2004 年 11 月 6 日 星期六 【微冷】

尋晚整果個cheese cake衰左lu~
好酸呀~因為我發神經落得多左一倍ge檸檬汁.......酸到丫(>0<)....
所以收埋唔俾人食.......自己啃左去.......屋企人都唔準食!
仲諗住可以拎俾d fd一 齊食架嘛......但今日個fd係屋企附近都唔敢叫佢上黎食.......T.T

我下次會整得好好的!!，
今次只係酸左D,其他一切都OK，比上次好，唔錯，算係有進步．．．．．．哈～～

製成品 + 一隻豬~




我間房好似暴動過咁．．．．．哎吖吖～～




>>November 7, 2004 at 12:07:15 PM GMT+8

2004 年 11 月 5 日 星期五 【晴】

一起身見到有個人訓左係梳化,以為係阿哥,
所以傻下傻下咁抱埋肥仔一齊"哄"埋去想整下佢......
但一哄埋去,發現係個唔識GE女仔,嚇左嚇....就即刻抱住肥仔一齊彈開.....
勁ON 居,嚇人仲嚇返自己......

今天的工作就很無聊啊~~

今日又係阿LUNG當值呀,但佢今日又態度好好喎.......怪人~
佢仲玩寫紙仔,塞俾我睇......鬧個CLIENT........不過無乜點應佢,
我怕佢隨時又會鬧下我~~~
好明顯......佢有情緒病.......(=.=)"

入左元朗........辛勞二個星期了.......有人按摩,爽~
仲黎左個新野==>熱眼模......成對眼D紅筋無晒.......掂!!

返屋企之後,都無停過咁,因為肥仔應該係病左,又痾又嘔......
而佢發作GE地點 = 我間房..........
我返屋企咁耐,洗足咁耐.....
但佢又好似無乜野咁喎........

整左個CHEESE CAKE,洗埋野都係用左個半鐘,比上次少左半個鐘......今次整GE係士多啤利味GE~~^^
同樣都係"法"到隻手都跛左咁......但今次好成功呢,整左出黎好靚,仲好滑....望落~
應該會好好味的......哈~~
不過我無乖乖跟足食譜呢......因為材料買得太多.....所以我自己同佢加加減減左D....
不過影響該不大的......
過多幾個鐘,就有製成品睇喇~
我不停咁開雪櫃"裝"個CAKE....哈~
今次我會用DV同佢影返張靚相,做過紀念....因為食左佢就無LU~
下次多數都會整另一款....
不過收拾殘局就好煩呢....勁多野洗...

而且我仲發現.....我應該真係怕血...
因為我用攪拌機攪左D士多啤梨之後,我覺得好鬼似血漿.....
仲好似一種我好怕GE飲品.......
我有驚GE感覺........唔知係凝住OR真係有D手震......
撞鬼.........廿年來先知自己怕呢血..........好彩都唔算係好驚.....
如非必要,都唔會再攪士多啤梨,會影響晒我對佢GE鍾愛~



DORIS,
唔係丫,你黎左好呀~
唔使我用左D 時間黎訓~
趴係張枱訓,條頸勁痛呢~

仲會訓到吽晒....^^

>>November 6, 2004 at 6:16:08 PM GMT+8

2004 年 11 月 4 日 星期四 【微冷】

尋晚抱住臭豬時,佢竟然係我身上屙尿.....
咁多年黎都未曾試過.......
唔知係佢年紀大失禁OR專登係我身上面撒尿.....

今朝迷失左自己.....買早餐時,幫YAN買完又拎左俾KITTY,
填FORM時,又唔記得叫病人簽名.....
拎野,又拎漏D....
拾下拾下咁......唔夠訓耶~~~^^

好多野做呀.....無以前咁悶囉~
不過就好累下....

好想快D到聽日呀......星期六.....可以抖下~~(=.=)
好支力!好支力!好支力呀~~~~~~~~~~~~~~~~~~~

又要打流感針lu~
不過我又係唔去打~~hehehe!!!!

上唔到網,所以好早就訓左LU~




>>November 6, 2004 at 5:54:14 PM GMT+8

2004 年 11 月 3 日 星期三 【颳風】

今朝搞左幾個字都開唔到熱水洗頭,狂躁呀.....
水喉都想掟爛去....(="=)

一開工,阿lung就找我麻煩,都唔想應佢,
佢仲係要講,佢係咁問我,其他同事係咪叫我做好多野,
仲話有好多野都唔應該係叫我做,唔係由我去問pt,
如果唔係好易俾人投訴/俾人鬧.........
起初都覺得怪,佢會咁好人擔心我........
再講落去先知,佢係想話我越權......做埋佢地個份.....(=.=)"

應都廢鬼事應佢,神又係佢,鬼又係佢....
嫌我問得唔夠多果個,咪就係佢,樣樣都話我做唔足果個都係佢,
呢家其他社工懶,叫我一樣咁做時,佢都有野可以講......痴線架!!
無所適從!!!

三個鐘頭之後,佢見到我一望到佢就調頭走.......
佢又走黎講話:"頭先同你講GE野,你唔好介意,叫你唔好問,
其他D同事又可能會話你點解唔做足D,但真係覺得唔應該係你問囉~
係會令你難做少少架喇........."
跟住就走左.................頂!

早知今日又可必當初....

ansie教左我勁多香薰GE 野呢~^^
仲幫我調左隻,我喜歡GE香薰油~~勁鍾意!!

DR.仔知我返學,勁搞笑咁整左D同KATHY整果D好似樣GE沙律俾我食,
不過我一向都唔多好沙律,所以就捉埋看夜GE ANISE同我一齊"分享"左去~~XD
生GE野都唔食,沙律有好多生GE蔬菜啊~^0^

好無陰公咁質一個六十二歲GE阿伯......
但佢講大話又實在太差.....
4月時,我笨D,同情心多D果時都仲會詐唔知GE....
呢家都幾乎成精咁滯....點會咁鬆手丫....
話我衰都係咁架喇........咁誇張,唔可以隻眼開隻眼閉.....
佢真係唔好彩~~

以前覺得六十歲會好老,好鈍.....呢家...
覺得,好多阿婆阿伯醒過我,識GE野多過我...

之後去左返學,今堂係"Business Communication".....
個miss好似好好人咁...而d英文都唔算太難,
學ge類似文書處理咁,不過係用英文......
成堂都好眼睏,由朝早七點直踩到夜晚九點幾,
搭埋車,近十一點先返青衣....喪屍咁樣..........

今次nicole個fd同我一齊走,佢係咁起我底咁.....
我一上車,就連同佢吹水ge精神都無.......
又係咁同我講,我地學果d野,唔使咁認真,
考試實有貼士,唔使點讀......我信,佢都傻........

佢真係傻傻下.....竟然係我面前鬧我d fd......
佢都聽住我講我識得佢以前D同學仔架啦...
佢仲好似失憶咁,鬧佢兩個係死賤人,好賤,仲叫我唔好理佢地...
唔係眼睏ge話,都會同佢玩下,哈~真係傻傻地~~
難怪個個識佢ge人都話佢衰啦~
見佢兩次,已經覺佢係一個極有問題ge人.....

返到青衣,anise同dr.仔兩個傻人真係約左過黎食宵夜.....變態的~
我唔出聲係咁食,用左十分鐘就食晒,一食完就即閃返屋企......因為我很累啊~(=.=)~
沖埋涼,成點先訓.....好似死左咁....陰功~




>>November 6, 2004 at 5:52:01 PM GMT+8

2004 年 11 月 2 日 星期二 【颳風】

唔知點解咁好彩....要返學就咁多野做.....所以上堂D NOTE都廢事拎返公司......呢個星期都無時間睇.....留返六,日啦~

精神不佳....

同阿蘇一齊做左D好低B GE野.....好搞笑~~^^

係OFFICE引發起左個HELLO KITTY搜集熱潮....哈~

食左好大好大隻死貓......但除左聲譽有損之外,無實質影響......
平日阿LUNG都俾唔少我食,今次又係佢啦,將自己幻想GE野,當係事實,
亦將一D與我無關GE事,賴落我到,仲同所有社工講,我做野好有問題..........
搞到一個二個社工,係咁走埋黎同我"傾計"~
唔係我問返咩事,仲烚下烚下咁....
不過我無解釋,要講GE,上次已經同佢講左,係佢自己要繼續發癲,
我都無辦法.....佢屈我都咁落力,如果我俾佢捉到痛腳,實開心死佢~

GR成班同事都叫我要同佢解釋返,唔係有排俾佢唱衰,
佢有本事咪繼續唱囉,我坐定定咁睇戲~
信我GE自然會信,唔信我,解釋都無用~~
佢係無關重要GE人,無咁GE需要~
唔俾佢唱,佢又會走黎煩我,我情願佢繼續做八婆~
同佢黎自唔同GE星球,溝通唔到!
要將佢當成透明,由佢繼續憎多D我,憎到唔會再找我麻煩~~

但都因為佢,令我心情又差左D~
嬲嬲地,遇到D咁乞人憎GE同事!!!
將自己GE壓力,情緒都發洩係我到,變態~

今日阿小器黎搵我呀..........鬧情緒....

去supermarket 買左幾百蚊零食,但都唔覺開心返GE~
都係覺得down down地,但唔關今日發生ge野.....係自己突然情緒低落....
有時,真係唔知自己想點......

係咁發夢....訓得麻麻.....




>>November 6, 2004 at 5:45:45 PM GMT+8

2004 年 11 月 1 日 星期一 【微冷】

今朝確係神奇,早左出門,反而遲到,仲要遲足十五分鐘....搞到我要跑返OFFICE.....剛好,開著晒電腦先見人 .....LUCKY~~^^

又係入足一日機啦~

食好多好多餐,多到我都唔記得....今晚晚飯都唔使食啦~

計過條數,做到我離職時.....先儲得好少好少好少GE錢....
做左成年.....D錢都唔知使左去邊......
花係讀書GE都唔多....
暫時讀張CERT 只係$18000,Drop左3科,減$4000到,claim得返$10000 ge話,只係用$4000幾......所以要考好d!!!
因為再讀上去就無得claim lu~~

幫阿哥做勞作......都係夜訓.....=.=~~






>>November 6, 2004 at 5:40:54 PM GMT+8

2004 年 10 月 31 日 星期日 【微冷】

做到十一點幾時食早餐....(=.=)"

好鬼忙ge一日.......做到癲癲地.....
阿yan確係旺我~
不過多d黎,密d手....^v^

今日有個男人,精神科的.....無端端想用拐杖打我......出面GE人見到都嚇到走左,唯獨我,太遲鈍,無乜反應........又唔係唔驚GE,但又唔覺得太可怕.....,到佢坐坐下,第二次又揮枝拐杖時,我又係無乜反應......
如果俾媽子知道,又會覺得份工好危險,叫我唔好做....
社工仲叫我去GR拎定個防狼器係OFFICE....^^

ANISE見我唔係太驚,就俾份報紙我睇,寫住"有個精神病人,有妄想症,無端端拮死一個女仔".....啋~
不過又的確係幾嚇人......我會小心D!!
我咁好人,應該唔會咁短命掛......^v^

又俾阿lung話我,佢好煩呀~

老闆心情不佳,週圍b人......佢就黎捉埋我去b~

今日第一日返學呢~
專登係office做多半個鐘頭先走人,點知勁on 居,原來由office搭車過去不足廿分鐘...
早左差唔多成個鐘去到....shit!
不過都ok啦,不太悶....時間亦俾我記憶中短....原來只有兩個半鐘一堂,唉....我仲要為三個鐘....
二年真係可以讀晒??
遲d副修果d,可以ge話,我會揀上三晚堂.....我唔要讀多過兩年!!!!

用中文教,英文note,英文test,d英文都好簡單ge.....但佢地好似唔識我咁,越叫越走....
睇都還可以.........自己寫囉喎.........哼......死硬~
我英文表達能力好有問題.....=.="

個miss叫sarah chan,相信佢唔會點叫我........嘻~

班中有個女版 "coffee"~
很煩,但就係佢,我先有得笑下~

識左兩個同學,一個係miss tse~
個女同我一樣大的人.........因為大家都早左去,佢就撩我傾計....
一傾就近45 mins...我連佢做d乜,公司咩名,有幾個仔女,仔女做乜,住邊,連佢學古箏都知道..
真係覺得自己好利害~~好似起人家底咁....
佢咁信我ge,一識我就乜都講我知.....我是壞人來的!!^^

另一個係nicole個朋友.....一見就無好感,好少有人會令我有咁ge感覺...
先入為主...雖然佢無做d咩壞事,但唔鍾意就唔鍾意.......nicole ge朋友都係咁話....
我係nicole面前都照踩佢.....岩岩相識對我太好,我會覺得好假....
做回自己就好了....
反而miss tse就感覺佷好,傾談時,很自然......^^

如果下次早去到學校,可以搵阿哥呢,阿哥同未來嫂嫂都係bu讀書.....
我去做下電燈膽仔都好,順道叫佢地帶我去食好野~~
因為一路上堂,一路都好肚餓...
我今日食左king size 早餐之後,只吃了一個焗薯....今天三餐都不正常~

回家吃了兩碗糖水,沖涼,打日記,執拾上堂的東西,就睡了~

今日都算係咁,充夠電,所以今日無訓過,連搭車都無~~好充實!!



TO ximinn:
誰?估唔到,有Hits嗎?
唔明你講乜~:p
不過打得好齊喎~

>>November 1, 2004 at 5:04:11 PM GMT+8

2004 年 10 月 30 日 星期六 【颳風】

異常忙碌的一天.....

>>November 6, 2004 at 5:35:57 PM GMT+8

2004 年 10 月 30 日 星期六 【晴】

消失的友情 (非常貼切!)



不知你有沒有類似的經歷﹖


認識了一陣子的朋友﹐


也許是三年﹐也許只有兩個月﹐


可能是過去的室友﹑現在的同事﹐或是朋友的朋友。


你們有一陣子很熱絡﹐談得很來﹐


常常在網上聊天﹐還會相約看電影﹑喝下午茶。


你的戀人﹑死黨知道這個人的存在﹐


你對他的生活狀況也算熟悉。

說不上是知己﹐但也是可以交心的朋友。


有一天﹐不知道是怎麼回事﹐


兩個人的頻道似乎不對了﹐


也許他經歷了生活上一些轉變﹐


也許你換了新工作﹑新愛情﹐


可能是你對他說的某一句話不稱心﹐


或者你覺得他對你有了距離﹐

兩個人就突然很有默契般地﹐

電話少了﹐邀約少了﹐

聊起天來﹐有一搭沒一搭的﹐有些牽強。



你不太清楚到底發生什麼事﹐

說不太出來心裡什麼感受﹐

不知如何處理﹐也不覺得有解決的必要。



漸漸地﹐那個人成為你電子信箱裡的一個住址﹐

唯一的互動就是轉寄信件。

既然他不跟你聯絡﹐你也不想和他聯絡。

久而久之﹐就更找不到聯絡的理由。



他從來沒有在你的記憶裡消失﹐

有時候﹐你還是會和別人聊起他﹐

說到 “我有一個朋友………………”



也許﹐有一天﹐你為了要問他髮型設計師的電話﹐

又打了一通電話給他。

或者﹐他突然之間寫了一封信問你近況如何。

你們既熟悉又生疏地互相問好﹐

兩個人卻都沒提出見面的要求﹐

或者一方虛衍地說“我們可該找個時間碰碰面” ﹐

另一方也打太極拳地說“好啊﹐你有空再打電話給我”。

兩個人都心知肚明﹐這一天可能遙遙無期。



即使哪一天﹐你即無聊又孤單﹐很想有人可以陪陪你﹐說說話﹐

你可能還是不會找他﹐寧可自己一個人想盡辦法打發時間。



再有一天﹐你整理電子信箱的通訊住址﹐

你猶豫很久﹐考慮要不要把他的資料刪掉。

你也許按下“刪除”﹐也許決定保留。


可是你心裡知道﹕

這段友情﹐飛行到神秘三角洲的上空﹐

再精密的雷達﹐也偵測不到它的蹤影﹐

就這樣﹐從此在航線圖上消失………



所以呢…

大家有空一定要常聯絡，打電話給朋友需要想什麼藉口嗎??

朋友 就是關心 問候啊~

有空時見見面，喝一下咖啡談天說地



這不是人生的一大樂事嗎?

畢竟在茫茫人海中能夠相識，已經是很難得的綠份了，一定要珍惜彼此喔…

所以囉..大家共勉囉...希望你我得友情都能長長久久

>>October 30, 2004 at 5:57:59 PM GMT+8

2004 年 10 月 29 日 星期五 【晴】

?左一排,係時候又要醒醒喇~
又係努力工作ge時候........
或者係今日夠訓,無再死死下,突然覺得乜都好有朝氣~~^^
仲有呢兩日多野做返,心情好呀~
一多野做,我就會好鍾意我份工~~

最近連上網時間都沒有了.....

清潔果個嬸嬸望到我?頭果幾隻公仔,想我俾左佢,但全部都係以前+而家d同事送俾我0既,我唔捨得啊~
佢年紀咁大,我都唔肯俾佢....真唔要得,換轉係suki,就會乜都俾晒佢~
遲d有買到d可愛ge公仔,就買多隻俾佢^^

星期六唔知係咪人少d呢,d人黎到會感覺好d,乜都講.....跟住就喊得好慘咁......係比平日慘情好多......聽到心都up 晒.....=.="...

阿lung同一個阿婆坐左係我門口傾計,個阿婆曉睇相....同佢傾左好耐,望入黎房見到我同阿yan,
又贈我地兩句....佢話我,如果唔搵多頭外家,就算有幾多人追,都一定唔會肯嫁......
阿yan, lung都話佢地果d講得好準......不過呢......我唔信,即使唔嫁,都一定唔關呢d事,
何況拖都未拍,講咩結婚,雖然阿媽都講過,算命佬都係咁講我.......
但......真係覺得無稽嘛.......
聽完,我都只係少左少,阿lung就勁串我眼角高,跟住就b 左我成半個鐘.......煩~
佢就黎連我食飯食乜都管呢......

睇左之前錄ge"疆屍"頭三集.............悶~
又走去訓..........結果日夜又顛倒了.......







>>October 30, 2004 at 5:30:40 PM GMT+8