2004 年 10 月 19 日 星期二 【晴】

淡市........所以慢慢食完個早餐,再閃左去櫃員機搞左一輪......跟住發吽豆~

悶足成朝,直到DORIS黎左先無咁悶~~^^
我地出左去食飯,返黎之後,佢仲陪我傾左近兩個鐘頭傾....太好人喇~
如果唔係真係會悶死~
佢仲好搞笑咁,放左D零食係我個罐仔到,THX~
如果唔係有野做,我有排捉住佢呢~
因為真係好少見到佢,不過有機會,就等我去搵佢食飯~~^v^

就係佢走左無耐,我一行出走廊就發現一隻勁大仔小強向我間房ge方向進發,我嚇到手上面ge野跳左落地都唔執就關埋對門,差D叫左出黎....真失禮!!好彩無人....

不過諗諗下,都係嚇走佢安全d,唔係會爬入我間房呢.....
嚇遠左佢之後,就向阿lam求救喇~~~~
小強就咁死於佢腳底.....

我諗小強係知道doris返黎,想見下佢都唔定......哈~XD

日頭唔好講人.......LUNCH講起,收工就撞到DR.仔放工....
大家D反應都怪怪雞雞咁.........:p
陪佢係荃灣買左D野就閃返屋企LU~~

YEAH~阿CHRIS同我去街,肯陪我睇二零四六........嘻~
但夜晚返屋企摷過,發現附近無乜邊幾間戲院仲有上,有GE時間又唔0岩.....
可惜啊~唯有轉睇第二套啦~

夜晚又同Doris傾計~~^^
原來佢以前仲靚女d喎~

doris:
係呀,好開心!!
等我入去你宿舍.....踢竇啦~~XD
無錯,要KEEP IN TOUCH!!!
我好串咩??!.......無無無...邊到有咁GE"樹"~:P
都話你暗戀我架啦.....哈~



>>October 20, 2004 at 4:36:02 PM GMT+8

2004 年 10 月 18 日 星期一 【晴】

覺得很累.....突然有d後悔報讀了課程....

要好似以前咁,早睡早起......

Gary放左成個月假之後返黎,我就已經覺得佢好陌生咁~~
無乜點同佢講野,俾佢話我好慢熱.....=.="
嗯....我的確唔係幾曉搵話題GE人.....
佢劈頭第一句就係"嗯.....點解你好似肥左咁?"........(="=)

有個病人,一望個樣係勁似變態佬咁,個身一大陣味,好烏WET咁......
黎過幾次,幾次都帶漏野,今日再黎,又用果D怪異眼神 + 態度對住我,
平日都有好多呢D人,但實在太多,都無乜點理佢地......亦唔會特別歧視佢地~

但俾人咁望法,我都係覺得勁唔自在,但都扮到無乜咁....當睇唔到,
一樣用我一貫見人GE態度,亦唔會做個厭惡樣出黎,雖然我好怕呢陣味....
不過一定唔會係對D婆仔咁,對佢咁好,
因為佢陣除,我頂唔順.......戴住MASK都臭暈~~
唯有DUM低個頭寫寫寫....

點知搞掂晒叫佢等下時,佢就話我同之前見GE社工好唔同,
鬧我點解咁樣對佢.....聽到我"R"晒頭....

我問佢"咁我同佢地做野有乜分別?"
佢講左好耐都講唔出.....再聽聽下,發覺佢唔多對路,
佢講左一輪,我開始有D明.....
咁我就問佢"哦,你係咪想講,我唔係好關心你果D呀?"
佢:"係喇,係喇,就係呢D,你都無問我點,問我開唔開心,最近點樣....(下刪百幾句問候)"

我其實已經好容忍佢,因為佢真係好煩,
就快頂佢唔順,所以佢一咁講,
我就答佢"哦~因為我唔係社工!而我GE職責只係同你做個審查!仲有,你見完我之後,你仲要見多個社工,佢會慰問你架喇,你有乜就同佢傾訴啦!!!"
其實我間唔下中都會問下D 老人家,但呢個,年紀唔大之餘,好明顯又睇到佢?乜,再問好似太假~咁大個有問題咪自己講囉,要人問...

跟住佢就話唔好意思,鬧錯我..........(=.=)"
實質我心入面仲諗"x@#z....你今年幾多歲呀,仲要人慰問,唔開心咪咪鬼諗囉,
仲細咩要人開解,痴線咋唔係大晒架,唔係弱智,知道自己做緊乜架,
要傾就搵朋友傾啦,朋友都無時,就自己檢討下啦~煩!!"

我無咁GE耐性,真係溝通唔到,我同返跟手GE社工講,我咁樣應佢,連老闆都話正確....
好快,我都會痴線囉.....想吐血添呀!!!
好佩服D同事,可以當佢地透明咁.......我仲係好唔"襟"激....

D貓糧好似好平咁,就係咁買,係咁買.......拎到死下死下咁先行到返屋企~

夜晚返左屋企都好似好忙咁ge??!

doris:
多謝你keep住咁黎呢到呢~~^^
都知你掛住我架喇~~呵呵呵!!!!

頸巾進展度: 0 cm



>>October 20, 2004 at 4:19:35 PM GMT+8

2004 年 10 月 17 日 星期日 【晴】

今朝比平日早左好多搞掂晒D野,但都唔想咁早出門,唔想咁早返工....自從SUKI走左之後,返到去得我一個對住四面牆....

老闆Winnie入左我房整野,問我點解無聽歌.....因為聽唔聽都係咁悶~~

ANSIE話約我一齊踩單車, BBQ & 划艇仔.......好想去架....
點知後尾佢唔覺意咁漏左口風,俾我知道左佢又想介紹D人俾我識.....又0黎?
唔好喇,好肉酸~
諗諗下都係唔去喇....唔俾我知咪幾好,搞到好似去唔知做咩咁.....
我想去玩咋~~^V^

很很很很很很很很.............ANP !!!!!!!

每日如是.....


頸巾進展度: 0 cm



>>October 20, 2004 at 3:36:42 PM GMT+8

2004 年 10 月 16 日 星期六 【微冷】

訓到近三點先起身,一起身發下脾四咁....今日心情麻麻咁....

食晏>>睇報紙>>換下D被鋪床單>>幫肥豬仔洗白白>>拖地>>自己洗白白>>搞下D盆栽>>執下房>>食飯>>睇電視>>上網>>做運動>>訓覺....

一日就咁過左,係咪動作慢呢?
好似做得好少野咁.......其實我仲有好多野想做~~

睇過D網站講GE飛蚊症,同我非常吻合.....不過唔影響日常生活,又無得醫治,所以都係有睇開醫生時,先去CHECK CHECK......點解我咁後生就有飛蚊症......仲要已經有幾年......
希望唔好隨住年紀惡化.......

某日同事話我張台,似一個就走ge職員咁,無擺d乜野係到咁......
佢咁講又似係....因為我都唔係長做........
反而有日見到個fd d 相,佢住hall,就連擺設都搬埋入去....幾有家庭feel~
如果份工會長做,我會放好多野係果到.......^^

頸巾進展度: 0 CM



>>October 20, 2004 at 3:32:09 PM GMT+8

2004 年 10 月 16 日 星期六 【晴】

那三個是你最重視的？

下列的身體部位，哪三個是妳最重視的？（請認真地思考10秒鐘）

> > > > ＊頭髮

> > > > ＊心臟

> > > > ＊頭

> > > > ＊消化器

> > > > ＊臉

> > > > ＊腿

> > > > ＊眼睛

> > > > ＊腳掌

> > > > ＊鼻子

> > > > ＊手

> > > > ＊嘴巴

> > > > ＊腰

> > > > ＊牙齒

> > > >

> > > >

> > > >

> > > >

> > > >

> > > >

> > > >

> > > >

> > > >

> > > >

> > > >

> > > >

> > > >

> > > >

> > > > 這個問題是在判斷目前妳最在意的是什麼？

> > > >

> > > > ＊頭髮－青春

> > > > ＊心臟－生命 <<<<<<<<<<

> > > > ＊頭－智慧

> > > > ＊消化器官－健康

> > > > ＊臉－自我

> > > > ＊腿－身材

> > > > ＊眼睛－外貌 <<<<<<<<<<

> > > > ＊腳掌－安定

> > > > ＊鼻子－心情

> > > > ＊手－活力 <<<<<<<<<

> > > > ＊嘴巴－談吐

> > > > ＊腰－體力

> > > > ＊牙齒－清潔



妳選的三個部位所象徵意義，就是妳目前最在意的三件事情

>>October 17, 2004 at 1:20:53 PM GMT+8

2004 年 10 月 15 日 星期五 【微冷】

老豆尋晚問我果幾隻字點寫,原來係寫俾媽子,帶去玄圓學院......幫D祖先做D法事.......
今朝先知道阿婆個名叫做"江扇"........從來無人講過我知,我又好奇特咁無問過喎.....或者果時細個啦~

起唔到身咁滯,好暈....好眼睏.....勁放蚊~

打開衣櫃, 十件衫有七件係綠色,其他都係黑,灰,白....SHIT!
唔准自己再買綠色!!!

未入OFFICE,已經有個一歲BB叫我姐姐,CUTE到爆~係咁衝入我房,扯我同佢玩~
不過好多野做,無乜點同佢玩~佢同SW一樣,今日生日呢~^.^

好多人呀,成十一點先食早餐....訓都未訓醒咁就見人,唔知有無講到語無倫次....淨係知,腦袋有D空白咁......唔夠訓真係辛苦....

睇左兩本雜誌.....

認錯dr.仔係佢阿哥,撞鬼~
兩個整到個頭一無一樣咁......真難認~~
好耐無點同佢講野,好似好怪咁~:p

入左元朗....真係花好多時間....




P.S.我用咩護膚品呀?!好唔好用??我都唔係好知....俾你自己睇下~

1. ALNHON 潔面?喱 $ 150 / 200 ml
2. ALNHON 爽膚水 $ 150 / 200 ml
3. Neutrogena 爽膚水 $ 90 / 200 ml
4. Za 爽膚水 $ 68 / 200 ml
5. Za 去黑頭面膜 $ 68 / 60 g
6. Dr. Jeff 去角質層凝膠 $ 200 / 76 g
7. JUVENA潔淨面膜 $ 370 / 200 ml
8. Biotherm 保濕面霜 $ 210 / 50 ml
9. Eucerin 面霜 $ 132 / 50 ml
10. Body Shop 眼霜 $80 / ? g

除左1,2係常用之外......其他呢......一個月都會用一次的~~^^
頸巾進展度: 0 cm



>>October 16, 2004 at 1:58:55 PM GMT+8

2004 年 10 月 15 日 星期五 【晴】

大陸的一段故事

一個老農夫，買來種子播下，到秋後竟然顆粒無收，因為種子是假的。

老農決心一死，買來一瓶農藥喝下，結果沒死，因為農藥也是假的。

由於人沒死，一家人慶幸，買來一瓶好酒全家喝，結果全家人都死了，

因為.................酒也是假的。


在大陸什麼都是假的, 只有騙子是真的。

==============================================
<< 四 個 人 >>



你是那一種人呢？值得一看，自我反省一番。內容有點饒舌，但仔細看滿有意思，請耐心地細閱！


人物介紹 -- 老闆 . 每個人 . 某個人 . 那個人 . 沒有人


第一幕

老闆將文件交給離門最近的 "每個人" ， "每個人" 必恭必敬地收下，待老闆走後便將文件擺在一旁，開始無聊地做自己的事。

咦... 時間差不多了！於是 "每個人" 便將文件交給 "某個人" 之後灑脫的走了。

"某個人" 很無奈地看著文件，之後也收拾東西下班了，動也沒動地將文件放在桌上，

"那個人" 一看大家都走了，可是老闆交代的工作都還沒做，只好默默地拿來獨自努力。



第二幕

"那個人" 不眠不休做到早上終於完成了！"每個人" 與 "某個人" 也正巧來上班，看到完成了的作品便搶著拿給老闆交差。

老闆在從 "每個人" 手中接過文件後，滿意地點點頭又拿了一份文件給 "每個人"，

"每個人" 必恭必敬地收下，待老闆走後便將文件擺在一旁，開始聊天無聊地做自己的事。

咦... 時間差不多了！於是 "每個人" 便將文件交給 "某個人"，之後灑脫的走了。

"某個人" 很無奈地看著文件，之後也收拾東西下班了，動也沒動地將文件放在桌上，

"那個人" 一看大家都走了，可是老闆交代的工作都還沒做，只好默默地拿來獨自努力，

努力到一半心中感到相當不高興，為何屬於大家的工作要他一個人完成，一度站起來想放著不管，

但他的責任心留住了他，又坐下來認命地完成了。

第三幕



"那個人" 不眠不休做到早上終於完成了，"每個人" 與"某個人"也正巧來上班，看到完成了的作品便搶著拿給老闆交差。

老闆在從 "每個人" 手中接過文件後，滿意地點點頭又拿了一份文件給 "每個人"，

"每個人" 必恭必敬地收下，待老闆走後便將文件擺在一旁，開始聊天無聊地做自己的事。

咦... 時間差不多了！於是 "每個人" 便將文件交給 "某個人"，之後灑脫的走了。

"某個人" 很無奈地看著文件，之後也收拾東西下班了，動也沒動地將文件放在桌上，

"那個人" 一看大家都走了，可是老闆交代的工作都還沒做，只好默默地拿來獨自努力，

努力到一半心中感到相當不高興，為何屬於大家的工作要他一個人完成，站起來想放著不管，

但他的責任心讓他痛苦地抉擇著，最後 "那個人" 選擇了離去。

之後 "沒有人" 出場默默地收拾著未做完的文件，靜靜地將文件放在桌上後慢慢地離去。　

故事完畢～



其實，有很多事情都是 "每個人" 有責任去做，而 "每個人" 總認為應該由 "某個人" 去做，

但往往是由 "那個人" 去做，不過 "那個人" 總有累的一天，

最後卻便變成 "沒有人" 去做。



你是 "每個人" 還是 "某個人" 呢？ 你可曾關心過 "那個人" 嗎？

希望大家都能疼惜自己的夥伴。

>>October 16, 2004 at 1:50:44 PM GMT+8

2004 年 10 月 14 日 星期四 【微冷】

今天生意都還可以,不太悶,講左陣電話,又做下D無聊野咁....

今朝俾老闆WINNIE講左幾句.....因為Margaret錯誤咁傳遞錯左個訊息俾老闆....不過算啦,習慣了~~左耳入右耳出......哈~

阿lok今日多野做都走黎向我發癲....我又係當佢透明....睇唔到,聽唔到~~~

懷疑自己對眼患有飛蚊症....搵日睇下d病徵一唔一樣先....係就要睇醫生.....其實呢個情況都出現左n年....但好似影響唔大,就無理佢,但最近嚴重左咁.....

今日見左好多個人,都好慘咁....睇到心都實晒..
一年夠竟會有幾多個人不幸咁中左cancer呢........真陰公....

同ANISE用滅蚊拍係咁追蚊.......無聊呢~

放工,出旺角等阿靜,撞見同學,不過唔係太熟,又隔得遠,所以連HI都無~~:P

過多陣JOIN埋NICOLE,我用5分鉒望過一件外套,再一路行一路考慮,就買左衣櫃入面第十三件外套.....

之後,等埋ADA,例湯,SW,文慧就去"大久保"食飯,NICOLE BOOK左間房,好日式FEEL,仲好FREE 添,唔錯!!

勁食,勁傾計,九點幾就食飽....
名為同SW慶祝,趁機聯誼一番~~^^

送左個同SW 一向STYLE有D出入GE袋俾佢,唔知佢LIKE唔LIKE,但佢答果時就好鬼搞笑~~~生日快樂啊!......明天......

食飽再逛"瓊華",又用唔夠十五分鐘,買左個第一次見到,望左無五分鐘GE袋....
死啦~又開始亂買野,一見OK就買,忘記疘個幾鐘頭望到,好想買GE JACK袋....SHIT,雖然兩個都鍾意,但我鍾意阿JACK果個多D架....傻左添~
但唔可以再買多個喇,屋企太多袋....
嗯......都係唔好自己買,試下屈阿哥哥送俾我都好~~XD

麻煩各位朋友,0黎緊果年見到我再買外套 & 袋,就即刻一巴車埋黎啦!!見我買乜都彈?,踩?咁啦~皆因呢個小玲無乜節制能力呢....:P

跟住例湯,ADA就走左先....
我地逛多轉都回家喇,.......累死~
無影相啊~不過就有例湯用手機拍左幾張相仔~

你班野丫,踩單車就唔得閒,去唱k就得閒.......哼哼哼~~

朋友個個都轉電話,搞到我都想轉,但心水SONY ERIC仔部S700i(我好少記到咩型號~),賣成$58XX,實物又比想像中大部好鬼多.....換機念頭即刻無晒!!
都係買部DC好D~~^V^

原來大家都有睇"天國",大家都想搵多份PART-TIME,乜我地D喜好,諗法都幾一致果喎~

2點沖完涼,睇信,寫日記,搞下D戰利品,3點訓覺....聽日可以去死....有得訓時又唔訓......真係?黎辛苦~~~ (="=)

頸巾進展度: 0 cm



>>October 16, 2004 at 2:33:06 PM GMT+8

2004 年 10 月 13 日 星期三 【微冷】

朝朝遲到不得止，每一個朝早都食唔切早餐,要返醫院食。
遲下要返學時,有可能一日三餐都要幫趁瓊天....
不過今日好奇怪,去到瓊天,有成五個職員問我係咪學生.....我講左好多次..."我係職員"...(=.=)"

今日Gloria宣揚後,D同事又講起,話我唔讀護士,好"SIN"....哦左我成朝(佢地以為我之前有報名).....煩過我媽子~
講真,無話"SIN"唔"SIN",無興趣就係無興趣,我亦都無咁GE愛心~
我記得係那打素時,有時入病房拎排牌時,有D阿婆賴野,我係咁易行已經勁想嘔....仲話照顧.....無可能~~
日日望到有人死,我心情一定會受影響.....

如果要做,果時Ward manager Amy cheng薦我讀呢類證書,轉我去做WARD時,一早就應承啦,點解要呢家先再讀多兩年黎做護士?
果時仲可以係一路做,一路進修喎,仲要唔使做執D"大小二便"果D....人工又係一樣,同D高級GE又熟喎,D人對我又好,又錫我喎,好幾多~
(唔知做乜係果到D人際網絡好誇...人緣好到爆,正常D人會話我樣串~哈!
果時Amy & june都鬧過我唔靠關係,蠢~~^^)

果陣都考慮左好耐好耐,所以呢家一定都唔要後悔!!
而家先後悔我會好"dum"心~~
唔好搞到我好似做錯決定咁嘛~(有可能係揀~^^),既然我揀左,咪支持下我囉~~嘻!
我整定係好命架喇,唔使擔心我前途....哈~
要擔心,都等我自己黎~~
對住我,只要一齊笑就可以了~~^^

我對自己條路要點走,都有諗過下ge....我唔信,算命話我乜,我就要做乜...
我想改變我命運,我想早日脫離醫院....捱就實要架喇....無乜學識,都無辦法~
好多朋友都想做護士,但想同實際,真係差好遠....

今日勁傾計,搏命係咁講講講.....好悶呀!!

仲走去展銷食燕窩...笑死~

收工去火車站拎袋袋~~



頸巾進展度: 0 cm


>>October 16, 2004 at 1:51:26 PM GMT+8