2004 年 12 月 3 日 星期五 【微冷】

鼻水流呀流.....又咳咳咳.....成個病君咁(~o~).....

媽子好潮呀~誰教你的?

搭車有個一個月大ge bb女坐隔離,係咁撩我玩,我訓覺唔理佢就拍我,大膽呀佢~
佢仲好搞笑咁捉實我隻手指黎訓覺,cuite~
我又照訓,落車我隻手痺左.....哈~

有個66歲阿伯,個樣同我八歲ge表弟遠城勁似....好掛住佢地....
我好想返鄉下......

媽子擔心我會讀得好辛苦,又轉工呀我讀埋先轉工....
不過我係為做野而讀書,有時間先搵野讀下?~28歲讀完再發圍都唔遲呀!
無乜理由為左讀書而影響我做野架,少擔心啊~~^^

又諗....係咪真係下一季博盡D,讀3晚好D呢.....

趕返屋企搞完一大輪野.....點解我間房雜物可以多成咁?

之後就左去訓左個幾鐘,就出左去旺角同rabbit, ka kin, po yan去食呢個潮州打冷喇~
本原想去廟街再試,不過旺角都有就旺角啦~仲乾淨少少添....望落~
野食不錯呀~又可以逛左陣朗豪坊~^^
都有兩個月到無一齊食飯仔囉~

成日出旺角~~:p

趕住返屋企訓覺,就唔等埋harry喇......hehe~~XD
因為我的日要去BB蕉呀~~~~~~~呵呵呵~~

邊部dc 好呢,我完全唔識呢~





>>December 5, 2004 at 11:40:18 AM GMT+8

2004 年 12 月 2 日 星期四 【微冷】

[我份report]

收工前30分鐘,大家先開始得閒,終於俾老闆徵召左去傾我份report喇~
佢好刻意咁令我放鬆d...其實果時我又無咩野吖.....
一共講左45分鐘....overtime呢...不過坐住果時唔覺坐左咁耐...
唔係老闆趕住走,佢仲想講呢~

份report激讚....有一半係我工作表現,另一part係我工作態度....
計grade ge話,應該係b,老闆話:"死心啦,無人拎過a,唔好咁大想頭,b都好少拎,你想坐我位呀?",
佢話社工係咁讚我,好盡責,好快,好妥當,幫得手,仲話我好大進步,
幾乎無乜再俾人呃到....仲可以handle到d人情緒......

亦都無話過我一句唔好,無話過我懶,俾左勁多高帽我..聽到我好尷尬.....
老闆好坦白咁話少睇住我做野,但佢有幾次都坐住睇我見人,覺得我比4月初黎報到時,
好左好多,有confident左,講得好有條理同文路....聽佢講ge野,原來佢真係幾留意我....
我仲以為佢唔知ge添~~:p

當然佢叫我多d加入佢地ge活動,想我當呢到係一個大家庭,返工會返得開心d,
佢話d同事可能有時會遺忘左我,所以叫我唔好介意,我即時同佢講返,其實佢地有叫我一齊的,
不過緊係無講,係我自己唔合作啦......暫時,都唔係幾想同社工埋堆...但又不太遠就可以了~^^

佢話唔係因為社工讚我先讚我,係佢有觀察到,我問佢:"例如呢?",
佢又講到我幾時表現到呢d優點........確係有裝我做野喎~
有佢呢句,我覺得,不枉份工咁悶,我都仲好努力咁做(我偷懶時,係因為我真係無野做,唔係我懶!),
我份工,做得好,係應分的.......不過佢地會讚,我會更開心......哈~
唔使理會真假,我喜歡就好了.....^v^

而且話我記性好,適應力強,同成班同事都好fd,人際關係極好......當然啦,我清楚知道我交際手可以很好.....我唔要同佢地玩面具,我玩真心嘛~
真心對人,就係最好了~

我同佢講,我好悶,可以俾多D野我做,唔係我就會成日坐係GR睇報紙,
因為俾D病人望住我扮有野做好肉酸,佢居然笑左好耐,講:"哈......你仲係咁細路女.....無辦法呀,我再搵D野俾你做啦~"

又係咁想套我講同事壞話.....不過我兜得好靚.......扯開晒話題........哈!

佢仲問我係咪係到學好多野,見咁多人.....
的確大開眼戒,終生受用GE.....但我想學D企業D GE野嘛.....

至於續約問題,老闆話上頭已經落左order要續,但要等HA批錢,......
到時,可能我已經走左呢........佢同D社工,都好想我進修有關社工GE野,
認為我好適合做社工.......不過我諗呢個都無咩可能~

一直以來,我連到GE同事都好好.......係有D怪怪的,不過比起某D朋友GE同事,
我遇到的,算係咁........有時,係好到你想攬住佢地錫~~^3^.........哈~
不過AMY果D已經無聯絡了.....打返去唔知講乜咁....



>>December 3, 2004 at 5:21:15 PM GMT+8

2004 年 12 月 2 日 星期四 【微冷】

今日好似發生好多野咁....勁長!分兩篇~

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

[做到傻]

係3號房坐足一朝入野....好勁咁入晒D PSCF喇....YEAH!
老闆好刻現咁係我面前表現佢好友善+玩得ge一面....難道我個樣顯示左我對佢ge感覺?

食飽飽,Eva再俾多疊pscf我....oh~我頭暈喇~
仲有坐係3號房,我會有少少自自閉閉咁~~:p

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
[變態佬]

搭49X坐車尾,訓緊聽到有人用手機影相,擘大眼,就見坐對面個男人瘋狂咁用手機低抄,影我裙底,
佢望到我厲住佢時,醒到即刻delete d相........正賤人!
我訓得咁安心,就預左我一定無可能走光,佢勁有病態!

我想報警,但車都到站,即使司機捉住佢,都無人阻到佢delete d相啦~
有相都未必告得佢入,真可惡!!
又知道,車上面,出現好正義ge人機會少到0咁滯.......
唯有眼白白咁放佢走.....好唔忿氣,大大聲咁鬧佢"賤格",
個賤人仲好唔自然咁扮到若無其事,真係想衝埋去扯佢一巴呀!
真係好笨呀!!!!!!!!!!!!!!!!!!

下次,我一定會小心d,咪俾我再見到呢個賤人!!!!!!!!

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

咪理佢啦........煩呀~


>>December 3, 2004 at 5:16:40 PM GMT+8

2004 年 12 月 1 日 星期三 【微冷】

老闆晨咁早同我講,佢下午會同我講我個Report....
有d壓力添....唔係緊張個report,而係怕對住老闆.....
一對住佢,就會怯....雖然佢個樣好有善....

但點解咁早講report ge?唔係要續約先講ge咩?
唔通佢咁早就想同我續約....?我應該坦白D同佢講我唔會續,
OR以免約滿時搵唔到工,鋪定後路,續左先呢?
我個心想佢續,因為佢唔續我,就好似我做得唔好咁....哈~
狠心就狠心啦,同佢講唔續呀!

結果老闆唔得閒,聽日先講個report....虛驚一場~~^^
不過佢又俾左疊pscf我呢....oh~~~>o<

有兩條蟲蟲係我lunch買果碗淨雲吞到......好彩我未食就見到佢條浮屍呢~

返學,同組3個同學仔,勁大男人....好難討論耶~
ENG份功課咁求其都有6.5/10呢,呢個course真係幾.....
不過今晚miss講d野,好似幾難咁,因為根底差呢~

有阿哥做間諜,等人走晒先歸家~~^^

oh~只可以對你講句:"你黑仔呢~~"。:p

因為點幾鐘仲係到大被蒙頭講電話,俾媽子發現到,
連電話都要要乖乖交出....充供起佢,哈~
我同肥仔好似"賊仔"俾人捉到咁ge反應.......勁低b!

你都覺得我唔應該轉工?why?點解無乜人支持我呢個決定ge?
唔好咩??=.=??




>>December 3, 2004 at 5:22:24 PM GMT+8

2004 年 11 月 30 日 星期二 【晴】

用十五分鐘洗臉,擦牙,洗頭,換衫,衝去返工,
其實個人病病地(@.@),我應該請假唔返先?.....

發出怪聲音.......
"早晨,離好~離常我地扑左下你?"(你好,你想我地幫助下你?)
個PT一路聽我講野,一路笑....(="=)....

我要"work hard, play harder!"~~^^

食左個全炸lunch box.....喉嚨竟然無咁痛,yeah~

又輪到我係office播菌喇......(=.=)*

迴避眼神....
電話都唔聽....好似過份左d...

12月了,早前定下減兩吋的目標,只減了吋多......hehe...:p

同媽ge冷戰,已經停止左了,佢邊捨得嬲隻咁可愛ge肥豬 + 個咁鬼"可愛"ge女吖~~~呵呵呵呵.....

佢又舊事重提...上次話要相睇果個阿姨,係咁話要同佢個仔上黎坐,
見下我,上囉...無所謂~~阿媽見我咁合作不知幾高興....哈~
反正我聽晚要返學,夜一夜先歸家,佢地仲未走ge,咪等我返黎,
放肥豬仔一齊"送客"囉~~~XD






>>December 3, 2004 at 4:50:56 PM GMT+8

2004 年 11 月 29 日 星期一 【微冷】

肥仔叫得好慘.....

累到爆~

尋晚貪吃小丸子....喉嚨劇痛....T.T
加埋係咁見人.....講到聲都變埋....

8月中有個盲眼伯伯自己由屋企摸到黎office,今日再黎,佢仲認得我把聲,勁!!
不過今次已經搵左義工帶佢黎lu~~^^

工作時,小睡了十分鐘.....頭暈暈,頭暈暈~~(@.@)

office門口有人爆傷口,一地血,我即刻出去八下呢d場面,順便證實下d野,
不過出到去,已經俾人清理左lu~

做了些很奢侈的事....:p

老豆隻腳俾鐵通拮到.....又血,又腫呢....

又花時間在玩那些白痴game~~^^



呢期d內容令我諗起白痴祖.....熱愛聖誕.....聖誕聖誕聖誕......哈!


>>December 3, 2004 at 3:21:43 PM GMT+8

2004 年 11 月 28 日 星期日 【寒冷】

訓得果三個幾鐘,但幾精神喎~神奇!

成朝都多人,搞到OPAS都唔得閒做,雖然D人塞滿係門口,但今日好定呀,
無再騰騰雞雞,又無衝黎衝去.....叻女左~
不過其實可能係唔夠訓,呆呆地GE關係,所以先咁淡定....

唔好無聊~

d歌詞係呢一刻心態~
唔係以前咁天真
唔好諗得咁深
開始懂得了一個?眼淚
開始懂得了青春不會後退

我面皮薄??.....唔准再笑!!!!!

發現而家一唔講野十分鐘到,就會開始眼睏.....
所以一同d朋友一齊時,就會捉實佢地,係咁講,係自己係咁講,
朋友可能都俾我煩死左,聽唔到我講乜ge,不過我都會繼續講,
唔係就會好想訓........病態?
要訓返多d....要朋友們,忍受多一排啦~~^^

Gloria好搞笑咁,買埋利賓納過黎俾我+吹水,因為佢上次入院時,
見我買左一袋俾佢飲,就覺得我係好鍾意飲,仲話我面色麻麻,
要補充下...
佢真係個開心果,咩人見到佢都會好開心~

眼睏到死左....可以係學校訓得勁?...

點幾鐘仲講左陣電話先去訓....

.睇相?你睇得準ge,我又去~~^^



>>December 3, 2004 at 5:24:00 PM GMT+8

2004 年 11 月 27 日 星期六 【颳風】

約左寶恩,但我未訓醒,所以又改晏左先出去喇~
我地出去ge目的,就係專登去朗豪坊行呀.........都係無聊......哈~
好多人呀,不過d野唔抵買囉,我地齋睇,無野啱買,之後4點幾又食多餐......
果到d野食唔錯..........我食左我一直以耐都好想試下ge炸醬麵,同預期一樣......好味~

之後再行埋瓊華.......買左件貓貓衫同條我覺得幾貴ge裙......不過好鬼靚ge啫~
唔好俾我見到第二到會賣得平D就OK架喇~~^^
條裙可愛得黎帶點成熟,活潑得黎帶點穏重.....掂呀~~哈哈哈~

八點到返到屋企,行入門口未夠五步,仲好開心咁講緊:"我買左條裙好靚呀!著俾你睇丫....",
就已經俾人鬧到喊........唉~
如果呢篇日記係我果刻打,一定係好激動.....不過呢刻平靜了......
一場鬧劇皆因肥仔 + 迷信已起.......好難避免......
我只係記得,終結於我講左句:"我淨係知我好開心咁返到黎,點解要搞到我咁......(T.T).....",
仍舊係好細路仔咁喊到"free li fa 哩",淚水,鼻水一齊黎............
仍舊係一唔開心就想打俾寶恩,唔使佢出聲,只係想佢聽下我喊,
感覺有個人係我身邊就ok,不過我諗諗下又唔想影響埋心情都好好ge佢,
所以都無打到,反正,我自己一個喊完之後,又唔覺得係咩一回事,好快又無野.....^^
係阿媽又同我玩冷戰咁啫.............(=.=)"

我愛肥仔,有甚於我自己.....
我愛家人,有甚於我自己....
我早當肥仔是我兒......何必要我二選一呢.........不要難為我了.......
我已退一步......為何不能體諒我??
當我嚴重貓癡都係咁話......第二隻也不能代替........

心情差果時,走去搞自己d盆栽......睇下電視.........分散下......
平伏過後,都無咩ge.........不過情緒起落大,會覺得累d.....

睇左"天國".....聽日又大結局了,又少左D寄託.....不過會多左D時間~~
我都有張器官捐贈咭呢~~^^
所以我都希望我身體健康........大吉利是講句,有咩事,真係可以幫到人........臭皮囊帶不走呀~

想打埋呢篇不太愉快GE日記,廢事聽日打時要諗返今日唔開心GE野,
於是夜一夜又未訓,ONLINE打日記......明天要返學呢.......月尾都好多野做呢....

一開,又係佢........唉........唔想我同佢相題並論.......我倆不是連體嬰.......
神又好,鬼又好,不要煩我了,我今天很累,心情也不見得很好......
很嚴重影響我心情呢......不過過後又無咩野.....真係對突如其來GE野,情緒處理得好差~

某日我打過篇日記,有段野俾我DELETE左...原本打住:
"我估有個平日唔會睇我日記ge人,一定會睇我呢日ge日記,幾時睇到就唔知,
不過應該都係佢好得閒果時.......因為我知佢都唔著緊...亦都唔係因為佢關心我,
而係有目的的.....".........<==中咗.....我都好了解佢某D想法....

我都係到打過,我日記係搵唔到D咩野GE,用途亦唔係咁,
打GE都係我心聲....打左乜就係乜,照字面解就可以......唔需要諗得太深奧.......
唔使驚我打落黎係中傷人.....我無咁得閒.....會睇GE應該都係我朋友,我D朋友好正常,
亦好識得諗野,知道我係個咩人,亦唔會誤會我打GE目的,個腦識得諗野,
會分辨我打GE野......如果人地信我,我會好厚面皮咁講,咁係因為我可信.....
如果人地唔信我,我都唔會點,因為呢D就叫感覺,打的都是我的感覺,無人可以改
變............大個了,我唔想仲咁幼稚.........唔想去計較埋D我唔想理GE野.....
如果我D FD,睇左之後,覺得無問題,自然唔會出聲,有問題GE,都會同我講返.......
所以我好放心咁係到打野,我好鍾意用呢個日記,亦都.............好恩惠我有班了解我的好朋友!!

覺唔覺,果句說話應該係我講先啱?
我承認,我係在乎,唔係都唔會影響到我心情...
都話過,唔在乎我,唔使再做到好著緊我咁.....無用架.....
既然大家都覺得咁樣會唔開心,好辛苦,咁點解唔可以決斷D呢.

我做過的,我會認,無做過唔可以屈我......
我唔算好人,亦唔係好乖女,亦都唔叻.......但我真係的起心肝,要頂天立地,
唔能夠做到令屋企人為我驕傲,都唔會做D令佢地羞家GE野,
所以我一直都好俾心機做個"對得住良心"GE人.............生生性性,爭氣D仲好啦~

經個FD講一講,開返成年幾無用過GE MSN出黎......好似ICQ呢,幾好用,仲收得返FILE添呀,
開心死我,我好耐無收過FILE~~~^v^

早前阿哥俾左個好搞鬼ge msm我睇,一見到,就即刻諗起要send俾邊個........哈哈哈~~
都好成功,等我再延續呢個惡作劇先....................XD

打完日記,除左有D肚餓之外,只有帶住靚返晒GE心情去訓覺....真好~^^
不過兩點半了........見暈呀.......聽日返學時,大鑊了.....:p

今晚平伏心情好利害......覆完得好快......真係俾返少少時間我,組織下,我係會控制得好好,
要忍下,想同人嘈之前,搵其他方法發洩左去先,咁就好喇~~



我肥左之後,都有出現過下面果個情景........XD ...=====>>


>>November 28, 2004 at 6:28:31 PM GMT+8

2004 年 11 月 27 日 星期六 【晴】

你經得起心碎的折騰嗎？



-
你失戀心碎的時候，是把自己關在房間裡哭上三五天，發誓永不再信任男(女)人，還是輕輕地拍掉身上的灰塵，並迫不及待地留意身邊的男(女)士？想知道自己是否經得起心碎的折騰，做一下這個有趣的測驗吧。


測驗開始：

１.你跟男(女)性朋友能否無所不談？
　回答是--進到第２題； 回答否--進到第３題

２.當戀愛出現問題時，你是否自然就會責備自己，認為是
自己的錯？
　回答是--進到第４題； 回答否--進到第５題

３.你是否很容易便跟人談戀愛，而且很快就會愛得很投入？
　回答是--退到第２題； 回答否--進到第５題

４.你是否不太願意跟隨自己的浪漫直覺行事？
　回答是--進到第６題； 回答否--進到第７題

５.如果你心儀的異性答應會致電給你，但卻忘記了，你是否
會很傷心？
　回答是--退到第４題； 回答否--進到第７題

６.你是否不願意做一個獨身女（男）郎？
　回答是--進到第８題；回答否--進到第７題

７.你是否要經過長時間相處才能夠真正信任一個人？
　回答是--進到第１０題；回答否--進到第８題

８.你跟前度男(女)朋友分手後，是否要四個月以上才能忘記
他？
　回答是--進到第９題；回答否--進到第１０題

９.如果跟男(女)友拍拖一切順利，你會開始計劃你們的將來
嗎？
　回答是--進到第１１題；回答否--進到第１０題

１０.你看見一對情侶在街上手牽手時，會感到妨忌嗎？
　　回答是--進到第１５題； 回答否--進到第１２D

１１.在過去的三個月內，你已被異性拋棄三次以上？
　　回答是--進到第１３題； 回答否--進到第１５題

１２.若男(女)朋友對你很差，你還會跟他繼續拍拖嗎？
　　回答是--進到第１３題； 回答否--進到第１４題

１３.你是否認為，把感情埋藏於心裡會比較安全，能避免受
傷害？
　　回答是--進到第１９題； 回答否--進到第１７題

１４.你是否寧願"拍散拖"多於擁有一段認真的戀愛關係？
　　回答是--進到第１８題； 回答否--進到第１６題

1５.你跟男(女)友分手已一年，是否每次聽到電台播放情歌就
泛起淚光？
　　回答是--進到第１６題； 回答否--退到第１３題

１６.如果你的男(女)友說："我們的性格不合，還是分手
吧。"你會哀求他不要拋棄你嗎？
　回答是--進到第１７題； 回答否--進到第１９題

１７.你是否經常懷念舊日情緣，不大放得下？
　　回答是--進到第２０題； 回答否--進到第１９題

１８.如果你跟一個很心儀的異性拍拖，但你著實感到兩人合
不來，你有勇氣提 出分手嗎？
　　回答是--你屬於Ｂ型； 回答否--退到第１７題

１９.如果你認為改變自己的外貌能令分手的男(女)友回心轉
意，你會那樣做嗎？
　　回答是--你屬於Ａ型；回答否--進到第 ２０題

２０.你是否一想到要對一個男(女)人作出承諾便怕得要拔足
逃走？
　　回答是--你屬於Ｃ型；回答否--你屬於 Ｂ型(唔肯定喎,睇咩承諾啦,咁我b定c?)












測驗分析

Ａ型：玻璃造的心

你很容易便墮入愛河，而且每次都是全力以赴，愛得非常投入。可是，這也注定你在很多時候都以心碎收場。下次當你再度墮入情網時，嘗試稍作保留，待加深對他的瞭解後，認為他值得

你去愛時，再把頭載進去也不遲。同時，請記住失戀並不是世界末日，不要太介懷。


Ｂ型：橡皮造的心

你很冷靜理智，即使暗戀別人也不會讓事情失去控制。你對戀愛的態度是隨遇而安，明白任何事情都不可強求。若一段感情真的發展不下去，你絕不會勉強維持下去而賠上快樂和自信。一旦真的分手，你會傷心，但很快便會復元，就如一個橡皮球，掉在地上就會反彈，甚至跳得比以前更高。


Ｃ型：鐵石造的心

你不喜歡愛得太認真，因此轉換男朋友對你來說一點也不困難。你的心偶爾受到傷害，但絕不會表現出來，你會假裝沒事一樣把感情封鎖起來，但長遠來說是不健康的。因為痛苦仍留在心裡未被釋放出來。

>>November 27, 2004 at 4:31:53 PM GMT+8

2004 年 11 月 26 日 星期五 【颳風】

Margaret好搞笑咁拎左d有晒答案ge問卷返黎,叫我地填自己d資料,
話抽中左鑽石,就當係佢送俾我地ge聖誕禮物,funny~^^

office聖誕原來有好多活動呢~
好似會有兩日下午聚餐,一個party,同一個bbq......
不過會睇GR d同事去唔去先,因為到呢家,都覺得同社工果堆有代溝咁...
搞得成,呢個會係12月第三個bbq,似乎12月真係會係燒烤中渡過....(>v<)~~~~

老闆開始對d同事成日游游閒ge樣,好唔老黎咁.....
我刻意係佢面前攤開報紙......以佢身為老闆,個人又咁.....
應該會唔續我喇啩.......咁樣,就可以推動我去搵工.....^^
不過阿蘇一見到就制止左我.....唔通佢諗到我諗緊乜??

入opas時,發現左個好快ge方法.....果然係個電腦白痴..呢家先識用.....笨~:p
不過呢家知道都唔遲ge....哈~~

又係人地鋪頭訓左成個鐘.......真係唔叫醒我?

夜晚緊係又上下網,做下d無謂野啦~~^v^

>>November 27, 2004 at 4:06:42 PM GMT+8