2004 年 3 月 23 日 星期二 【晴】

今日知道左 management 同 econ 的 mid-term 分，我係咻咪應該好滿意架? 總算都 above mean 丫....
偷懶唔上 management lecture，比蚊蚊話我係死懶鬼...

今日我個電話好熱鬧，訓緊晏覺Camay打比我問我玩唔玩亞太....(發夢定係真架？)
夜晚 MSS 偉先生提我星期五 company visit...

聽日拆線喇，好野....拆完線我一定要食 garden cafe o既 cheese cake

原來食野論盡要付出好大代價...d 衫好污糟呀 >_<

>>March 25, 2004 at 3:39:19 AM GMT+8

2004 年 3 月 22 日 星期一 【晴】

今日鄧師父將佢畢生o既絕學傳授比我，我駭然發現自己資質並不高

叫家姐幫我買六合彩，佢無買….我恐嚇佢：「我而家對，如果我中左，你放o係我戶口d 錢就係我o既….」…..中左兩個字…..家姐：「無中丫嘛，快d比返五蚊我….」

蘇醫生實在太厲害，我塊面只係腫左四日乍

>>March 23, 2004 at 4:33:38 PM GMT+8

2004 年 3 月 21 日 星期日 【晴】

返兩點半，真係寫意...上 MS lecture 比 Chris 攻擊.....MIS tutorial....Tim 同學真係樂觀

食下午茶當晚餐，"白汁蛋沙律煙三文魚蒜蓉包"，記死人咩？不過好好食，不過食得好辛苦

返工，Judy 小姐訓話，原來 Acorn 係市場研究行業中專做又長又難o既問卷o既，所以有 market之餘收費仲可以企硬.....

今日坐o係個狂噪病患者隔離，佢成日掟電話架....今日 d 受訪者都好好人，好醒目添。
有個得意小朋友：「你搵邊個大人呀？你係咪搵我媽咪呀？」
做左四份 old age...Tommy：「你年紀輕輕學人發達？」-_-
傷口好痛，食粒強勁止痛藥先....

>>March 22, 2004 at 5:27:34 PM GMT+8

2004 年 3 月 21 日 星期日 【晴】

究竟女仔拍拖，你想搵個人照顧自己，定係搵個人比自己照顧呢？
自己都顧唔掂啦，仲要照顧多個
d 男人話：「比我以後照顧你丫.....」其實即係話：「以後我就靠你照顧喇。」
女人呀女人，犯賤咩你...

尋晚又發左個白痴夢。夢中，我個妹變左一隻雞，(真係可以食o個種)，仲成個人咁大隻，好似卡通片裡面o既雞咁，無毛o既。大概係一隻生歐歐o既白切雞，o個樣就係我個妹個樣。(諗起都好笑....哈哈哈...哎呀，拉親個智慧齒傷口，好痛呀...)我好鍾意食雞架，一路望住佢，我就諗：「佢係我個妹黎喎，但係佢又係一隻雞，我第時會唔會食佢呢？」佢仲同我講野，佢話佢去洗碗，(有違常規，有可疑)，我話：「唔洗你喇，等我洗啦...，(反常，有可疑，可能係為左掩飾我想食佢o既惡念)」本是同根生，相煎何太急...



友人有感情問題，佢鍾意o既人已經有男朋友，咁可以點呢？咪做朋友囉，你真心鍾意佢，都會想佢開心，咁你都無謂介入啦，表白都無必要，就當佢係你o既好朋友，疼錫佢，保護佢，o係佢同男朋友嗌交時開解佢囉 (唔係承虛而入呀) 。見到佢同男朋友開開心心，如果你真係鍾意佢，你都會開心啦，不過總少不免覺得酸溜溜o既....

>>March 21, 2004 at 6:01:14 PM GMT+8

2004 年 3 月 19 日 星期五 【晴】

見到樂樂當 PS2 係佢老婆，我呷醋呀

>>March 20, 2004 at 3:16:18 AM GMT+8

2004 年 3 月 18 日 星期四 【晴】

我頭先聽歌，當時播緊陳冠希 ”即影即友” 。家姐訓覺，咁我就停左 d 音樂，不過我仲哼住。家姐叫我播 d 慢歌催眠佢，我話：「我唱比你聽好過啦….(我講笑架乍)」隔左一陣，家姐話：「仲唔唱？」我：「哦….um……如相紙把現實替代….(”即影即友”)……哈哈哈(忍唔住笑，整親傷口…..痛)」 家姐話：「抵死丫…」

今日買左包黃豆，一入到房就成包跌左落地.…頂…

o個日Kenny 打比我，我問佢幾時結婚，佢話六七年後，我話：「咁耐？！」
Kenny 話：「我十九歲乍！」係喎….原來我都係喎，差d 唔記得添。好想睇下Kenny變左師奶會係點….好想睇下佢地係咪一家三(四)口夾埋都食唔晒一碟炒麵…..好想同佢去飲茶爭比錢…

唔知我畢業o個日有幾多人願意請假只為同我影張相....

我好享受剥完牙腫住塊面，因為我覺得自己好似好脆弱，要為其他人而好好保護自己，我覺得好幸福；要為左食好味o既野而冒險，我覺得好好玩，哈哈哈，好肚餓

我鍾意街上o既人覺得我好奇怪，我根本就係一個奇怪o既人

>>March 20, 2004 at 3:15:22 AM GMT+8

2004 年 3 月 17 日 星期三 【晴】

今日做手術剝智慧齒，痛死我喇，打o個幾針都夠痛死我...之前都唔係未打過麻醉針，唔知點解今次咁痛，痛到眼水都出動埋....好痛好痛。超快攪掂....咬住大大舊棉花半個鐘等止血。等拎藥等左超耐， poor service operations management

去 King's 搵樂樂，樂樂仲係好得意。KC口琴隊 interview 新人，兩個表現都幾好丫，反而四個 interviewer 勁低能，哈哈哈，樂樂玩 3 x 3 扭計骰都玩得掂，反而 2 x 2 公仔型扭計骰玩唔掂.....

咬夠一個鐘啦....拎出黎，攪到成地血...抹地...去食野 lu~好野

>>March 19, 2004 at 11:56:00 AM GMT+8

2004 年 3 月 16 日 星期二 【晴】

好開心呀~

本來諗住七點起身溫 management 架，點知尋晚訓得唔好，所以唔願起身，訓下又晏 d，訓下又晏 d...訓到連 MIS lecture 都唔願上，訓到十點幾，好精神呀~我又學以致用，用 Just In Time Approach 溫書，不過今次考得唔係幾好...

放學同 Tim 同學食 tea，正當我猶豫不決唔知食二號餐定三號餐好，三號餐賣晒....真係唔開心，no choice no cost... 算啦，比 Tim 同學寸我碟野核突

返工，嘩....好難受，佢地快 d 辭職.... 調返 d 舊人返黎....

同家姐傾開計，發現有個人，我又唔係憎佢，佢又唔係特別乞人僧，我根本講唔出唔鍾意佢 d 乜野....不過我又唔鍾意同佢做朋友，又係都鍾意講佢壞話.....真係奇怪

>>March 17, 2004 at 4:31:23 PM GMT+8

2004 年 3 月 15 日 星期一 【晴】

女子 支力 口牙！
尋日做左 45 分鐘 gym....而家全身散晒
請假唔返工都只係溫左三課 management 乍，共有九課....今次死喇，哈哈哈

嘩，我 MS mid-term 好叻~

>>March 16, 2004 at 5:17:02 PM GMT+8

2004 年 3 月 15 日 星期一 【晴】

我今日好開心呀，我 PASS 左健身班， pass 得乾淨利落，下個月有 gym user card 喇。

落堂，正當我好孤獨咁一個人食飯，電話響起了~Kenny 搵我呀！好開心好開心好開心，我真係一個幸福o既人

勁低能呀，由開學都一直以為今個星期六 management mid-term，點知 Chris 今日深夜同我講起...發現係後日 mid-term呀，死喇死喇死喇死喇死喇......Chris 簡直係我再生父母....
聽日要請假唔返工喇。

亞 Roy 約我遲 d 食飯呀，哈哈哈哈哈

>>March 15, 2004 at 5:23:18 PM GMT+8