2004 年 12 月 22 日 星期三 【微冷】

肥仔日日好似雞啼咁,四點幾鐘就叫,訓唔到,好辛苦耶~

帶左d聖誕飾物佈置自己間房~^^

Rm2社工們好玩野咁寫左張聖誕咭俾我^^
(本年到第一張,應該都係唯一一張~):

小黃,
祝你讀書進步,身體健康!
祝越大越美麗,越來越是我們的好好助手!
頂瓜瓜! <===黃太 & 可愛的Carman So

有你的幫忙,我們少了很多麻煩;
有你的出現,將我們的平均年齡拉低,
你要繼續為我們服務啊!
偉大的小黃! <===A Shum

GR d同事意見不合,嘈起上黎,我見到阿Yan匿埋喊呢~哎??!

又要返學,極度疲累啊~
雖然坐後面果兩個同學仔好爆笑下,但我就越笑越眼睏~
放學返屋企坐左陣,講左陣電話,就搵我御用模特兒,一齊玩下部相機....

聽完媽子發表左一輪"假想親家論"之後,
我又撩下大佬講野,佢又啋我喎~平日係咁咪幾好,
不過無廿句,又開始有d拗撬咁,即閃~~~~:p
兩點訓得~

收集左同事們ge意見,終於決定左黎緊兩晚ge活動~
希望兩晚都會玩得好開心~^^
忙到人都未約....只係返工時,攝左D時間打左幾個電話...
所以今年應該都無上年咁大堆頭囉～





>>December 27, 2004 at 2:47:34 PM GMT+8

2004 年 12 月 21 日 星期二 【微冷】

勁開心呀~我係房門口個門柄到"執"到一對bibemonchhichi吊公仔呀!
尋日先同寶珠姐講起,今日就即刻見到!!!
勁興奮咁拎去GR俾d同事睇,但佢地唔信我係"執"到(=.=)",
但真係就咁掛住係門柄到果喎~連包都無包。
又無人認領,我就據為己有,掛左佢係office個counter到......超正!

lunch同奇哥farewell.....咁又走一個喇~
食左好多野之後,佢地仲係咁塞我食野,所以怒吃左兩碗糖水.....飽到丫~>o<

忙到癡左線咁滯.....一口氣怒見左十幾個人!!
不過因為好熱心咁去做,所以感覺很好~

自己一個人中左出去搵Harry買DC,搵左兩個fd都唔得閒,就唔想再搵喇~
話左要聖誕之前買,就一定要買到!!(^v^)
但其實我對DC乜都唔識....所以捉實Harry狂問佢,
樣樣都叫佢幫我試,因為佢一定pro過我~哈!

用友情價平左三百到,再用埋信用咭cash dollar$21,
用左$2839買左部IXUS 40,佢仲幫我呃左D贈品,有d唔好意思添~~嘻!^^

小玲咁大個女,買得最貴ge應該係呢樣喇~
其他ge野都唔係自己買ge...
都唔算大使啦~相機係咁上下價錢...^^




>>December 27, 2004 at 2:39:28 PM GMT+8

2004 年 12 月 20 日 星期一 【微冷】

冬至啊!我揀左早放的日子~~^v^

好忙,好忙,好忙啊~

好開心咁三點三收工,趕住同寶恩去睇<沙膽大話王>,
點知塞車搞到我趕唔切開場,無睇到......
同寶珠姐閃左去食左杯雪糕,行左陣,買d野就返屋企食飯喇~
我又買左d好靚ge野.....哈~

掙扎左好耐(因為上幾次打去都係無野講咁~),都係打返俾Amy睇下佢搵我做乜,
打到去真係有好多dead air....怪怪的~

佢問我有無自己搬出黎住,叫我唔好放棄,要堅持.....
其實而家ge關係都係咁上下...不過我學習緊裝聾扮啞,日子就會好過d~

佢叫我聖誕同埋佢地一齊玩....不過聖誕都約晒人囉~
跟住又係做下雞仔媒人,講到xxxxxx有咁好得咁好....(=.=)"
又話我細路女唔識諗,靚仔有錢都唔要,係咁話花靚仔唔好呀~
真係俾佢笑鬼死~佢好似我d三姑六婆...

講真,我同xxxxxx真係唔係好熟,朋友都唔係,以前係office佢講親野,
都唔知要應佢乜....更何況呢家~
幾有錢關我鬼事咩!鍾唔鍾意同錢係無關係的....





>>December 27, 2004 at 2:25:17 PM GMT+8

2004 年 12 月 19 日 星期日 【微冷】

上晝好似打仗咁,間房要裝修,我就半晝見人,半晝搞返乾淨間房~

suki返左黎,坐左陣就閃左lu,無時間同佢傾多幾句添~

下午無咩case,坐住發呆左大半個鐘,後尾用左一個鐘頭office hour
同收工後一個鐘,就織起左一條頸巾.....我唔使用針織架~~哈!!
快,靚,正呀~
我lock起對門成個鐘黎織野都無人理我,不過我有係咁易同阿head講過下~

罕有地迴光反照,上堂幾精神....歸功於個miss同女長毛同學係咁講課外話~

十一點返到屋企,食下麵,講下電話,沖下涼...又成點幾先訓...





>>December 27, 2004 at 2:06:31 PM GMT+8

2004 年 12 月 18 日 星期六 【颳風】

一訓醒就起身出發去bbq喇~
同Nicole,阿靜,肥鍇同去左西貢花卉bbq場........

今日識左個新朋友,肥鍇個fd--楊xx~
今次終於見到個真人,係個好特別ge人,外型潮到爆,講野好搞笑,
同十三好似兩個孖寶咁,好鬼搞笑,不過佢真係幾得意,所以對佢好好奇,
不過唔熟,所以就無八佢咁多野喇~^^

我地自助bbq,呢次係我咁大個女以來,bbq食得最多野ge一次,
因為楊xx係咁燒野食,我地食.......哈~
不知燒得幾鬼自在~又唔太熱喎天氣~

燒到尾聲,就買左隻紙鳶黎玩,飛極都飛唔氣,
跑到死死吓,仲要玩埋 界刂 頸喎~笑到肚都痛呀~
仲有個不知名ge死o靚仔係咁搵單車踐爛我地隻紙鳶喎~
仲係想星巴佢,如果佢媽唔係到ge話!
咁邪惡ge細蚊仔,一d都唔可愛~

五個人去燒野食,又唔算太熟,係有怪怪地之外,都無咩悶場,
或者因為無咩預期,所以就更有驚喜~

不過十三瘦左呢,搣佢都無晒質感,無癮~
不過都係一望住佢就想笑.........哈~

五點幾就各自歸家,係青衣城蕩左陣,買d野,又返屋企喇~
我呢,功課未做,test又未溫......好似好多野都未搞....陰功囉~:p

呢排俾人問得最多ge問題係:"聖誕去邊到?".....
我真係未諗唔到,日日都係我問人地問題,人地答我,
所以我唔識答~~哈!
一齊諗下嘛~~^^

二哥給了我看一些東西,又跟我說了一會.......
果然,我猜的沒錯.......全家都估錯了~
都話我係你肚內條蟲架啦~
唔係我睇人睇得清..........係我留意你地啫~
她有那個人的影子......


>>December 19, 2004 at 4:55:10 PM GMT+8

2004 年 12 月 17 日 星期五 【炎熱】

罕有ge星期六呀,超多人~
都未停過手,好彩個bbq改左聽日?~

office仲係到裝修緊呀~
裝修d人已經整到去我間房,佢地對我自己一個坐咁大間房都好好奇,
問左我好多野~
佢地望落其實大我唔多,但佢地以為我年紀應該好大,但個樣生得樣低b....(="=)

我仲未買聖誕咭呀~
諗起有次,有個朋友仔話要寄聖誕咭俾我,
其實我都好想睇下佢寫左D乜~佢話張咭好靚架!
但佢寄左去第二度....哈~

係元朗買左d好有用ge野~~^^
今日心情靚爆~
不過時間好唔夠用呢~

又多心買左舊冷.....下年都唔知會戴未.....
之前織緊果條都返左好耐下......仲未完工........=.=




>>December 19, 2004 at 4:50:08 PM GMT+8

2004 年 12 月 16 日 星期四 【颳風】

office逐間房裝修,嘈到我頭昏欲裂!

好唔鍾意D人詐傻扮懞~
好有衝動去揭穿佢地,但office宗旨係:留返個台階俾人地.....

癡線架,真係想叫阿Lung去睇醫生.....

收工去左千色買Party果份禮物(Mickey 香薰套裝呀!好鬼靚~)
仲貴過我個枕頭啊~

成條街好多人,又好多野買喎~
樣樣都好想買,不過D fd ge禮物就一份都未買......呵~
拎住個大枕頭,好難行街~
shopping要同d fd一齊買會特別開心,要搵人陪我行街街先~^^

朝早點幾聽到窗邊傳來一個男人叫"救命呀,唔好搶" ge 聲音,
叫得都幾嚇人下,即刻衝返去訓.....訓醒就無左件事咁....
跟住夜晚自己一個坐係到睇電視時,又聽到,同媽講起,
佢就話隔離屋的確剛做緊白事.......唔係吖化.....



>>December 19, 2004 at 3:05:07 PM GMT+8

2004 年 12 月 15 日 星期三 【微冷】

閒著的時候,GR的同事都自發地學習著電腦,英語...
嗯~我很懶...任何事都提不起勁~

上次老闆向我問有關GR同事表現時,我只在想,不要說他們的壞,
但完全沒有想過要讚揚讚揚他們,我也很膚淺~

某某拎左我買果罐罐頭盆栽,話幫我種到開花GE話,
就要好老實咁答佢一個問題.....同埋唔可以避佢....
但...我有唔老實過咩?避就緊有d GE~

今日好開心呀,又有好幾個人讚我,
其實係佢地好客氣,所以我都好客氣咁對佢地....
心情唔錯,所以先會係咁,平日都係粗聲粗氣多....哈~

上堂唔多明,所以幾悶下~
呢家先第七堂,幾時先讀晒呢~

呢排好似煲多左電話..

肥仔癲到係我床頭小便....枕頭都丟埋~
阿媽今次算係好容忍我.......都唔知隻衰豬搞乜鬼~




>>December 19, 2004 at 3:03:15 PM GMT+8

2004 年 12 月 14 日 星期二 【颳風】

吃了最愛吃的湯圓....但覺得很難吃啊~(=o=)

Margaret同佢個fd再改期.....下星期一,我也是要上學....我唔制呀~~
佢同Gary為左我可以去都改左幾次期,但我都去唔到呢!無緣啊!(~.~)
不過佢話一定會帶我再去^^

好幾個人問我叫咩名,我怯左一怯,查詢都想投訴我?
但原來唔係投訴,而係話我態度好好,所以想搵返我OR讚揚下我,
當面GE讚賞令我尷尬,但也有點飄飄然~好鬼開心!

看了幾分鐘NOTE,就看了個多小時的小說,樣子呆呆的,
Margaret以為我悶得發呆,同我講:"有時間用來溫書好呀,
老闆沒有所謂的,你想看報紙也可以,攤住咁睇都無問題,
無乜人果時,半掩著門也可以的!"
聽完,我好有罪惡感.....功課唔做,係到睇小說.....

有個老人院職員,叫我轉交一大疊聖誕咭俾社工,
之後又話我好好禮貌,問左我名,話要送埋俾我....
如果佢真係送俾我,我可能會開心到訓唔著....哈!
佢係今年第一個同我講聖誕快樂GE人呢!
嗯!這就是我在第二處返工未必會有的感覺,唔知應該點樣形容~~

噢,聖誕還有十天.....還有十五天....又一年了~
畢業後的這些日子,我身邊的確發生了不少事情....
對未來,有dd惘然的感覺.....




>>December 19, 2004 at 2:49:36 PM GMT+8

2004 年 12 月 13 日 星期一 【微冷】

對D病人態度太好是不行的,有點倒霉的,
接二連三遇上怪人~俾人咒罵左一輪.....氣上心頭呀!!
幫佢仲要俾佢鬧,真過份~
生氣,只是把別人的過錯用來懲罰自己...我.....算~(=.=)

呢期阿LAM旺我呀!沒有停頓的時間~

又在展銷買了我最愛的苿莉花茶,不特別好喝,
但愛那種清香!很清,很清~~^^

Gary問我買了什麼聖誕禮物...他想要我買的那份~
真想買份可以整蠱人的禮物~~XD,但若果抽中的是老闆....
後果難以想像呢~:p

原本約左今晚食飯,但Gary同老闆講,
我無拖拍 + 唔使湊仔(這是理由?!我要湊肥仔!!),
所以我俾老闆捉左去同Gary一齊買禮物....我就捉埋Anise一齊去~
老闆一句:"成日哎無野做,呢家就俾野你做~^^"
咁就俾Gary奸計得逞喇~邊有理由收工仲要做野架!
搞到我要放Nicole飛機....又一個壞案底!(=.=)

一齊等Gary做晒野,唯有食晒佢D古古力發洩~
成7:00先去揀禮物....佢地揀,我自己玩,
佢地嫌棄我揀果d低b...唔識貨呢!哼~~
買左好多家用品.....

Anise走先,剩Gary又話要食飯先.....
唔知點解有D心不在焉,我聽到佢不停講野,但好似一句都無聽到咁....
所以食兩啖就想歸家~

今天身體散發出絲絲無聊的味道......


>>December 19, 2004 at 2:46:10 PM GMT+8