2004 年 8 月 13 日 星期五 【酷熱】

返工無野做,坐左係GR同SUKI, ANISE吹水,睇雜誌.....連老闆都出埋黎吹水........

想去美食節呢.......但灣仔.....好遠咁.....哈~

老闆可能見我無野做啦,得兩張PSCF都俾我入......
隨左呢兩份野...我都係坐左係到........好無聊.....
無聊GE時間好無安全感....

或許平日坐住袍,今日無袍着,個個都話我瘦左.......
如果跑一兩日,就有咁好成績,D人唔使去纖體啦.......

呢排好殘,入元朗訓左兩個鐘........每次着親藍綠色,D人都會話好睇....唔通真係FIX死藍綠色??
訓到做完都唔想起身走.........端姐& 歡姐兩個係咁將我同阿LI個同事阿芝黎比較.......
讚到我飄飄然咁.....但無得比,我係正常,只係佢比較貪心,.......
最搞笑係,佢地好鍾意我,因為我比其他人多野講,佢地會做得好開心,所以我訓著左時,佢地想整醒我同佢地傾計...........邊有人咁對客架~~^^(不過佢地當然唔敢整醒我,只係我訓到模模糊糊時聽到0者...其後醒左再笑佢地~)

見個樣咁殘,諗住買D平平地GE護膚品用下.........點知揀左支好貴GE......講價 一輪,都平左D.....友情價.....哈~

呢排對腳確係瘦左D,D褲鬆左.......因為夜訓.......

係元朗行左陣,買左D無乜謂GE野......衫,零食.......
花費左成個下午係到.........

返到屋企,食飽就霸住張梳化訓左 ............涼都未沖.....
直睡到凌晨3點,洗個臉,再入房訓過............

好窮好窮...........越無錢果排,就越用得錢多.........陰功~







>>August 15, 2004 at 10:08:41 AM GMT+8

2004 年 8 月 12 日 星期四 【清涼】

趕趕趕......每朝都好趕....又遲到了少許...

早餐未食,見左6,7個人....好生意呢....好彩呢兩日多返d人....

anise俾左本CHKU 0既校外課程俾我睇.......UM...好多想讀GE科都截左....e.g.中醫....

今日望到個來電,諗起一連串同我有d關係ge人,個名都係s字頭....steve(以前怪同事),samson(怪經理),sam(巴士男孩),sunny(dr.仔)......使唔使咁橋?我自己都係.....難道s字頭的,都是怪人??

lunch只有我一個,suki放假,kathy搞小組,同patient去飲茶,不過佢話幫我外賣個tea返黎......哈~太好了!

上次同同事去睇戲時,有套新戲叫"小情人"....淨係短片已經勁搞笑,幾時去睇好呢.....小Q我都未睇......

Anise好搞笑,又買0左南瓜糕請我食,激大件....一齊匿係八號房食時,突然好多社工入0黎做野....望住我地兩個....醜死怪....^0^~~~~
諗起之前成日同suki一齊出去係呢間鋪食糖水....以後都唔知有無人陪我出去食飯....
成個OFFICE好似得我同anise唔帶飯....suki唔係到,visi都唔會專登過黎搵我食飯架啦....

老闆會唔會收起八號房做interview room,調我去等二度坐呢...佢今日探我口風呢........但又無理由我一個人坐間大過佢ge房.....我唔想搬呀!!!我有好多家檔.....亦唔想坐去一齊迫,又俾人望住~

3點kathy就已經買左我個加大版tea返0黎...不過很飽...放到5點先同佢一齊食....^^
晚飯都慳返...........

電話唔記得差電,nicole又遲左放工,係荃灣漫遊0左個半鐘後,好求其地買左套衫,褲....
因為拎左好多本雜誌....好重,坐左去圖書館兒童部睇私伙雜誌....唔知點解d職員對我好好奇咁.......=.="
呆坐左唔知幾耐之後,又擔心nicole搵我唔到,再走去打公眾電話.....oh~很臭...
終於搵到nicole了,幾驚佢搵我唔到,到時等or唔等.....哈~

搞左一輪之後,我地就走週行0下,不過可能未有野想買.....所以都無點睇....

返到屋企執下野,沖涼,就上網,睇雜誌.....在想很多的事情.....

dr.仔令我煩惱.....我覺得我虧欠左佢咁.....我做唔到佢對我ge好......
而且我唔慣人家將我個心睇得咁透....佢 就偏偏知我諗乜.......佢越知道,我就不自覺咁越收埋.....
唔想俾人知....即使係其他人,一俾我發現佢好了解我,我就會收埋d自己....感覺不到喜歡......
很奇怪的我........算係自我封蔽嗎?

剛買的衫褲,都不是太喜歡.....但得自己一個時,就會做傻事...亂買野...
褲子看的時候,是中碼,很合心意,但想細碼就足夠了......回來試穿.....跟我所想的根本不一樣....
很斯文的款式.....腳很粗...但哥就認為很好.....我心理作用嗎??




>>August 13, 2004 at 4:41:29 PM GMT+8

2004 年 8 月 11 日 星期三 【酷熱】

對面屋個女人,尋晚裝左我屋企成晚,知道我屋企得我一個係到掛,今朝一見到我就鬧左句"你隻貓咬左我隻貓好多個洞!",然後即刻關門,如果唔係趕住返工,我一定去拍門,我係一個唔俾人鬧得GE人.......呢家我隻貓俾佢隻貓咬左更多個洞,而且係佢果隻撩打先OR我隻撩打先都無人知.....
自己放隻貓出黎,唔俾佢入屋仲惡人先告狀.....
佢自己兩隻貓成日衝入黎,咁係邊隻想打架0丫,過份!!!

今日同suki farewell, 但突然接到通知,佢23/8先走....YEAH~
不過都係要走,所以飯都係食0左先,食飯前Doris返左黎探我地,仲焗左曲奇餅俾我地食~~^^
一大班人差唔多成20人,好浩蕩咁去食飯.....呢次個飯局因為有SUKI係到,比上次好好多....食得好開心...

今日好想幫一個阿婆,但個阿婆就俾Gary鬧到喊.....好陰公...雖然個阿婆有不可信GE地方,但都無理由咁惡咁鬧.....一向以為Gary 好善良GE添....大跌眼鏡!

Anise想學整草餅,Kathy又想整我果隻味,所以佢地就約定下星期四去Kathy屋企整草餅,我就上去玩佢隻貓...陳小白....哈~
諗0下已經覺得好玩,好似柴娃娃咁一堆人整野食....
整好再搵返公司請同事食,因為下星期五kathy都走lu....走得快過suki..

收工前俾劉姑娘叫左做義工仔....帶阿婆去攞藥....其實我好樂意做架,不過次次佢地都唔俾,會叫D 臨時義工去....個阿婆拎住拐杖,可能驚阻我收工,行得快過我,我同佢講唔緊要,佢仲行得更快,我唯有放到好慢咁行,拉住佢~~:P
佢一路行,一路講佢係旺角俾個後生仔撞到佢跌跛腳....勁講都唔喘氣...犀利~
但個阿婆心地好好....呢家D後生真過份.....咁撞跌人仲不顧而去.....害人大半世....變態的!!
我絶對相信佢會有報應!!

搭車時又做左件好事....心情很好~~

之後係超市掃貓糧....我諗夠肥仔食三,四個月0卦....收銀個女仔問左句"你屋企養0左好多隻貓架??".....嗯...只有一隻....好大食的...再加一個很懶的主人.....

心情不錯,做緊家務時都幾開心,肥仔又嘔了,不過今次我d床單無遭殃...我三日內已經換左2次床單了....由被咬之後就開始嘔....有唔妥嗎?不像平日的吐毛.....

媽子返黎之後,搵左我黎開火...心情180度轉變...很委屈 + 無奈.....

肥仔有虱....已經有成8年無虱,我呢兩日隻手都俾野咬,仲以為係蚊添.....
應該係同對面屋隻貓打架時沾回來的....因為對面屋的兩隻貓最愛坐在垃圾房...而且時間好吻合.....研究d虱有幾嚴重時,再搵到6個傷口.....肉痛死~
肥仔又要受罪了.....最簡單也要帶防虱帶....

又很夜睡...我在幹什麼?








>>August 13, 2004 at 4:14:19 PM GMT+8

2004 年 8 月 10 日 星期二 【乍寒還暖】

今朝唔知醒....7:30先起身....趕到癲左.....又洗面,又餵貓....遲左五分鐘先返到?.....都算係咁~~^^
預左會遲成廿分鐘....

suki不停係到執野,又唔出聲....搞到我有d唔知點咁...
佢個位一日比一日空....到我走時,又係咪咁呢?
佢今日只係不停咁講,佢走之前,要我包辦佢呢幾日lunch....
見係佢咋,其他人啋佢都傻~~~~

lunch 同Suki兩丁友出去食飯....嗯....除左聽日同佢farewell之外.....呢餐就係最後一次同佢食飯了.......個個都以為佢調去新office好開心,其實佢根本就唔想調.....辦公室政治好黑暗耶....
佢都係好關心我同DR.仔...不過係我再三解釋之下,佢終於係相信,我地係朋友...
SUKI認為我係驚拍拖....真係?我又唔覺喎..我覺係"唔夾"多...
仲同我講左好多同我阿媽如出一轍GE說話...哈......

返屋企訓到八點先煮熱返D野黎食...因為媽子同大佬返左大陸...原本係我返架.......但無人肯睇住肥仔....
阿媽實在煮得太多,二佬又係營到訓,老豆加班唔返黎食....呢餐飯,夠我同肥仔食幾日....=.="

無人管,坐到幾夜下......心血來潮,又拎把頭髮黎玩...原本只係想修下去,但剪剪下,就剪左個好有祖國FEEL 0既留海....可愛爆~
仲係咁易咁將其他頭髮剪頭咁D......好有衝動把心一橫,剪短晒去...應該會好爽......我要忍....仲差多兩吋就係我想要GE長度.....我會忍到的...........

本來未諗到送咩俾SUKI姐好,請食飯仔太行喇......非小玲本色.......無厘誠意....
今日俾佢問一問電話,話要係果邊打返黎問中文....即刻諗到樣野...."倉頡字典"......
老闆一來係針對人,二來係SUKI唔曉打中文......就調佢走......
我諗呢樣野會好0岩佢用.......^^


>>August 11, 2004 at 4:26:14 PM GMT+8

2004 年 8 月 10 日 星期二 【晴】

<< 椰子 >>

一隻猴子從樹上丟椰子，打中了一名缽僧的頭。這人把椰子檢起來，喝汁，喫果肉，最後利用外殼做個碗。

感謝您對我的批評。

===================================================================

<<愛上這個家>>
(我之前想睇呢套戲架,不過好似無人知呢套係咩戲,所以一直無睇,但睇埋個簡介,我又想去買隻碟.....哈!)

兩個不友善的老頭，一個膽小小孩，五條懂性的狗，一頭大肥豬，一隻二手獅子，如果要選一組成為我的家庭成員，首選可能是五條狗。因為我不曉飛天，所以不會養豬；獅子不介意二手，做寵物只是天方夜譚；至於老人家我怕煩，小孩又怕照顧，說到底溝通可能是我的弱項，人際關係還在學習，未能日行一「善」，因為說不出討人開心的假話。

《愛上這個家》吸引之處，也正是我的忌諱：老人與小孩；很想知道一個小孩怎樣跟怪異雙老相處，也很想看看小小年紀憑《鬼眼》獲提名奧斯卡男配角，夏利祖奧士文(Haley Joel Osment)，進入尷尬年齡的表現，當然更想看擊敗Haley奪得最佳男配角米高堅(Micheal Caine)，以及影帝羅拔杜華(Robert Duvall)。沒有令人失望，薑是越老越辣，兩位老人加起來140歲，演來不費吹灰之力，自然流露而有神蘊。

兩位行徑瘋狂老兄弟相依為命，喜愛危險飛行，生活在德薩斯州遠離人跡、遠離親戚的荒蕪農場，曾經失蹤四十年，擁有花不完的財產。一天，14歲華達給媽媽帶到這兩位素未謀面的舅公那裡，來到屋前五狗一豬一起圍剿華達。媽媽承諾盡早接回華達，好不願意，兩老收留華達，華達留了下來，還要找出老人的藏寶之處。

這個家沒有電話、沒有電視，老人的生活，就是每天坐在屋外等待推銷員的來臨，用槍趕嚇他們。華達怎樣適應新生活？兩個不同的世界，彼此以為短暫的各不相干，以為彼此對對方都是可有可無的東西，直至發現華達的母親失蹤，一切開始改變。

兩老一少從不相干變成互相牽引。兩老的傳奇經歷深深的吸引著小伙子，但他始終半信半疑；另邊廂，小伙子的一句說話，打開了兩老跟世界的連繫；推銷員從此不再是槍靶，商品一件一件的來，飛靶、種子，還有二手獅子，一頭垂垂老矣的病母獅，連籠子也無力踏出半步，沒條件成為兩老的獵殺對象，便成為華達的寵物……當三人漸漸建立起深厚感情的時候，撒謊的母親帶著男人回來，為著兒子，更為著金錢。華達感到很為難，但他想起兩老如何教他做個頂天立地的男子漢……

相信溝通和感情可以用時間改良，只要用真誠與真愛相處，如老人對華達說：金錢名利都不重要，最重要是真愛，只有真愛才是永恆不滅。

明白世界不是完美，不過，總有美善 ，滋潤人的成長。

>>August 10, 2004 at 4:50:28 PM GMT+8

2004 年 8 月 9 日 星期一 【清涼】

"草餅日"

搭巴士果個男仔(SAM),終於都無再同我講野,今朝好靜咁坐左係隔籬,睇0黎,佢明我上次寫乜....^^

掛住執好多野返公司,搞到遲到,袋都未放低就見人喇....我遲左5分鐘0者,咁對我.......D人流到十點先停.....

今朝見左個阿伯,盲GE都要自己一個黎睇醫生,雖然無帶齊野,但都幫左佢申請先,本來我想帶佢去睇醫生,後尾搵到義工帶佢去....佢同太太都係18歲就睇唔到野,勁慘....仲要D仔女唔係點理佢地.....屋企又無人照顧佢地,更慘...
但勁在佢一句慘都無呻過....好睇得起佢!!

例湯唔錯呢,有科我以前勁恨讀ge野讀,今日接二連三,一講電話就撞個PATIENT入0黎,望住我講電話........哈,死火~

D同事係咁讚D草餅好食呀....好開心呀....呵呵呵~
一齊食野會好開心,整野俾人食都好開心,有人讚我整得好食就更開心~~

DR.仔仲叫埋佢阿哥一齊0黎....WOO~佢哥哥同佢好似樣呢~餅印!
不過我有D尷尬.....好怪~~
不過佢比DR.仔多野講D,我同佢講野仲多D....好FUNNY GE一個人~
佢地都話好食....不過佢兩個講,我就唔多信....:P

DORIS遲D返黎探我地....YEAH~~

收工去跑步,哈~差唔多有一星期無跑......狀態都係咁弱....跑得2個圈.....又係行左N個圈.....
出汗出到倒水咁...辛苦......身體不太壯健,要跑多d~
係咁同例湯傾計~~^^
發現,跑咁多次步,都好似無乜人係KEEP住跑,每次去到,D人同上一次都唔同左....
我地都唔係太懶0者~我個目標係要FIT,唔要瘦..仲要健康D.....
我要著到件好靚GE泳衣........去浸水~~:P

同樣,緊係要佢做下食評啦~~我專登留俾佢地,唔俾阿LUNG食晒去~~^^
例湯係唯一一個除屋企人之外,食過我整GE兩種草餅...
但例湯鍾意上次果種苿莉花綠茶味....原來都幾多人鍾意苿莉花味...我至愛~~

係青衣城撞到巴士阿SAM...嗯...青衣好細......

之後就迫阿LI係長發遊商場等我...哈~
要佢試食嘛...喜歡吃我就多弄一點,....再強迫人食...嘿嘿嘿~~

剛發現....日記個網址打錯了......難怪你地睇唔到啦......
真可惜....朋友們錯失了欣賞小玲"極度無聊的日記"~~可惜...可惜.......:P

肥仔都係咁頹...點好呢??撩下佢打架,打輸俾佢,佢會唔會開心D呢?

都係好夜訓......不過聽日應該不會遲到了.........







中間果幅茄菲樣好正~~^^

>>August 10, 2004 at 4:45:12 PM GMT+8

2004 年 8 月 8 日 星期日 【酷熱】

尋晚訓得好差....

今朝仲諗緊尋晚兩隻貓打交件事....今朝對面屋都照開門,但兩隻貓已經無再
坐係我屋企門口....個心硬係唔知點咁......
為免不必要ge麻煩,我將肥仔鎖左係房.....要到我放工,我先夠膽放佢出黎....

今日不自覺咁抖?好多次大氣....

claire今日知道suki要調走,講左出黎,全OFFICE都知了......suki16/8就走....走得仲快過kathy.....8月過後,就只淨我一個....

同dr.仔傾開轉工問題,佢認為唔轉好d,俾左好多意見.....但,都係睇下讀唔讀書先啦.....唔係轉左工返唔到學就"杰"喇......

成日都覺得,dr.仔女仔得滯,今日覺得佢似返個男仔......
你講得0岩ge,佢細心,好脾氣,大家先夾到,一正一負........但我唔想人就我.....

今日陪Gloria去睇醫生,我就趁佢睇醫生時,去睇下有無d洗傷口ge藥水俾肥仔....又走去買綠茶粉.......仲撞到老闆....呢家好唔鍾意佢....好奸詐咁...
扮好人...

見到肥仔無晒心機咁,對面屋隻貓又好氣燄咁坐左係我門口,我先發現,原來
尋晚打輸0左ge係肥仔....佢同對面屋隻貓打咁多次都係贏,可能接受唔到打輸啦,成隻頹晒....陰公..
年紀大係輸蝕d,尋晚佢趴係到,我仲以為佢知衰扮乖.....原來佢真係咁累....

兩隻貓打架,走先果隻就係輸,係佢地打緊時,我搵毛巾fit肥仔,搞到佢嚇到衝返屋企....難怪對面隻貓咁氣燄ge....

同肥仔檢查傷勢,原來佢除左塊面同個鼻有傷之外,條頸同個背脊都有好多疤痕...已經結埋焦....好心痛呀...佢d毛又黑,我摸左好耐先搵到佢d傷....
同咩人打架0者.....搞成咁.....

今次呢隻綠茶味好得呀,我仲跟返食譜,唔再偷工減料,貪快,....雖然用左成晚,但整左一大盆草餅,今次整得好好食呀,終於有"煙煙un un" ge質感,又唔黏喎~勁好味~
一路整,自己一路係咁食.....哈~~

跟住塞左一盒俾mum俾d阿姨食,又預備左一盒俾同事 & 例湯,小芝食....
淨返d就留俾老豆食........因為整完都成十二點幾....我九點就開始搞喇.......我整得咁大工程,唔好食,佢點都要食兩粒....哈~~
要話俾po yan知,我"終於"整到喇~~T.T
不過點拎俾佢食好呢??

Yeah~ d 朋友今年好似都入到d唔錯ge科,叻仔叻女~~







>>August 10, 2004 at 4:22:02 PM GMT+8

2004 年 8 月 7 日 星期六 【酷熱】

訓到兩點先起身,又無左大半日,搞?D無謂野又一天了....

最近脾氣好似暴躁左.......一發惡起黎就係最激個種....死得~

凌晨,專登ONLINE同諗住同個FD講聲生日快樂0者.....
就係咁睇少一眼,就出事了......

對面屋隻貓無門入,坐左係我門口,有個鄰居行過,見人地關左門,我地問住門,就以為係我隻貓,就拍門叫二佬開門放返隻貓入去,可惜,打機打到好專注GE二佬,睇錯人,以為拍門GE係大佬,就走去開左個閘俾佢入,
但果個係鄰居,拍完門,轉頭就走左,肥仔自己就係個閘位,捐下捐下咁走左出去同對面隻貓打架....

直至兩隻貓係到嘶叫(好大聲),二佬已經即刻叫我,望一望,嚇死....兩隻野打到好狼,我想開水潑佢地,但潑得黎都死咁隻啦,於是就學大佬上次咁,想搵毛巾出去包實肥仔返入黎,但我再出到走廊時,我根本埋唔到,仲手埋去,隨時兩隻狂咬我.....

唯有用毛巾"fit"阿肥仔,等佢縮手(我都好驚佢地兩隻撲我,我當時赤住腳咋.....),....."fit"左兩下,肥仔以為俾人打,就即刻衝左返屋企,我就追住佢,到定左神GE時,阿爸,阿媽都嘈醒左,企左係門口,對面屋已經開?門,佢隻貓都入返去,都唔知佢個隻有幾傷....

而走廊就有一堆白色貓毛(對面屋隻貓),同一堆灰黑色毛(肥仔).....
我入返屋後,我FEEL到我對腳係震緊....我唔知做乜腳震....肥仔就塞縮
左係張床到,我知佢好驚,但係佢唔0岩,而且佢比人地隻貓狠好多,
所以我好擔心佢咬到人地隻貓點樣......

對面屋粒聲都唔出,只係聽到佢地好大聲咁鬧左佢"蠢到死,走出去俾人咬..."雖然係佢地隻貓走過黎撩架打,但擺明係我果隻咬佢....
所以我好內疚....
又好心痛佢隻貓被肥仔咬,又好肉痛肥仔受傷.....

到平靜d ge時候,肥仔已經好累,訓左係地到抖氣,不竟佢成9歲,人地果隻4歲....佢仲要博老命同人打......佢咁狼都損左個鼻同塊面....個身唔知有無傷,佢唔俾我掂......d爪都崩晒.....唉...佢個隻都唔知點....

之前已經唔妥,呢家仲發生d咁ge事.....兩家人遲早拗交....千祈唔好有咩爭執.......



>>August 10, 2004 at 4:21:45 PM GMT+8

2004 年 8 月 6 日 星期五 【清涼】

隻手今朝多左兩個牙咬GE洞....仲有幾條抓痕仔.........SHIT~
肥仔搞乜呢排咁歡喜玩夜睡偷襲?
因乜我俾佢咬都唔知?
唔可以再咁落去,唔係我手同腳都好唔掂......今日盡量少膠布,但都已經好明顯......呀~~~~~~~~~~~~~~~~~~~~~~~~~~~~~~~~=.=~~

望住suki冷清清ge?面,諗緊過多排,佢真係走左,我會點樣......
始終佢係我一入黎第一個同事 + 同房,日日一齊食lunch,而且大大聲,好似個開心果咁....以後,我每日返工,就自己一個坐住間比老闆仲大間ge房,無人同我講野....孤獨小玲.....
佢走左之後,會唔會又係無乜機會再見到........

今日去bbq會唔會好好玩呢??

同F.7同學去BBQ....咁又一年,真快,好彩大家都有心維繫....
唔係過多幾年,都懶得去BBQ LU~
每次都比上一次少人,就係好証明....
雖然少見都係朋友,但太耐唔聯絡,真係會生疏的....
肯去GE呢一班朋友,我會好珍惜....真係好難得....T.T

打俾文慧想講返聲今晚bbq會照去,點知佢又傻?傻?咁話,公司餐飯已經食左,
搞到我鬼死咁開心以為佢都去到,點知佢轉頭就答我,係佢唔記得,餐飯要食兩餐,早知就唔提佢,約左佢出黎先算啦.......=.=

更搞笑ge係,無出席ge人都聯絡到,去個d就搵唔到,搞到個個都話我無打過電話俾佢地comfirm....哈~
除左黃捷,其他都有打過,係打俾志花時,打左去阿哥到,阿哥同我講過都唔記得,
仲走去話志花唔聽我電話......:p~
搵唔到ge阿秦,又無答過我去唔去,志花又好醒咁叫左佢,搞到佢毫無準備之下就彈左出去bbq.....funny~~

成晚主要話題都好似係關於讀書,搞到我烚下烚下咁....
一提起呢個問題,我就覺得煩.....讀or唔讀.....
佢地就講得好入神....我好似同佢地好有隔膜咁....oh~

之前諗得瀧鼓灘太好,但都唔同ge,以為望住個灘黎燒,點知一路燒就一路望住d巴士一架架咁駛過,咩mood都無晒.......
仲有太趕,都無落過灘,但個灘有幾大都係一個問題......日頭去應該會好玩d~^^
不過都ok呀,幾乾淨,係有4腳蛇嚇人d,不過就係咁,覺得例湯好勇!

燒到十一點,好似走難咁揹晒袋就衝去搭車,不過都搞到nicole好趕....
燒到成身臭汗耶......最後得返sw,tracy,例湯,阿秦,我,五個人搭車,
我地趕唔到尾班車....

DR.仔係車站到等我....訓示左我幾句,我諗佢等左我好耐,但我唔知佢係到等....搞到佢幾無聊咁送左我返去,再返屋企......我覺得....對住佢有點內疚感....

2點睇多陣漫畫先訓....(雖然好累^^)
其實唔揀呢晚去,會唔會好d呢....個個都好趕咁,ada等日仲要返工....
辛苦佢囉~~


仲有整左d草餅俾"質"人食......ada都話草餅唔靚....
不過佢地都好俾面食左去......哈~放心啦,最多都係難食,唔會有毒的^v^~~
sw話ok呀....都食得?架,咁就遲d再整俾po yan食....
我同po yan講,整得好差,佢都話佢會食......好感動呀!!T.T
我都覺得OK GE,但無KATHY同PO YAN整得咁好食~~
整?整?,會好D架喇~~=D




>>August 9, 2004 at 4:40:44 PM GMT+8

2004 年 8 月 5 日 星期四 【酷熱】

今朝起身好眼睏啊~醒左都走返去張床訓左4次......
今晚一定要早訓....落雨呢,無得跑.....
星期六唔好有雨.......

好無聊GE一個下午.........悶死了....

我諗老闆尋日見完SUKI之後,同佢講左會調佢走....
今日佢拎左個好大GE袋返黎....雖然佢扮到無野咁...又無講D乜...
不過老闆又叫佢清假,又要佢做晒D手尾......
我唔想佢走呢....唔知點解....好似心情有D低落咁......
我記得佢地講過最遲8月會走....等我對佢好D先,平日佢好睇住我....

收工都係去唔到跑步,就閃左去荃灣買野....自己一個行好無聊呢...

老豆同二佬生日,原本想買香薰俾二佬,買個腳底水療按摩器俾老豆,但乜都睇唔0岩,結果香薰變止汗劑....哈~
老豆果份,無貨買唔到,於是同二佬夾份,佢買左隻勁見得人GE錶俾阿爸....型仔~老豆個樣好開心呢~~~^^

十二點鐘就開始整草餅....用左一個鐘,都幾快?就搞掂喇....
不過硬係覺得怪怪,又好黏,又好"杰",包到三尖八角....哈~
屋企人食就算喇,聽日去BBQ之前,睇下包成點先拎去俾D FD食......
星期日又再整,帶返OFFICE請同事食~~^v^

發癲,兩點幾仲好精神......真係做自己鍾意做GE野時,係唔會眼睏....



>>August 9, 2004 at 4:39:40 PM GMT+8