2003 年 9 月 4 日 星期四 【乍寒還暖】

今日做 o-day leader, 都幾好玩喎, 而且件 t-shirt 唔錯, 我本來想拎多件唔同顏色, 但佢地話唔夠, 唔可以俾我喎...................................... >.< !!!

哈哈, 我今日同謝生傾o左十幾句計, 已經好好啦, 係我響樹仁以來同佢講最多o野o既一次 (其實佢都幾好傾 )

今日帶班新生o既時候, 真係有 d 感慨, o個陣自己係 freshmen 俾人帶住周圍走, 唔經唔覺, 今年就係最後一年o勒, 時間過得真係快 (我都老o左好多 lu ) 出年就到我地畢業, 咁我就唔可以再帶 d 新生周圍行啦, 我再唔可以響樹仁生活啦.................................... 講真, 我幾鍾意樹仁o架, 我而家真係有 d 唔捨得, 唉 !!!

>>September 5, 2003 at 1:55:23 PM GMT+8

2003 年 9 月 3 日 星期三 【晴】

今日又係出 placement o既日子 (即係又要好早起身, 想死 !!! ) 因為我地 10 月先至可以帶組同見 case, 所以而家除了小息同 d 小朋友傾o下計同玩遊戲之外, 佢地上堂o既時間我就超得閒, 甚至響房度訓o左一陣 tim.............................. ( 唉, 頹廢的我 ) 為了制止呢 d 情況再出現, 我地決定搵o野做........................... 我地要o左一個壁報, 以中秋節做主題. 哈哈, 咁我地就即刻變得好忙o勒, 因為下星期四就係中秋, 我地一定要響星期二完成個 broad 先得, 雖然係趕o左 d, 但點都好過得閒到響度訓o掛.....................................

仲有呢, d 小朋友真係越睇越得意, 好可愛o架 !!!

>>September 4, 2003 at 11:33:01 AM GMT+8

2003 年 9 月 2 日 星期二 【晴】

尋晚好慘呀, 屋企漏水呀..............................>.< !!! 好彩阿 "杜鵑" 唔知點解打唔正香港, 如果唔係我都唔知點算啦. d 水響窗度不斷走入屋, 我同媽媽就不斷搵布, 報紙去吸水, 煩死人, 搞到我好夜先訓得呀, 勁慘 !!!

同埋唔知點解, 好多朋友都話我個樣殘, 仲殘過未放暑假o個陣. 點會咁o架, 我成個暑假響屋企好食好住, 個樣竟然仲殘o左 (我本來好靚女o架o麻, 而家點算喎 ???? )

聽日又要出 placement 啦, 唔知又有咩事發生呢 ??

>>September 3, 2003 at 12:03:45 PM GMT+8

2003 年 9 月 1 日 星期一 【寒冷】

好 tired 呀 !!! 今日係第一日出 placement, 樣樣o野都好新鮮, 但亦都非常辛苦.........................>.< !!!

首先, 我要 5:15am 起身, 6:05 出門口, 簡直想死, 我覺得好似 d 古人咁要 "日出而作, 日入而息" 更加慘o既係今日係開學禮, 我要著得斯文 d, o個對新皮鞋整到我對腳好痛, 有潰爛o既感覺 !!! 之後呢, 仲要打 8 號風球, 搞到我要用那雙潰爛o左o既腳排o左成個鐘頭隊先上到巴士, 真係慘上加慘 (點解個天要咁對我 ?????? )

不過今日都有開心o既事, 首先......................... 呵呵.............................. 我發覺冇學生高過我 (yeah !! 我驚o左呢樣o野好耐o架啦 ) 另外, 原來小學生真係冇咩介心, 我兩個小息都響小食部度同 d 二, 三年級o既同學仔傾計, 好易o架o乍, 你行埋去佢就會同你講o野o架啦, 而家已經有兩三個小朋友認得我, 一見到我就走埋o黎同我傾計啦 !!! 真係好有滿足感o架, 希望以後都咁順利啦 !!!

仲有就係.......................... 我好耐都冇試過打 8 號風球啦 (上次我去o左北京o麻 !!! ) 唔知點解, 我覺得好好玩 ^0^

>>September 2, 2003 at 9:30:26 AM GMT+8

2003 年 8 月 31 日 星期日 【清涼】

今日都算係我最後一日o既暑假啦, 因為聽日就要出 placement, 好緊張呀, 唔知會點呢 ??? 不過好似話聽日開始打風, 真係麻煩, 遲唔打早唔打, 係要揀我出 placement 先打, 唉.................................. (o夷, 會唔會係貴人出路招風雨呢 ^0^ )

漫長o既暑假過去了 (唉.................... 我咩都冇做過之餘, 連肥o左o既磅數都仲未減番 >.< !!! ) 響度要同大家講聲, 呢個日記都維持唔到好耐, 開學初期都仲可以, 但遲 d 一忙我就唔理佢o架啦 (哎呀, 有 dd 唔捨得 tim )

>>September 1, 2003 at 10:48:13 AM GMT+8

2003 年 8 月 29 日 星期五 【清涼】

好煩呀 .............................. 好煩呀................................. >.< !!! 點解暑假都咁煩o架 !! 我究竟 add 唔 add educational psy 好呀 ?? 講真, 我對呢科係幾有興趣, 因為我好鍾意教書, 但如果我 add o左o既話我就冇 day off o架啦, 而且又係 lida li 教, 佢教我不如自修好過, 反正佢都係照書讀, 自修仲唔駛考試 tim , 仲好 !! 我而家睇你地啦 (mandy, freda, stephen , 你地快 d 決定啦 )

>>August 30, 2003 at 5:51:13 AM GMT+8

2003 年 8 月 28 日 星期四 【清涼】

今日冇特別事發生, 都係響屋企頹廢, 咁就講o下我今朝聽到o既一段對話啦 !!!

話說我今朝同媽媽去飲早茶, 聽到隔離o既兩位婆婆響度教訓佢地o既媳婦, 其中一個話 : "你入得我門就要俾我教, 你唔o岩我就要鬧, 你要清楚我係你邊個, 唔到你唔聽, 你自己反省o下你做錯 d 咩啦 !!" 唉........................... 真係難頂呀, 而家咩年代呀, 仲話 "入o左佢門就要聽佢教" , 佢冇病呀o麻, 所以話呢, 我地做女人一定要獨立 + 有工作, 咁就可以搬出去住, 唔駛受氣 >.< !!!

>>August 29, 2003 at 7:37:28 AM GMT+8

2003 年 8 月 27 日 星期三 【酷熱】

哈哈, 原來已經有 3 日冇寫日記啦喎, 而家仲多o左好多天氣o既選擇 tim ^0^ !!

呢幾日都過得幾好, 尋日同 cst 班朋友仔去長沙灣 "五十嵐" 食日式火鍋, 都幾好味o架, 除o左任叫火鍋料之外, 每人仲有一碟壽司 or 天婦羅送, 我地埋單之後仲坐響度傾o左成半個鐘 ( 梗係啦, 佢間鋪頭都坐唔滿, 所以冇趕我地走o羅 )

今日呢, 我諗住早 d 番去交學費然後先去 training (做 o-day leader), 點知原來我地一定要響規定o既時間去註冊, 如果唔係就要搵謝生拎 timetable. 結果呢, 可能今日係 soc department 註冊o掛, 謝生好鬼忙, 我響樓梯見到佢o個陣佢居然同我講 :"而家唔得閒, 唔得閒................................. " 之後就走o左去 lu, 唉...................... 簡直傷我心呀 !!! 唔睬我都唔駛走o左去o架 !!! ( 好在有 mandy, 唔係我都唔知點算, mandy, 多謝你呀 *0* )

不過我而家有個問題, 就係唔知 add 唔 add 科好, 如果 add o左科我就冇 day off o架啦, 仲要o個科係 lida li 教, 佢教書真係........................................ >.< (大家心照啦 !! ) 好煩呀, 唔知點呀, 而且今次又冇得 sit 一兩堂先決定, 開學就要交選科紙, 唉 !! 輔心系而家搞咩呀, 都唔俾 d 學生考慮o下先o既, 都唔知又係o米 dr sun 諗出o黎o架 .

好啦, 玩o左 2 日, 明天又回復番我優閑o既日子o勒 (即係響屋企發呆 ). 呆埋呢幾日, 星期二就要正式出 placement 啦, 好驚呀...............................

>>August 28, 2003 at 11:34:28 AM GMT+8

2003 年 8 月 24 日 星期日 【晴】

今日返o左 placement o個間小學開會, 初初以為 11 點開始, 1 點鐘應該走得, 點知食完飯仲要繼續, 結果搞到 4 點先走 (不過第一日去就有人請食飯啦喎, 呵呵呵 !! ) 其實o個間學校真係唔錯, 對我地 d 實習o既學生好好, 而且呢間係新學校, 好鬼大o架, 我都仲未認得晒 d 地方, 所以話而家 d 小朋友真幸福, 細細個讀書就有咁好o既設備, 仲有一 d 咁好o既 counselor 姐姐 ^0^ !!

唔經唔覺, 仲有 2 個星期就開學o勒, 更加唔經唔覺, 今年已經係 final year, 要努力 d ( 係要努力 d 話俾人知我讀埋今年就畢業, 等多 d 人送禮物俾我, 我要好多好多o個 d 著畢業袍o既公仔, yeah !!)

>>August 25, 2003 at 11:30:11 AM GMT+8

2003 年 8 月 22 日 星期五 【晴】

雖然仲未開學, 但我下星期已經有好多o野做啦 !!! 星期一同星期五要番 placement o既小學開會, 星期三約o左人食飯, 星期四要番學校 training (因為我o岩o岩收到電話, osa 叫我番去幫手), 哈哈, 咁一個星期有 4 日o野做, 都算好忙o架啦 !! 另外呢, 我終於都買o左對黑色皮鞋啦, 不過我始終睇唔慣自己著得好斯文個樣呀, 唔知點解我覺得好嘔心 (唉......................... 咁樣話自己 tim !!! )

for freda: 唔得o架, 我媽媽一定唔信係人地送俾我, 然後就會將隻兔仔 "丟" 出去o架 !!

>>August 23, 2003 at 11:01:08 AM GMT+8