2005 年 1 月 18 日 星期二 【晴】

帶住兩隻雞蛋眼返工,真肉酸.....
每有人問起,我都說了一個白痴的謊話>>>>我不夠睡。
平日而不太愛被望著,今天,頭也縮得很低,怕病人看見我這個容貌.....

今日連五分一時間坐係位都無,因為EVA叫我PASS D CASE俾學生見....
所以又好鬼清閒,但又溫唔到書,我仲未開始溫呀!死得~

又有d IT人上黎整電腦,係成個office到騰黎騰去...今日真係唔知返工係做乜....

心情仍然不太好......嗯~

這幾天也沒有一覺安睡,輾轉反側,寄望明晚放學回家,可以立即入睡....
我很需要好好睡一覺...睡一覺好的,希望睡醒時發現,一切都只是一場夢,
我可以繼續快樂地過活!:>






>>January 28, 2005 at 3:33:41 PM GMT+8

2005 年 1 月 17 日 星期一 【晴】

一出門就撞到舊同學仔---蔡淑婷。原來大家都係沙田出沒耶....哈~

老闆見我一次,就俾多一樣野我做....做到條頸都硬...

有向Anise問過下意見....佢話我係完全無可能搬出去,因為佢都無呢個能力.....嗯....

臨收工前,有個三歲幾,成塊面幾撻紫紫黑黑,對眼紅色ge 細路仔係我房門前徘徊,我已經有d怯~
最後企住係我門口,又唔出聲,只係望住我....我有d驚,因為我懷疑係咪我"時運低"......
後尾佢親人黎搵佢,先知佢媽同佢撞過車黎,佢媽縫左成三十幾針,死命護住佢,
但佢都傷成咁.....
到個細蚊仔出聲,再望真d佢,就覺得佢無咁嚇人,仲.....好鬼慘!!!

去左青衣?,叫寶恩幫我拎左d野~

抽中左"超人特工隊"四張首映飛,原本打自一家人去睇,點知24/1我要考試....無得去~
唯有將飛轉送俾朋友啦~我好想睇架!!!!!!1

又家變喇,嘈到拆天,又將d野扔黎扔去......
最後,餐飯得返我同媽食,我成個身都震緊,我好驚....咁ge擔驚受怕日子,何時會完??
不過問題講左出黎都好d,起碼,阿媽話佢並唔想我走....
亦知道多年來,點解阿媽都唔同我講一聲拜拜....

大戰結束後,一切回復平靜,平靜得有點過分。明顯,沒有人可以安睡....
這次小玲也不例外,做架兩...又係擋住,傷GE又係我,扔完野,執GE又係我...唉~煩呀!






>>January 28, 2005 at 3:54:59 PM GMT+8

2005 年 1 月 16 日 星期日 【晴】

好鬼忙呀,連水都無咩時間飲....

兩個學生好得意,不過硬係覺得佢地比較細d...哈!XD

又被逼坐係3 號房,不停聽到Yolky擦老闆鞋,後尾見佢係咁篤阿so背脊,
老闆對佢一切又非常受落,睇唔過眼咁撐左句放緊假ge阿so...
老闆面都"loan"晒....Anise勸我唔好咁細路女,得罪小人& 老闆,
但.......真係好"鄧"阿so不值!!!

雖然我要儲錢,但都會照去澳門,照去台灣,講左就係架喇,唔會反悔!
唔可以再改期!!^^

今日好奇怪,幾個舊同事都打黎約我.....好日子??

上堂焗住係課室眼睏到不得了....
落堂後,空氣清新,人都清醒D~

小玲個TEST,20/40....咁都過都骨...hehehe~~^v^

係地鐵站同NICOLE講左幾句,講左出黎舒服D....THX~~^^

雖然沒有說過我要係幾時搬離,但起碼都會過埋年先啦.....待我有時間,才慢慢鋪排~





>>January 28, 2005 at 3:16:50 PM GMT+8

2005 年 1 月 15 日 星期六 【晴】

一起身,諗起尋日ge事,就有d心煩咁~
我有太多顧慮.....搬出去了,我會覺得我不再屬於這個家....

問題根源的二佬,昨日"談判"的事,他不知道,還傻傻的跟我提出意見...
知到我的審判結果後,一臉愕然....

唉~沒想到我真正要搬出的原因,會是因為你...頭也大了....
我對我自己很擔心....
但我還是裝作得很堅強......

我不怪任何人,但我唔明,點解要搞成咁....
父母都處於兩難處,佢地唔肯去接受,唯有選擇?牲我....我知道的,但我都好難受.....

是朋友的,就不要問了,我會哭的,不要令我哭喇~
很醜怪的......

我在二月後,該找多份兼職...反正早收工,我需要為我的生活鋪排一下,
而好生活也需要用錢推砌出來的....




>>January 28, 2005 at 3:13:26 PM GMT+8

2005 年 1 月 14 日 星期五 【晴】

返9點,訓到0745,仲要訓過站,0915先返到office,
跟住仲食早餐,食到0945,一直坐到1100都無野做,極度過份,我要認真檢討我自己!!!!

返緊工,俾阿哥一個電話,令到我有D頭昏腦脹,我凝住,屋企今晚會有事發生,
好驚...好心煩咁.....
點解唔可以人人讓一步,為他人著數下?
唔想家嘈屋閉,但我可以置身事外嗎?

同寶珠姐去搞搞個頭,佢個頭電得都OK呀!但我個頭呢,無剪過咁~
無問我染咩色就開始染之餘,仲染到兩截色,差D吹埋個70年代,成吋高GE髮型,嚇窒~
呢間鋪好唔得呀...同D客人嚴重溝通不足,仲有代溝...
可能我不停咁彈啦,寶珠姐個傻妹好似誤會左我怪佢咁...面色一沉...
不過佢都知我係唔會咁諗,所以都唔使解釋...哈!朋友就係可以慳返一兩句....:p

之後想去睇戲<功夫>,仲未睇....不過因為夜,又無睇到...
有少少心緒不寧咁亂逛,之後撞見兔仔~~

返到屋企,噩夢開始,路過戰場GE小玲,俾無情GE流彈擊中左,就係咁...
小玲勁唔願意+好無奈咁講左句:"咁....我搬囉....",換來一片寧靜。
其他人雅雀無聲之時,媽子仲好同意.....
黎緊,我又要搵屋lu,首選當然係公屋啦,住址最好係青衣區....
有好多野擔心,金錢啦,肥仔啦...驚佢同我都會唔適應....

"談判"係好和平ge氣氛下結束,我一路都無乜野,不過之後匿左係廁所到喊左陣,
唔明點解唔係我ge問題都要我搬走..
唔明點解佢地忍心捨棄我...唔擔心我一個女仔咩?我咁細,有能力咩?
一d都唔傷...但好痛!
雖然我知道,父母都唔想搬ge係我,佢地都好無奈,但佢地都無辦法,
咁可以點?我只可以接受......

成晚都係到諗...我搬出去後ge生活啦~新居點佈置啦~要添置d咩家具啦~
搬出去,會好左or差左,都唔太清楚.....不過到時我要返工,無時間陪肥仔,
我會為佢物識一個伴!^^
我又可以帶一大班朋友上去玩...哈~都唔錯?!
不過始終有d不安...


>>January 28, 2005 at 3:06:20 PM GMT+8

2005 年 1 月 13 日 星期四 【晴】

<我有幸福>

8 度ge天氣,又要咁早起身返工,真係好辛苦呢~

係車到訓到唔想落車呀!!

事實證明...失戀的人不好惹,哈哈哈~~

收到個SMS,搞到個電話都"腎腎地",又睇唔到個message喎~
最離奇係打返轉頭,個電話號碼竟然係停用左....唔係咁邪嘛~
個no.係61194823.......邪邪電話!!!

晨早第一個case,女人甲早前才知道不幸患上癌症,與年邁的丈夫一同默默流淚...
女兒年幼,收入不足,但也不奢求什麼,態度非常友善,
只求能多活一天....看得人也心酸....
可以的,也很想能夠幫助她!

第二個case,女人乙家庭收入超出限額,不停訴說慘況,但我不太覺得她慘,
要求她再提供多一點文件,想盡量替她爭取利福利時,她卻大吵大鬧,一哭二鬧的...
見到社工,哭得比女人甲更死去活來,哭訴社工不幫助她,
其實她已不合資格,社工也盡力去幫她,反而她自己不合作.....愛莫能助,亦不想助。

在我眼中,兩個女人,一個天,一個地.....
甲,沒錢,沒命....但有個同甘共苦的丈夫!
乙,擁有很多很多,最少,她還算健康....但又好像什麼都沒有...因為她捉不住 快樂....

寄望自己能夠知足,每天都快樂,珍惜我擁有的!^^

想買個手袋俾媽子~~(^v^)


>>January 28, 2005 at 2:49:46 PM GMT+8

2005 年 1 月 12 日 星期三 【晴】

凌晨俾電話嘈醒左,不過無乜所謂ge,反正我每晚都實俾肥仔嘈醒~~~:p
而且電話裡頭ge,都可以話係個好消息!^^
不過講講下,我就等到唔知cut左線or訓著左lu....(==)zz

To:半夜嘈醒我果個傻人~
加油啊!我支持你架,唔使驚~^^
你從來都係去愛人,係時候你都要去感受下被愛,我相信你會好幸福呢~
努力尋找你個"95分"的女孩啊~~

今朝俾肥仔激到喊....好嬲呀!心情糟透!精神也壞透了!手也花透了!

今朝tvb拎住個鏡頭影住office....好彩我行左出去,企左係個攝影師背脊,
我見到佢影到阿lung & anise呢~~XD

午飯時,把椅子平放在一旁,整個人就"攤屍"在上面,真好~~^^
因為我掛住睇書,連食飯時間到左都唔知,直至阿LAM提我去買飯,
事後不知情GE同事仲問我做乜咁勤力...有成4個咁多,
可見我睇書幾咁"勤力"...哈哈哈~~~~~
不過都證明左樣野,佢地的確成人"裝"我,望蝕晒添~~:p

低估左天氣會咁凍,又死撐唔使朋友借我頸巾,一出醫院凍到面都僵埋,
仲要俾佢撞到我咁ge樣........(=.=)"

上堂勁趴低訓....放學要捉實nicole黎取暖~~^^

>>January 28, 2005 at 2:46:27 PM GMT+8