2004 年 7 月 28 日 星期三 【晴】

感恩與惜福

有一個人，他生前善良且熱心助人，所以在他死後，昇上天堂，做了天使。

他當了天使後，仍時常到凡間幫助人，希望感受到幸福的味道。

一日，他遇見一個農夫，農夫的樣子非常困惱， 他向天使訴說︰「我家的水牛剛死了，沒牠幫忙犁田，那我怎能下田作業呢？」 於是天使賜他一隻健壯的水牛，農夫很高興， 天使在他身上感受到幸福的味道

又一日，他遇見一個男人，男人非常沮喪， 他向天使訴說︰「我的錢被騙光了，沒盤纏回鄉。」 於是天使給他銀兩做路費，男人很高興， 天使在他身上感受到幸福的味道。

又一日，他遇見一個詩人，詩人年青、英俊、有才華且富有，妻子貌美而溫柔，但他卻過得不快活。 天使問他︰「你不快樂嗎？我能幫你嗎？」 詩人對天使說︰「我什麼也有，只欠一樣東西，你能夠給我嗎？」 天使回答說︰「可以。你要什麼我也可以給你。」 詩人直直的望著天使︰「我要的是幸福。」

這下子把天使難倒了，天使想了想，說︰「我明白了。」 然後把詩人所擁有的都拿走。 天使拿走詩人的才華，毀去他的容貌，奪去他的財產，和他妻子的性命。 天使做完這些事後，便離去了。

一個月後，天使再回到詩人的身邊， 他那時餓得半死，衣衫襤褸地在躺在地上掙扎。 於是，天使把他的一切還給他。 然後，又離去了。 半個月後，天使再去看看詩人。 這次，詩人摟著妻子，不住向天使道謝。 因為，他得到幸福了。

你曾覺得孤獨？你嚐過幸福的味道？ 孤寂、璀璨本就是形容詞，所有的形容詞都是比較的。 沒嘗過孤寂，又怎知何謂璀璨的人生？ 孤寂又豈非人生之必經？

人很奇怪，每每要到失去，才懂得珍惜。 其實，幸褔早就放就在你的面前。
肚子餓壞的時候，有一碗熱騰騰的拉麵放在你眼前，是幸福。
累得半死的時候，撲上軟軟的床，也是幸福。
哭得要命的時候，旁邊溫柔的遞來一張紙巾，更是幸福。

幸福本沒有絕對的定義，平常一些小事也往往能撼動你的心靈， 幸福與否，只在乎你的心怎麼看待。

朋友，你的心，充滿了幸福嗎？還是，溢滿了哀愁？ 愉快的心情，敲你的心門時，你就該大大的開放你的心門，讓愉快與你同在。

幸福就是懂得感恩和珍惜我們現在所擁有的一切。

最後，送上一首溫心的歌給所有關心過我和你的朋友!　

http://www.pconline.com.cn/pcedu/carton/mtv/10309/flash/030926chongerfei.swf
~~^v^~~





Poem to all of you

Friends will come and friends will go,
The seasons change and it will show,
I will age and so will you,
But our friendship stays, strong and true

>>July 29, 2004 at 12:54:48 PM GMT+8

2004 年 7 月 27 日 星期二 【晴】

阿YEN今日好慘,與到個癲佬,阿YAN答佢"大聲唔代表無禮貌...",果個男人即刻想衝埋去打阿YEN, SUKI就用手欄左一欄,我就欄左阿YEN.....D人真係好衰..........

今日實在無聊得很....kathy同樣搵我做"打手"先無咁悶....
聽佢講左好多野.....^.^

搭車幫隔離個女人搬d野,佢好搞笑咁拎住份肯德基餐叫我一齊食,
仲想餵埋我食,我認唔住爆笑左出黎話"嗯....唔使喇,唔使喇......."
好似好衰衰咁....:p

而家成日都係返屋企就訓覺先,再起身食晚飯,跟住就坐到點幾....
搞到第二日成日無精神,惡性循環......




>>July 29, 2004 at 1:04:26 PM GMT+8

2004 年 7 月 26 日 星期一 【酷熱】

係一本書到學左果野...."Problems are not problem, but coping is."
問題不是問題,處理問題才是問題"

尋日收工,有同事帶我去睇草菇......~^v^~

有同事整左草餅返黎,仲教我整,哈~

今日着左一件好幾年無着過GE裙,一來以前着親都無人話靚...朋友仲會問點解咁着..
二來,太搶...見擺左咁耐,而且果時可能着得唔好睇,但呢家着應該會唔錯~就拎黎着啦,
成OFFICE,連老闆都讚靚....仲問邊到買...本來都高興GE,有人讚,之後,平日好少溝通GE周姑娘都走黎八下,十幾個人都不停研究我點裙.....搞到好尷尬......其實只係一塊布,任你點着.....
連阿LUNG & GARY都玩埋一份...直頭叫佢地成班檢點下.....哈...
俾佢地話我死靚妹,無大無細.......佢地發現得太遲......我一向"目中無人".....我盲的!!

係咪到左咁GE年紀就會留意人地着乜GE呢,佢地返工日日係到研究我D衫.....
搞到我好無奈吓....見緊人都係到同我講衫...玩我咩.....
或者係,我着ge衫,係佢地唔會着ge,所以咁好奇啦........
到我三,四十歲時,會唔會又係好似佢地咁,咁無聊呢...

GLORIA驗到咩事喇....希望佢可以做D好返~

收工前用左半個鐘同個阿嬸講野,叫極都唔走,同一句說話,出至GARY把口,個阿嬸即走....
使唔使咁大細超,歧視我細,.....可惡......日日都有N咁多類咁GE人...有乜辦法呢???

放工去買野時,遇到個舊同學仔,讚我靚左好多呀........哈~~
真係靚左好多,你都唔認得我啦~因為我真係唔認得佢係邊個......有好少好少印象.....
但我都仲可以同佢social到........勁!!!都有俾電話佢,不過我有名misscall王耶~~^v^
死啦...........失憶呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
係時候摷下本同學錄,認返下D同學個樣.....


http://fun-film.ecdisk.com/
係呢到睇左段好恐佈ge片........變態炸雞之前......勁痴線,監生將d雞扔埋牆扔死佢地,仲用腳踩......不人道的........真希望世上有輪迴呢樣野..........等佢地扔得咁爽丫喇...........

>>July 27, 2004 at 3:31:42 PM GMT+8

2004 年 7 月 25 日 星期日 【晴】

尋晚係ICQ傾得太耐......好眼睏....
右眼仍然都係腫左........想像緊,見人時,個PATIENT望住我大細眼,佢會唔會笑呢....

俾扣針拮到流血.....

搭車坐較出位置時,有個阿伯想坐我入邊個位,我就由佢坐入去,還掂我仲有兩個站落車,不過個阿伯好似入得好辛苦咁,但我俾佢坐出,我落車時實撞傻佢....有個阿婆,望到呢個情景,已經不停BEAR住我....我都知佢諗乜架喇......點知個阿伯一個站就落車,早過我....個阿婆見到就不停係車到鬧"呢家D後生女真係差,又唔肯讓個位俾老人家,仲要人走出走入........XX@C#C@#B#@M#M#<@",
全車人就望住我....真係....
今日勁呀....無駁佢嘴....皆因我好眼睏 + 一睇佢咁都有得鬧,就知佢煩,我又就落車....

今朝好似都唔係幾好運.....唔好有D咩事發生....

SUKI一見我大細眼,即笑.....=.="
唯有去睇醫生啦....鬼叫自己今朝唔記得搽藥膏....

LUNCH,KATHY整埋沙律黎,仲放左一大盒係我個餐到....其實我唔係幾食沙津架,我推左好多次......SUKI又食左兩盒,幫我唔到,我就夾硬食,加上我食得好飽,食到就想嘔....佢興奮到聽唔到我講左好多句"我怕食沙律...."....-.-....成個下午都想吐......

staff clinic果個的確係庸醫,完全得佢自己講晒,係咁問我係咪去曬太陽黎....曬傷左喎,要俾乜乜乜藥膏我搽....我睇眼腫呢.....醫生....
佢撩完女仔,問左好多唔關事0既野之後,正常d打藥單時,我先可以講到我係黎睇咩......醫生,哼~~

係到睇緊kathy本"個案工作"時,老闆望到都話我睇得好....
阿lung見到,問我"好得閒呀,睇書~"
我"係呀!"
lung"咁又係,你個位咁正...."
轉頭,即刻俾月尾ge OPAS我入機.....等我消悶..
有野做,我實做GE,講到我唔做野咁....=.="
肯一早俾我咪好囉~~




>>July 27, 2004 at 2:05:48 PM GMT+8

2004 年 7 月 24 日 星期六 【酷熱】

今日係屋企養老,寶恩打黎時,我訓緊覺,佢又係問我今日會做乜,我咁答佢時,佢講左句好精警GE說話"人地D阿婆,都會去飲下茶啦~~"
嗯...好提議.....不過我實在太眼睏......我係一個好懶的老太婆啊~~~~^^

尋晚唔覺意推跌左個風扇,就咁就報銷左......真係命苦呢佢......

玩D ONLINE GAME,平日只係玩......今日D人似傾計多過玩.....阻住我玩~~=.="

眼皮有點腫.....右眼腫到變單眼皮.......要看醫生嗎>??




>>July 25, 2004 at 4:47:32 PM GMT+8

2004 年 7 月 24 日 星期六 【晴】

餛飩的故事

譚寶碩

有這麼一個故事。

在一個煤礦裡，有天發生了事故，一個礦工因而死亡。

對於這次事故，礦上只負擔死者的殮葬費和發給死者家屬一筆為數不大的撫恤金。礦工遺下的妻子和一個幾歲大的兒子，頓時失去家庭支柱，惶惶不可終日。

在悲痛之餘，礦工的妻子還要面對生活的壓力，以後的日子怎麼辦？

這個時候，死者生前的一班工友在一起商量，想了一個辦法。

大家湊了一點錢，送到礦工的遺孀手裡，對她說：「大嫂請節哀順變，先想辦法安頓好今後的生活。大嫂不是煮得一手好餛飩嗎？我們湊了這麼一點錢，你看看能不能開一個小攤子，做點小生意，可以生活下去。」

礦工的妻子說：「多謝你們的好意，但是附近到處都是食肆攤子，我一個婦人如何能與人家爭呢？」

眾人說：「這點你放心好了，我們這兒有十二個兄弟。雖然我們也沒有錢 ，但起碼有這十二條心支持你。」

就這樣，礦工的妻子在煤礦的附近擺了一個賣餛飩的小攤子。

這個簡陋得不能再簡陋的攤子，只有幾個鍋，一張檯，湊合著擺了幾張小櫈子。地方是簡陋，但是送到客人手上的，都是熱氣騰騰的一碗碗的餛飩。

開張的第一天，最早來的便是那十二位礦工。他們每人買一碗餛飩，吃了之後上班去。隨後，絡繹不絕地其他的工人也來了，小攤子一下子熱鬧起來。

今後的日子總算有著落了。礦工的妻子，靠這個餛飩攤子的買賣，支撐著一家的生活。

人海滔滔，各人都為生活奔波。經營一個小攤子，也不是容易的事。

日子一天叉一天的過去，來吃餛飩的人有時候多，有時候少。畢竟都是礦工，誰都省著錢過日子，不會多吃多喝的。但是，那十二個礦工卻天天無缺，每人每天一碗餛飩，默默地支持這個餛飩攤子。

不論春夏秋冬，不論刮風下雨，嚴寒酷暑，他們從未間斷過。如果有人沒空，或者病了，他們也會叫家裡的親人來頂上。

他們對家人說：「這是我們十二個弟兄的承諾。多的我們幫不起，就這麼一點微薄的心意，總算是為不幸的人出一些力吧。」

人與人之間的關懷，就以這麼一點的心意維繫起來。

歲月不知不覺地流逝，礦工的孩子長大了，到城裡唸大學去了。礦工的妻子兩鬢花白，仍舊在她的餛飩攤子上忙碌。那十二位礦工，大多數都退休了。每天，都有他們的家屬到餛飩攤子上買餛飩，為的是當年一句承諾。

一個小小的故事，就這樣延續了十幾年歲月。

真誠，能經得起時間的考驗，長流不竭。

不一定是驚天動地，不一定是轟轟烈烈。

人性的光輝，在平凡的生活中，在細水長流中閃耀出光芒。

>>July 24, 2004 at 5:46:09 PM GMT+8

2004 年 7 月 23 日 星期五 【晴】

頭痛....晚晚都去做賊....
呢排成日出街,出到好累.....

BBQ可以順利舉行,仲可以去瀧鼓灘....^^
無得去就可惜咯~~

今日好眼訓呢....又得我自己一個喎,悶到慌....
尋日同姑媽傾計,都同佢講我呢個係退休位....唔使點做野....等俾人裁....^.^

坐足一日見兩,三個人,等到臨收工先走個人入黎,害我遲左成半個鐘放工......

入左元朗,累到死屍咁,端姐話我身材越來越好,皆因好肉地左,在讚我嗎?

DR.仔好醒咁摸到入黎元朗,唯有一齊行啦,但塊面每次整完都紅紅的,都唔想撞到熟人.....

一路由元朗到青衣,俾四間唔同GE護膚品公司PROMOTOR捉住...紅左D0者,唔係咁差嘛....見一次捉一次..
仲俾其中一個女仔搽左D唔知咩cream落隻手到,我都知大鑊架喇,即紅,個女仔見整到我敏感,嚇到走左去,
等個阿姐過黎.....不過我都無諗住話佢,哈~紅0者,抺左就無事~~

跟住仲要俾兩個sales保險ge抆住...其中一個由商場盡頭一路追到商場出面....係咁叫我填表,
雖然話只係電話同姓,但見住佢都覺煩啦,點會仲俾埋電話佢sale,傻的.....

最搞笑0係係超市買野,個經理係咁跟住我,態度服務一流,不停幫我拎野,我都其怪緊,跟住dr.仔一
行埋黎,個經理即走,走得好快,笑鬼死,我仲以為係超市呢家ge服務...^^
dr.仔話因為我今日着得太招搖.....係咩??!

返到屋企原本要煮飯,但實在太累,睡了..到九點,好彩MUM煮定D野食係到....老豆自己煮返黎食...

眼有點痛.....




>>July 25, 2004 at 4:25:55 PM GMT+8

2004 年 7 月 22 日 星期四 【酷熱】

昨晚忙?看一些很"益智"的東西,引致很晚才睡....

約人那方面,又有阻礙....每次都總有人用荒誕的藉口,奇奇怪怪的....
去/不去....很難答嗎?

按時出門,但早一班巴士早走了,使我又遇見那個人....=.="
他跟我說話,我也沒有應他.....問我是否很討厭他,我也沒有反應...
之後假裝睡覺~~:P....看不到,時運高,什麼都聽不到,看不見....
他令我覺得...我很可惡呢~~不應人很沒禮貌....不過我也沒有辦法啊~
我的名字也不知道,愛我甚麼?莫名其妙!!!!!

昨天來了個精神科的人,廿三歲,左青龍,右白虎,面有兩條疤痕,手亦有兩條長十多吋的疤痕...他發狂時,我站在一旁看,沒有接觸過他,今天經過Counter時,他又來了,扯?我的手,問我全名(投訴我??),阿LUNG看見,就扯?我另一隻手,想把我扯回Counter內,還大聲喝令人放手,因為他怕我會遇襲,但我更怕他刺激到病人,人家不知有沒有刀呢,有可能斬我隻手呢...
阿lung一扯,那病人就變了更大力拉?我,越叫越大聲咆哮,好像人家搶他東西...擾攘了一會,我不玩了,即說了我的名字.....

那病人笑了笑,隨即放手....拿了一張咭,寫下我的名字(佢寫"黃小玲"),說了句多謝,送了張咭俾我,就走了....嚇死人...
為何每次遇到怪人的都是我,每次被人拉?的都是我???為何認?我??

走廊站滿了看戲的社工&老闆....其後被老闆召見,安撫了一輪....我只覺無奈,
下次要提高警覺...我有被B的感覺.....老闆說病人可能對我有好感,無惡意....這樣的感謝,我才不要呢......老闆有替我投保嗎??

整天也有同事安慰我.....我真的沒事呢....

gloria突然入左院....好擔心,食飯前過去探佢......食飯之後,再一個人買了些東西給她,第二次上去時穿了袍,病房D工作員以為我係實習醫生....所以自由出入,仲逗留了頗久...........

歷史新低點,今天只見了一個人....



>>July 24, 2004 at 4:23:42 PM GMT+8

2004 年 7 月 21 日 星期三 【晴】

Subject:自己屬於那張塔羅牌?
唔多準.....好易會中ge說話.....





check 完自己屬於那張牌再去下一個網頁睇睇張牌點解

Step 1
http://www.astprince.com/hk/tarot/testing2/

Step 2
http://www.astprince.com/hk/tarot/cards/cards.html

>>July 22, 2004 at 2:50:56 PM GMT+8

2004 年 7 月 21 日 星期三 【雷雨】

今日老豆同阿哥生日,我日兩日仲記得,不過尋唔係阿哥講起都已經遺忘左.....
我仲未買禮物呀.....亦都諗唔到買d咩野....點好?

今朝兩個鬧鐘都訓過籠....無叫醒到我....所以我都訓過籠,到七點半先起身,係我訓得太?or我唔記得較鬧鐘呢......
廿分鐘就衝出門....個頭仲滴緊水....

尋日終於肯打俾人約去bbq,但只搵到一,兩個.....佢地好忙呢~~

好眼睏呀....suki成朝係咁講野,再唔係就係開大喇叭......我想坐住訓一陣都唔得...佢可能想嘈kathy啦.....但變相我都受害....

兩個老闆都無返,D同事走晒出去蛇王........

太離譜喇,今日比尋日更少人,十二點先見得一個......我就黎悶到癲喇!!!
成個星期都係咁....

晏晝都好d,多返d人見下~無咁無聊....

返工似同人拗交咁,佢有佢講,我有我講,還正撞聾果d,會講到成條走廊都聽到我把聲.....




>>July 22, 2004 at 2:09:13 PM GMT+8