2004 年 1 月 21 日 星期三 【乍雨乍晴】

恭喜發財, 祝各位身體健康, 心想事成, 萬事如意, 恭喜恭喜 !!!!

雖然係大年初一, 但由於我親戚不多, 今天只是去了荃灣, 呆了兩三小時後便走得, 唉...........................好悶, 希望明天會更好啦 !!

>>January 22, 2004 at 9:31:24 AM GMT+8

2004 年 1 月 20 日 星期二 【乍雨乍晴】

嘩...................... 今日都係好凍呀 !!! 但可惜我不能繼續冬眠........................................ >.< !!!

今日一早, 我為香港的市容整潔做o左一件事.................................. 就係趕走一個響輕鐵範圍討吃的乞丐, 哈哈 !! 事發經過如下:
11:00am --- 與媽媽及妹妹到屯門碼頭輕鐵上蓋的商場吃早餐, 發現有一個乞丐
11:35am --- 發現那個乞丐還未離去, 便和妹妹到輕鐵服務處投訴, 那個職員立即打電話
11:37am --- 有 3 個警員到場勸那乞丐離去 (那時我們不得不讚嘆香港警察效率之高)

可能大家覺得我有點兒無聊, 但香港的乞丐確實越來越多, 如果我們還不阻止他們繼續漫延, 那麼那些 "乞丐集團" 便會繼續派更多的乞丐來香港 "搵食", 後果便不堪設想了 !!

回家後, 我要幫媽媽整 "馬蹄糕", 然後出去銅鑼灣行花市. 但那兒實在太多人了, 我們只行了一個小時便離去 (因為我根本就什麼都看不到, 只覺身邊全是高我很多的人............................... >.< !! )

>>January 21, 2004 at 12:13:30 PM GMT+8

2004 年 1 月 19 日 星期一 【乍雨乍晴】

今日好凍............................ 而呢個咁凍o既天氣令我知道 :原來我係一個未進化成功o既人類.................................... 因為............................... 我需要冬眠 !!!

各位早抖 !!! 如果天氣未回暖, 千祈唔好嘈醒我, thx !!!

>>January 20, 2004 at 3:43:24 PM GMT+8

2004 年 1 月 18 日 星期日 【乍雨乍晴】

激氣呀........................... upload 唔到篇日記, 又要由頭寫過 !!!

話說我今日好開心, 因為去o左 wenlau 屋企打邊爐, 有好多o野食, 多到都食唔晒 tim. 我地買o左肥牛, 豬肉, 金菇, 鮮冬菇, 各式丸類, 芝士腸, 竹笙, 生菜, 白菜, 烏冬, 芋絲.................................... 等等. 另外難得o既係, 今日竟然齊人喎, (阿 ray 遲到都當齊人, 因為冇人諗過佢會準時)

除o左有一頓豐富o既午餐外, 我仲有好多禮物呀, 有 freda 去完泰國o既手信 (多謝 freda, o個 d 豬肉鬆米通好好脆卜卜呀 !! ), 仲有阿 ray 送o左我地一人一件衫 tim......................................... (多謝晒喎 ray 哥................................ 可惜件衫我唔o岩著啦, 哈哈, 你低估o左我o既身型 lu !! )

又除此之外, 我發現了一件好重要o既事, 原來 mandy 同阿 ray 係好驚 "薯仔" o架, 真係好奇怪, 我都唔明有咩咁好驚 ????

>>January 19, 2004 at 3:13:58 PM GMT+8

2004 年 1 月 16 日 星期五 【微冷】

開始凍啦, 真開心.................................. 唔知點解, 我鍾意新年凍o架, 哈哈哈 ^0^ !!!

今日都冇特別事發生, 依然係出去補習 + 繼續執屋 (唉.......................... 仲要執幾耐 ???), 所以我唯有 reply 番 d 留言啦..................................

for ray: 你估中三分一啦, 我有兩日出去同朋友食 lunch, 一日食 dinner, so what ?? 你唔好成日覺得自己 join o左我地玩好多o野先得o架, 至少我地響樹仁搞生日會 (包括你的生日)o個陣你就已經有兩次冇到, 而且你遲到 d 時間加埋一齊都夠我地出去玩一日 lu............................................. 呵呵 !!

for mandy: 我.............................. 完全唔知應該點講 (因為次次去玩你都有到, 而且冇遲到 tim !!!) 不過我始終都唔認同你話屯門唔遠, 至少我每次都要比你地用多至少半小時, 係o米 ???

for all: 我想 bbq 多 d...........................................可以嗎 ???

>>January 17, 2004 at 11:35:35 AM GMT+8

2004 年 1 月 15 日 星期四 【晴】

原來放假後個人真係會懶 d o架, 因為以前考試 or 趕 paper o個陣我都會寫日記, 但響呢個悠長假期我竟然 4 日冇寫喎, 哈哈 !!

其實我都唔係太得閒, 因為我要響 26 號之前交下學期o既 group proposal 俾 ms tse (through email), 番學後又要交多一個 case report, 但我而家咩都未做過................................. >.< !!! 我都唔知點解, 我由星期日執屋執到今日都仲未執完, 好悶呀 !! (不過每日都係執 2-4 hours o者, 因為夜晚我會睇電視 or 出去同朋友食飯)

講開同朋友食飯, 話說 mandy 今日打電話俾我約星期一去打邊爐o既時間, 佢好似覺得我唔會去咁, 佢話 : "ming ming 你會去 ga hor ?? 你唔會唔同我地去 ga hor ??" 哈哈, 其實我唔去你地都玩得幾開心, 唔好俾我影響到你地先得o架o麻, 你地唔會明住屯門o既苦處, 去邊都覺得好遠 + 好貴, 所以我寧願響屋企o羅 ................................................. (不過我想問, 我今次都冇話唔去, 點解 mandy 你咁緊張咁o既 ??? )

>>January 16, 2004 at 4:05:29 PM GMT+8

2004 年 1 月 11 日 星期日 【颳風】

考完試, 放o左兩日假, 但我都好似好忙咁.......................................

尋日一早要去補習 (11點幾咁啦, 都叫早啦), 一直到 2 點幾先補完, 之後, 我去行圖書館(哈哈, 好乖女呀............................... ^0^ ) 因為有 3 個星期假, 咁我o米諗住去 library 睇o下有咩小說借o羅, 點知一行就行o左一個鐘頭, present 搵書唔見我咁好心機 !!! 再之後我就番o左屋企..................................... 發呆至晚上.................................. 然後 sleep !!!

今日起身後, 繼續發呆 (可能尋日仲未發夠) 到了 3 pm, 我就俾媽媽叫o左去執屋啦 >.< !!! 天呀.............................. 我最憎執屋........................... 一直執到 9 點幾都未搞掂, 聽日出完 placement 仲要繼續 or 星期三繼續.................................................

>>January 12, 2004 at 3:21:54 PM GMT+8

2004 年 1 月 10 日 星期六 【微冷】

yeah ...................... yeah ................................ !!! 終於考完試啦, 雖然我仲有好多 case report 未做, 而且下星期都要繼續出 placement, 但我都好開心, 始終都鬆o左一口氣 (派成績o個陣就唔知 lu.........................)

今日一考完試, 我就同一班樹仁o既同學仔去 "冬季嘉年華", o個度好多公仔o架, 好靚o架 !! 由於我唔可以拎佢地番屋企 (因為我都贏唔到 d 遊戲............................ >.< ), 所以我就周圍去, 搵 d 有靚公仔o既遊戲攤位度同公仔影相, 哈哈...................................... 不過既然去到, 我當然有玩啦, 但都幾貴, 我玩o左兩樣o野 (小型空中過山車及小型滑浪飛船) 已經要 $60 啦, 所以我都唔敢玩太多, 周圍影o下相就算 lu.

之後呢, 我地搭船去尖沙咀食 pizza , 我好耐冇搭過船啦, 都有 7-8年, 我都唔知原來 d 船上的椅背可能擺動, 唉......................... 搞到又俾人串 !! (不過我都慣 lu)

而家已經 1am 啦, 我要去訓, 因為我已經成個星期冇好好咁訓一覺, 除了因為我要溫書之外, 另一個原因係我冇 "manic disorder", 正常人係要休息o既...........................................

>>January 10, 2004 at 4:58:52 PM GMT+8

2004 年 1 月 7 日 星期三 【微冷】

哎呀................... 原來捉錯人喎, 原來前幾日捉到o個個人唔係放火o架, 尋日捉到o個個阿伯先係, 等我仲鬧錯人 tim............................ (要同人講對唔住啦 !!! ) 今日先知另一個 "傷殘阿伯" 先係真兇, 嘩........................ 又拎 "綜援", 又犯過法幾次, 而家仲大大聲咁放火, 真係想同佢講 :"阿伯, 你估我地欠o左你咩, 斷o左隻腳大晒呀............................" 激氣呀, 政府 d 錢竟然要養埋 d 咁o既人.........................................

我尋日一 d 書都冇溫過, 唔知我今日會溫未呢 ????? 唔知點解, 我好似覺得自己已經考完試咁 .........................

>>January 8, 2004 at 4:50:43 AM GMT+8

2004 年 1 月 5 日 星期一 【晴】

真係好啦, 終於捉到o個個放火o既人, 原來佢真係痴線o架, 香港警察做o野真係幾有效率喎......................... ^0^ !! 但話時話, 好似香港多o左人痴線咁, 都唔知係因為我讀 counseling 所以多o左留意定真係多o左人痴線, 唉........................................... !!!

我尋日完全冇溫過書, 我今日一定要努力 d 啦.............................................. (但我而家仲響度上網玩)

>>January 6, 2004 at 5:07:48 AM GMT+8