2004 年 5 月 11 日 星期二 【晴】

祝亞恆生日快樂


尋日講到「熊熊愛心連世界」展覽，今日太陽報真係登左張相出黎，好彩係 Tommy......
睇下

整豆漿，飲飲飲.....炒飯比自己食，點解今次咁難食架？！
返工，好懶好懶，啲 quota 令人望而生畏，做左一份嗰時已經深感慶幸，點知做下又一份，再做下又一份，做左三份嘅時候，一心諗住懶到放工，但係當時只係九點八乍，叫我點好意思唔做野呢，咁我又唯有死死地氣繼續打電話，點知有人肯受訪喎，我一心諗住佢實會中途 cut 我線，不過就算完成唔到份卷，我都總算叫做有做野丫....如是者，問問問，竟然做完喎，十點二十八分，收工。今日真係好彩喇。

>>May 12, 2004 at 4:11:08 PM GMT+8

2004 年 5 月 10 日 星期一 【晴】

我已經令 Tommy 成為全中大最幸福嘅人喇。

原定去維園跑步架，點知....變左散步。由於將會有「熊熊愛心連世界」展覽，草地放左堆好似人咁高嘅熊仔，有 d 熊未運到黎，我建議 Tommy 企入 d 空位扮佢地，我地真係做埋個動作架，......樂極生悲，比記者影到。嗰個記者本身影緊 d 熊，可能佢太悶，改為影我地....明天報紙頭版大字標題：「兩名青年疑考試壓力過大致思覺失調」「鄰居嘆：『佢平時已經係咁。』」「父母感慨，指平日溝通不足」「警方初步認為不涉及濫用藥物」

>>May 11, 2004 at 5:42:14 PM GMT+8

2004 年 5 月 9 日 星期日 【晴】

今日終於考 Econ 喇，九點起身溫書，溫左個幾鐘就眼訓喇，再訓，十一點四又起身溫過。上網對 MC，嘗試約 Chris 同學食飯，佢去喎，即刻就要出門口喇。Year 1 最後一日嘅校園生活，仍然係咁開心嘅。

收卷收左二十分鐘，離譜。飛快離開學校，路途上... Tim 同學終於痛改前非，打電話黎約我食 Tea，今次到我拒絕佢 lu....我已經約左人喇，哈哈哈。你之前一次又一次咁錯過左咁多機會，而家機會已經過左喇。

同 Tommy 去 Italian Tomato Cafe Jr. 食 cake buffet，上年已經想食架喇，去尖沙咀嗰間兩次都 full 左，而家銅鑼灣都開左，好野，食食食。所以意粉同熱狗都好好食，反而，我抱最大期望嘅蛋糕，無一件係好食架，只係一般餅店嘅質素，比平時淨賣蛋糕嘅 Italian Tomato 賣嘅 差好多，可能係咁啱我今日無 mood 啦，佢地應該係來自同一個工場。下次都係約多幾個人一齊去，兩個人試唔晒咁多款。

去世貿中心打機，又見到佢喇....我仲係好鍾意佢，算啦....呢間機舖 d 人心理變態架， display 豬仔出黎，為免有人偷隻陳列品.....竟然.....(Tommy 未攪掂 d 相，我過幾日比張可憐嘅豬仔相大家睇)

今日一見到 Tommy，佢就比左一大袋零食我，今日真係開心喇，我知道聽日一定會更加開心嘅啫，係咪呀哈姆太郎？

>>May 11, 2004 at 1:07:25 AM GMT+8

2004 年 5 月 8 日 星期六 【晴】

尋晚兩點八先訓，(唔係溫書，係講電話)，今朝七點四起身去攞位同阿媽飲茶，真係對意志力極大嘅考驗。當我同家姐入到酒樓，立刻非常後悔咁早起身，實在有太多位喇。難怪，以呢個價錢，呢個地點，有人去先奇。不過勝在夠近我屋企，阿媽又鍾意，已經夠喇。

我地一家飲茶，一向速戰速決，叫到成枱都係野，一個鐘內 KO 晒佢。今日有陳家三姊妹同陳太，食左九籠點心乍，我見自己咁飽，仲以為食左好多野添。，我地本來預三百蚊落樓，找數嗰時都唔係幾相信對眼。唔知佢地飽唔飽呢三個人夾錢，但係四個人最飽係我，哈哈哈，抵晒

會長拉傷左背脊，好痛，叫阿妹幫我捽鎮痛膏，叫佢大力啲.....佢死都唔肯：「整親你我無個女陪返比我阿媽呀！」

晾衫，懶，唔用晾衫叉，企上張冷凳晾，當時啲窗打開晒，會長說：「喂，你睇住唔好比我跌左落街呀。」阿妹冷冷咁講左一句：「你都唔夠膽跌落去啦....」陳小姐，你今日好攪笑喎。

尋晚終於有人發現左會長最鍾意嘅人係邊個，唔講住，考完試先啦，免得一眾俊男因失望而考得唔好.....都係講喇，你地考得唔好即係我考得好，嘿嘿。呢個人....就係 Billy，我最鍾意用佢隻耳仔"稱"住佢，哈哈哈哈，各位，你地唔好傷心，會長仍然屬於大家架，多謝各位。

>>May 9, 2004 at 12:17:22 PM GMT+8

2004 年 5 月 7 日 星期五 【晴】

超懶呀，十一點幾先起身....無聊一大輪之後就訓晏覺，四點幾先起身，哈哈哈，好寫意呀！

我要去唱 K，我要去踩單車，我要去沙灘訓晏覺，我要去燒野食，我要去學游水.....嘿嘿嘿
我無得去旅行喇，嗚嗚嗚

為何無論我　願意怎樣試　怎樣也
不可一樣愛慕他
難道沒練習太耐 感覺都追不回來
試圖再　努力愛　也顯得不自在
不懂得如何談戀愛
還是我太愛你　對過去太放不開
難道是寂寞太耐　生銹的鎖不能開
鑰匙也　折斷了　留在舊患所在
懷內　放滿對你的愛　難怪跟誰也　再沒法戀愛

Tim 同學實在太好喇。尋日當會長喺度唔開心.......
Tim 同學：「city呢個地方真係令我好唔舒服......」
會長：「why,因為我放左學?」
Tim 同學：「日日都俾好多女仔偷望，好唔自在」
會長：「哈哈哈，我做得好出面咩，你知道左拿」
Tim 同學：「梗唔止你啦，一個二個都越黎越放肆，越望就越出面」
會長：「哈哈,同你傾計真係超現實」
Tim 同學：「你得閒留意下，真係好多女仔偷望架」
會長：「我掛住望你點留意呀」
Tim 同學：「你忍住一陣先囉，我知係好難，不過你試下啦」
........

Tim 同學：「la_la，你個樣...la_la，呢個呀，你個樣呀」
Tim 同學：「頭先加你個email個聯絡人度，咁落名我諗住落 la la，但佢唔俾用space。咁咪用la_la 囉~跟住覺得 la_la 砌出黎幾搞笑喎，咁咪介紹佢 la_la 俾你識囉~」
會長：「....」
當時我本來好唔開心架，就係咁，我又開心返喇。

>>May 8, 2004 at 10:06:57 AM GMT+8

2004 年 5 月 6 日 星期四 【晴】

頭先又比模特兒騙子截住，我個樣好蠢咩？

Tim 同學，你拒絕我在先嘅，做乜食回頭草呀？唔係唔係，我唔係草....

Tommy：「你聽日去 check 下信箱丫，我硬係凝住呢兩日會有人寄野比你...。」
會長：「咁即係你啦。」
Tommy：「噫？你點知架？」
會長：「無....我都係估下啫，乜真係你呀？」
我今日收到喇，好野，有純朱古力麥提沙食。

我唔想得一個人去旅行呀！最衰都係你！

I'm tired of pretending to be someone I'm not.

>>May 7, 2004 at 4:45:42 PM GMT+8

2004 年 5 月 5 日 星期三 【晴】

考試嗰時又肚餓又凍，一考完就箭步咁飛返屋企，一返到屋企就食食食，差啲餓死我喇。

喺又一城電梯....噫？前面個身影好面善咁喎，原來又係 Roy 同學。.....走 lu.....好快好快咁行，Tim 同學打電話比我：「喂你做乜行得咁快呀？」原來 Tim 同學見到我同 Roy 同學道別，於是含情脈脈咁望住我，佢補充：「但係你又太矮喇，好快就喺人群中消失。」可惡呀！結果等埋 Tim 同學一齊行....衰 Tim，拖慢晒我嘅進度

Tommy 果然買左個單鏡反光數碼相機....

咁難得有一餐飯可以全家一齊食，最後都係不愉快收場....
會長經常嘗試游說自己原諒佢，但我根本忘記唔到，我仲係怪佢，仲係好憎佢
我只係一個普通人，我都會唔開心。唔好話平時睇唔出....既然明知你地唔會幫到我，唔會去幫我，我根本無必要表現比你地睇我有幾唔開心。我選擇對人歡喜背人愁，我真係做到架，唔係我唔夠唔開心。有人話「如果真係唔開心，點都唔會扮到咁開心」，我又唔係要你地開解我，我有必要扮唔開心咩？

>>May 7, 2004 at 4:53:19 PM GMT+8

2004 年 5 月 4 日 星期二 【晴】

我今朝八點半竟然起到身呀，溫下又玩下...Tommy 話我呢 d 叫做精神分裂，因為可以完全唔受考試影響咁玩....我考試受玩影響你唔知啫

考 MA，唉，考完滿目瘡痍...ROI 都竟然計錯，由於會長懶，只溫 Mid-term後嘅內容....，錯得太過份喇，不能原諒，我要打自己十拳懲罰自己.....咪住，除左神，無人有資格審判我，都係唔好濫用私刑，會落地獄架。

錯 ROI 已經罪無可恕，我仲要錯埋 costing，去死啦！改啱左 operating profit 又唔記得改 product cost....死蠢！無啦，乜都無喇.....會長：「你罪有應得架，你今朝打左幾耐機呀？」

前日個個考完就撇甩我，今日個個都搵我....當我係咩呀？我自己走，哼！

我甲狀腺發大左少少，有可能係大頸泡....死啦，我有遺傳架....我唔想死住呀，(有排啦)，我有好多野未做架

嘴唇好乾呀，裂開左，好痛呀，搵啲野滋潤下先~

啱啱開電腦，突然自動播 The Mass，嚇死...原來我部電腦有香港字架，而家先知。啱嘅喺攞......

會考無難度 成績有進步
攞滿分 你做得到

好嘢~

上帝的獎賞  
 
1963年，一位叫瑪莉。班尼的女孩寫信給<<芝加哥論壇報>>，因為她實在搞不明白，為什麼她幫媽媽把烤好的甜餅送到餐桌上，得到的只是一句‘好孩子’的誇獎，而那個什麼都不幹，只知搗蛋的戴維(她的弟弟)得到的卻是一個甜餅。她想問一問無所不知的西勒。庫斯特先生，上帝真的是公平的嗎？為什麼她在家和學校常看到一些象她這樣的好孩子被上帝遺忘了。

西勒.庫斯特是<<芝加哥論壇報>>兒童版‘你說我說’欄目的主持人，十多年來，孩子們有關‘上帝為什麼不獎賞好人，為什麼不懲罰壞人’之類的來信，他收到不下千封。每當拆閱這樣的信件，他心裡就非常沉重，因為他不知該怎樣回答這些提問。

正當他對瑪莉小姑娘的來信不知如何回答是好時，一位朋友邀請他參加婚禮。也許他一生都該感謝這次婚禮，因為就是在這次婚禮上，他找到了答案，並且這個答案讓他一夜之間名揚天下。

西勒。庫斯特是這樣回憶那場婚禮的。牧師主持完儀式後，新娘和新郎互贈戒指，也許是他們正沉浸在幸福之中，也許是兩人過於激動，總之，在他們互贈戒指時，兩人陰差陽錯地把戒指戴在了對方的右手上。牧師看到這一情節，幽了一默：‘右手已經夠完美的了，我想你們最好還是用它來裝扮左手吧。’西勒。庫斯特說，正是牧師的這一幽默，讓他茅塞頓開。

右手成為右手，本身就非常完美了，是沒有必要把飾物再戴在右手上了。同樣，那些有德的人，之所以常常被忽略，不就是因為他們已經非常完美了媽？後來，西勒。庫斯特得出結論，上帝讓右手成為右手，就是對右手最高的獎賞，同理，上帝讓善人成為善人，也就是對善人的最高獎賞。

西勒。庫斯特發現這一真理後，興奮不已，他以‘上帝讓你成為好孩子，就是對你的最高獎賞’為題，立即給瑪莉。班尼回了一封信，這封信在<<芝加哥論壇報>>刊登之後，在不長的時間內，被美國及歐洲一千多家報刊轉載，並且每年的兒童節，他們都要重新刊載一次。

前不久，一位中國兒童不知在什麼地方發現了這封信，讀後，他通過國際互聯網在<<芝加哥論壇報>>的網頁上留言，說：“中國民間有一句古話，叫‘惡有惡報，善有善報，不是不報，時候未到’。我曾經對惡人遲遲得不到報應感到迷惑不解。現在我終於明白，因為讓惡人成為惡人就是上帝對他們的懲罰。”

2004 年 5 月 3 日 星期一 【晴】

會長今日決定努力，唔打日記住喇，係咪好失望呢？哈哈哈哈

如果比我知道邊個今個 Sem 無 take EN 同 Mgt 而 GPA 又唔過 3 o既，我就打扁佢。

過幾日補返↓

尋晚 Chris 同學口口聲聲話 EN 考試範圍包括 request letter 同埋 complain letter，到最後半個鐘，佢先醒覺，呢兩課其實係上個 Sem 架，好彩我無信佢o者。

入到試場，我就諗，如果 Vito 坐o係我後面就好啦...突然後面張檯郁喎，我就望下係邊個啦，點知真係 Vito 呀，好開心，忍唔住笑，即刻拎返轉面，嚇死 Vito 喇，哈哈哈。Vito 係 SOM o既同學仔，由於第一眼望落覺得佢好似古巨基，所以會長每次見到呢位同學仔就會好開心。

考完，搵 Chris 同學食 tea，有 '炸魚柳拼沙律" 呀，好食，不過涼晒o既....Chris 同學去 toilet，我幫佢買，然後排隊攞啦。佢後來過黎，好型咁話：「呢 d 粗重野等我黎啦。」會長：「咁我去搵位啦。」等左好耐都未見佢，我就周圍行周圍望，好靚o既客戶服務小姐問：「有咩可以幫到你呀？」會長無奈地說：「我搵人乍...」

Chris 同學做左 d 超嘔心o既事：佢話：「我想"挑"牙呀」，佢一手攞起佢杯好立克入面支攪羹就.....然後，佢放返落杯好立克度.....呀，救命呀，好想嘔呀

兩點，收工...

>>May 5, 2004 at 10:43:16 AM GMT+8

2004 年 5 月 2 日 星期日 【晴】

由於最近醫院對A型血需求較多，如你或你的朋友為A型血人士，希望你們前來捐血，救助有需要的傷病者。

救急扶危 由捐血做起。莫再猶豫，齊來捐血!

你仲等咩呀？仲唔去？
樂樂 O型架，好特別呀。會長第一次捐血之後，知道自己咩血型之前，曾經有一個念頭：如果我 A - 型血，我就去加入稀有血型會(真係有架)，識左其他 A- 型血o既人，就去殺害佢地，等佢地需要血，然後我就高價售出，從中獲利....哈哈哈，可以上市添呀...可惜，我 A+ 型血，所有夢想從此幻滅，我就安份守己咁做個定期捐血者喇。真係一個觸動人心o既故事。

今日考 MIS 不過不失啦，加埋 coursework，應該唔會低過 B-...

o係 Blue zone 溫書，見到兩個女色狼圍住一個男仔。兩個女色狼說：「摸佢個胸....摸佢大脾...」男受害者全無還擊之力.....哈哈，鬼叫你唔敢摸返佢地咩。

考考考.....考完，走。見到 Chris 同學 同"型人"。
"型人"問 Chris 同學：「喂，做乜今日咁型呀？」想嘔....
Chris 同學一臉習以為常o既表情：「無乜野丫，我日日都係咁型架啦。」忍唔住喇.....去嘔

Chris 同學 Tim 同學，你地兩個賤人，撇甩我....打電話比我就算拿？而家係我撇你地，唔係你地撇我.....哼.....走。遇到 Roy 同學，行行行....到 lu

地鐵裡面，電話響，未有人聽，得意小朋友望黎望去，攞手上隻 大頭狗 公仔放埋耳仔：「喂？」得意得佢丫....無辦法啦，佢以為咁樣可以蓋過我o既鋒芒

「你有無收到 e-mail 呀？後日唔考 MA.......改做放假呀。」
Roy 同學懷恨在心，語無倫次左一輪....天長地久有時盡，話變就變....而家時下 d 年青人丫....下次記住講笑時要笑，唔笑就當真架喇


食飯，好飽，唔想郁，小睡片刻....
會長：「食飽就訓...你咁樣同豬有咩分別呀？」
有架， Tim 同學一向都話我同佢係唔同類o既。

>>May 3, 2004 at 5:31:04 PM GMT+8