2003 年 6 月 13 日 星期五 【雨】

今日都算過得唔錯, 可能係因為星期六o既關係, 公司 d 人好似好好笑口咁.......................... ^.^ (就係咁樣) 雖然都係冇同我講o野, 但佢地有同其他同事講o下笑, 所以公司o既氣氛都幾好.

好啦, 公司o既o野就唔多講啦, 因為都冇咩特別. 但我想講o既係, 唔知點解我突然好想去海洋公園 ( 係真o架 !!! ) 所以..................................... 如果你地睇到呢篇日記, 而都諗過呢個暑假會去 ocean park o既朋友, 不妨考慮o下約我去呀........................... *.* (呢 d 算唔算賣廣告叫人約自己 ??)
唉 ~~~~~~~~~~~~~~ 我都未番完工, 咁快就諗定去邊度玩o勒, 請到我佢都算唔好彩啦, 哈哈 !

另外呢, 我o岩o岩玩完一個 "金庸算命 game", 你地估唔估到我o既代表人物係邊個呢 .....................
.............................. 登...........登...............登....................登.............................. 係 "藍鳳凰" 呀 !!! 我初初一見到個名, 心諗: 嘩................... 我冇咁毒o掛, 但睇落都唔係咁差, 雖然我唔覺得完全講中我, 但都可以同大家 share o下 d 分析o既 : (準唔準?? 你地話呢 ?? )

個性豪爽，沒有心機的個性，很容易和男生打成一片，身旁男的友人很多，但就獨缺另一 半。建議愛就要說出口，開朗的女孩是很受歡迎的哦！只要將心中的話表達出來，才不會讓機會一再擦肩而過呦。雲南苗族美女，喜愛花花綠綠的裝扮一如其名。她擅使蠱，使毒，全身上下都有毒物，令人退避三舍。因日月神教聖姑任盈盈之故，以一教之尊不惜以自身鮮血為令狐沖療傷。為人爽朗，落落大方，堪稱女中英豪。但因任盈盈之故，雖對令狐沖有好感，祇與其以兄妹相稱。《笑傲江湖 》

點都好, 我都鍾意佢o個句: "雲南苗族美女"..................... 係美女..................... 哈哈哈



>>June 14, 2003 at 1:53:44 PM GMT+8

2003 年 6 月 12 日 星期四 【陰】

寫咩好呢 ??? 次次一開始都係咁諗, 但寫寫o下又寫到兩三段出o黎, 真係好o野, 一定係考試時吹水吹得多, 訓練有素, 呵呵呵 !!! (o拿, 咁又寫o左幾句o勒 ........................ ^.^ )

本來呢, 今日我都過得幾好o架, 響公司不繼咁有o野做, 時間過得好快. 但不幸o既事竟然響 5 pm 先發生: 前天, 個秘書叫我幫佢將 d 數入電腦 (即係睇o下收晒 $$$ 未), 結果我今日都未搞掂, 佢問我介要整幾耐 (唉~~~~~~~~ 見佢咁問, 我唯有今日死埋俾佢o羅), 但佢 d 數好亂o架, d 客又唔係次次俾 $, 有時等埋兩三次先找數, 有時又會一早俾定 (即係 prepayment). 我先做o左個多星期, 點知 d 數係點喎, 而且我又唔係得呢樣o野做, 所以今日成 6:35 先走得...................................... >.< !!

我放工o個陣響度諗: 我諗我都係太 "溫室" 啦, 慣o左被人照顧 or 關心, 好似屋企有父母, 學校有老師和同學, 以前做 baleno 都有同事錫住, 搞到我都唔體會到出外做o野o既辛苦, 所以我諗呢個對我o黎講都係一個好o既經驗 (係就係唔開心, 但而家唔開心總好過將來先識唔開心 ) 而且都只係淨番 14 日, 我一定可以過到呢關o既 !!!
(另外我要同介紹呢份工俾我o既朋友講, 你千祈唔好介意我成日響度講份工呀, 我其實真係好多謝你o架 !!!! )

好啦, 咁又寫o左一篇日記啦........................ 哈哈 !!! 但我都仲係唔明, 點解我仲係第一頁o架, 連 stephen o既日記都已經係第二頁啦喎 !!! (我仲寫得多過佢o架...................... >.< )

>>June 13, 2003 at 1:21:02 PM GMT+8

2003 年 6 月 11 日 星期三 【陰】

呵呵............. 咁又一日啦, 計計o下我已經番o左 7 日工啦 !!! )*.*(

呢幾日總算幾好啦, invoice 已經冇咩錯, 只係成日都唔記得 d o野!! 好.................. 仲有一個星期, 我要努力 d 呀, 個秘書下個星期就走o架啦. (加油 努力 ! 加油 努力 ) 我都唔多講公司 d o野 lu, 因為做o黎做去都係o個 d o野, 費事悶親你地啦.......................... he he he .

不如講o下 McDonald 新出o個隻朱古力軟雪糕啦, 我呢兩日放工之後都去 McDonald 買o野食, 但我見到 d 人食呢款雪糕時好 "論盡", 搞到我都唔敢食 (你知啦, 我一向都比平常人 "論盡" d o架o麻) 嘩.................... 我唔太想響公共場合出醜 ! 所以呢, 我決定o左要食就響屋企樓下o個間 M 記買, 少人 d....................... 冇咁覺 , 呵呵呵 !!

好啦, 今日講住咁多先, 聽日係星期五, 後日係星期六, 星期六番半日.................... 好o野 好o野!! 星期六, 星期日萬歲................. 萬歲........................... 萬萬歲 !!!!

>>June 12, 2003 at 1:48:02 PM GMT+8

2003 年 6 月 10 日 星期二 【雨】

弊................. 真係弊........................... 我越o黎越遲放工啦 !! 我由第一日放 6:10 pm 到今日要 6:35 先走呀, 哎呀咁落去, 我最後o個日要幾點先走得呀 ??????

另外, 我要講一樣好感動o既事................................ >.<................................ 就係我今日同一個同事一麡放工呀. 佢問我係o米搭地鐵, 我話係呀, 咁佢就話不如一齊走, 因為佢要去癸芳. 就係咁我地就傾o左成程地鐵啦 ....................我好開心呀!!! 本來我諗住做多一陣先走o既, 但見有人陪我放工, o米即刻走o羅 (o夷,我呢個算唔算係想走人o既藉口呢 ??? )

hm..............都冇咩其他o既特別事 lu, o米又係番工等放工咁o羅. 總之呢兩日都算唔錯, 冇咩點做錯o野, 但 d 野都仲係未記到, 要成日問人 (希望佢地唔嫌我煩啦) 唉 ......................... 我都要努力 d, 因為個秘書就放假o架啦, 我要響佢走前記得晒 d o野先至得o架, 死啦............... 死啦......................

好啦, 今日就寫住咁多先啦, 希望我番工o既日子會一日好過一日啦 !!! ^.^
(我想知點解我寫o左咁多日都仲係得一頁o既, 我見 mandy 本日記有成 6 頁啦喎, 都唔公平o既 !!!)



>>June 11, 2003 at 1:48:54 PM GMT+8

2003 年 6 月 9 日 星期一 【雨】

又一日啦.................. 咁又一日啦........................... ^.^ !!! 講真呀, 日日係咁講自己公司 d o野, 會唔會悶親你地呀 ????? (但唔講公司我又唔知講咩好喎 , 我成日都響公司做o野 >.< )

不如咁啦, 我今日講o下我番到屋企會做 d 咩啦. 其實都好簡單, 我每日番到屋企都差唔多 8 點 (唉.................. 住屯門真係好唔方便), 跟住就洗白白, 然後食飯, 之後就 online 玩 icq 同寫日記, 如果我爭得嬴部電腦o既話. 咁就一日o架啦 !! 講真呀, 咁o既生活好似好定時, 其實都好悶o架. 不過, 只要過o左 6 月, 咁我就自由啦, 可以去邊都得, 只係唔知到時我會唔會又嫌冇o野做好悶 lu.................. 哈哈 !!

另外, 唔知點解, 我突然好想去剪一個新髮型呀(其實都唔算突然, 我都同好多人講過 ) 只係我唔想冒險, 你知啦, 如果唔好睇會好樣衰o架o麻 (唉~~~~~~~~ 我已經唔靚o架啦, 唔可以再衰o架啦) 你地話呢, 我剪咩髮型好呀 ???? 如果你地唔俾意見o既話, 我剪得唔好睇唔準話我o架 !

好啦, 都順便講o下今日番工o既情況啦.................................... 今日都幾順利, 而且開始有 d 忙o既感覺 tim, d o野未做完呀, 但我唔理 lu, 6:30 就走o左 (我地正常係放 6 點) 本來我都諗住做多陣, 但我阿 head 都走咯 (即係個正式秘書呢),佢都未做完 d o野o架, 咁我o米又跟住走o羅, 呵呵呵............................

hm................... 真係唔知講咩好啦, 就講住咁多先. 又或者你地想知 d 咩o既話, 留 message 俾我啦, 我會響下次o既日記度寫o架啦 !!! 早抖啦.......................... bb

>>June 10, 2003 at 2:12:05 PM GMT+8

2003 年 6 月 8 日 星期日 【雨】

今日係番工o既第四日, 雖然係雨天, 但冇塞車 (好彩o者..................) 所以我好順利咁番到公司, 仲早o左成 20 分鐘, 之後成日都好鬼順利 tim 呀 ^.^

首先一早就打o左份 invoice, 嘩................... 好叻女呀, 冇錯呀, 我要努力 d 咁 keep 住先得. 跟住呢, 我學寄航空包裹, 要打 "火漆" o架, 你地知唔知係咩o黎呢 ?????? 哈哈 , 就係將一 d 好似紅色蠟既o野, 溶o左之後就塗上個包裹面, 再蓋上公司印 (你地明唔明呀, 其實就好似 d 戲咁, d 信上面有個紅色印章防止人偷睇o既呢........................ 好好玩o架 !!!)

咁就過o左成朝啦 (哎呀, 我做o野原來咁慢o架, 成朝先做o左兩樣o野..................) 到o左食飯o個陣, 幸運之神終於眷顧我啦, 其中一個同事食完飯之後o黎同我傾o左一陣計呀, 我好開心呀, 我終於知道自己唔係透明o架啦 (*.*)

咁食完飯之後呢, 我就學打廠單 (因為我地 d 貨係會交俾唔同o既廠加工o既 ), 嘩.................... 原來好鬼麻煩o架, 又要對數, 又要打單, 對住 d 數字真係頭都痛呀 !!! (你地都知我 maths 差o架啦) 所以呢, 呢樣工作我又做o左成個下午啦. 呵呵..................... 咁又一日啦 !! 所以我覺得今日過得唔錯 o羅, 你地話呢 ???

好啦, 今日講住咁多先啦, 明天繼續. 希望日日都係咁啦 !!

響講 bye bye 之前, 我想同 mandy and wenlau 講少少o野, 喂你地呀, 尊重o下我本日記同我好唔好, 俾少少面啦......................... 唔該啦. (你地睇我本日記好似係為o左嘲笑我咁 >.< )


>>June 9, 2003 at 1:55:12 PM GMT+8

2003 年 6 月 7 日 星期六 【晴】

今日係美好o既星期日, 但美好o既o野過得特別快, 唉 ~~~~~~~~~

好, 講o下今日做o左 d 咩啦, 首先我可以 9 點先起身, 然後去樓下間大快活食早餐, 之後陪媽媽去百佳行o下 (大家注意: 係行o下, 因為我地冇買到o野 !!!) 跟住呢, 就出o下卷, 去補習 (唉 , 連星期日都要番另一份工) 番到屋企已經成 5 點幾, 我梗係即刻 online 同 d friends 傾o下計, 如果唔係容咩易放完假之後佢地唔記得我o架 (哎呀 , 我諗唔會o掛 )

另外, 呢排我被妹妹鬧我成日霸住部電腦, 搞到佢冇得玩喎 ! 我番工悶o麻, 咁番到屋企梗係玩 icq 開心o下啦, 如果唔係會顛o架 ! 不過佢都講得o岩o既, 我冇理由為o左自己而令佢冇得玩o既, 咁唯有大家將就o下, 一人玩一陣啦 (雖然我好唔想............................ >.< )

好啦, 今日都冇咩特別事, 就講住咁多先啦 !!! 下面呢篇o野係我o岩o岩響網上睇到o既, 覺得都幾得意, 就同大家分享o下.......................... (不過你地可能已經睇過 lu)

學生篇

返學九個月...怨聲已不絕...晨早六點九...趕住著衫走...
路口等小巴...車費又再加...爬到校門口...仲有幾層樓...
望望班房內...竟然冇人在...聽到人示愛...遲到又要再...
今日第一堂...學生已發狂...漏帶一本書...九族都要誅...
空堂唱下歌...傾計都唔錯...最後英文科...變曬做睡魔...
打鐘各自飛...就咁又一Day..返學為左乜...日日被糟斃...
返學等放學...放學飲可樂...功課都係抄...一係就唔交...

(唔知我地係o米咁o既呢................... 哈哈)

好啦, 真係講 bye bye 啦 !!!! 不厭其煩咁講多次, 聽日番工要順順利利至好呀 !!!






>>June 8, 2003 at 11:33:36 AM GMT+8

2003 年 6 月 6 日 星期五 【晴】

又一日啦................. 今日又係驚險o既一日............................ !!!

首先, 今朝條死屯門公路竟然塞車, 塞o左成 20 幾分鐘呀, 唉~~~~~ 搞到我勁趕 . 好彩我一向都有早出門口o既習慣, 但結果我都遲o左 5 分鐘 ( 第三日返工就遲到, 唔知佢地個心點諗呢 ! )

之後佢地冇出聲話我, 可能見係落大雨同埋我只係遲o左 5 分鐘o掛. 跟住我就去訂文具 (去書局買就試得多, 咁大個女都係第一次訂貨, 覺得好威呀 !!! ) 之後呢, 我又可以打多次 invoice 啦 , 今次好好多啦, 不過都俾人打回頭一次, 算係咁啦, 希望下次可以順順利利完成, 咁就叻女o勒 (^.^)

然後呢我就要去學包貨同寄貨 (嘩.................... 原來我今日做o左咁多o野o架) 包貨都冇咩特別, 只係要記住 d 步驟同埋一定要 fax 番 d invoice 俾個客. 跟住就精彩啦 , 佢叫我去寄埋 , 我呆o左, 因為我完全唔識尖沙咀 d 路, 好彩最後都去到 (唔係好難o者 !!!) 如果蕩失路我都唔知點算.

好啦.................. 總叫有驚無險咁又渡過一日, 聽日係 sunday , 真係好, 星期日萬歲 !!!

>>June 7, 2003 at 11:05:54 AM GMT+8

2003 年 6 月 5 日 星期四 【晴】

唉............................... 咁又一日啦 !!!

今日佢俾o左份 invoice 我打, 唉.................... 俾人打回頭 3 次呀 !!! (再係咁遲早激死佢o架啦) 連我自己都唔明點解可以錯咁多o野o既, 當我第三次俾佢睇o個陣, 我都唔知幾驚呀, 嘩.................... 再錯容咩易俾人一腳踢出門口o架................................. (>.<)

仲有就係, 原來佢地真係唔講o野o架, 佢地連食飯都唔會傾計o架, 個個人都係響自己個位度食飯, 之後就傾o下電話, 上o下網咁, 都冇人理我o既, 我諗我好快會變自閉o架啦 !!! @.@ (自閉樣)

都好................... 聽日就係星期六, 番半日. 可以休息o下 (其實即係去行街..................唔好以為我會響屋企, he he he)

響度................. 再次保佑自己唔好做錯o野 !!! 平安渡過呢 20 日啦............................

>>June 6, 2003 at 1:03:38 PM GMT+8

2003 年 6 月 4 日 星期三 【晴】

今日係第一日番工, 唉 ~~~~~~~ 我已經覺得好 tired 啦 !!! 原來秘書真係唔易做 , 有好多o野要記.............. 我好驚記唔晒呀, 我會唔會俾人鬧o架 ????? ( d 電視劇呃人o架 , d 秘書好似好清閒好威, 得閒去化o下妝咁 , 原來都唔係o既)

其實份工又唔係話好辛苦 , 只係好多o野記, 同埋 d 人唔講o野 , 成間 office 都好靜, 搞到 d 氣氛好似好緊張咁 , 唉 ~~~~~~ 識得我o既人都知我鍾意講o野o架啦 , 我最叻就係 "食" 同 "講o野" , 所以我成日話我成身最有用o既就係把口, 唔食o野就講o野 , 唔講o野就食o野, 真係物盡其用 .

另外, 我而家至知原來我 d 英文係咁差 , 佢今日叫我試o下寫封俾個客, 問o下佢近況 (其實係想拉o下生意咁啦) 我真係呆o左 ............................... 心諗 : 唔係呀, 叫我寫封信俾個客 , 我寫俾 d friends 問o下佢地最近點就得o者.............................. 唉 ........................ 結局係我唔理咁多, 一開始就寫 "how are you" (真係冇得頂 , 完全唔係一封 formal letter, 我真係唔知佢睇完有咩感想)

唔怪得 d 人話而家 d 學生英文水平下降啦 !!! 唉 ~~~~~~~~ 我諗我都係時候進修o下啦 !!!

好啦 , 今日寫住咁多先啦 , 聽日再同大家講o下我番工o既事 . 我要抖足精神 , 聽日繼續我o既 office 生涯呀......................... bb (祝我唔好俾人鬧啦........................)


>>June 5, 2003 at 2:43:00 PM GMT+8