2004 年 4 月 11 日 星期日 【清涼】

會長今日好開心，其實我都好耐無試過咁開心喇。

一早起身去買野，(快 d claim 返 $650比我呀)，搭車時黃志榮又玩無聊野，比路人笑....

起爐，原來大舊係咁犀利架，會長甘拜下風。會長同樂樂、莊庭晧、大舊、豬展、陳浩剛一個爐，豬展同陳浩剛今日超輪盡，分別整跌晒我地全部人o既餐具，現場一片混亂。

超曬呀，我著左件黑色 T-shirt，由於太吸熱，我逼住著多件白色風褸。莊庭晧見我咁可憐，話佢帶多左件白色 T-shirt 可以借比我 ，不過我都婉拒左。唔係幾好o既，我咁輪盡....整污糟點算呢？

我經過一日曝曬，已經黑過古天樂喇，後日返學實無人認得我啦。今次真係失察，以前任何活動我一定係為大家提供 UV Protection o既人，今次竟然自己都唔記得搽。好彩戴左帽，幸保不失....不過左邊耳仔曬傷左，成對手黑晒.....

樂樂坐我隔離，我呢個阿媽就妥善照顧佢，哈哈。成個爐o既人都無帶水....簡直係瘋狂呀！聰明|o既會長將唯一一支自備o既冰水分晒比佢地。真係好辛苦呀，我最怕曬家嘛，仲缺水添.....好暈

莊庭晧拎住支 UV Protection，我叫佢唧 d 比我，佢竟然直接搽落我隻手....呆左。
鋤 2，會長寶刀未老，三炒黃志榮。

我地本身有六個爐，比下又一個，比下又一個，比剩兩個......應承個半鐘後讓比人，但仲有成百幾隻雞翼.....我地本住珍惜食物o既精神，於是我，樂樂，侯紹華好 intensive 咁燒，平均三分鐘燒八至十隻；侯紹華負責叉，我同樂樂負責燒，陳浩剛、Ada、Betty負責食，一個鐘清晒所有扒同埋雞中翼，簡直係創舉。我用電話影低左呢個壯觀o既情景....可惜仲有兩大袋雞全翼最後都燒唔晒.....

玩集體遊戲，會長堅持要同樂樂一組，有個 King's o既小朋友好白痴咁大大聲問：「你鍾意佢呀？」
小朋友，你低 B 架？你知唔知我係邊個呀？不過我唔怪佢，因為佢唔識我，識我o既人根本唔會有咁o既疑問。會長回應：「唔通鍾意你呀？」

輸左o既人要去同是但一個途人講：「Hi，我係 William Hung，(再唱)"Talk to me Tell me your name"(要跳住舞)」

對方係一對情侶，男仔說：「我拍唔切呀，可唔可以做多次呀？」佢仲播返比我地睇添。

再玩話事啤，輸左o個組(五個人)要去同是但一個途人講：「施主，貧僧/貧尼法號淨身/淨心，(唱)"南無阿彌陀佛" x 2」

>>April 14, 2004 at 11:11:40 PM GMT+8

2004 年 4 月 10 日 星期六 【晴】

會長尋晚好自信咁話 "返教會o個日唔洗校鬧鐘都會知醒"，結果我今日七點五十五分就自己醒左喇。重要o既聚會，當然要盛裝出席啦，所以我遲左少少.....仲要蕩失路....英名盡喪

一個咁好o既地方，點解我而家先返去呢？你會因為屋企太遠而唔願返屋企嗎？

搵唔到 d o岩我年紀o既主日學，是但上一班。今日原來係浸禮及主餐日.....幾時先到我企出去講「我願意」呢？幾時我先可以守主餐禮呢？好開心咁耐無返都仲有人認得我...

Miss Kam 叫我返去唱詩班，我都好想再著返件詩袍，不過考試完左先啦。完左崇拜同 Miss Kam 同 Miss Kam 個媽咪食飯。

返屋企再換上另一套盛裝(formal attire)出席喪禮。又再蕩失路，行到我幾辛苦呀。(衰高踭鞋...仲要比 d 衰小朋友踩左一腳)

會長幾時都係十下十下o既，入到去見個個食緊飯，唔知點算好，走返出黎....又入返去。唔知要行到邊先要留步，所以慢慢行....又唔知家屬謝禮o個時要唔要向住佢地....好傻仔呀....算啦，凡事都有第一次。要用吉儀o既錢去買甜野食，結果會長就著住套 suit，大庭廣眾拎住個軟雪糕食喇。shooting....suit 婷

會長：「唔知點解我硬係凝住樂樂買比我o個包椰汁糕好食過家姐買o個包。」
Tommy：「梗係啦，大包咁多。」


激嬲左 Tim 同學，佢今日唔睬我喎

>>April 11, 2004 at 5:22:14 PM GMT+8

2004 年 4 月 9 日 星期五 【晴】

Tim 同學調戲我....最後我比佢沖左落厠所

家姐今日同佢男朋友一家 BBQ，返到黎向我訴苦，笑死我.....
世怕燒秋刀魚，跌左落 d 炭度：「唔緊要，當交稅...」

家姐：「喂，過黎幫我手洗粟米丫...」
Anthony：「唔得呀，我要啤住隻馬騮呀」
下次我又去，哈哈哈

迂腐迂腐迂腐迂腐，我識打喇

我今日做左樣好負心o既野，我係咪唔o岩呀....

又化妝又戴 con 真辛苦

尋日發夢我盆黃金葛變左菜心，幾唔開心呀

家姐：「我好憎 2R...」
會長：「我聽人講係個妹發明星夢拉埋個家姐入行。」
家姐：「嘉利你又去做明星啦....」
會長：「你去做比卡超啦，佢都幾紅....」
三個：「哈哈哈哈」

會長煩惱信箱現已開放，歡迎所有有"更年期"、感情問題o既朋友搵我傾計。

>>April 10, 2004 at 5:26:14 PM GMT+8

2004 年 4 月 9 日 星期五 【晴】

Tim 同學調戲我....

家姐今日同佢男朋友一家 BBQ，返到黎向我訴苦，笑死我.....
世怕燒秋刀魚，跌左落 d 炭度：「唔緊要，當交稅...」

家姐：「喂，過黎幫我手洗粟米丫...」
Anthony：「唔得呀，我要啤住隻馬騮呀」
下次我又去，哈哈哈

>>April 10, 2004 at 3:11:45 PM GMT+8

2004 年 4 月 8 日 星期四 【晴】

未訓醒已經好開心，我發夢有兩個好朋友/朋友陪我食飯

好辛苦終於攪掂個電話簿

我一路都以為係星期二去 BBQ，所以特登揀星期一、三返工....點知原來係星期一BBQ.....咁O岩公司尋日又叫我星期一唔洗返.....不過呢 d 唔係叫做巧合，係恩典

會長星期二答應過，今個星期日無論如果都一定返去，邊個約我都無得傾....(會長：「邊有人約你o者？)

如果我識路，我好想一個人去踩單車....

朋友 info 每一個字的轉變，會長都看在眼裡....

好野，o係阿妹度搶左隻 Kinder 出奇蛋，超難食，如果唔係為左個玩具，我先唔食佢呀.....今次個玩具超無聊，係一群2D、玩緊雜技o既象......成隻蛋都"超水準"

Roy 同學 "like我個頭"，哈哈哈。要實現理想，先要増值自己，咁我.....做下 facial 先....哈哈哈。

我好乖，做 MS Assignment，讚我丫~

我頭痛呀...

我問家姐借錢還返比媽咪：
家姐：「打開我銀包自己拎啦....」
會長：「....噫？得報紙乍喎，哈哈哈哈哈.....」(原來比報紙遮住左)
好野，阿媽收少我 $275，我無咁貧窮喇。

媽咪：「嘩，爸爸，你 d 花就黎高過我喇....」
阿媽真係越來越攪笑..... d 花三尺高乍....

Tim同學因為妒忌我...攪到妒火焚身

>>April 9, 2004 at 4:23:46 PM GMT+8

2004 年 4 月 7 日 星期三 【晴】

我懷疑會長身體有 d 問題....
最近不時發燒，仲無胃口食野添....

今日首次化左一個完整o既妝走在街上，好難受喎....同 Tim 同學尋日著 suit o既感覺類似，我覺得自己好似o係度扮女人咁.....

我唔開心呀，點解我要咁悶o係屋企喎.....
AC MC test終於有成績喇，會長係醒喎，我以你為榮，不過我都唔覺得開心....
總觀今次成個 mid-term 都考得唔錯

>>April 8, 2004 at 11:42:58 AM GMT+8

2004 年 4 月 6 日 星期二 【晴】

會長病，好頭痛呀...可能又發燒，而家探下先，等等下.....

一早起身返學，print notes 攪到遲左上 MIS lecture，坐握手位....好眼訓又唔可以訓，真係一個悽美o既故事

Management tutoria l---> Econ tutorial

Ryan說：「如果你地今個星期上左堂，就一定會識答呢題.....」
死喇，我上左堂，但係唔識答呀...所以落堂後即刻去食飯，再去上返尋日o個堂，可能我太唔清醒喇.....我明明記得 Roy 同學話o係 LT-10架，點知入到去，上緊SA3021，咩黎架？又去 LT-12 睇下，又錯？點會咁架？逐個雙數o既試...見到灰熊同學，打個招呼，佢話：「我去 LT-18 上 Karkar 堂...」哈哈，天助我也，神知道我乖，派人黎幫我呀....上上上....好悶呀，同尋日講o既每一句都幾乎一樣，所以我又發夢.. ...曳人“ )

Tim 同學今日 formal attire：「我唔想著 suit 呀 ，覺得自己好似衣冠禽獸...」乜你唔係咩？
上 Management lecture，由於上次激親 lecturer，我地唔敢坐咁前，仲由右邊搬去左邊.....Chris 話 Roy同學唔夠靚仔：「我有個 friend 仲靚仔過佢啦...」會長：「咁快 d 介紹我識啦！」Chris：「佢唔o岩你架，佢學歷低過你...」會長：「Cher.....真係唔o岩我喎」

惡魔 Chris 誘惑我玩，結果我地玩到啤牌都出動埋，輸左要鍚 Tim 同學。根本就係一個陰謀， Tim 同學無啦啦被捲入腥風血雨o既旋渦，而 惡魔 Chris根本就係暗戀 Tim 同學o既....借遊戲掩飾，令天真無邪o既 Tim 同學要屈服o係佢o既淫威下....真係一個大騙局....但係最後，我輸左喎...

Chris：「Angela 頭先同我玩輸左，佢要咀你三啖喎...」
Tim 同學：「係呀？好呀，黎啦，我比隻手你丫」
會長：「遊戲未完，我無輸....」
啊~ Tim 同學咁樂意，佢一定係暗戀我....就係咁，我地陷入一段糾纏不清o既三角關係。真係一個曲折離奇o既故事.....

出得黎行，就預左要還...我今日還左之前欠 Tim 同學的一餐飯
三個一齊去食 tea....我一心諗住去八達通個 cashier 買野，唔知點解又去左另一個 cashier，比收銀小姐寸：「唔好意思呀小姐，呢個 counter 只係收現金架乍.....」
食緊野o個時，會長唔份氣：「我頭先拎住八達通之嘛，都無話要用八達通比錢...」
Tim 同學：「請問呢度係咪搭地鐵架？我自由行，唔識路呀...咁可唔可以増值呀？哈哈哈哈」
會長宣佈：「我生氣了，哼」

返工，好眼訓呀，做左一份就懶到放工.....期間約 Steven 同學去唱 K，好高興... Steven說：「阿 Roy 好返未架....」....Roy 同學唔理我地喇，佢有新歡喇.....突然想聽日去唔知大埔定大圍踩單車，Tommy 又唔得閒...無啦，完全無人理我喇

樂樂打電話比我，叫我 BBQ o個日一齊去買野，哈哈哈，好野~做乜有侯紹華把聲架？作死呀？阻住我同樂樂傾計...

>>April 7, 2004 at 5:45:26 PM GMT+8

2004 年 4 月 5 日 星期一 【晴】

"支力" 死我喇......朝九至第二朝一呀.....

朝九晚五返學....上 Econ 堂太眼訓，打聽下聽日幾點有堂，睇下有無機會聽日先上，而家抖抖....無啦，撞左 Ryan tutorial....唯有支持住啦....無人同我食飯...需知道會長係唔輕易約人食飯架，你地錯失大好機會喇。見到 Chris 同學，會長：「連你都拒絕我就無人會同我食飯架喇....」Chris同學好賤地說：「我要傾 EN 呀，我拒絕左你喇。」哼...最後你咪死死地氣黎搵返我，嘿嘿嘿....你有幸可以望住我食飯....不知幾多俊男日等夜等都係想咁乍，呵呵呵。 Chris 同學真係好有風度喎，我o係 City 識左咁多男仔，佢係唯一一個會幫我推門，或者幫我拎重野o既人，不過佢今日用門夾我.....

睇 MS 班相...一片無奈
會長：「MSS次次都搵d 唔識影相o既人負責影班相」
Chris同學：「yes ar,the photos are very bad ar」
會長：「extremely bad,cannot see anyone clearly」
Chris同學：「yes ar,especially u have a beautiful face,they have ignore」
會長：「係囉,真係唔開心，你俊俏o既面孔都比佢地糟蹋晒」
Chris同學：「sure la,we are so poor in the photo」

《感人至深小故事》我比釘書釘吉親左手食指，成截插左落去，開頭唔痛架，又無流血，以為無事啦...隔左十幾分鐘望到 d 血滲出黎，就開始好痛喇，(會長：「你又幾遲鈍喎」，Angela：「呢 d 叫做 high tolerance」)....嗚嗚嗚...見到蚊蚊同學，話比佢知我受傷，佢即刻捉住我隻手睇.....佢真係關心我喇....

返工，比 Poey 小姐笑我件衫污糟左...食野論盡之過....hehehehe....Mandy小姐又笑我白色衫裡面著紅色內衣...喂，兩位，你地女仔黎架喎，望咩o者“ )

一個人去飲野，(返到屋企...嘔 ~_~ )等接機....好"支力" ，為左 d 好味o既手信，我忍....好野，家姐安全抵步，搭的士返屋企。嘩，佢掃左千六蚊護虜品，呆左。好野，家姐話包勁大芒果乾係特登買比我架！佢話記得我鍾意食芒果乾，好開心呀，仲有椰汁糕...yeah~

Tim 同學請注意：你係我o既好朋友，我又係你o既好朋友，咁即係有朋友陪我地啦~

Tim 同學回應：「我覺得去遊行真係唔錯
當人人舉起"還政於民""全面普選"既時候
我同你舉起"生日快樂"
真係別有一番氣象....」

會長：「好呀，係咪真架？」
Tim 同學：「係真架，你夠唔夠 pok 先?」
會長：「夠，約實」
Tim 同學：「...........黐線架.......」
會長：「你要大叫 "會長生日快樂"」
Tim 同學：「呢個冇難度」

>>April 6, 2004 at 6:36:29 PM GMT+8

2004 年 4 月 4 日 星期日 【晴】

我同佢好返 lu，經過一星期冷戰，佢尋日返到屋企，我地大家都扮無野~我就順勢叫佢幫我簽卡買電話...一家人係唔會有隔夜仇o既~

一早起身玩《叮噹大富翁》，屈機...贏九十條街....
我又要食人見人愛丸~

《The Mass》
Semper crescis
Aut decrescis
Vita detestabilis
Nunc obdurat
Et tunc curat
Ludo mentis aciem
同 O Fortuna 有咩分別呀？請指教。

睇鄧肯同學的日記...佢講起「理想」。我估我有一個好遠大o既理想，識我耐o既人應該會知...以前我個 homepage 有講過.....今日等我比個機會 d 新朋友仔了解下我啦....原來舊居得返一頁乍，就係《會長語錄》喇...睇返都覺得好開心，因為每一句都係好開心o既時候講o既。Big 2 Alliance而家好似名存實亡咁，我呢個會長實在要難辭其疚.....

我o既理想係將來過 d「平淡而奢侈o既生活」。
中午：淨係o係 Chris 同學面前我先係個識音樂o既人，哈哈，我地交流下心得。我已經話過佢好多次，要接受我優秀過佢呢個事實，不過佢仍然妒忌我....

下午至晚上：Date with handsom guy~ 我最鍾意人地讚我套衫靚架~hehehehe....去跑馬地馬場行下

戴 con 真係好辛苦呀.....最慘係怕光....

Tim 同學請注意：反正我地生日咁近，不如一齊去麥當勞開生日會丫，反正我知你同我一樣係唔怕白痴o既....因為你咁大個人影相o個時連「V」字手勢都做得出.....哈哈哈。我未試過去麥當勞開生日會呀，好想試下

買左張得意卡準備送比 Shirley，(張卡有名堂架，叫做青蛙朱古力卡)，上年遲左，今年一定唔會喇.....

寫卡比 Shirley，打開紀念冊抄地址，見到 Kenny寫比我o個頁....原來我話過我著橙色衫即係代表我o個日心情好...唔知佢仲記唔記得呢。我其實好憎人寫 d 無聊野比我.....不過我又唔會寫 d 有意義o既野比 d 我唔當佢係朋友o既人...哈哈，如果個個都係咁諗，睇黎我都無乜朋友....

咁耐以黎，我最比心機寫同埋裝飾o既就係 Kenny 本紀念冊，因為佢o係我心目中有好重要o既地位，我o係佢心目中都一樣。邊個對我好，我是知道的。個個都話會長成日都好似飲醉左咁，都係o個句，眾人皆醉我獨醒。有好多野，你地以為我唔知，其實我係知架，我扮唔知o者，大家都唔講出黎，咪扮無事囉

打機 lu~

>>April 5, 2004 at 3:53:41 PM GMT+8

2004 年 4 月 3 日 星期六 【晴】

好悶呀！

祝我自己兒童節快樂。
我發燒呀，101.5F，好頭痛。照鏡，發現發燒塊面會白裡透紅 ，唔想好返住添~
唔知係手震定係與生俱來o既論盡，我打爛左支水銀探熱針，冒住生命險好小心咁收拾殘局

「你們若有彼此相愛的心，眾人因此就認出你們是我的門徒了」約翰福音
"咁我都要扮晒關心你o既"，這就是耶穌的門徒？！

今日太悶，聽日要去街，彌補今日咁悶，同埋疾病所帶來o既痛苦

>>April 4, 2004 at 5:27:47 PM GMT+8