2005 年 1 月 11 日 星期二 【晴】

<大停電>

搭車俾兩座大山夾扁左....(@.@)~~

做足成朝,勁多野做。notes放左係台頭半日係無郁過...
lunch同anise,lam又去試新鋪~~麻麻地?!

2:30叫埋Gloria一齊去聽有關合約ge briefing,全場幾百人當中,無咩人細得過我,
所以我同Gloria一入場,就不停俾人注視住,坐附近d人,仲係咁問我d野,
其實佢地最多咪大我幾歲,有乜咁出奇(=.=)?

3:40返到office所屬ge醫院正座....停電喎!呵呵呵(=o=)!
d社工就匿埋食雞翼,gr就係到摸黑做野,勁搞笑~
我想去七仔買雪糕,但都停電,熔到一pat野咁。
著住便服ge我就光明正大咁坐係走廊到"偷光"睇書,順便接counter。
Anise專登幫我借ge"我的貓兒子周慧豹",好睇!養貓人士必看,超有共鳴~~

無電,基本上做唔到野,不過Eva要我照見人,扮完receiption,
就去左Interview Rm.摸黑見人,仲要痴埋去個窗到睇人銀行簿....
嗯~一次很特別的經歷!添添話佢做左廿一年都無見過威院停電,
一停仲要兩個鐘.....小玲就收得工~~哈!!

我仲同兩個學生匿左係伸出不見五指ge Rm.8入面執野走佬,
Thomas好搞笑地做我地ge照光師~~XD
原來佢都係養貓之人呢,難怪佢個樣同我有幾分相似,養貓GE人係有樣睇架~哈哈哈!!
有時間可以同佢傾下貓經~~(=w=)

去左超市狂掃零食,要上倉呀!office不可一日無零食!



>>January 28, 2005 at 2:40:03 PM GMT+8

2005 年 1 月 10 日 星期一 【晴】

<肥!!!>

Anise禁制我食西多....話我連最呃人ge面珠都開始肥緊....oh~~

老闆好興奮咁拎住張MEMO叫我聽日去聽有關醫管局合約員工轉制GE briefing,
轉左,有無得加人工呢??點都去聽啦~可以蛇一個鐘耶....:p
老闆忘形到學左社工叫我做小玲喎~哈!
不日佢要扮到好有威嚴架,唔會咁叫我~

越來越爛口~~

隨緣生活;隨遇而安;隨人相處;隨心自在。
不要在害怕時爭辯，亦不要因害怕而不爭辯。

呢排好乾呀~再乾D就會變成渣滓..變成人渣...(+v+)

下午唔知係咪俾隔離房自殺不遂果個癲婆嘈生晒,嘈足兩個鐘,嘈到我頭都痛~
心情變到幾差下,失控下,我都癲左........一次過食晒成個櫃內ge零食,真係得人驚!!


>>January 28, 2005 at 2:23:43 PM GMT+8

2005 年 1 月 9 日 星期日 【晴】

<盲妹>

白痴地掉轉左對con.黎戴,搞到自己頭暈暈+矇查查咁過左半晝,sin左好多時間係對con到,shit~~~

d同事話學生哥個樣好細過,轉頭話我個樣仲細過佢地,本來係一件好事,
但嫌棄我個低b咁話... (!.!)

因為Anise識人,所以用批發價好抵好抵咁,$47.5買左3樣野,平到我擘大個口~~(=o=)
平日做左幾大條水魚,用貴幾倍ge價錢去買野,女人錢真好賺~

阿lung一反常態,對我好好喎~
我反而有d驚.....=="

放工等返學時,撞見DR.仔阿哥,於是兩個人勁白痴咁匿埋係到係咁食雞翼...哈(>w<)~~yummy~~

記錯時間,好早返到學校,訓左成45mins.....

返歸時,媽子打黎叫我飲湯,我都幾晦氣咁應:"是但啦~",
收左線之後,就無端端笑左出黎...做我阿媽的確難~~(=w=)

喝緊湯時,二佬又放低左本agenda係我隔離,係佢買野送的,佢就送左俾我,唔知點解,我好開心喎~
或者本來我都想買,或者因為係阿哥送ge....或者我今日心情真的很好~~^^



>>January 28, 2005 at 1:47:52 PM GMT+8

2005 年 1 月 8 日 星期六 【晴】

<遊魂>

越訓越晏起身,近3點先食lunch...(=.=)

原定用黎做功課GE時間,統統都花,晒係D鎖碎GE事上~

決定過年一定要返大陸走一趟!!!

聽同事教用另一種方法砲製小玲好耍家ge馬豆糕,不過失敗左,成本盆倒左lu~
想偷雞用個快d ge方法仲sin晒d 時間~(>.<)

坐下坐下又一日....仲要坐到深夜,一放假就少咁個魂魄~

>>January 28, 2005 at 2:00:13 PM GMT+8

2005 年 1 月 7 日 星期五 【晴】

<陰質小玲...>

小玲係office一句口頭襌:"要呃,都俾d誠意丫~"

d人講大話時,我會好衰格咁唔俾返個台階佢落台......
講大話丫喇~我最鬼憎!仲要當我盲GE~
今日俾老闆坐係背脊,俾佢全程聽住我玩踼爆,仲要跣個pt供出黎.....
完全違背佢地做事ge方式,不過佢一路聽就一路笑,真係唔應該呀佢~
我諗住佢實會捉我入房B下,點知佢事後仲讚我做得好,好熟練,有禮貌之餘,仲有笑容...
其實我係笑緊個pt d荒誕大話......:p
如果佢老老實實,我一定唔會串佢~~

我(問第n次):"你屋企得2個人住,仲有無其他人一齊住呀??"
"e....你仲有無其他銀行戶口架?呢兩本取消晒果咯喎~無呀?真係無?"
甲:"無呀,係晒到啦,乜都俾晒你咯~唔信你咪去查囉~"
我:"報漏犯法果喎!你諗清楚d仲有無~"
甲:"話左無就無啦!你仲想問幾多野呀小姐!!"
我:"咁無收入,點生活?"
甲:"咪係囉~得果雞碎咁多傷殘金,食都唔夠食呀!"

我:"哦...係囉~咁你拎傷殘金本簿仔呢?"
甲:".......咩...咩呀?我唔明你講乜野?"
我(等睇戲):"哦~無....我見你拎緊傷殘金,係咪應該有銀行戶口?"
甲:"無呀!!你好麻煩呀!!!你唔好sin我d時間~"
我(似係佢sin我時間):"哦~係呀,咁你無簿點拎錢?"
甲:"....果本都無錢GE...你都知道有啦,咁都唔使問我啦!無帶呀!"

我:"係呀..咁頭先你又話無ge?咁,不如你搵下你個袋,或者[咁好彩]袋住左呢~"
甲(好串咁):"......無帶咯!"
我:"無帶呀?!唔緊要,下次帶返再黎過呀下~"
甲:"哎呀,原來我有帶喎~姑娘,你睇我年紀大,病到真係乜都唔記得架喇...."
"唉,都無咩錢係到架喇~好慘架我.....xxxxxxx"(慘佢個頭,小富戶)
我:"點會呢,你咁後生,一時唔記得?呵?!""你真係得兩個人住呀?"
甲:"係呀!"

我(="=):"嗯,但你張屋契寫住仲有四個仔女一齊住,六個人喎?"
甲:"咩...咩..咩呀,你睇清楚啦,房屋署寫錯呀!"
我:"房屋署寫錯呀,咁好大件事喎,我呢家打去問下好無?"
甲:"呀~唔係呀,兩個仔搬左架喇,得兩個女之嘛~"
我:"哦~~~~~~~~~~~~~~~~~~~~~~~~~肯定4個啦嘛?!你頭先答我兩個ge?"
甲:"唏~仔女邊到計架!....姑娘,我好慘架喇.........xxxxxxxx"

我:"有無買保險、股票、外幣、定期?"
甲:"無呀!乜都無!姑娘,你都睇到啦~錢就係得咁多,命就有一條,我無講大話架!"
我:"哦,唔好意思呀....我想問下呢,你本銀行簿打住有供保險,有個定期利息,仲有外幣...."
甲:".......都話無咯~"
我:"吓?"
甲:"果d好少錢之嘛........我好慘架,你幫下我啦.....xxxxxxxxx(眼水黎緊架喇)"
我:"哦,呢d都要帶黎果喎,唔緊要啦,你帶齊晒再黎啦,拜拜~~"

老闆話我好耐性,但我恨不得一腳伸個大話精出門....
其實我無必要拆穿佢,只要就咁問佢拎返d資料就ok,不過真係覺得佢離晒譜....
我個心都就黎黑色lu...成日要算住人......\(~o~)/


>>January 8, 2005 at 4:53:47 PM GMT+8

2005 年 1 月 6 日 星期四 【晴】

<思鄉>

仲有一個月就新年喇...好期待...我想請兩日假,就可以放6日,
D堂弟妹就快唔認得我架喇......好想好想返去呀~
但咁樣又唔可以同屋企人一齊過年,又無人睇住肥仔...

今日仲癲過尋日ge~做到好機械式咁,不停重複重複....

撞鬼咯~本來塊臉已經爆到紅紅地,但唔知點解呢個星期,一俾人望住,
就會即刻面紅耳熱......唔要呀~~~(>.<)

遇著個超級大話精,十月頭果時仲覺得佢好慘,今日完全改觀丫,
"慶"到就黎搵筆扔鬼佢呀!

22,23/12去澳門,朋友講起先知約左果日,但24/12又要考試....
不過都好ge,迫我早d溫下書仔~~
今次應該去得成喇啩~^^

做手作仔,整左個好靚好靚ge盒仔出黎^^
但就搞到好夜訓呢~~



>>January 8, 2005 at 4:50:01 PM GMT+8

2005 年 1 月 5 日 星期三 【寒冷】

<亂箭橫飛~~>

今朝肥仔又週圍痾喇!原來尋晚兇完佢都係無用...
真係驚返左工,阿媽會扔鬼左佢!好擔心,好擔心,好擔心!!!!!!!!

全部社工都好唔妥阿Margerat ge辦事方式,Margeret要我跟佢做,
其他社工又叫我唔好咁做,但又唔俾我將問題同Margeret講返.....
因為佢地要係老闆面前插佢......嗯~好可怕ge辦公室政治遊戲!

大家都係同事,點解d箭要插黎插去,有問題講咪得囉!搵著我黎搞~
乜呢家d人,個心都係黑麻麻架?簡單複雜化~

早兩日有人投訴,目標人物應該係我,不過老闆同我講,
佢話佢覺得果個人係砌我,所以都無理佢......深明大義呀佢!^^

Lunch全體去飲茶,同Karen farewell...又走一個....(=.=)

好多人問我有無得轉長工,有..我都想..哈~不過人家係講緊前線人員呢~~:p

越見越多人....help me~~無時間可以偷懶咯~

每日食廿幾蚊朱古力 + 其他零食 = (可愛)肥小玲一個~~XD

放工同Anise傾左陣先返學,原來佢16歲就出黎做野,廿歲就入左政府做到呢家。
同佢講左一輪未來動向....轉工OR留任...最終都無肯定GE答案....
轉長工係好安穏,但我又想試多幾份工...

Nicole叫我試下去佢公司搵工....哈!可以一齊做就真係好正~
又講下台灣之旅ge細節,六月...六月...我等緊你,到時千祈唔好要考試呀!!


>>January 8, 2005 at 4:44:56 PM GMT+8

2005 年 1 月 5 日 星期三 【晴】

one email~~

據專家所說的，你的小習慣會顯露出你的性格，以下是一些例子。
不妨參考看看吧...


●將手指關節弄得格格作響 (以前都有時)
你滿腔熱忱及新意念，思想敏銳，喜歡吸引別人的注意。
你經常都有值得一聽的話要說，又或者是一處值得一遊的地方要去。

●咬指甲的人
顯示你經常都受到壓力，總是對自己的要求太高，
但對待別人的態度卻絕對公平的。

●咬牙切齒的人
在潛意識裡，你經常掩藏著各種精神壓力，只有在狠狠咬磨一排牙齒時，
才被觀察出來，這種習慣顯示你極端憤怒，內心的怒意比你自己願意承認
的還要多。

●撫弄耳朵的人 (發呆時會)
這是一個密謀計策的人的標誌，當你計劃下一步行動時，就會有這樣的表現。
你是一個正直、有責任感的人，善於運用規則條例，而且往往會獲勝。

●挖鼻孔的人
你對於別人的意見無動於衷，頭腦靈活，很有成就。
但你那種旁若無人的挖鼻孔習慣很讓人吃不消。

●不斷搖腳的人 (不奈煩時會)
顯示你經常都興致勃勃、活力充沛，隨時隨地準備行動。
你的情緒高漲，脾氣火爆急燥，一下子就變得興沖沖。你很容易受哄，
也善於取悅別人，只要不需要花太多時間的話。

●咬囓筆桿的人
你的神經十分緊張，缺乏安全感，但你是一個誠懇又忠心耿耿的朋友。
你很能為別人著想，經常會自我反省。你是一個極佳的計劃者，
但當一些小事情進行得不順利時，卻又會過份緊張，方寸大亂。

●扯扭頭髮的人(呢排經常有呢個小動作)
你非常注重自己的外表，但同時對自己亦非常具有信心。
扭扯頭髮是自負的表現，在公眾場所這樣做，是表示你不在乎將自己的錯
顯露出來。

●將口香糖弄得礔啪作響
這種嗜好反映出你渴求肉體上的快慰以及一時之間的滿足。
你是一個喜愛群體生活和尋歡作樂的人，非常輕易就可以結交朋友，
而且帶領他們一起玩樂。你是一個天生的推銷人員。

●喜歡亂塗鴉的人(無聊時會)
你擁有藝術氣質與創造力，而且眼光獨到，能夠分析任何錯縱複雜的事情。
你的情感往往極之豐富，但幸好仍然能用理智來控制感情。
胡亂所塗的如果是幾何圖案的話，就表示你的思想有邏輯，組織能力強；
彎彎曲曲的線條顯示你的思潮複雜，內心矛盾。

>>January 8, 2005 at 4:39:58 PM GMT+8

2005 年 1 月 4 日 星期二 【乍雨乍晴】

<夾心人>

暫時要學生望住我做Waiving,硬係有d 尷尬~

Anise叫我唔好教咁多野學生知,Eva就要我識乜教乜....嗯!有d困難...

好似越來越多野做咁....茅停過啊~(>o<)

上次?心口個阿伯,今日再黎時同我say sorry,其實我都唔mind,
但佢就唔安樂左好幾日....\(=o=),佢同我咁講,搞到我唔知點咁~

今日一切都很好,但就受左D委屈,亦受左d氣.....D氣全部都係由阿Lung果到
發出ge....但又無可奈何,都唔明白,點解佢咁憎我....
唔like我都唔使咁對我架~有病!

睇報紙,見到一堆死屍,只有震撼...
見到仍然活著果d,就有dd心痛...

今日俾人鬧....都好少事?....我已經好幸福....

臨訓前對肥仔發左大史以來,最大ge脾氣....佢終於知衰喇~
乖乖地咁...真係好嬲呀!




>>June 12, 2005 at 4:34:37 PM GMT+8

2005 年 1 月 4 日 星期二 【乍雨乍晴】

<夾心人>

暫時要學生望住我做Waiving,硬係有d 尷尬~
Thomas的確係我鄰居ge同學仔....好彩佢地唔熟~~:p

Anise叫我唔好教咁多野學生知,Eva就要我識乜教乜....嗯!有d困難...

好似越來越多野做咁....茅停過啊~(>o<)

上次?心口個阿伯,今日再黎時同我say sorry,其實我都唔mind,
但佢就唔安樂左好幾日....\(=o=),佢同我咁講,搞到我唔知點咁~

今日一切都很好,但就受左D委屈,亦受左d氣.....D氣全部都係由阿Lung果到
發出ge....但又無可奈何,都唔明白,點解佢咁憎我....
唔like我都唔使咁對我架~有病!

睇報紙,見到一堆死屍,只有震撼...
見到仍然活著果d,就有dd心痛...

今日俾人鬧....都好少事?....我已經好幸福....

臨訓前對肥仔發左大史以來,最大ge脾氣....佢終於知衰喇~
乖乖地咁...真係好嬲呀!




>>January 8, 2005 at 4:28:30 PM GMT+8