2003 年 8 月 7 日 星期四 【晴】

好悶................. 真係好悶......................我就o黎悶死啦...................... ~_~ !! 大家係o米好奇怪點解我會話悶呢, 其實我而家係響 "關心一線" 度當值, 我今 日係負責 chat room o既, 但係而家先 9 點都未夠, 試問又點會有人 online 呢 ??? 所以我就異常清閒o勒 !!! 唉 ~~~~~~~~~~ 都唔知點算, 我諗起碼都要成 11點幾先有人 online, 咁我呢幾個鐘做咩好呀 .

講開又講, 我發覺我同我個妹 d 命水都幾似, 我地讀同一間幼稚園, 小學, 中學 ( 仲要係一齊升唔番原校, 跟住又入埋同一間中學讀 form 6), 之後呢, 又一齊入樹仁 (我地仲要係本身有 city o既 副學士收o左, 但我地都唔鍾意 ) 死啦...................... 咁我地第會日唔會做埋同一間公司, 識埋同一個老公o架 ?????????? 唔制 呀 !!!!!!!!!!!

>>August 8, 2003 at 1:18:44 AM GMT+8

2003 年 8 月 6 日 星期三 【晴】

我個妹入o左樹仁新聞系啦................................. 大家以後就係同學仔, 咁各位樹仁o既朋友如果睇到呢篇日記, 記住多多關照呀 ^o^ !!

講番 "關心一線", 都幾忙o架, 我響 chat room 同 icq 都冇停過手, 又要搵資料, 又要俾 reply, 大家都知我 d 中文打得 "快" o架啦 !! 雖然係辛苦, 但勝在開心, 同隔離 d 義工朋友一面傾計, 一面 reply, 幾好玩o架. 如果有機會o既話, 我都希望每年都可以番去幫手 (哈哈 , 唔知我第日個 boss 俾唔俾我咁做呢 ?? )

>>August 7, 2003 at 8:40:46 AM GMT+8

2003 年 8 月 5 日 星期二 【晴】

放榜啦........................ 放榜啦 !!! 但我妹妹派得唔好呀, 點會咁o架 (派成點就唔講啦 ) 搞到連我都好唔開心呀 ................................ ~.~ !! 咁而家冇辦法, 唯有等樹仁o既消息, 咁樹仁新聞系都唔錯, 如果佢入到o既話, 咁佢就同大家做同學啦 !!!

講番尋日, 我做o左 chat room 輔導, 原來都幾好玩o架, 只不過當一個人對住 d icq 呀, chat room 呀 8 個鐘頭之後係會有 d 怕怕, 所以呢幾日我都唔會點 online 玩 icq lu, 所以我真係幾佩服 d 人可以成日 online o架, 咩佢地唔悶o架咩 ???

>>August 6, 2003 at 2:12:39 AM GMT+8

2003 年 8 月 4 日 星期一 【晴】

又到放榜o既日子, 咁即係話我又要開始聽 hotline o勒 ( 講到好忙咁 tim, 其實都係聽 3 日, 但每日都要聽 8 個鐘o架 !!! ) 不過今年我可以試 icq 同 chat room 輔導, 我上年冇得玩o架, 我學中文打字都有部分原因係想試 icq 輔導, 今年終於如願以償. 不過好可惜, 我到而家都係用速成, 我真係想學倉頡o架, 但每次一打唔到 d 字我就會發脾氣唔打, 所以......................................... >.< !!

今日唔知搞咩鬼, 屋企突然冇水, 好彩我好早就起o左身刷牙洗面o者 (我 8:30 就起身 lu ), 如果唔係都唔知點出去聽 hotline. 好啦, 等我今日玩完 icq 輔導後再話俾你地聽有 d 咩得意o野啦 !!

>>August 5, 2003 at 2:13:56 AM GMT+8

2003 年 8 月 2 日 星期六 【晴】

死啦..................... 今次死梗啦.............................. >.< !!! 我........................... 我.........................肥o左 3 磅呀 !!! 個暑假都未放完, 再落去真係唔掂喎 ! 大家有冇 d 好o既減肥方法呀 ? 如果唔係我驚放完暑假之後你地唔認得我................................

唔經唔覺, 我妹妹都就o黎放榜o勒, 而我都要番去聽 hotline lu . 講真, 我都幾希望佢可以入到 U, 唔駛好似我咁響樹仁, 我唔係話樹仁唔好, 只係佢成績好我好多 (起碼中文有 B ), 咁梗係入 U 會好 d 啦 !!

差 d 唔記得同大家講 tim, 我尋日整o個 d "水蜜桃汁 + 沙田柚 + 蒟蒻" 都幾好飲, 但我覺得用荔枝汁可能會仲好, 等我過幾日試o下先 !! (o夷...................... 我食咁多甜o野, 想減肥都幾難喎 !!! )

>>August 3, 2003 at 3:04:02 AM GMT+8

2003 年 8 月 1 日 星期五 【晴】

我覺得自己都幾不孝.................................. 自從爺爺過身, 我祖母響佢死後幾個月便入了醫院 (五月初), 到而家醫生話應該得一個星期命, 咁我今日就去見佢最後一面 (醫生話趁佢仲有知覺就好去講多兩句喎 !!! )我見到佢o個陣只係覺得佢好瘦, 好可憐, 但我一 d 都唔覺傷心. 但到o左病房外面, 我見到爸爸媽媽同其他親戚朋友都有喊或者眼濕濕, 但我o個刻真係一 d 感覺都冇. 唉 ~~~~~~ 唔通我真係冷血 ???

好.............. 講番 d 開心 d o既o野先, 自從 "楊枝甘露" 失敗後, 我又有新花款 !! 我買o左 d 水蜜桃汁, 諗住加 d 沙田柚同蒟蒻落去, 唔知好唔好味o既呢 ??? 真係想快 d 試o下, 我試完之後, 聽日話俾大家知啦 !!

>>August 2, 2003 at 10:43:45 AM GMT+8

2003 年 7 月 30 日 星期三 【晴】

真係估唔到我 d "楊枝甘露" 會引起咁多人o既興趣, 多謝你地呀 freda + mandy !!! for mandy , 係呀, 你講得冇錯, "楊枝甘露" 係用 "甘" , 都係你 d 中文好 d . 另外, 我用o既係花奶, 唔係 d 咩私家供應商, 你地唔好再亂講o勒.................................. >.< !!!

我而家冇工番, 所以日日都響屋企追 "射鵰英雄傳", 真係拍得好好, 香港就一定拍唔出呢 d 水準. 雖然我好鍾意周迅, 但佢真係做唔出黃蓉o既神韻, 反而做郭靖o個個就唔錯, 你覺得點呀 mandy ??

其實我真係想寫多 d o野o架, 但我成日都留響屋企, 冇咩特別o野好寫, 我真係好羨慕 mandy 你有得去旅行呀 !!!

>>July 31, 2003 at 8:09:40 AM GMT+8

2003 年 7 月 29 日 星期二 【晴】

原來一杯好味o既 "楊枝金露" 都唔係咁易整, 而且我以為西柚 = 沙田柚, 結果我要落街買過. 另外呢, 可能而家 d 沙田柚唔係太新鮮, 有少少酸, 搞到我 d "楊枝金露" 唔好味 .......................... >.< !!! 但係我而家最驚o既係, 如果我 d 屋企人唔肯幫我手食 (因為唔係太好味o麻 ) 咁我就慘啦, 我整o左好多好多好多呀......................................... (我諗佢地唔會咁冇人性o掛 )

唉....................話咁快暑假又得番一個月o勒, 我都仲係咩都未做過 tim !! 我 d placement , 我 d 普通話考試 , 我 d 見 counsellor o既鐘數............................................. 仲有好多好多o野, 咩都未做, 真係自殺都唔掂啦 !!

>>July 30, 2003 at 10:04:38 AM GMT+8

2003 年 7 月 28 日 星期一 【晴】

唔知係o米放暑假放到悶悶地, 我突然間好想自己整 "楊枝金露" 飲, 佢係我最鍾意o既糖水, 但唔知自己整出o黎會係點呢 ??? 所以我今日就去買齊 d 材料雪凍佢地, 咁聽日放晒落攪拌機撈埋一齊就可以 lu, 唔知好唔好味o既呢 .............................. ^.^ !!!

另外, 因為我其中一隻老鼠仔死o左, 咁我就打算如果另一隻都死埋就養兔仔, 但媽媽唔肯, 佢話兔仔太大隻喎, 咁我就諗住買一隻 "侏儒兔", 然後呃佢話o個 d 兔仔係新品種, 係唔會大o既, 點知佢唔信 (佢幾時變得咁醒 ??? ) 我真係好想養兔仔o架, 兔仔都唔係好大隻o乍o麻, 點解唔俾我養喎 !

>>July 29, 2003 at 7:56:28 AM GMT+8

2003 年 7 月 27 日 星期日 【晴】

我隻老鼠仔死o左啦 (享年兩歲四個月零十日)................................ >.<.................................... 其實之前佢都病病地, 所以佢死o個陣我都有心理準備, 只係而家見到另一隻 "孤零零" 咁有 d 心 "up" o者.

原來去旅行都會上癮, 我而家好想去多次旅行呀 !!! 你知啦, 第日番o左工就冇咁多假, 唔可以想玩就玩, 而且第日又有經濟負擔 (其實而家都要負擔 d 學費 ). 唉 ~~~~~~~~~~~ 我而家已經響度計緊第日出o黎做o野會有幾多日大假放啦, 仲有成年先畢業就已經諗定第日點玩, 你話死唔死 !!



>>July 28, 2003 at 10:44:55 AM GMT+8