2004 年 11 月 25 日 星期四 【颳風】

買左件格仔褸,有個社工原來都買左件....
但Anise勁話我一著,就勁似學生....好有校褸feel.....(=.=)"

你覺得我好容易滿足咩??......都係ge.....哈~唔好咩?!

見人見到點半先有得去買飯.....

買完返黎,就見到個好熟GE人樣,但叫唔出係邊個....
其實係xxxxxx....原來佢一早知我係邊個Dept...
上次件外套,都係佢放低ge....阿Yan竟然同我講係個男仔.....
搞到我一直估錯另一個人,仲問人做乜送俾我....好瘀呀~
跟住拎返個飯盒過返瓊天同佢一齊食飯....無野講飯局...
好尷尬咁....同一句說話,我好難再講多次呢.....我係咁DUM低個頭扒飯.....=.=.....

收工要去飲表姐個餐,係沙田賽馬會會所果頭....
諗住行得果一陣間,所以就自己一個去左新城市中心到遊蕩,
無叫例湯過埋黎一齊行,點知等屋企人黎等到發晒mo.....(=.=)"
早知會有咁多時間,我就搵埋例湯去西田一齊迫下啦~

其實我連邊個表姐結婚都搞錯左,佢地成家人,我只記得舅父/母個樣....
去到發現,二佬同我一樣,都唔記得佢地個樣,所以我地好搞笑咁未入場前,
就扮晒睇結婚相,實質認返下邊個先係新娘,叫錯人會好.........................................................哈~
表姐同表姐夫都勁靚女/仔,同我同年ge表哥/弟??都變晒樣.....
簡直係唔識咁.....

由於上一代關係麻麻,搞到溝通都無乜,影相時都幾尷尬下,
好似陌生人咁.....怪~
如果知道個情況係咁,我會勸成家都唔好黎,悶之餘,好似無個人識咁....
彼此關係極度疏離.....

跟住入席時,少不免俾成台未見過ge鄉里/親戚研究我個樣,
好罕有地,佢地無人話我同二佬好餅印,反而係咁話我似老豆,
一時又話我似姑媽,一時又話我似姑姐....其實我都好似阿媽....^^
佢地淨係研究我,又唔研究阿哥,好明顯,阿哥個樣似大賊,無人咁惹佢...哈~
全程咁俾人望住,好唔自在耶.....

席間,俾d親戚叫住,又俾媽"拖"實,走唔甩,要人地social下....
容易啦,不過無乜點想social,求其講兩句就閃人,反正,
根本講完佢地都唔會記得誰架啦...應酬完,唔通仲同佢地談心咩....

成晚就係咁同二佬吹水,睇人....無聊呀~
最搞笑係個侍應,係咁DOUBLE份糧將D野食夾埋黎......我已經好鬼飽~
我屋企人都望到勁笑.......最後,連同台D親戚都認唔住問佢做乜係咁夾晒去我到,
個侍應就只係傻笑,話...."好食嘛,女仔鍾意食野.....",
二佬仲即時爆笑左出黎.....話我個樣為食............我無呀~~~~~~~(>o<)
十一點鐘先走人,沖埋涼,再同臭豬玩一陣都兩點幾....
還好聽日應該無咩做....




>>November 27, 2004 at 3:49:57 PM GMT+8

2004 年 11 月 24 日 星期三 【颳風】

阿姐仍然為果兩個相架高興緊,估唔到小小一份禮物會氹到佢兩老咁開心.....^^

今日好懶啊~乜都唔想做.....不停放蚊......

就係為左今日呢個唔知咩日子,老闆就要人地化妝....=.="
我又唔係社署人喎.....唔出席都唔多覺啦~
搞到要返學之前係到狂卸妝......

婷婷約我去BBQ啊!又係瀧鼓灘,我今次點都要行到去個灘架喇!!^^
咁早去,我要去划艇,放風箏同踩單車.................................今年好似勁BBQ......

做野做到傻左,唔記得左自己未做功課,搞到收工用左大半個鐘黎趕起左份野...
但就勁求其....又離題.....仲搞到遲到添....唧唧唧....(~.~)

機乎每個假期都唔係屋企,好唔癡家呀小玲......
老豆同媽子一個星期都唔知有無見到我廿個鐘.....
返學之後好似最多都係得三日係屋企食飯...我好掛住張床呢~
呢排EQ低,對媽子發脾四....再係咁,就好快會同佢調轉角色架喇~

Nicole突然又慶起想bbq,黎緊ge十二月好多節目呢.....
佢仲問點解次次活動都搞唔成,要一個都不能少......問得真好呢~
約人其實真係好鬼煩....聽過GE理由多不勝數.....

1.唔得閒/時間唔啱.....(情有可原)
2.累.........(去玩可以提神嘛~)
3.無錢.......(我會慳住其他地方先,去街都用好少OR由朋友代支住先囉..哈~)
4.唔想去.....(無計lu~)
5.溫書.......(合理ge....不過都要輕鬆下嘛~^^)
6.天氣熱/凍/曬.....(咩天氣都會出街.....夏天就要曬下,冬天就要跑下嘛~)
7.要睇下有乜人去...(仲細咩....=.=")
8.雙生兒,個老死唔去,都會一齊唔去......(其他人都係你朋友呢....T.T)
9.堅持玩第二d野....(我會去左大家想玩果d,咪參與下囉~唔係咩叫朋友?跟住下次再搞第二d先
再去囉,咁後生,幾時玩,玩乜都得啦~)
10.睇下有無其他節目or另一堆朋友ge booking.......(最鬼憎呢d,搵人攝,仲當人後備喎......)

不過最大原因都係....有無心ge啫....有心無心,其實人地好易睇到....所以約人對我黎講,
真係難......怕怕了~-.-"
我弱項.....

作死囉~睇報紙,雜誌睇到三點....上堂又唔見咁好精神~



>>November 27, 2004 at 3:41:18 PM GMT+8

2004 年 11 月 23 日 星期二 【微冷】

今日一定要做功課喇,聽日要交喇~~
所以叫阿Lam,如無必要.......就幫我"攀"走佢地....哈!!
不過佢失守呀....放晒d人入黎~~:p

之前個阿姐問我有無相架,今日送左兩個相架仔俾佢,見到佢勁開心,
我都好開心~~^v^

有個男仔,兩次見佢都覺得佢好特別....可能係佢靚仔~~haha~

生痱滋呀~~~~~打孖一齊黎,痛死人喇~(>.<)

Gary幫我解決左一個超"火羅" GE場面.....好彩有佢咋,唔係就俾好討厭GE曾姑娘整到我頭都大呀!都未曾見過D咁GE人架!!

做左鐵甲萬能俠.....D社工瘋狂咁俾野我做....忙到傻左~
想做功課先黎咁多野做,玩野咩~

有個見過幾次ge patient過左身...才33歲....心入面突然有d唔知點ge感覺......

遇到個伯伯,好得意,個名叫X細佬,原來好多人個名叫X細路/細佬架~^^

老闆用左一招,兜左個大圈令我要坐定定係房....
唉~可憐呀....對住四面牆~~~~~~

Po Yan好好呀,係青衣城等左我成個鐘陪我買野~
小玲好方便咁係果到買左d化妝用品...waste錢~

未曾化過妝ge我....化左個唔似王少玲ge人出黎....(=.=)"
靚左ge,但好睇唔順眼....假到丫...雖然屋企人同阿哥個同事都話個妝得,
但撻咁多野落塊面,就覺得唔好~
一共用左唔使十分鐘化好,但就驚死唔乾淨咁洗足廿分鐘面....
不過化果陣好好玩....尤其睫毛液....真係長一倍,勁好玩~
可惜阿哥唔肯就範俾我玩下~^v^

化左無十分鐘就洗左去....唔記得幫自己第一次GE"傑作"影返張相添~

唉.....黃霑都走埋....




>>November 27, 2004 at 3:23:40 PM GMT+8

2004 年 11 月 22 日 星期一 【微冷】

Anise狂笑咁問我尋日係office做過乜....

無精神啊~~

懶惰小玲都係唔想做功課,拎左D NOTE出黎都無揭過.....:p

無聊地做花王,施肥,又將佢週圍放,曬下太陽~~^^

又係房到執左一堆唔要ge野出黎....間房真多"垃圾"~

肥仔越來越放肆喇.....仍舊四處撒尿,俾我fit左佢幾野仲噬返我轉頭....
真可惡.....之後,成晚都係繼續搗亂.......好難搞呀佢~-.-~


>>November 27, 2004 at 3:12:51 PM GMT+8

2004 年 11 月 21 日 星期日 【颳風】

好似幫趁左瓊天成個月都有........再唔出去食下其他野會好易癡線架~
咁橋,Anise就話去飲茶喇,仲有阿lam,奇哥 + Suki走左之後都無一齊食過飯ge Visi~~^^

開工都係無停過.....4點鐘前已經爆左我最高紀錄....見左13個人....
仲要只係四個鐘頭內......其他人我已經好得咁極速"耍"走左佢地.......
今日係office內狂跑....滴水不沾(飲唔切~)....頭髮都散晒咁見人......哈~
i like it!!!!^v^.....收工15個.....WOO~~

可惜....我功課都未掂過.....仲有d note....再唔睇,我完全唔知MGT個Miss講過d咩~~
累累地,好想訓啊~

超搞鬼......收工仲坐係OFFICE睇下NOTE,剛想縮起對腳上?時(我著緊裙..),
Margaret竟然用鎖匙爆我門....哈~好彩我坐定定?...唔係就蝕底晒~~XD

見佢地想用我間房,咪唔鎖住去囉~
點知再過多陣,聞風而至ge阿yan又過黎諗住搵下我,就望到我係做體操.....悶嘛....
相信......聽日d同事會話我係office發神經~~~(^-^)"

上堂時,除左聽書,大部份時間只望到Nicole個背脊.....
好彩,同學仔Mrs Cheng好主動咁同我講野,雖然聽唔清 + 唔明,不過都好樂意聽ge~

個miss教教下書....失聲,早放了~~^^

Mrs Cheng一共問左我四個問題....
第一次,Nicole, Yuki, 佢 & 我一齊落樓,佢見到Nicole & Yuki飛奔咁走先,
問:"佢地係咪唔係咁鍾意我同你講野?".....尷尬~~

走左Yuki後, Mrs Cheng 見我地同路,所以一齊行,全程佢地無交流,
我只有搵野講,結果得Mrs Cheng應我, Nicole一枝箭咁行左去.....
相距成條街...搞到一個前一個後,我又係中間,想行快d,
但Mrs Cheng行唔到咁快,諗住Nicole都會係MTR Station等一等我....

到MTR Station,搵唔到Nicole,Mrs Cheng再問:"你朋友做乜唔等埋你?
你地係咪係呢一班先識?我見佢地好似無咩同你講野咁,其實你悶唔悶?....."
咁大個女,好少俾人問到我口啞啞.....都幾尷尬 + 無奈....
我唔識答佢,只係笑笑下咁答唔係~唔曉俾反應佢....

佢就拍左拍我膞頭,話:"唔緊要ge,到你再大個d, 就會識分,呢d都係人生必經...."

之後係月台搵返Nicole,問佢都答無野....

其實我都悶ge,佢上次問時,我都有諗過,不過今次又好似唔係幾關事咁....
邊個都好啦,性格不同,表達不同,Mrs Cheng有佢道理,
不過如果只係因為我係果十分鐘路程無同Nicole講野佢就嬲ge話,就唔叫朋友啦~
不過就唔可以就咁掉低我呀~走先之前都應該講聲就真ge~^^
唔使我好似孤兒仔咁嘛~XD

人同人相處...的確唔易搞~
不過呢D咁深奧GE問題都係唔好諗咁多好....多想無益~
反正聽日都唔記得架喇......哈~

識多兩個好funny ge同學仔--Miffy & ????

個MISS好手鬆啊!果兩份無掂過GE功課有7/10分呢~

趕回家看<天國>....^v^

我個大債仔還左好多錢俾我呢~
突然覺得多左好多錢,好鬼開心.....拎黎買DC好無呢?

種的花,有花蕾了.....開心~

肥仔又週圍痾了....差d又搞到阿媽同我開戰.....

半夜走起身食麵.....唔記得左自己未食飯...hehehe~~



>>November 27, 2004 at 3:06:11 PM GMT+8

2004 年 11 月 20 日 星期六 【微冷】

好堅決咁諗住今朝一定要早起身,但真係好好訓....
訓到點幾時先起身,又係睇左五個鐘頭電視.....就快成精~ (=.=)v

跟住執屋....仲俾我發現左臭肥仔匿左係某角落亂咁痾尿....
抺到我癲癲地ge時候....佢就係第二度再痾....我再抺.....
佢又痾...我又抺....如是者...........
我成晚都係到抺屋........佢身痕定......(="=)
阿媽就黎殺左我.....(>o<)~~

結果我今日無做過功課....完全做唔到....
估唔到我d時間會用左係呢到......oh~

唯有聽日,私事公做....帶埋返公司....睇下有無時間做.....




>>November 27, 2004 at 2:46:41 PM GMT+8

2004 年 11 月 19 日 星期五 【微冷】

無咩野做,見左兩個人之後就係到睇雜誌....WOO~

連續睇左五個鐘頭電視......不過一路睇,一路有做下運動GE.....
話左要減兩吋就兩吋.................說話唔可以亂講,講過我就一定做得到!!hehehe~~XD

今日要放肆下,只係玩.......我呢個星期太辛苦了~
玩返一日咁多啦~~
聽日就要做功課了......擺左好耐都無郁過.....要交了.....

勁上網.....係咁同Anise玩埋晒D白痴game....好玩~~^v^
Anise真係唔?~~教壞我......哈~~:p










>>November 27, 2004 at 2:29:46 PM GMT+8

2004 年 11 月 18 日 星期四 【晴】

TO:楊++

嗯......邊隻易整呀.....我都唔係好知......=.=?
因為我都係整過兩個cheese cake咋.....
慕絲蛋糕都整過......不過cheese cake好吃d嘛~
難整d都要整呢個.......哈~
我都無焗爐呀,所以我只會整唔使焗果d~~:p
咁你揀左咩黎整?整成點?
除左蟲蟲有得食,我有無份架??^^

好好彩呢~訓得好?都只係訓過左一個站....^^
如果車左我去瀝源就PK喇......嘻~

對住D老人家講野時,有時會好似氹細路仔咁,
返屋企都唔覺意用左呢種語氣同阿爸,阿媽講野~~

對住d平輩講野時,就會好嚴肅,扮正經,.....等佢以為我大過佢....:p
或者都唔好令佢覺得我太o靚妹.....唔覺唔覺又係咁同d朋友講野....

我同半年前黎做野時,分別大左.....惡左,精左少少,冷血左,
多左隻眼開隻眼閉,假左........

好忙好忙好忙.......不過我就好開心.....越多野做會越開心,
不過呢...唔夠時間用時加埋眼睏,就會有D忟忟"震震"~~XD

今日對d patient鬼死咁好......好到...唔似我.......
好到......連自己都驚訝......
或者係心情好.....

不過EQ低....返屋企知道有d要用ge野俾媽子丟左......即發老脾....=.="

OH......如妃拎唔到女主角添~
好想佢攞~
成晚睇台慶.....好搞笑~^^

當正聽日唔使返工咁.....傻左添~

>>November 19, 2004 at 4:37:24 PM GMT+8

2004 年 11 月 17 日 星期三 【颳風】

六點幾鐘,發左個噩夢,嚇醒左,之後都無乜野,但就勁發冷,攬實晒張被都覺得好寒....feel到d寒意係自己到發出黎....係咁抱實肥仔都好凍.....好奇怪......而且個心好似跳得好快咁ge感覺.....
咁ge時候.....緊係第一時間........走去嘈醒阿媽啦!(=v=)

本來想唔返工架,諗諗下,之前記得有好多個pt話會今日返黎,
我上次又幫佢地做左一半,一請假就會好煩.......
死死地都要返工.....都唔知係病丫,抑或係自己凝住有病......

但朝早都無乜人,迷迷懞懞咁,係咁寫錯野....
下午勁呀....一齊黎七個人....排晒成條隊....
仲比個男仔同我講 :" 姑娘,你d頭髮亂左少少呀~我俾塊鏡你照丫~^^! "
我剛食飽訓醒咋......(=.=)"

一個星期都唔知有幾多晚先會係屋企食飯,晚晚都過十點先返屋企....
我唔想做夜鬼呢.....累~ (>_<)

阿YAN好搞笑,未玩過手提影相......所以今日用左大半時間叫我教佢,
哈!同佢熟左,真係覺得佢勁有童真,近得彤彤多~

因為想去又一城買d野,又想早d去到學校訓下....
so 早到課室都未開門...不過都訓左半個鐘ge~~^^

上堂好悶呀,nicole同yuki兩個野傾到只係望到佢地個背脊,
我就悶到爆燈~係咁訓覺....... :p
不過我鍾意上ENG多過MGT,因為會一組人傾下野,唔使呆坐,
不過人多都煩,一人一句,每次傾野都要複習化咁,哈~

撞到剛由外國返黎ge阿琪,仲有阿琴同筠。F.5之後,都無見過佢地lu~~
見到佢地三個咁樣一齊行,個感覺好好~
不其然咁諗起,以前我地都係柴娃娃咁樣,幾好丫~
快樂其實很簡單....

其實到呢家都諗唔明,一個本來好地地GE人,點解改變會咁大....
還是一直以來都係咁,只係自己察覺唔到呢?
我又諗喇....不過呢家已經都無乜野GE,唔會為左佢而唔開心,
不過有時會俾佢激到慶慶地....激脹法對我幾有效....哈~

阿jack失而復得......開心到訓覺都笑呀~
阿媽幫我搵返出黎......原來佢跌落左係我混亂ge房間,某角落......嘻~




>>November 19, 2004 at 4:09:43 PM GMT+8

2004 年 11 月 16 日 星期二 【微冷】

又拎錯沐浴露洗頭.......

癲架!今日俾人打隻手呀,仲打左兩下,打我果個係一個67歲ge阿叔....

佢勁有問題,我都未講野,佢就係咁講英文粗口黎鬧我,
仲不停咁鬧我" you are too young, 你唔能夠了解,明白我!!你地淨係幫新移民......."
我欣賞佢咁ge年紀英文講得咁好,但我唔欣賞果d有錢仲要黎呃呃??,又怕死人告GE人......
佢太激動,所以係咁拍我隻手,睇得出佢唔係想打人,
但我已經閃左好多次,都俾佢打中兩下.....紅左呢~

一次係俾佢突然反起張紙蓋住我隻手一野拍落黎,另一次就係俾佢一手打甩我手上面拎住GE筆.......
雖然唔太痛,但我都喝住佢,唔可以再郁手,唔係我會當佢打人......

佢又欄住唔俾我搵第二個同事見佢,我一想行出間房佢仲癲d,
驚又唔係太驚GE,因為講惡,我可以惡過佢,見佢癲左一輪之後,
我都好鬼"慶",不過無乜意慾同佢嘈,我只然有辦法去治佢....
講佢又唔夠我講,佢駁唔返我之後,就乖乖地收聲....

但佢都係唔肯罷休,我就坐定定由佢鬧到累,自己走......呵~
其後見到案發經過GE添叔問我有無喊,傻啦~
我唔會俾d惡人鬧到喊,即使係上一次,都唔係呢個原因流果滴眼淚,
係我唔服氣無錯,點解Suki仲要我認......

同事問我點解俾佢勁鬧仲講埋粗口都仲忍到......
因為我都唔當佢係鬧緊我......佢癲,我又同佢傻,我咪好唔得閒.......
我都幾無賴下.......哈~
我知人衰OR惡都唔難搞......係無賴最難頂D.......^^

我似箭豬??何解?

收工約左Ting & jo出街,又係旺角.....一星期內去左三日....
不過三次都唔同人,唔同地方.....
玩左好耐無玩過ge貼子相機,家下有埋搖控咁先進呢....^^
仲送左隻天殘腳俾阿jo....哈~

買左個幾搞鬼ge Jack匙扣,買貴左之餘,未用過,返到屋企已經發現唔見左.......
唔開心呀.......阿Jack你去左邊呀~~

跟住去間好多人去過,但我未去過ge"花園餐廳"食飯....哈~
食飽再行多陣.....
我地三個人,都有好幾年無一齊行過.....今晚好開心!!

好夜仲係到幫阿哥做打手,打佢d功課,救命~





>>November 19, 2004 at 4:23:08 PM GMT+8