2004 年 7 月 20 日 星期二 【颱風】

好悶....

有新袍喇......太好喇,添叔仲俾多幾件我換~~~^^

蘭花伯伯又送花黎,好有心....

magaret今日無端端又想請我食tea...推左好耐先推到...哈,我今日無生意,悶到已經不停食野...
點可以仲食tea...個肚會爆架.......

kathy今日好慘,俾suki夾硬開大冷氣凍病左...我幫佢熄細個冷氣,suki已經好抆..
kathy自己去熄,就俾suki勁鬧.....唉~無眼睇....

夜晚睇左個email,係Boyz入面果kenny俾人整暈左,除左佢d衫,影埋d口交相......
以前會覺得只係女仔會慘d,原來男仔仲慘.........呢家d人係咪痴線架,變態的...


>>July 21, 2004 at 3:03:32 PM GMT+8

2004 年 7 月 19 日 星期一 【乍寒還暖】

今日仲無聊過尋日.....除左接左一隻CASE之外,同聽好多電話,今日其他GE CASE都係D 社工俾我GE....陰公....我好悶呀~~~~~~~~~~~~~~~~~~~~~~~~~~~~~~~~~~~

因為太過得閒,所以就諗住食TEA.....Suki無端端又請我食,佢話因為我可愛0丫.........哈!講大話~~
所以成日都係到係咁食.........跟住就覺得好開心喇....^^

唔好同我傾咁多計....我唔夠訓耶......



>>July 21, 2004 at 2:37:27 PM GMT+8

2004 年 7 月 18 日 星期日 【乍寒還暖】

一日夜訓過一日.....尋晚為左搞d好無聊ge野,整到兩點幾,仲要係失敗ge.....唔好玩ge....
返工釣魚....

一朝早黎左個阿叔,幫佢申請緊,問佢拎文件時,佢就發狂咁話要投訴我,要
見我經理,主任.....我咪答佢:"好,好,好,投訴呀~你等一下啦,你投訴都係照申請架啦,要申請就俾埋D資料我填...我填完再俾你見主任呀0下~~"
開始當d投訴係家常便飯....左耳入右耳出....

心入面就諗:"投囉~有本事你就去投訴,講咁多...唔想見到我,我就偏係要得係你面前,咁唔滿意咪走囉~~~~:P"

當然Eva都係覺得我做得0岩架啦.....人窮,都會受尊重,但佢呢D就好乞人憎~~有錢又扮無錢,仲講到幾咁有骨氣咁......
但又唔可以窒返佢,谷住啖氣....

我最會同人拗交,要煩我,我一定煩返你到底,但同事話,唔顧自己都要顧住佢地....咁又係,投訴我,老闆第一個有麻煩....反而我一定無事...
尤其係返工返到好厭GE我.....我好鍾意份工就話0者~~

同事話我已經見慣晒d咁ge場面.....緊係啦,以我咁良好ge服務態度(無野做嘛,當然態度良好,歡迎光臨啦~~),都成日俾人問名....仲可以有乜反應~~

仲話我做到心理變態添....因為最終呢個阿叔,得把聲,唔敢投訴我(可以投訴我咩呢?),我專登企正佢面前,唔聽Eva同d同事勸告,迴避佢......係要企正佢面前丫.....我好鍾意睇人地激到生蝦咁跳ge~~你越bear我,我越笑比你睇....真係心涼!!!!
無賴,我都識,你唔正常,我咪正常俾你睇下囉......我唔想學d同事,俾人投訴要即刻迴避走左去......無錯,我點解要認....我走會俾人以為我怕佢....助長晒佢地黎發惡~~~今日小玲仲未需要為五斗米折腰....我知道再成熟d ge時候,我會連呢少少ge傲氣都要收埋........

帶左盆花仔返office種....靚靚~~^.^

有個阿伯,每星期都拎白蘭花送俾我地....今日咁大雨,佢都黎,差唔多成個
office d 同事都去勸佢唔好再黎,太辛苦了~~大埔行黎沙田.....

今日Magaret又請我食apple.....佢話我面色差,要食多d生果....真的嗎??
不過一向都係喪屍樣.....唔夠訓時,係嚇人d ge......





>>July 21, 2004 at 2:30:05 PM GMT+8

2004 年 7 月 17 日 星期六 【雷雨】

上個星期出左街,都無執過房.........間房打過仗咁,好彩呢家無乜朋友會上黎坐.....
間房實在太失禮喇.......混亂到不得了........

今日用左成日黎執,黎抺....勁封麈.....d櫃桶都未執咋......一開會跌晒D野出黎......
點解一日咁少,唔夠用啊~
都怪自己,平日整得佢太亂,無手尾......我咁爛ge女仔.......絕種架喇~~:p
我係男仔咪好囉,算企理架喇.....

幫阿哥車返頂帽.....車到歪左d.....d同事會唔會笑佢呢~~^v^

係那打素買果三盆盆栽,死剩一盆......唔知救唔救得返呢......
不過又種多好多盆0野~~
媽子見我咁鍾意種,仲話買多d返黎俾我......太好了~~

今日除左抺抺抺之後,就係食食食..........太幸福了!!

到今日才想起.....尋晚食飯唔記得約joey....因為星期五佢唔得閒,就不在名單中,
星期六再約人時,就遺忘左佢.........
其實我好多人都想約去.....哈~
我都係等人約好過約人......嘿嘿~

我想睇"太極旗飄揚" & " 導盲犬小Q "耶......不過點解D朋友好似連邊套都唔知,你地無搭車GE咩??????????




>>July 18, 2004 at 4:02:29 PM GMT+8

2004 年 7 月 16 日 星期五 【颱風】

訓左6個鐘就起身喇,我好唔捨得張床呀.....

返到office, dr仔就黎左,好早呢~佢拎埋好多零食放左係櫃桶,谷肥我嗎?
佢諗住今日得我一個,佢可以坐埋入黎,點知kathy返左黎,仲有好多野問.....
dr仔不敵佢連珠砲發,所以都係返左屋企先,收工再黎搵我...

嗯..我會好好再諗清楚個問題....努力去嘗試從朋友開始....但需要點點時間.....

KATHY下星期又坐返過0黎,有排同SUKI嘈交,我耳仔又受罪喇~~
佢真係好識搞關係,但我唔係咁鍾意人係咁.....
一收工,佢已經捉住我一齊走,平日又唔見佢係咁......
又想我吐料俾佢聽.......啋佢都傻~~
於是我一路行,一路只係同dr.仔講野.....,哈...我很衰!!

係沙田行左陣就返屋企........又係車到訓到去左青怡花園.....我真係累成咁??
好耐無試過搭過站咯喎......

阿lung見kathy坐左係我房,就坐埋黎同佢吹水,仲同佢講理論,仲要捉埋我一齊聽,
我原本聽到已經係到偷笑架啦,仲逼我一齊聽,忍笑忍得勁辛苦.....尤其望到kathy個表情....
身為老師,仲要俾阿lung咁樣黎教書,講極阿lung又唔知人地想佢走......
真係笑到我肚痛.......佢仲係咁問我陰陰嘴笑咩......你真係想知??!^^

雖然今日好大雨,但最終都約得成出街食飯仔.....有RABBIT, KA KIN, PO YAN, LILY & ME......
我地等位等得太耐喇....餓到走去買朱古力食,好搞笑.....
個半鐘頭後就食得喇.....一班人有講有笑.......愉快的週未~~=D
講起以前f.4,5 d野......讀書年代,玩得最開心,無憂無慮的日子~~
最搞笑係,我地都有班好搞笑GE同事~~:P
走時,仲約定下星期又去食野.....非常好~
最好,個個都去到!!!

食完,寶恩同阿LI兩個傻左,不停睇D扮靚靚GE野,原來將佢兩個放埋一齊係會咁瘋狂架~~

PO YAN & RABBIT都話"你二十幾歲就咁110磅...唔得架...."
但我真係覺得我好正常喎.....我仲覺得我幾瘦下,係對腳唔多正常0者....做下運動就OK架喇......
呢家D減肥風真係好誇張.....我要好正常就可以了~~^V^

返到屋企都點多....搞下D無謂野都成三點LU.......很累.....
訓得夠唔夠都會覺得很累...........因為...我實在太喜歡訓覺~~

做乜成日問一D我唔識答ge問題?
不過問得好ge......我真係唔知我鍾意邊個.......或者根本就無鍾意0既.....





>>July 18, 2004 at 3:54:46 PM GMT+8

2004 年 7 月 15 日 星期四 【酷熱】

今朝掛緊3號風球都唔知就走去返工....成日無留意天氣,真係掛八號風球又傻下傻下咁返工就笨喇~~

落車撞到會計部果個人,佢無遮,突然閃左埋黎之餘仲不停搶走把遮黎玩...
我知佢係想玩下,但因為覺得佢唔係好人,所以我整左個幾黑ge面對住佢...^^
即刻乖晒~~~呵呵!!

變態的,平日,人潮係十點過後先會出現,今日d人可能想趕係八號風球之前睇醫生啦,一早衝晒黎,十點半咋,見左5個PATIENT.....真係人都癲呀!!
早餐都未食架...

成朝唔係magart話我知就8號風球,都仲烚下烚下.....
不過佢話我知,係叫我,未掛都唔好走住....幫手見晒D PATIENT為止....
但我住得遠,規例係可以早d走人架嘛......點可以唔俾我走...
我得果架車架咋....走唔到就大鑊~~

十一點多,發現Gary一早走左,我住遠過佢呢.....我即刻同magart"上訴", 所以11:25走左....嘿嘿嘿~~~
塞左成個幾鐘頭車,落車時,後面連住3架49X....真係陰公~~

有d人有時就好好,有時就好衰咁,真係唔識分邊d係好人,邊d係壞的....

之後去唔去到食飯呢,難得約到咁多個....仲有架架...

夜晚就一路dl hong hong d貓貓日記,一路睇.....成點幾鐘先訓...
好眼睏呢....哈~

係icq到發現左d好搞笑ge野,點解d男仔去滾要咁秘密0既?唔俾得人知0既咩??
仲以為工幹會好好玩添.....要食蟲蟲...太嚇人喇~

突如其來半日假,但又出唔到街,好無聊咁渡過........有呢半日假好OR唔好呢?




>>July 18, 2004 at 3:17:13 PM GMT+8

2004 年 7 月 14 日 星期三 【酷熱】

今朝好生意呢.....仲俾老闆叫埋去入機~~

又坐gr,又坐社工房,聽埋聽埋好多是非呀.....要洗耳仔~~

阿lung因為尋日撞穿左個頭,所以要剪短d頭髮貼膠布....聽講出血呢....佢話醫生話應該我個頭傷d喎...因為我係被撞,不過我好似無乜野喎.....
但阿Lung成日失驚無神走0黎摸人地個頭喎,搞到我俾d同事笑,細路女,要俾阿爸睇下有無發燒....=.="

lunch去買飯發生左件趣事,話說suki見到有個套餐勁抵,咁我地就一齊買啦,我見咁抵就要多杯特飲,再加左個甜品同小食....但買完之後,先發現我買多三樣野,只係貴suki幾蚊......,原來個職員當左我係學生,所以收左個學生價.....就係咁,d同事決定以後叫我去買飯.......我啋佢地都傻呀~~我唔要扮學生...:p

夜晚講講下野,都可以開戰ge....莫名其妙~
導致心情低落.........

隔籬屋隻貓走返返黎喇....俾人放生左都識返屋企,醒目~
不過一返黎就搵肥仔打架....




>>July 18, 2004 at 2:50:58 PM GMT+8

2004 年 7 月 13 日 星期二 【酷熱】

今日見親D人都好激心?......講到有吐血GE感覺...........

Gloria過左黎同我吹水~~

成個下午係到幫KATHY做"打手"打佢D Paper work ......佢地係咁話我打中文快....對比佢地就係,係出面黎講都係慢~
不過一路打,一路覺得熟口熟面.......因為同佢之前俾我睇果份差唔多.....係抄之前D學生哥GE...還是模式都係咁樣呢.........?

好彩有D野打下,唔係悶死.....

發生罕有意外,阿lung蹲左係地下到同我講野,順便俾佢d相我睇時,suki就笑我地黏得太埋,俾佢咁講,大家都自然彈開,但佢一起身就踩到自己件袍,跟住就成個飛彈咁撞埋黎,我好應咁食左佢個頭搥.....額頭同個鼻都俾佢撞到,痛到哎唔出.....只係識掩住塊面,佢就撞到眼鏡都歪埋...,因為個額頭即時腫左出黎,就俾佢地拖左去睇急症....阿lung不停講sorry之餘仲講埋d好得人驚ge野,我除左覺得痛之外都唔覺有乜唔妥,所以我都係唔睇醫生就上返去做野....跟住收工....
suki姐睇住我地撞ge,都唔知咁大鑊,淨係識笑喎,上返黎之後,佢仍未笑夠...
飛來橫禍!!!個鼻都唔知有無歪到....好痛~

收工到返屋企都好多人用奇異目光望住我,我以為佢地望個凸額啦,點知返到企先見到塊面原來有一大撇黑色....=.="

返到屋企就訓到食飯先肯起身.....




>>July 18, 2004 at 2:48:17 PM GMT+8

2004 年 7 月 12 日 星期一 【酷熱】

尋日成日都食得太多垃圾落肚.....個肚痛到不得了.....搞到訓得唔係幾好....

今朝全屋人都勁早起身,五點醒左之後都訓唔著,?命~~

suki唔知搞乜鬼,令我幾反感,佢幾時變得咁煩人?

今日醫院有捐血站,叫左好耐都無人陪我去捐血,GARY就肯去, 不過要等到佢得閒,所以我就自己一個過左去先,SUKI又想去八下,佢呆企45分鐘等我,俾佢哦左好耐呢~~

第三次lu~~

醫院GE捐血站姑娘問得勁詳細...捐緊血時係隔離不停講講講......
佢見我50.8KG,俾我揀捐細包定大包血....我緊係揀細包啦~~
雖然都拎住幾多野下,但原來我無乜點重過......佢地個個怕肥就唔捐~~
尋晚都唔夠訓....不過還掂唔多野做,咪去捐血囉~~^V^
我望住我D血好踴躍咁流出來,真係我血管粗D??
唔使15分鐘就搞掂一包LU~~

今次我都係堅持拮左手....又多個窿窿.....再捐多D會唔會好似吸毒咁?
捐完唔俾人飲水,只係俾人飲汽水....變態的~~
好眼睏,超眼睏......俾mum知道我又捐血實會有排問....今日要扮傻~~
捐完有支幾cute 0既筆&章...

跟住兩個老闆同兩個社工都去捐血,得兩個可以捐到,證明我身體唔錯呢~~^^

D同事好鍾意請我食野,尤其生果,之前已經有布?,橙,士多啤利&芒果....今日Magart仲買左一箱木瓜,拎左兩個俾我,但我唔食木瓜,煲湯就飲......
所以都係俾返佢~~
成堆同事係咁話"你要食呀....木瓜對你好有用呀~~"....=.="

去CAMP,BBQ.......我乜都想去.......

搭車累到不省人事咁.....同捐血有關嗎?

返到屋企同阿媽自首,話捐左血,佢又大為緊張喇.......

食飽又訓,再走起身睇電視............搞乜咁眼睏........





>>July 13, 2004 at 2:57:40 PM GMT+8

2004 年 7 月 11 日 星期日 【乍寒還暖】

係醫院門口撞到過黎開會GE Gladys & Samson....因為唔知係佢地,仲大搖大擺咁係佢前面棟左係到,Gladys就扮睇我唔到, Samson就慌死我睇佢唔到....好大對比呢~~

晨咁早就俾人追問UE考成點....可憐....咪提起人家d傷心事嘛~~

今日又做d咩好呢...發呆?

Anise講左個好似幾好咁GE英文Course俾我....睇下0岩唔0岩讀先~

食完晏,轉個頭已經見到SAMSON企左係OFFICE門口,佢叫我收工等埋佢,因為
佢要過去青衣城,但唔識路,所以想車埋我返屋企,順便等我帶路(唔順路呢~),
我好茅咁拎本地圖教完佢就算.......俾suki聽到,勁話我奸....仲係到搭嘴~
做埋d好肉酸ge野,仲講晒我d野出黎咁滯....滴汗~=.='......想毒啞suki....
佢又唔係約我去街,問路嘛,咁我咪教路囉,好正常,suki諗得太多,係office都幫我作左好多故仔....好煩!!不過佢勁話samson靚仔,好似好怕羞咁....佢真係唔知samson幾咁騎哩.....不過samson俾佢咁搞幾搞,下次應該唔敢再黎,都好ge~~

suki又同d社工嘈架,錯又唔認,kitty教佢,仲俾佢鬧埋一份...好野蠻....佢都唔知d同事唔係幾鍾意佢.....唔知出面ge office,係咪都係成日會咁嘈ge呢?
聽到好厭呀...

太無聊喇,所以走左去7 仔買左袋雪糕同GR同事一齊食,社工就無份,因為唔係太熟....阿LAM就次次都無份,唔食得甜野....真慘~~

同po yan講左陣電話,又係沙化訓左~





>>July 13, 2004 at 2:43:44 PM GMT+8