2004 年 12 月 30 日 星期四 【晴】

<04總結/回顧>

情緒大起大落的一年....快樂,不快樂也很多...

不太記得有什麼事發生過......

1. 轉工
2. 同屋企人嘈得好勁
3. 無左一個朋友
4. 遇到XXX
5. SUKI走左
6. 肥鍇要外國
7. 要返學
8. 讀完個普通話

無乜喇,唔記得....記得再補返.....


>>January 1, 2005 at 5:52:51 PM GMT+8

2004 年 12 月 29 日 星期三 【乍雨乍晴】

做到真係想趴係到.....

撞到XXX個阿哥,"cake"到我差D PK之後,仲講風涼話喎~:p
成日話女仔唔溫柔,會無男仔要..哼~大男人!!

xxxxxx今日行為舉止扮到好浪子咁,我就快笑爆嘴~~
佢叫一齊過新年,Amy,June,Kimmy佢地都去,好多舊同事喎~好吸引耶!
想去,唔想去,想去,唔想去.....
送埋份X'mas gift俾我.....一隻手扼....我留意到,佢都戴住一隻.....(=.=)",
唔敢收,搞到氣氛怪怪地時,我就同佢講:"我都話我鍾意個銀包放住幾萬蚊多d咯~"....
跟住有人要見,趁機閃人....好尷尬呀!!!!!!!

後未Amy話我知,佢係專程拎過俾我,lunch都無食.....
嗯,我的確唔係一個好人~~

我想買對鞋俾媽子啊!著得佢舒舒服服的~
心有靈犀,佢都想買件褸俾我,不過我唔要呀,佢D眼光呢....嘻嘻嘻~XD

唔知買咩禮物好...遊蕩左一陣,只係買到自己ge零食...哈~
天氣太凍喇,個頭好實,痛痛地....(>=<)


>>January 1, 2005 at 4:22:46 PM GMT+8

2004 年 12 月 28 日 星期二 【乍雨乍晴】

為左令個阿伯趕得切睇醫生,專登提早開工,8點幾就返到去....
點知個阿伯都係帶漏野,勸佢下次再黎,佢就情緒激動,係咁dum自己心口,仲想撞個頭埋牆,
我都好驚,晨早留留,我都未醒晒咋~又唔知要點做,
咪扮晒兇勁大聲咁喝停佢,佢都俾我嚇一嚇,停左....
最後緊係批佢啦!為左個醫藥費啫,無必要整傷自己...雖則佢都無咁傻~~

Magaret袋都未放低,就走黎送左兩隻Bandai mewo mewo俾我.....勁cuite,
好開心呀~過左聖誕仲有禮物收....哈~

lunch同左同事出去試新野.....<紫米>~
勁多野做,見人見到頭都暈呀~(>o<)
原來年尾係會咁辛苦架,又無時間溫書.....暈暈暈暈.....(@.@)

話我好似大頸泡??唔好嚇我,我唔想好似Gloria咁呢~

我記得個fd生日,又知道黎緊就快31/12,但我完全無將佢地聯想埋一齊,
覺得好似仲好耐先到咁....我只係記住果日要慶祝除夕......哈哈~
次次都係咁,今日有四個識得ge人生日,又係開icq先..."係喎,今日29喎~",
唔怪得知前一晚個個都"蒲頭"啦~^^
今次Harry & Rabbit提一提又先記起....鈍~:p

去supermarket掃貨,再找咭數,肉尺尺~~T.T

一回家發現到,原來一直都係對面屋隻衰貓係我門口痾尿,個個都認為係肥仔,
今次被我搵到佢罪證,幫肥仔洗脫罪名喇!相信人家隻貓會"坐監"一排,
咁肥仔亦會乖好多,唔使再咁曳曳.....就黎唔使"坐監"...
不過其他地方,的確係阿肥仔做ge,幫唔落...我清理緊個門時,佢聞到人地霸地盤,
佢又黎加多一篤.....?死我喇~正死仔!!

雖然阿媽一路鬧下人家mewo mewo,又鬧下我,但我仲一路笑騎騎咁應佢,幾神奇~
心情靚?....肥仔要生性呀~~

返屋企就會好懶,notes都唔會拎出黎望下....懶成咁,好唔掂!

屋企人又吵一吵....真係每日都有人嘈架....我要改變呢個狀況!!

>>January 1, 2005 at 4:19:26 PM GMT+8

2004 年 12 月 27 日 星期一 【乍雨乍晴】

聖誕前夕,一個病人的母親還笑容滿臉;今早,她對著我哭,佢14歲的兒子剛在昨天離去了......
唔,聽到我的心有d痛....

好多野做呢~
見好多個Case都係死左人....ummmmmm.....

要快D剪左把頭髮去,佢令我太過姐姐仔咁...

唔好當我細路女咁?我啦....好唔知點咁....

凍到搭車果陣好似冬眠咁,好似訓左好耐,真好~

>>January 1, 2005 at 4:14:48 PM GMT+8

2004 年 12 月 26 日 星期日 【晴】

零碎ge野好似搞極都未搞完....仲未溫書,仲未upload d相.....




>>December 27, 2004 at 4:36:53 PM GMT+8

2004 年 12 月 25 日 星期六 【微冷】

例湯今日北上呢~~

同媽去左賞花~~
人多到不得了.........我十三年無去過圓玄學院lu...
果陣阿女麻咁啱黎左香港同我地一齊去.....

我刻意咁係返以前影過相ge地方再影返d相.......
嗯.......景物依舊,人面全非....

跟住再行埋過去西方寺......好靚喎~

之後返屋企就搞下呢樣搞下果樣又一日喇~

夜晚俾人鬧喊....柄埋自己入房呀~





>>December 27, 2004 at 3:57:00 PM GMT+8

2004 年 12 月 25 日 星期六 【晴】

(係例湯日記到偷ge~嘻!.......幾鍾意最尾果兩段)


<人生是自己的 >


快樂，是純粹自然的產物，
是自己百分百支持自己、肯定自己的禮物
沒有了自我，一切的快樂都是虛偽的假象
即是人家批評你、否定你、攻擊妳，
也不代表你的自我受到否定，
唯一能否定你的人，只有你自己

因此，那些經不起人家批評，
人家說一句，就要難過三十天，
人家說兩句就要打人翻臉的人，
事實上是對自己極端沒信心的表現。

當然了！這種容易跟人家「批評」起舞的人，
注定要跟快樂說拜拜
只要有人的地方就有是非；
只要人家有嘴巴，就會有意見和批評
想快樂的人，就不要太「鳥」別人的批評

再者，太在意別人想法的人，不僅不能快樂，
也容易失去自己的特色和個性，
更沒辦法發揮自己的潛能。

總之，嘴巴是別人的，人生是自己的，
有習慣性被人家嘴巴「虐待」的人，



請用左腦右腦想一想：
『為什麼我要當人家嘴巴的奴隸？為什麼要這麼鳥別人的想法呢？』
只要你想通了，你就擁有快樂的自主權了！



人不是魚，怎會了解魚的憂愁。


魚不是鳥，怎會了解鳥的快樂。
鳥不是人，怎會了解人的荒唐。
人不是鳥，怎會了解鳥的自由。
鳥不是魚，怎會了解魚的深沉。
魚不是人，怎會了解人的幼稚。
你不是我，怎會了解我。　　 / 幾米




每天其實都不一樣，也不應該一樣，
別讓自己像是踩在影印機上copy日子，
只要你願意，生活裡可以有日日不同的花樣。
~ ~ 朵朵小語 ~ ~

>>December 25, 2004 at 5:49:03 PM GMT+8

2004 年 12 月 24 日 星期五 【微冷】

<這個聖誕不太冷>

尋晚點半返到屋企,五點訓......
今朝兩點起身,食左我最愛,媽子親手包ge餃子.....怒吃左30隻~^v^

xxxxxx搵我一齊睇<功夫>,佢就好啦有飛睇~
呢個聖誕想睇三套戲,結果一套都無睇到....
原本報左今day可以去做義工的,可惜amy叫埋佢去.....所以我又要避席了.....
我應該怎麼搞好呢....

跟住就係怒打左十幾個電話comfirm返今晚d朋友..
跟住再洗一洗d盆栽....一排唔理佢地0者,有一盆自暴自棄玩發霉喎~真過份呢!
跟住再撩下貓,又再執下俾佢搗亂ge房間,間房就快亂到無位訓......

六點,到荃灣join 例湯,阿靜,捷兒,雅玲,sw,nicole,十三,文慧,ivy & 麥翠,
幫趁左間超多人,食物唔錯,但服務態度麻麻ge"莎樂美"...

仲無聖誕feel過尋晚,邊到都無去,無出中環,only行商場.....
我情願去尖咀迫+慢慢行,都唔想咁.....今晚行程太失敗喇,
下年,我要發掘個好活動......
十一點多,散會~~

同媽講:"我尋日係地?站仆街呀~"
媽(偷笑):"乜你咁肉酸呀?係邊到仆親?咁大個仲仆係條街,你好似著住裙喎~你行路唔好成日發夢先得架~"
阿女:"係呀,仆低左都仲未知咩事..呢家整腳瘀左....."
媽"你個人仲瘀呀~~哈哈哈哈!!!!"
阿女:".........."

玩左兩日,聽日ge行情係做下乖女,陪媽子去圓玄學圓賞花~~=.=+
不過我都鍾意果到ge,好清幽~

行街一定要買野.....就係咁,買左枝香薰....但唔同味ge??
假的?????




>>December 27, 2004 at 3:10:12 PM GMT+8

2004 年 12 月 23 日 星期四 【微冷】

<晚上篇>

夜晚,出灣仔join埋rabbit,ka kin,po yan,harry,同好久不見ge四哥,葉虫同阿樂~
全部都唔同晒樣,個個都瘦晒同大個仔左,時間真係會令人改變呢~

係蒲田食左個晚餐,8個人買單只係$370.......(=o=)",我未曾試過食過一餐咁抵ge日式聖誕餐呢~~
我真係懷疑佢地有無食飽...


食完飯,走左兩個,就行去銅鑼灣向工展會進發。
我地幾個係咁哎飽,但就係咁買野食...哈~
反而係到用左二百幾蚊黎食野,食到個肚都脹晒~

十一點就去左皇室堡打機,發現po yan原來係機痴....遊戲機白痴~哈哈哈!
同我一樣呢~~勁搞笑!!
就係咁渡過左個平安夜......

條街無咩人買野 + 無燈飾,成晚都唔覺有聖誕feel~

回程時,係中環站條輸送帶企到型得滯啦~
仲要著住條短裙,鈍過人咁轉身,跟住就......"仆街".....仲p到五體投地咁.....真失禮.......
聽到企後面果堆男仔笑住問:"小姐,你無事嘛?".....
我頭都廢事抬咁高....真係..........好鬼瘀呀!!!!!!

問harry後面有無人俾我絆到,佢話:"無,你一仆到,後面ge人已經散開~".....(=.=)",
好彩!如果絆到人,分分鐘聽日見報...."有一少女在地鐵站仆到,引致多人受傷....",
真係唔使見人....

以後幾?,都避免搭佢呀~~
n咁多年無仆得咁應,仲要大庭廣眾....唉~
咁樣跌一跌,連帶我愉快ge心情都跌一跌....俾左份大禮自己!

又討論我地旅行大計....舊年呢個時候都諗過..
不過我地分佈各行各業,各學校......檔期只有一月,六月...唔知去唔去到呢~
我好想去......同所有朋友仔一齊去,用我地對腳踩滿好遠好遠ge地方~~^^

去唔成,都要去個短期的---->澳門~
我仲未去過呢~

收到兔兔的小禮物~^^
今年我都唔記得買....

收到阿?寄黎ge禮物.......我完全唔記得左佢....我呢個朋友真係夠晒無良心....:p

po yan今晚講左句好搞鬼ge野,我地企係幾個?住支酒ge女仔前:
"我地就係到飲維他奶,人地就係到飲啤酒...."....

>>December 27, 2004 at 3:08:12 PM GMT+8

2004 年 12 月 23 日 星期四 【微冷】

<早上篇>


今朝勁PK....俾肥仔嘈到無覺好訓之後,夠鐘都再訓,
一訓就七點半,結果返8:45 ge我,成9:00先返到去,拎住一袋二袋開緊門時,
仲要俾兩個老闆撞到正....就咁衰左喇~
佢地仲笑笑口咁讚我著得靚....(=.=)~

lunch開P,好搞笑咁係內走廊食野~超飽啊!
小玲交換抽到ge禮物,係老闆買ge暖水壼~
而人人有份抽中ge係廁所擦一隻~
好好彩咁抽中埋特別獎: tumblin mokey玩具
(早知係玩具就唔拆佢,拎出黎俾同事啦~可以俾佢地囝囝玩~)

跟住Margaret再私人送一式兩隻貓貓vcd俾我~(=.=+)
一共四份禮物呀~勁!
不過全部都要放係Office,我今晚仲要去街~

估唔到一個鐘ge小小party,氣氛會咁好~
只係玩抽獎,但老闆同社工都好搞笑,....真係唔錯~
呢個係小玲仔一生中第二次同同事一齊玩ge聖誕party,
比那打素全院party好好多呢~
唔知老左仲記唔記得今日玩得咁開心呢~^^

玩完之後,做到趴左係到.....(=o=)

臨走再收到xxx送ge應該係香水一盒...未拆,同樣放左係office...
真係唔應該收....但我推唔甩....
唉呀~~尷尬尷尬....

放幾日假仔,又拎晒黎玩,返黎月尾又勁多野做,
MGT個test都唔知點死....即使open book都無信心呀!





>>December 27, 2004 at 2:59:56 PM GMT+8