀，好開心，想即刻拆，樂樂話唔好住...我偷偷地帶左上台，趁空檔偷睇左....多謝你呀樂樂，遲左唔緊要，只要係你寫o既，對我黎講都好有意義。

樂樂肚餓，好在我醒目，知道練 band 實有人 "so fa mi"，所以帶左兩小包零食去。

第一次同 Hamker 坐，佢o係我面前扮樂樂.....-_-

散 band， con 粱維正，Tommy 同樂樂講開 concert, conductor,
concerto....

>>July 8, 2004 at 3:59:53 PM GMT+8

2004 年 7 月 6 日 星期二 【晴】

好辛苦呀！Tommy 同我地獄式練琴...

返工....衰在無運...做左三份四十至四十四歲。
放工....加菲話：「師姐，你今日好 sexy 呀，好似盜墓者羅拉呀。」-_-

>>July 7, 2004 at 4:49:56 PM GMT+8