2004 年 11 月 15 日 星期一 【微冷】

我知道咩叫做人留一線,日後好相見.....但要做到呢.....比較困難.....性格衝動,好難改.....

一向都以為自己對事唔對人.....不過今日留意到,我原來會因為人做某D事,
而演變到討厭果個人.....做唔到對事唔對人呢....

又同個朋友返工一齊遲到.....又係俾佢扯住跑,訓都未訓醒,
早餐又未食,跑,我會暈架~

今日到Anise哎悶喇,我俾晒d雜誌佢睇.......哈~
佢仲消失左,遁左去我房同我傾成45分鐘......跟住就要潛逃返gr......XD

醒左呀,今轉無俾人影響到.....
識得自己去思考....Good!!

老豆一返屋企,就俾我捉住佢擘大個口......研究佢無左隻牙仔個情況~
好cute呀佢......好似細路仔咁.......哈~~XD
我贊助佢一半二千蚊俾佢再搞搞棚牙都唔制....咁不識抬舉?!





>>November 19, 2004 at 3:48:11 PM GMT+8

2004 年 11 月 14 日 星期日 【颳風】

心情 & 精神都唔錯,good!

日記中提及ge兩條龍....阿龍=我朋友.....阿lung=(找我)麻煩的社工
......分別好大的!!

搭車撞到個朋友, 落車俾佢扯住一齊跑返醫院....因為差唔多遲到....:p
但我著住boots呢....差d拗柴~(>o<)

黃太行山果日已經係咁同我講續約ge野,其他社工又係咁...
唔識應佢地.....佢地咁熱心咁......嗯...

個pat同腳都酸酸痛痛....同事話因為我落得太多斜路,又唔識卸力....
oh~~痛痛!不過黃太都係咁樣,一齊痛....哈~

09 12152205 251521
<==密碼黎?俾我做乜?可以玩GE??難估~(=.=)"
邊有朋友要送朋友返學架~唔使喇!thx!

去返學時,訓著左,要個司機再開多次對門俾我落車....真好彩~~
不過都幾瘀......:p

Yuki今堂又無返lu.....個miss好神速咁教書.....話咁快又第二份功課,
傻架,三堂就交左兩份,仲要我乜都無寫過,咩都係一group咁做,
兩份加埋都唔知有無做過半個鐘.....
至於佢講過d乜,呢堂好d,都入到腦ge,但好鬼悶耶~

搭車累到死時,"突然"遇到個人,都有諗過放學個時間會撞到,
但無諗過會撞到咁正,係個車廂入面......唔知要有咩反應.......
想鬧,但係果個moment鬧唔出,亦想聽下佢仲想講咩,
所以就等佢講,.......不過都係d無聊野~

聽完,仲發現以前真係好傻,以為朋友會好著緊自己d野,
原來人地根本乜都唔記得.........
"你仲係果間......果間.....做緊呀?"
"你返學呀?咁夜ge返咩?"
....
...
..
我真係睇唔出佢口中GE"重視"....亦聽唔到咩解釋,
之後仲無端端做左個活動佈景板,一齊role play添....
真係睇到我眼都突埋......

使唔使一見人黎就ready做戲,你想點做就點做啦,
場戲係你ge,唔係我,我唔想一齊玩埋一份!
你真係摸得好清我d性格,係我睇唔清你係點啫.....

見到,第一個反應係愕然.....然後就想閃,但諗做乜要我避,
但原來唔避係會幾怪~
繼續企感覺係更壞GE,早知一句我走先,就行開去啦~

發生左GE事就係發生左,唔可以話扮無野,
我介意GE唔係你諗果件事,你有睇到封信GE,唔使我再講多次~
一日無一個答案,無一個解釋,我都係同樣諗法,唔會改變!
既然你都唔想解釋,又何必敷衍~

口講一套,做一套,只會令我更加唔知要點去睇你.......
唔好再加多個壞印象係我腦海.....
所以,最好唔好見到......我都唔想,唔識俾反應你....
無謂一陣又話我令你難受,俾說話你聽.....

越來越無咩安全感,覺得人真係好恐怖......咁鍾意講假話GE?
咩人都有,口是心非,出賣朋友,大話精,乜都有,
究竟呢個世界仲有幾多個人正常少少?
有乜可能對住朋友都可以係咁架......雖然返工見到有d人仲離譜,
對屋企人都係咁,但我都仲未睇得化,睇唔過眼!

今晚對自己ge信念有d動搖....不過我會搵到我想知ge答案,而唔係聽人講乜,
我就信乜.......

一返屋企,就留意到老豆俾牙醫拔左出黎隻大牙.....
大到有一節手指尾咁大隻,仲血淋淋,諗到都覺得好痛......
見佢訓左,都唔敢去搞住佢lu~





>>November 19, 2004 at 3:45:02 PM GMT+8

2004 年 11 月 13 日 星期六 【炎熱】

晨咁早就起身出尖咀搵黃太......我難得可以訓晏D GE星期日就咁無左lu~~
一到集合地點....怯一怯....全部D人唔係一家大細,
就係都幾大年紀下.....有D成八十幾,九十歲....
仲要行得快過我....全場六十幾人....只有一兩個年紀較為相近.....

我只係知我係咁俾人圍住,有好多"鄉親父老"係咁同我講野....
難怪D親戚成日話我有長輩緣......返工,去街,都會有好多長者同我講野,
我個樣似咁純良咩??我惡人黎架~~
D人仲當左我係黃太個女......

去到嘉道理農場,勁多人.....D人唔知係睇唔清OR未見過,
竟將池塘入面條假鱷魚當真GE,係咁嘩嘩嘩....奇景!^v^

我地係B隊,四十幾人,行D安全路線,目的地係 >>> "觀音山",
一路行,D人係咁撩我講野,搞到我好索氣~
個領隊係咁話我好有潛質行山,皆因人瘦身輕(=.=)"會行得輕鬆,
又後生,又無喘氣....好少可有人會潛我體能呢~~呵呵呵呵!!
行左約兩個幾鐘到啦~

不過我都估唔到自己今日狀態會唔錯,除左停低同黃太係到搣柑仔食之外,
都無抖過,仲由頭到尾都係帶頭.....因為個領隊係咁係我身後煩住,
我就搏命係咁行.....:p

一向都覺得黃太唔似五十幾歲,亦覺得佢係個幾摩登GE女性,
但原來逢係做人阿媽GE,都緊有D阿媽GE習性......哈~

沿途風景都唔錯,天氣又好,無咩點曬,汗都唔多~
除左要發揮我ge吹水小宇宙==>搵話題同黃太講野/解答一切同行GE人D問題之外,呢個活動都唔錯,有時間都會再去~~^^

之後我地係八鄉食客家菜,人家鋪頭隻喵就黎同我玩到跟我返屋企~
所有食客同老闆都驚訝點解隻喵咁聽我話....同類嘛~哈哈哈!

同黃太不停咁將D錢塞黎塞去===>請客....
最怕呢D情況~~~:p

我地無行埋下午GE路程===>畫眉山。
一來黃太唔行,而且真係行好耐,我驚我咁耐無行,會腳軟呢~
我又好醒咁係八鄉搵到架251M直搭返青衣城喎~勁勁勁勁!!
返到去先兩點半,但就好似過左好耐咁,
平日呢個時間,我先??起身咋~
日頭,真係唔好訓咁多,waste晒d時間~~

不過返到屋企就死左喇,因為始終係訓得果六個鐘.....
由三點訓到七點,因為呢兩日假ge活動都不在預算中,
打亂左個時間表,有好多野都未搞........OH~~~~~~

d功課未做；
錄左ge十多盒錄影帶未睇；
未打理肥仔ge一切；
間房亂到九彩；
衣櫃一開有野會跌出黎；
曬左幾個月ge相都就咁pat左係台面；
有好多封信又未拆；
買左幾本雜誌,漫畫,vcd都未睇過；
d盆栽好耐無洗；
總之就亂亂亂........點搞好呢~哎呀呀~~

是夜,就開始腳仔軟lu~~:p

老豆牙痛呀......又唔肯去睇急症喎~
望見都心痛,因為牙痛真係好?命。細個牙痛時,
老豆會係咁引我笑同好緊張.....我只係俾個個暖袋同幫佢搽左d按摩油?佢訓咋..........畏疾忌醫唔好呀~






>>November 19, 2004 at 3:41:45 PM GMT+8

2004 年 11 月 12 日 星期五 【晴】

肥仔今朝打爛玻璃,搞到我一早起身清理......
再訓。醒左先見到對腳踩中左玻璃.....但唔多覺痛....

con都唔戴返工:p~
因為對眼好累,好多紅筋,真嚇人。
今day應該都無咩做,係咁諗住返到去要.........訓!卡卡卡!!~~XD
但都無訓到ge~

有個黎左好多次GE婆仔,用D好怨恨GE眼神望住我好耐就走左。
搞到我唔知點咁......

有乜野,當面講咪好囉....做乜要估估下呢~~

婷婷約我去CAMP呀,恨左好耐呀~
不過成個CAMP D人,我只係識阿婷一個。你........整鬼我咩(=.=)".....

阿YAN同我講左好多野,平時就扮到好惡咁,其實都好細路仔,好得意~

無人同我講過女仔唔可以俾隻無名指人貼膠布果喎,
點解會有個咁ge意思架.......死啦~會唔會令人誤會?
我花左好多時間先解決到呢個問題咋。唉!真係流血流到矇左...

收工睇報紙睇到唔知放工,哈~
不過就係咁橋,芳芳咁啱話去街,咁我就陪阿YAN食埋飯仔先出旺角...
其實我地兩個都係忙到死,不過街仔都要照出...嘻~
一日半日,無所謂啦~長命債,長命還.....慢慢做....^v^

一見到芳芳就搏命係咁講講講.......呢個可能係一種病態...
行完街就去食飯.....食到好鬼飽飽~
收鑊都唔錯,買左幾件衫仔同裙仔。

不過條裙返到屋企一試先知.....唔?身...oh~(>o<)
度下條腰......WOO~~~~肥左....仲破埋自己最肥妹時GE紀錄....
唔可以再咁落去,下定決心,呢個月內,至少減返兩吋,減唔到我唔叫小玲!!!
條裙我係唔會拎返去換GE,我實會著得到....哼!

沖埋涼先記起幫阿哥做漏左D野,夜麻麻仲要搵藉口落街....
阿媽都知我同二佬有蠱惑架喇.....但無奈,佢個女吹水都好叻下~~哈!!




>>November 19, 2004 at 3:40:18 PM GMT+8

2004 年 11 月 11 日 星期四 【晴】

黃太無端端叫我星期日一齊去行山喎....Funny~
係跟團去呢....行足一日GE路線.....好奇怪,佢無叫其他同事一齊去呢~
佢話佢只行半日,咁我都唔會自己繼續行足全程啦~
我邊有咁GE氣力......哈~
佢仲叫我帶定行山杖....唔會好難行掛....我初哥黎咋喎~

佢咁高興咁叫我去,我又唔知點推.......傻下傻下就應承左去喇....
但諗極都唔明點解搵我一齊去('_')??太趕,搵唔到其他人??
黃太係果個會GE會友,咁會唔會成團D人都係五十幾歲,得我一個廿歲??
話熟又未至於熟到會一齊去街....做乜淨係搵我??
淨諗都覺得怪怪~不過黃太又唔會賣左我GE,
我都想去行山,好耐無行過lu~
難得成團人去,咁安全....仲可以去D特別GE地方行....
想叫埋其他人去,又好似唔係咁好咁.....嗯~~~

同GR D同事講開,佢地好大反應,仲係咁笑我發達喇~
因為黃太住係九肚山,話佢D朋友都非富則貴,一定係睇中我,
叫我一定要識返幾個......成個晏晝一見我就同我講:"我要嫁個有錢人!",
俾佢地笑鬼死~真係無佢地咁好氣~
係有錢呀,不過黃太識得GE都做得我老豆咁上下啦~
佢地一定會估錯~D社工一直都以為我有拍拖GE....我又無同佢地解釋過,呵~

收工,同d 朋友去旺角,我地做左d好肉酸ge野呢....
企左係間鋪入面成兩個鐘.....我從未試過買衫買咁耐~真係會行都腳仔軟~~~:p
不過我一件都無買到,睇唔?.....睇?果件又著得唔好睇....因為肥左d...嘻~
但d朋友就買得好開心......死啦~唔通我d品味真係怪怪地?

跟住好快咁閃返屋企,因為今日做左好多野,好累,仲肚仔餓呀~

返到屋企本應諗住包壽司食,點知買晒野係買漏左紫菜,??地,
將d材料倒晒落d飯到就咁食.....果到好似兩碗飯都有呢~~哈!痴?!

同屋企人講開去行山,大佬又係勁搞笑咁話:"九肚山呀,咁你要巴結下喇~~"
我應佢:"cher~我青山添丫,我咁好,應該等人黎巴結我先?....哈哈哈哈哈~~~~~~"XD

沖涼,ONLINE,訓得好好.....

有性格 =/= 臭品 + 無禮貌
唔可以成日對住朋友發脾氣ga~~

我第一次一日內無情情俾兩個人CUT我三次線....
有dddd唔開心......唉~搞乜呀?好難溝通呀........\(-o-)/





>>November 19, 2004 at 3:38:15 PM GMT+8

2004 年 11 月 10 日 星期三 【晴】

一諗到今晚又要返學........灰~
好懶呀.........第四晚返學咋,我已經懶成咁,點算?

一開門,就發現.....我尋日掛住講電話,
唔記得熄左個冷氣就走人........噢~~~~~~~\(>o<)/

發吽時,又俾karen見到.......佢又問我睇唔睇雜誌......
佢仲好搞笑咁話,有人見就會刺激d架喇....因為d人夠奇怪~
跟住黃太,阿SO行過都問我做乜咁寂寞.....唉....我都唔想....

去ball.....我唔曉跳舞果喎~~

上堂果時好似開餐咁......哈~

或者ENG個miss教得無咁悶啦,落堂之後心情幾靚下~~~
不過心情靚極都要訓覺.....(=.=)zzzzzzzzzzzz




>>November 19, 2004 at 3:27:56 PM GMT+8

2004 年 11 月 9 日 星期二 【晴】

夠訓確係唔同d,心情好d,個樣都寬容d~~^^.^

有個同事都好煩人呢.......好似冤魂咁日日叫我請佢食飯......
佢就係咁每隔一個鐘就坐係我房哦足我半個鐘.....
Kitty, Yan日日俾佢咁煩法,已經包辦左佢二餐........
阿叔呢家要Anise & 我包辦佢個lunch & Tea....
見親我地就叫我地做孤寒鬼.......(=.=)"
煩呀煩呀~~煩死人喇~~我最唔鍾意d人咁無骨氣.......(>.<)

今日見左好多個Case都係細路仔,好細個,好Cute呢~
又乖喎~所以不停咁用零食黎呃D細路仔同我玩.....哈~~

老闆Winnie入GR第一次見我拎住第一本雜誌 ==> 對住我微笑....
老闆Winnie入GR第二次見我拎住第二本雜誌 ==> 再對住我微笑....
老闆Winnie入GR第三次見到我呆坐左係到.. ==> 微笑住咁問我:"唔睇下報紙?"...
Anise將佢所有ge閒書,拎晒俾我睇....
Karen就同我講,佢有好多書,問我睇唔睇........
我係咪悶到放晒係個樣到呢....?!!

累po yan兜左轉呢.........(-.-)\

係咪我分配時間有d問題呢......點解咁唔夠用?




>>November 19, 2004 at 3:23:03 PM GMT+8

2004 年 11 月 8 日 星期一 【晴】

朝朝返工都撞到GARY,佢仲話佢原本同我唔同路,
但有幾次見我遲到仲可以好"滋"悠咁行返OFFICE,
所以就跟我行呢條路,可能會快D......乜我真係行得好慢咩??

Margaret今朝話要請我食早餐,不過我一早食左lu~
做乜又要請我??佢地就黎質到我一日五餐ga喇...........

成對眼都係紅筋....可憐耶....

計計下,原來剩返無幾多日子係OFFICE....
到時走實會好唔捨得呢.....
突然諗起,D假唔可以亂放左去呢....
遲下要用來溫書考試 + 搵工呢~~(=.=)"

見到個女仔,著住校服,黎接個女出院.....咩世界呀....

放工好塞車.....個司機仲入錯線唔停站...不過小玲都係繼續訓緊.....
直至有個女人係到鬧個司機嘈醒左我.....

勁早訓,未夠十點就去訓....
我恨左咁早訓好耐~~哈!




>>November 19, 2004 at 3:01:07 PM GMT+8

2004 年 11 月 7 日 星期日 【晴】

阿媽好搞笑咁想幫我食少D CHEESE CAKE,怕我會肥,
但對佢黎講,太酸呢~哈!點可以俾佢食~
二佬就每次都好捧場咁食ge,無論我整咩,佢都係第一個試ge,今次都唔例外,
佢自己拎左黎食,酸到佢變左樣........哈~

媽仲問我夠唔夠錢俾學費.....
講真,如果我無能力,我唔會報讀.....
連呢D咁少GE野都要媽子擔心,真係幾無用....
所以要搵好多好多錢,俾到好安?GE生活父母!

無咩野做,好悶,悶到好眼睏.......
睇左本漫畫,再順便睇下D NOTES.....但D NOTES好似經文咁.......

個人一累就想匿埋,匿到無人搵到我.....

呢排可能勞動多,個個都話我塊面好似瘦左......
Shit~真係一瘦又瘦塊面先....過份呀~
但其實呢排仲食得多左....我唔想做阿柴呀~~~~(^O^)>>>>

上堂時釣魚呢~~好悶,好眼睏.......個MISS係到唸經咁.....
我一句都聽唔入......只係知好想訓....
係咁對住NICOLE講"我好眼睏,好眼睏,好眼睏.......",煩死佢~~^^
YUKI今堂已經無返.....雖然覺得咁快就走堂唔係幾好,
但其實我都好想走堂......哈~

走果時,mrs tse等埋我,真好人~
但nicole好似仲未認識佢咁.......無乜兩句,所以就無一齊走咯~
下次介紹佢地認識下先~~^v^

返到去都十一點幾....累到爆,仲要同幾乎一日無見過我GE肥豬仔玩一陣 + 沖涼 + 食D野....十二點半先訓.....
呢個鐘數,我覺得仲係好早,但我已經無乜精神再咁GE時間去訓...




>>November 19, 2004 at 2:52:02 PM GMT+8

2004 年 11 月 7 日 星期日 【晴】

普通的 VS 真正的 (之前唔記得係邊睇過,不過今次係0係例湯果度偷過黎ge,因為每次睇,都好認同)

一個普通的朋友從未看過你哭泣。 一個真正的朋友有雙肩讓你的淚水濕盡。
(我成日對住d fd喊架,一唔開心果時....無咩ge,想喊下囉.....^^)

一個普通的朋友不知道你父母的姓氏。 一個真正的朋友有他們的電話在通訊錄上。
(我記得我問過,不過呢家已經唔係太記得...... :p)

一個普通的朋友會帶瓶葡萄酒參加你的派對。 一個真正的朋友會早點來幫你準備並且為了幫你打掃而晚點走。 (好似未曾搞過party呢.....嘻嘻~)

一個普通的朋友討厭你在他睡了後打來。 一個真正的朋友會問為什麼現在才打來。
(夜麻麻收到電話會有d擔心,會訓唔著果喎.....不過未訓醒同我講未都入唔到耳......^^)

一個普通的朋友找你談論你的困擾。 一個真正的朋友找你解決你的困擾。
(會呀,更有d朋友係好好ge~~^v^)

一個普通的朋友對你的羅曼史感到好奇。 一個真正的朋友可以威脅你說出來。
(我咁八,係咪都會威迫人講......哈~~)

一個普通的朋友在拜訪時，像一個客人一樣。 一個真正的朋友會打開冰箱自己拿東西。
(我會睇下有乜人係到先.........=.=)

一個普通的朋友在吵架後就認為友誼已經結束。一個真正的朋友明白當你們還沒打過架就不叫真正的友誼。
(呢個好值得思考......)

一個普通的朋友期望你永遠在他身邊陪他。 一個真正的朋友期望他能永遠陪在你身邊。
(我想八十歲都係朋友仔ge隔離.....................整蠱佢~~~嘩哈哈哈哈!!!!XD)

>>November 19, 2004 at 2:37:19 PM GMT+8