2005 年 1 月 29 日 星期六 【晴】

一篇EMAIL..........


當你工作需要多點時間，表示你缺乏效率。
當我需要多點時間，表示我深思熟慮。
當你完成不了工作，因為你太懶惰。
當我完成不了工作，因為我太忙碌。
當你做了未被指派的工作，你便是越權。
當我做了未被指派的工作，我有進取精神。
當你討好你的上司，這叫做[擦鞋]。
當上司跟他的上司討論，這叫做合作。
當你做對事情，我永不在心。
當你做錯事情，我永記一生。

>>January 30, 2005 at 2:53:03 PM GMT+8

2005 年 1 月 29 日 星期六 【晴】

小玲如果續約.....新聘用條款安排:

1. 薪金: 不變
2. 年假: 10日(第1至5年);14日(由第6年開始)
3. 公眾假期: 全薪
4. 病假: 如有醫生紙證明,可享全薪病假
5. 產假: 全薪產假
6. 醫療福利: 僱員可享醫療福利,家屬不包括在內
7. 約滿酬金: 5%

一年計埋多左十日假仔GE人工,大約二千幾蚊。
合約完左又多$4200...Gloria叫我約一定要續,拎左十日假先走....
完全無諗過呢樣野....哈!好提議~

都係騎牛搵馬仔,搵到份高d人工就走人!!!!!

>>January 30, 2005 at 2:50:43 PM GMT+8

2005 年 1 月 28 日 星期五 【炎熱】

例湯:
^^係呀,上兩個禮拜簡直係痴線架....一係就心情極度惡劣~
二來電腦長駐左我兩個哥哥,三來真係好鬼忙,又要考試.......
四來,有d日記,我想佢快d去左另一版嘛~~^v^
睇唔到我d日記,係咪好失落咁呢~~:>

今日痴左線,星期六都好多人,剛打個電話同阿靜傾左兩句,又要拿拿聲做野.......
Anise話我做到好大壓力,因為我面都黑埋,不過今日真係都幾忟,遇著幾個好麻煩ge pt....

雖然尋晚已經問左d fd意見,又睇左好多個介紹獸醫ge網,
但朝早都係咁打電話去唔同ge獸醫診所問清楚,我乜都唔識,問清楚d,我安心d。

臨收工d人就湧晒黎,搞到overtime,走人時,個死人阿lung仲大大聲係咁鬧我話我係咪早走,
唔係趕時間,我真係想叫佢早抖!!!!
跟住dr.仔黎搵我講d野,阿lung兜口兜面對住佢講:"你唔係唔知你女朋友一腳踏兩船吖~",
不過我唔係dr.仔女友,所以我地兩個都好唔客氣咁應返佢,之後就走人,
呢個咁樣ge同事,真係唔鬼想理佢,唔想再同佢客氣~

之後就出左去元朗,阿端姐好奇怪咁問左我d野,不過我真係唔知,佢問我,我都唔識答佢,
更何況,佢d野都唔應該由我去講.....

跟住好頻撲咁出左荃灣睇下邊間獸醫比較好,搞左一大輪之後,問清楚晒,總算安心左....
最終揀定左一間......因為佢個獸醫係外藉人士,又有阿哥個FD推介........

不過原來D收費差距好大.....驗血$350-$550,剦割手術$300-$600,吊鹽水$300-$800。

好似好耐都無搵過d朋友,黎緊呢個月終於可以抖抖,唔使返學住,太好喇~~

因為聽朝就要帶肥仔出去做手術,擔心到我成晚都訓唔著....唯有又睇下D有關手術GE資料啦!

單純ge肥仔,仍然好滿足咁攬住我黎訓.....(T.T)


>>January 30, 2005 at 4:08:56 PM GMT+8

2005 年 1 月 27 日 星期四 【晴】

<通波仔>

原來尋日Anise老豆係緊急到即刻送左去通波仔,好彩早入黎,唔係就好危險,
佢今朝同d同事講起,扮到好無乜野咁,某d社工亦都好假咁敷衍兩句,
到佢同我講起時,就眼濕濕咁....係呢到返工一年,都未曾見過佢唔開心呢....
而且手術費都好貴呀!

人真係好化學,做一個手術就可以用晒全家人ge成副身家....
無買保險,就真係要儲返起d錢....

睇落同anise一樣樂觀 + 後生樣 + 靚ge Anise媽媽,竟然問Anise:"你個同事有無十八歲?",
如果我四十幾,五十歲仲有佢咁ge樣,就好喇~~哈!

下午俾阿lung又發下癲後無耐,答電話查詢同個pt撐到好疆,
激到我第一次係office發火,同事都俾我嚇親....
平日,我都唔理,鍾意咪去投訴囉,今日就唔同喇.....
佢俾我窒到無聲出,後尾仲要自己道埋歉....都係一個字==>錢,作怪。

同事們驚訝年少+職位低微ge我,居然會同d pt撐得咁行......我緊係知我無錯先會撐到咁行啦~
不過我唔想d人以為勢兇夾狼大大聲,我就要食死貓,
無錯,我點都唔會認,老闆撐唔撐係另一回事。
佢地怕老闆會捉我去B我一輪.....

之後d同事一致認為我係傻ge,話我年少氣盛,唔憂飯碗....
同個朋友講返起,佢對我呢個行為,只係不停咁笑,
又拍拍我頭,話我成日都唔肯大個...........(=.=)"

成晚都諗緊肥仔ge剦割手術,d獸醫,一時話有風險,一時又話無.....
肥仔又咁驚青,佢主人我又咁騰雞.....問左ada同rabbit意見...好多了,
但話晒都開刀...好擔心啊!

真係要劏佢一刀.....佢受唔受得住呢??
阿媽阿哥都不停咁煩住我呢個問題...................肥仔,如果你生性d咪好囉,少捱一刀呢...
因為年紀大,醫生仲話要驗血同吊鹽水..........又拮多佢兩下......
教我怎麼不擔心....
我仲唔覺意咁提起rabbit ge傷心事...我好似一腳踢左落佢到....真係好過意不去.....
我真大意........唉......




>>January 28, 2005 at 4:36:33 PM GMT+8

2005 年 1 月 27 日 星期四 【晴】

[偷回來的.....^^]

你怎麼看你自己？

有一位牧師的女兒，她天生就是一位腦性痲痺患者，全身佈滿不正常的高張力，且無法言語。
但，她卻靠著無比的毅力與信仰的扶持，在美國拿到了藝術博士，並到處現身說法，幫助他人。

有一次，她應邀到一個場合演”寫”（不能講話的她必需以筆代口），會後發問時，一個學生當眾小聲的問：

「妳從小就長成這個樣子，請問你怎麼看你自己？妳都沒有怨恨嗎？」

這個無心但尖端的問題讓在場人士無不捏一把冷汗，深怕會深深刺傷了她的心。

只見她回過頭，用粉筆在黑板上吃力地寫下了「我怎麼看自己 」這幾個大字。

她笑著再回頭看了看大家後，又轉過身去繼續寫著：

一、我好可愛！

二、我的腿很長很美！

三、爸爸媽媽這麼愛我！

四、上帝這麼愛我！

五、我會畫畫！我會寫稿！

六、我有隻可愛的貓！

七、還有……

八? B……

忽然，教室內一片鴉雀無聲，沒有人敢講話。

她又回過頭來靜靜地看著大家，再回過頭去，

在黑板上寫下了她結論：

「我只看我所有的，不看我所沒有的。」

眾人安靜了幾秒後，

一下子，全場響起了如雷的掌聲與無數感動的淚

那天，許多人因著她的樂觀與見證而得到激勵。

這個樂觀的腦性痲痺患者是誰？

她，就是美國南加洲大學藝術博士，

在台灣開過多次畫展的黃美廉女士。

「我只看我所有的，不看我所沒有的。」

我喜歡這樣的人生觀，很健康也很愜意。

這讓我聯想到，

《聖經》曾形容一些聰明人：

「似乎貧窮，卻是富足的。似乎是一無所有，卻是樣樣都有的。」

可不是嗎？幸福，不在於您擁有多少事物，

乃在於您用怎樣的態度去看待、享受自己現下所擁有的一切。

若是能這樣，即便您看似一無所有，

也能比那些大富豪或身體健壯但成天愁眉苦臉的人們更快樂、更富有。

你都是怎麼看你自己的呢？

黃美廉博士的生活態度值得我們每一個人學習。

>>January 28, 2005 at 1:44:14 PM GMT+8

2005 年 1 月 26 日 星期三 【晴】

由於小玲太過熱愛大陸,將住係內地GE堂細佬妹同樣叫細佬妹,....D 同事深信,
我係內地人....哈~望落我又的確係有幾分似~~XD

Lunch,Anise帶左我去食日本料理,D拉麵好食耶~
下次Nicole過來時,我一定會帶佢去試下~~^^

個院牧似乎仲未想放棄對我開解....今日佢好借d易咁走黎搵我,
又若無其事咁問下我d野....不過我都好若無其事咁表達我係個無神論者...
耍太極我好叻架~~哈哈!

阿蘇都話"超人特工"勁勁勁好睇....咁就真係要去睇睇喇~

因為以為無咩溫,只要溫下d格式就ok,後尾溫唔晒,放工係到衝刺時,
Anise個老豆就突然入左A&E,之後就失蹤2個鐘,醫院將佢唔知送左去邊,
搞左一輪,我地自己check機,先知送左入ccu....其實係好大鑊先會入去,
但佢同媽媽就兩個都扮鎮定,呢個時候就幫下手搵下d日用品 & 同佢媽媽傾下計,
等佢唔使咁擔心...

跟住考埋今日科Business Communication 又少一科..真係開心~
但就勁怯,係機乎無溫過書之下,成份卷做完好似無做過咁,同平時做開ge模式好唔同,
考得好似仲差過management果科...好驚要retake呀~~

2點鐘時,因為不停咁?返乾淨肥仔ge尿跡,?到??地時,唔覺意倒瀉左樽香薰油....
好鬼肉痛呀....買左好貴呢!雖然只係10ml,但真係可以逐滴計錢架....T.T





>>January 28, 2005 at 4:25:56 PM GMT+8

2005 年 1 月 25 日 星期二 【晴】

尋日做左件好舉手之勞GE事,今日個阿姐專登返黎道謝....
其實如果真係幫到佢,我都好開心~~:>
咁大個女,第一次有人為我做D咁GE事....我決定,俾3個月時間佢,亦都俾3個月時間自己,

不過當然係唔會講佢知啦~如果佢真係堅持到落去,咁呢就.........
到時係點真係唔知道,不過我都會盡力去試下.......

阿LUNG好討厭,好討厭,好討厭呀!

阿哥對?左肥仔一事,好興奮同著緊咁,但我唔係幾想喎....

又俾多$2870交下一季學費....好肉尺呀~~
又要找咭數....銀行存款數字由澳門之行後,就一正暴跌呀!!



>>June 12, 2005 at 4:32:37 PM GMT+8

2005 年 1 月 24 日 星期一 【晴】

今日無乜人,但就浪費左d時間無溫書....唔要得~

Eva呢排開始對我有dd不滿,今日主要話我無野做...人多果時又唔見佢讚下我喎~真係丫~
但佢係老闆都控制唔到我工作量,難道要我出去捉人黎見咩~
有點不是味兒......

Winner通知我,下個季度會轉合約形式,所以要放晒d假......
原來我仲有9.8日假喎....開心到爆~
咁新年我就可以再放長d....正!

用淨ge,就去玩......我要踩單車啊!!(^o^)



>>January 28, 2005 at 4:13:56 PM GMT+8

2005 年 1 月 23 日 星期日 【晴】

原本shriely約左我同gloria食飯,但改期,小玲又多左d時間溫書,全日好努力好努力咁衝刺....
gary收左工都陪我溫書,幫我背書,不過對住佢d專業人士,我仲記唔入腦,
溫唔到幾多,最後當然係出貓啦~

不過衰在出貓都笨過人,有出ge就無記低,唔出ge就記低左好多...
後尾直頭抄nicole份卷...miss當然睇到啦,但無出聲,企係隔離死盯實我地...
不過佢走開,我又繼續抄....辛苦晒nicole呢~
好彩ge話,應該合格,但仲要拉curve....

可能做虧心事,又可能係擔心緊另一件事,所以考完都好似有d不安咁喎~
不過nicole講得?,如果我唔出貓,肥左要再retake過時,我一定仲後悔。

被媽話我唔分輕重,唔溫書去澳門玩...其實我都唔想,
但我又唔想推....哈....經過呢次溫得咁辛苦,下一課會早d溫書!!

我好似有好多日都無見過一齊住ge二佬....今晚唔係坐得夜,都撞佢唔到呀~

大佬上次之後,變左好多,咁先係我ge好大佬!
希望呢個狀況,可以一直維持.....這是小玲最期望的~^^

阿哥去左睇<超人特工隊>,撞見阿so...不過佢地都唔知對方身份~~~嘻!
佢仲話套戲超好睇....搞到我好想好想去睇添~
佢仲亂撞咁去左阿貓地攤....點解我都係唔知係邊個位?
又話阿媽對眼,有問題到痛....好似好大件事咁,好擔心!
都唔知佢諗乜,係唔肯睇醫生....

佢仲提議帶肥仔去?左去....呢個係一個好大ge問題....始終要?佢一刀...嗯...

佢一時間同我講大多野,我仲未接收得晒....不過我相信會係個好開始!:>



>>January 28, 2005 at 4:10:13 PM GMT+8

2005 年 1 月 22 日 星期六 【晴】

<澳門之行2>

第十六站: 回程--想搭淩晨2:30船返HK,但只買到6:00飛,3點,
4點GE後補船都上唔到結果八點幾返到青衣,旅程終結。


係碼頭呆坐時,玩左陣啤排,po yan將佢個"寶座"傳左俾張麗,新一代龜人又誕生喇~

而睇落果樣一D都唔似信占卜GE rabbit變身神婆,準唔準就唔知,但佢d舉動就好搞笑~
我都想玩ge,不過我又諗唔到要搵咩對象喎,真係要返屋企諗諗~~(=.=)

返到屋企涼都無沖就訓lu~
一直訓到五點半,就開始執返d野同溫書...

全程都ok呀,係咁食,又週圍行下,所以都唔會有咩悶場ge~
澳門同廣州好似呀,同想像中有d出入...

不過到harry走左之後,就開始有d悶喇~
因為成日得返自己一個係到行行下...到金沙"罰企"果個幾鐘就最難頂,好似有d自言自語咁...
唯有快d玩晒d錢,閃人.....:p

突然諗到.....如果去台灣時,都係咁,就真係.....

呢兩日好似無諗起d唔開心ge野喎~不錯呀!

溫書溫到2點半呀...好眼睏~=.=



>>January 28, 2005 at 4:00:29 PM GMT+8