2005 年 2 月 5 日 星期六 【晴】

<< 遇 上 >>

每一個角落，都必然會驚訝自己在人生路上有許多「遇上」，有些人和事我們「無意」遇上了，卻深刻地改變了我們。
正如二十世紀初美國詩人Robert Frost 寫到：「林中有兩條分叉路，我踏上了渺無人跡的那一條，結果一切變成迴異。」

就如以下這個真實故事，故事的主人翁所經歷的是那麼的出人意表。

故事發生在澳洲，許多年前一位少年人在下班途中被五個槍匪截劫，他慘遭狂毆，臉部嚴重受傷。起初警察以為他死了，幸好在送往殮房途中，一名警察發現他還有些微呼吸，立刻把他轉送醫院，急症室的護士揭開蓋著少年人的布巾，嚇了一跳，原來傷者的臉部已經失去了人形。

少年人在醫院留醫了整整一年，才痊癒出院。但因為他已破了相，沒有人肯接近他，更遑論有僱主聘用他。


最後他委屈地在馬戲團擔任諧角，以樣醜作招徠，如是者一過就是五年。這幾年他可謂度日如年，多次想過自殺。

有一天，這位少年人萬念俱灰，他走進一間聖堂跪下祈禱，神父聽見他飲泣的聲音，趨前與他傾談。神父向少年人講述耶穌的救恩，少年人答應做一個認真的基督信徒。神父又安排他往見一位全澳洲最負盛名的外科整容醫生，醫生是神父的好友，又對少年人的遭遇動了慈心，他不收分毫的為少年人做了多個整容手術。

經過多次矯容後，少年人的臉孔竟然回復原來的俊美。這位少年人就是日後被譽為世界十大英偉男士之一，荷李活巨星米路吉遜，也就是最近風靡全球的電影 - 受難曲的製人。

讀著這個真實故事，一方面更明白為何米路吉遜如此細緻描寫耶穌所受的痛苦，他也身同感受；第二方面叫人驚訝人的際遇原來是何等峰迴路轉。少年的米路吉遜遇上五個兇狠的匪徒，把他折磨得死去活來，整整六年活在極大的痛苦之中。奇妙地他在聖堂遇見神父，及後又遇上慈悲心腸的醫生，而他遇見耶穌基督，更是他人生的最大轉捩點：出死入生的轉變。

人生誠然充滿傳奇。 正如米路一樣。生許多「遇上」是悲傷的、痛苦的，但只要我們存心忍耐，保持沉著，我們終會在意想不到的時候有不一樣的「遇上」，然後，一切都改變和更新了！

>>February 14, 2005 at 3:22:19 PM GMT+8

2005 年 2 月 4 日 星期五 【晴】

<< 六 合 彩 >>


不知道大家有沒有買過六合彩，這是一種很有趣的玩意，共四十九個號碼。如果你買中了其中六個，那你便會成為頭獎的得主。

看似很簡單，但其實中獎的機會低得很，因為六合彩的中獎組合，共有一千三百九十八萬三千一百一十六個

我就試過，半個字也中不到．如果將六合彩變成「理想情人組合遊戲」，四十九個號碼變成四十九種擇偶條件，而每人可以組合六款作為自己的理想對象，再跟自己的情人比較一下，符合了一個條件，我們應該慶幸；符合了三個條件，我們應該酬謝神恩。全中了，那是個奇蹟～～～

人海中，當然不止有一千三百九十八萬三千一百一十六個組合，能夠遇到一個十全十美、稱心滿意的人固然是一件人間美事，但遇到一個只是稍有不足的亦屬難得，好好欣賞自己身邊的那個人，因為你們能夠相遇相戀已經很不平凡。

其實人的性格又何止有四十九種，一個人的性格可能比一組六個字的六合彩還要複雜，要找到一個真真正正符合自己要求的理想情人可不是一件易事！就算給你找到了，你亦未必是他心目中的理想。當然你有權利不斷尋覓那個理想中的情人，但不知滿足不懂欣賞自己身邊的將永遠沉淪在尋尋覓覓之中。

還有一個有趣的發現：理想對象的條件有些人會不停的改變，有些人則一直堅持同樣的條件，就像買六合彩一樣，有人每次都買不同數字，也有人就長買相同的。如果你真的能夠六個字全中，我極度強烈建議你不妨在街上大叫一聲：天呀！我中獎了～～～～啊...好難啊...

一個人中六合彩己經是那麼難了，何況是兩個人同時中同一注六合彩呢？

>>February 14, 2005 at 3:14:58 PM GMT+8

2005 年 2 月 4 日 星期五 【晴】

沒什麼搞作,下班後和寶恩去了沙田新城市逛街街~
吃了個不錯的午餐,買了些新年該買的衣服,就回青衣城看"超人特工隊",的確頗惹笑!
而且有些小朋友笑得很有趣,聽了也忍不住笑。

之後又買了一對短靴,想買了很久,半價.....超值!!

回家吃過飯後,就趕著執拾行裝,準備明天回鄉~~^^

媽媽嘮嘮叨叨的叮嚀著我要小心小心....有點煩煩耶~~

坐著坐著就兩時多了,很期待明天的來臨!

爸媽說不許到女麻女麻的墓前,因為過年不會有人帶我去那兒...
但我可以在年三十晚在祠堂上香~~~^v^

>>February 14, 2005 at 3:13:07 PM GMT+8

2005 年 2 月 3 日 星期四 【晴】

今日終於唔使做隻牛牛喇~~^^
過年,係好少人會願意走入黎醫院的!

Lunch,同Anise,Lam去食飯仔,佢地係咁買六合彩,跟住就叫埋小玲夾份買左張,
中左就六千萬呀~~~哈!
the lucky no. is 2,12,22,27,38,43,44~~

今日做ge野係尋日ge十分之三.....
老闆叫親我做野,都會問:"你得唔得閒?",如果我答唔得閒,係咪可以唔使做呢~~:>
咁ge老闆邊到搵~:p

病人甲成百幾萬身家,走黎話要申請綜緩,醫療福利....真係覺得佢好討厭耶~(="=)

傻瓜蘇蘇,自從知道小玲邊幾日假之後就一直係咁騰,因為佢地太過依賴我喇~
見到佢騰成咁,真係有少少擔心佢.....

下下個星期一咩日子,點解個個都約果日?
我果日剛由大陸潛返過黎咋喎,仲去玩,會好累呢～～
你地咁鍾意約埋同一日架，乞人憎~~:p

收工係公司Hea左一個鐘,係咁催nicole收工之後,就一齊去左旺角,但我地兩個想
買ge野都買唔到,我今日又係只買左一件衫衫~~~^^
之後,去左KFC食野,要慳係食果方面....年關難過呀~哈!!
再行多陣都已經近十一點,就返屋企lu~點解d時間咁唔夠用?想行多陣都唔得~

同阿哥研究相機,又整到3點幾先訓,好似越來越夜訓,不過返到鄉下,應該會好早就訓...^^

阿媽同阿哥傻架,自從老虎仔變左綿羊仔之後,佢地就爭住要餵佢食零食....
但一日限住食幾多o家嘛....唔准食到佢咁肥呀!

獲知個好消息,恭喜你搵到個"95分"喇~~
好鬼羡慕呀~~D朋友仔個個都拍拖拖~~


>>February 14, 2005 at 3:06:49 PM GMT+8

2005 年 2 月 2 日 星期三 【乍雨乍晴】

[春茗]

真係做到想發脾四,有d谷住谷住咁一開工坐落個位咋,就已經係咁做,門口高峰期時,
坐住8個人呀,點做呀~
d人又好似催命符咁,催催催......開始感受到,原來我ge工作,係好有壓力....
卒之做到成12:15....我先食[早餐],飲我第一啖水....實在太肚餓喇!!

lunch,老闆請食年飯....食燕窩,[鮑魚]菇...

幾個同事都係咁問我請左邊日假,佢地發現終於發現,我一放假,佢地就多返好多野做,
連平日最唔依靠我ge 周姑娘,都出聲讚我....有少少少被認同ge感覺呢~
最搞笑係,佢地竟想向老闆施壓,阻我放假.....傻架~
仲諗定我邊日返就俾利是我....我就係唔想收佢地利是,先會請果段時間,
我一直都覺得,收利是好尷尬,除左至親果d.....
老豆,媽子,姑姐佢地如果唔俾,我都會出聲問佢地拎呀....哈~

phyllis個組俾人cut左,真慘....Thomas好傻呀,覺得佢好搞笑~

不過...今年唔會再收到阿女麻ge利是lu...
我想返去拜佢...但臨近新年,佢地肯唔肯帶我去呢....
入土後都未曾返過去,連一枝香都無.....我想偷雞去,但我又唔識路....真差勁~

Anise幫我訂ge貨又送左黎喇,真係好鬼平.....仲買左多三支香薰,有尤加利樹(改善鼻敏感),茶樹,薰衣草(安睡).............
勁開心,執到平野~用得好真係要介紹俾d fd~~^^

買左對耳蠋.....試左黎玩,成隻耳仔輕晒,出左好多"垃圾"添呀,阿爸阿媽見到我玩得咁過癮,
佢地又研究埋一份,阿媽都試左枝,不過佢無我咁好功效喎~

以為大佬有所改變.....咪又係咁...唉.....本性難移呀~~
真係唔知佢點解可以同其他人ge思路差咁遠,人講東,佢講西......難以溝通~
溝通唔到,就自然有問題.....

睇d fd ge日記,呢排都有好多個朋友仔屋企有d不如意事,原來真係家家有本難諗的經呢~


肥仔ge主人都好想搵個伴,一齊住啊~
我同肥仔都好願意同你同屋共主,不過你要考慮清楚呀~
搬出黎,真係唔係講玩,而且你仲係個學生,雖然過多3個多月就唔係....^^
會有好多顧慮.......不過無論如何,都要記住,每一日,都要好好咁錫自己呀!!
有乜野 都可以同我傾啊~~大家一齊加油,做個快樂ge人!!


>>February 3, 2005 at 5:27:33 PM GMT+8

2005 年 2 月 1 日 星期二 【乍雨乍晴】

變態的....做做做做做.....十一點一滴水都未落過肚呀!使唔使咁多人呀.....我仲有其他野都未做晒,
淨係見人都見足一日,我GE崗位無咩變過?,點解以前可以得閒到係到打機GE呢?
我好幾個月都無試過悶到打機咁....

收工約左例湯去旺角,我地目的係買衫....不過最後只係係2%買左條裙....
同PO YAN果條一樣架,因為我覺得幾好睇~~^^

九點幾,因為想搵返上次同NIOCLE食果間越南菜,但唔記得路,係咁亂兜時,就撞到同學仔志花,
佢越黎越大隻,個樣都變左,生疏左.....唔係例湯叫停左我,真係未必認到佢~~(=v=)

最終,我都係認錯鋪頭,入錯左另一間越南菜館.....唔記得叫"越興x",
都ok ge d野食,但比起之前果間,簡真係無得比呀~
我地只係叫左個套餐,但就食到超飽~~:>

要諗諗點樣認人,認路,非常嚴重的無記性!!!!!

之後搭bus返屋企時,太過好訓,訓到又去左青衣邨....shit...已經11:45喇...

睇下報紙,雜誌又兩點喇......肥豬好似man返d囉喎,會想咬我隻手指仔~~(=w=)

Anise幫我訂左d貨,但送唔到黎添~~~咁無效率GE間野..

>>February 3, 2005 at 5:24:10 PM GMT+8

2005 年 1 月 31 日 星期一 【乍雨乍晴】

今朝又見左幾個癲人......真係越來越覺得,我呢份其實係厭惡性工作..........

又係一日做到無停手,真係當我超人黎GE咩~

LUNCH,唔記得左Anise同阿lam約左我去邊食飯,突然興起,自己走左去m記買左個外賣返office嘆~
我好耐都無食m記,呢家仲貴過大家樂....但味道呢.....麻麻~

收工前,ring ring地....做錯左d低能野.....竟然將一眾院費日期打錯年份.......2006年....好彩發現得早,又可以改得到!上帝保佑!!!^^

小獸今日又回復多d喇....叫多左我幾聲"媽噢","貓噢".....哈哈~
不過呢....乖左幾日ge佢,竟然又走左去廚房痾尿.....唔會又黎嘛.......
咁兩刀就白捱喇~求神拜佛,佢千祈要生性.....


請左3日假,6/2 - 12/2 or 13/2就返大陸......YEAH...我自己返,可能都會跟個陌生阿姨返GE~

小玲office個位........



朋友仔,放心呀,肥仔ge主人,好硬淨的......係就係易喊d.......
不過好快又唔記得lu.....我會諗辦法令自己開心的!!!!!!!!trust me~ (=w=)

>>February 1, 2005 at 3:58:46 PM GMT+8

2005 年 1 月 31 日 星期一 【晴】

Subject: 快樂守則 (必看呀!!)

快樂守則，每做到一項，快樂便多一些。你做到幾多項？

起步
1.早上一起身便對鏡依起棚牙，開心的豬頭炳，幾時也開心 過憂鬱小生。
2.越早起身越好，晏起床的人總好像不大快樂。
3.無論怎樣忙，一定要食早餐，而且一定要把早餐慢慢歎。 一早起來便趕喉趕命，整天都會有『唔知為乜』的感覺。
4.大解後才出門。

待人
5.喜歡你喜歡的人，討厭你討厭的人，待人毋須平等。
6.告訴你喜歡的人你喜歡他╱她。
7.無關重要的人誤會了你，便由得他們一錯再錯。
8.無條件為喜歡的人辦事。
9.無端白事送件禮物給自己喜歡的人。
10.待人以誠。對方不誠便立即遠離，勿拖拖拉拉，做大戲才須好頭好尾。
11.任何條件也不為討厭的人辦事；雖小氣，免勞氣。

裝修
12.不要在白鴿籠內建造羅馬柱。
13.客廳不置組合櫃，空間頓增加七倍。
14.別讓室內設計師把你的房子設計成他認為理想的房子，除非你打算與他同居。

財政
15.不打算炒賣任何東西，便無忌。
16.帳單收到立即付，便無牽無掛。
17.可以送錢給人，別借錢給人。當然也可以不送錢不借錢給人。
18.可以有多少錢，並不是由自己決定的，毋須一天到晚『數住』。
19.間中買貴，不值得耿耿於懷。
20.床單至少有兩張，信用卡只需一張。

從簡
21.不動用自己不懂的字眼。
22.不去了解自己不明白的人。
23.週末╱假期不一定需要有節目。
24.不講大話便不用記住講過什麼。
25.不扮便不用記住要扮乜.
26.看不順眼的人事物，別看。需要邊看邊罵的東西，一年頂多看一次半次好了。例如港姐選舉。
27.不用應酬你認為是『應酬』的飯局╱聚會╱出席等等。
28.把Appointment Book丟掉，你不是牙醫。
29.你不需要兩隻手錶，當然更不需要兩副面孔，徒增添維修費用。

接吻
30.有冇人錫，都要錫自己。

睇戲
31.遠離慘情片，尤其是那些真摰動人的；哽咽有礙呼吸，好辛苦。
32.看不明白大師的電影，不用內疚，也不必扮欣賞。
33.睇戲當然要吃零食。
34.專心看戲，不分心在 戲院內 偷 錄。
35.請女人看極度驚慄片之前，自己先獨自看一次，免得屆時出醜。

飲食
36.每天至少吃兩個水果。
37.眼睛多吃冰淇淋

>>February 1, 2005 at 1:01:05 PM GMT+8

2005 年 1 月 30 日 星期日 【颳風】

肥仔剦左之後,個姑娘俾左果兩粒血冧冧ge蛋蛋我睇,後未佢仲掉左......到半夜訓覺諗起,
就諗起d太監都會留返起d蛋蛋,令下一世可以做返個男仔,咁肥仔下世咩要做女仔??
我唔想呀......不過我都唔會keep住,太恐怖呢~~

忙都不得了,就新年黎啫,唔使湧晒黎下嘛.......
做足全日都無停過.........好攰呀!

同shirely,gloria,同一個佢地帶黎ge新朋友candy,一齊食飯,傻架,一點等到2點都未上茶,
結果遲左十幾廿分鐘先返到office,好彩我無被人鬧.......好彩好彩~~^^

係商場買糖,個老闆超搞笑,係咁捉實我黎玩,我買十包糖,佢係都話要送夠一百包俾我,
緊係唔理佢啦,同佢笑完一輪就走左喇........勁funny呀個老細~

我呢.........今日第一次去買M巾喎......咁呢,不嬲都唔係我去買嘛.....
咁我咪係萬寧到拎住包M巾黎研究囉......跟住我睇咁耐,個男職員就望足我咁耐....
最尾佢都忍唔住係到偷笑......哈,我真係唔知佢地有乜分別嘛~

返到屋企,媽子係要找我黎嘈......就係咁,又吵左幾句.....

捉住肥仔,影低左佢俾人剃左兩撻毛毛,抽血同吊鹽水....搞到佢好肉酸呢.....
但就好搞笑......XD~
肥仔今日又叫多兩聲喇~~yeah!!

打簿.......我呢個月用左成八千幾蚊呀.......痴線架~~~~~~~~~~~~~~~~~~~~~~~~
好肉痛添......................................................................................................
被剃毛後的小獸....



>>February 1, 2005 at 4:39:42 PM GMT+8

2005 年 1 月 29 日 星期六 【晴】

<肥仔變公公>

約左十點去獸醫到,但好緊張,八點就起左身,人地驚到震GE時候,阿媽竟然仲話希望肥仔會係手術中咩埋,擔心左成晚,一聽到呢句就忍唔住流左滴眼淚出黎,我都唔明阿媽點解咁鍾意講反話,佢明明都好著緊,但又要講一D傷我GE說話,我諗佢係覺得我緊隻貓多過緊佢,但同佢講,佢係唔會明白....

肥仔一見過出街袋就好抗拒,不過傻傻GE佢,仲未知道媽媽要帶佢去做手術....
跟住避免街上嘈雜會嚇壞肥仔(其實已嚇到呆左,縮埋左係袋中一角),我,大佬,未來嫂子--都叫小玲....就搭的士直到荃灣GE嘉匯獸醫診所喇!

從袋中捉肥仔出黎時,佢同俾人捉去狗房果次一樣,驚嚇到突晒眼,唔郁,但比我預期中好,
因為佢無掙扎,又無咬人,...醫生同佢初部檢查時,聽佢讚肥仔nice cat,good cat,
佢仲好好奇咁問,點解佢咁大年紀先同佢做絶育手術.....我也不想呢......(TwT)
跟住我同姑娘就幫佢磅重(4.26kg),跟住就剃左佢頸一忽毛,然後抽血...我已經流緊眼水,
我feel到肥仔勁驚,係咁震.....要佢擔驚受怕,,要佢捱埋呢d皮肉之苦...
我呢個騰雞阿媽只係識喊..............
跟住個獸醫就同佢打左支鎮靜劑.....等結果....

等左半個鐘,個驗血報告好快就出左黎,個結果非常好,肥仔身體所有機能都非常良好,
無一點係有黑星GE,個姑娘都話係好少有,個獸醫都忍唔住問,肥仔係咪真係十歲~

由於驗出身體良好,可以做手術,不過我都係要求同佢加吊鹽水,交低左$1100
(驗血$350,打針 $50,鹽水 $350, 手術 $350), 咁我地就去左食早餐,仲遇到個唔正常ge阿婆,
大佬對陌生ge佢都好好呢~其他人見到我地呢個阿婆傾計都側目......

之後就去左荃灣廣場(對上果次黎係睇咒怨...),週圍行下....同埋睇場戲==>[娃鬼怪嬰],其實無咩想睇,不過大佬想睇,我地又要等到3點,比上一集仲無聊,完全係笑片~:p
其實係第一次同小玲嫂子行街街....大家都係scgaw人,三句不離老校~
大佬對佢好好呢,不過好似好得滯,有點煩人.....哈!

一夠鐘,衝到去接肥仔,佢氣若游絲咁...又唔郁,又唔出聲,去隔離寵物店買d野就即上車帶佢返屋企.....見到佢咁樣,我都好不安.....

返到屋企,佢訓都唔訓下,即刻開心到仆出個袋,要去四週行下佢個地盤,
但佢麻鎮藥未散,係咁仆落地,但又唔肯坐定,心痛死我,唯有佢行一步,我跟一步.......
以為安全時,佢走去沙盆十幾次都痾唔到,嚇到我死,又打去診所問,d姑娘再遇多幾個我咁ge主人就煩喇.......不過聽姑娘同哥哥d朋友解釋,都係因為藥力未散,唔夠力痾尿.......虛驚一場!!!

全家見到肥仔個可憐相,都對佢非常體貼,被剦後ge佢,無晒以前ge雄糾糾ge英姿,
雖然都係跳黎跳去(復完得比後生貓仔更快),但以前一日叫幾十次變成叫得兩聲,
唔啋人.....係好溫純.....但我鍾意以前成隻霸王仔ge佢....鍾意佢發脾氣時咬我兩下ge佢....
唔知過多一兩日仲會唔會係咁呢......
不過總算放 下心頭大石.......

今日全家氣氛很好....(^v^),我喜歡這樣的感覺!!

阿哥話我大使......其實不是呀,我的錢都用在我喜歡的東西上,例如我自己,屋企人,肥仔.....
雖然本月本小姐的積畜插水式下降....但我也覺得是值得的......
尤其今次的手術費,已比我想像中平多了,不吊鹽水,誰擔保肥仔的安危~
如果用錢可以買到快樂 與幸福,我什麼都願意付出啊!!


>>January 30, 2005 at 5:17:00 PM GMT+8