2004 年 7 月 23 日 星期五 【晴】

今日係星期六, 但我竟然要 OT, 唔................................................... 個個同事響五點半前就走晒, 我就要做到六點幾 (鬼咩, 我今朝早要聽一個 "新同工導向講座", d 同事個個都聽過, 所以我o米成朝冇做過o野o羅 !!! )

明天........................... 係我一個極大的考驗, 唔知我過唔過到呢關呢 ???? 我明天要五點起身, 五點九前要出門口, 六點半前要去到元朗, 七點前要去到錦田 !! 因為我要早 d 去排隊, 拎下星期日解放軍營開放日o既門票, 我想去睇好耐o架啦, 上次起唔到身, 唔知今次得唔得呢 ??? 我七點去到會唔會拎唔到飛呢 ????

>>July 24, 2004 at 1:10:55 PM GMT+8

2004 年 7 月 20 日 星期二 【乍寒還暖】

我發覺呢幾日 d 雨冇咩規律, 鍾意幾時落就幾時落, 唔...........................................................

另外, 我今日終於去o左澳洲教育部拎表申請讀 master 啦, 原來而家已經可以報 2006 o既課程, 唔駛等到出年先報o架, 哈哈, 咁都幾好喎, 至少佢可以快 d 話我知收唔收我, 如果唔收的話咁我可以專心做o野, or 轉移目標響香港找 master 課程讀o麻 !!! 不過我而家咩都未知, 就已經要俾約 $900 o既報名費啦, 唔........................................................

明天要番中心帶小組啦, 唔知個學員發完脾氣未呢 ??? 聽聞他好記仇o架 >.< ~~~~~

>>July 21, 2004 at 3:58:01 PM GMT+8

2004 年 7 月 19 日 星期一 【乍寒還暖】

挫敗.................... 好挫敗............................ 十分挫敗 !!!

我今日俾個學員指住個頭鬧o左 5 分鐘呀, 唔.................................... 點會咁o架 ??? 詳細情形唔響度講啦, 因為好長, 唔知點講, 總之就係, 佢本身因一 d 事響度鬧其他同事, 咁我只係話佢幾句, 我說 "好啦, 你已經發o左好耐脾氣o架啦, 你唔講發生咩事唔代表其他人唔講得o架" (o個陣佢響度阻止其他學員解釋俾我知發生緊咩事), 結果.................................. 佢o米轉移 target o黎鬧我o羅 !! 經過今次之後, 我學精o左, 原來呢個學員係唔鬧得o既 ~~~~~~~~~~

for freda : 唔......................................... 我唔會訓街o架 !!

>>July 20, 2004 at 11:38:42 AM GMT+8

2004 年 7 月 18 日 星期日 【乍寒還暖】

嘩......................... 等o左成個星期, showhappy 終於俾我寫日記啦 !! (點解呢度成日壞o架 ?? 我都唔係好記得呢個星期發生o左咩事啦 !! )

不過, 我響上星期五終於都嘗試到我第一個因八號風球而唔駛番工o既滋味, 哈哈哈哈~~~~~~ 原來真係好刺激o架, 其實我o個日只係希望打三號風球, 咁我就唔駛帶 d 學員去洗車, 可以番中心做o下 d paper work, 點知竟然打八號, 開心得我.............................. ^0^ !!! 我響 10 點鐘知道會掛八號後, 成個人冇晒心機做o野, 只係響度等放工o乍, 感覺真係唔錯 !! (呢兩個月又係打風o既季節, 好呀 !! 打多 d 啦......................................)

之後o既星期六, 我就番o左樹仁拎成績表, 唔............................... 退步o左呀 !! 拎完成績表之後, 我就同媽媽一起去深水步買衫o勒, 我買o左好多o野呀............................... 四件衫 + 兩條褲 + 兩對襪 + 一個腰包, 哈哈哈, 收獲超級豐富, 但我就用o左好多錢, 哎呀, 都唔知夠唔夠我用到月尾 tim >.< !!!

而響o黎緊呢個星期日, 我計劃一早去排隊拿觀看解放軍營的門票, 我打算 5 點起身, 7 點前要去到排隊, 唔知會唔會太遲呢 ??? .................................. 唔知我起唔起到身呢 ???

>>July 19, 2004 at 1:56:46 PM GMT+8

2004 年 7 月 12 日 星期一 【晴】

因為好忙.......................... 所以今日響中心度過得好快 !!!

可惜, 番到屋企之後, 又未夠鐘看電視劇, 又冇人 online 同我 icq, 好悶呀 !!!

>>July 13, 2004 at 11:29:24 AM GMT+8

2004 年 7 月 11 日 星期日 【暴雨】

好累...................... 好累................................ 而家我o既生活都好規律 (難聽 d 就係刻板), 每日都係番工, 放工之後就番屋企睇電視 !!! 唔知點解, 我呢排成日都好眼訓, 我響小巴度訓到好失儀, 唔....................................

我而家番工o既精神支柱, 就係每朝同豬豬 sent sms, 同埋星期六 or 日同 d 朋友出o黎 gathering, 好.................... 我要努力 !!! 努力 d 搵多 d 錢然後出多 d 街, 哈哈哈哈 ~~~~~~~~~~~~~

>>July 12, 2004 at 1:01:16 PM GMT+8

2004 年 7 月 7 日 星期三 【炎熱】

呵呵, 估唔到呢個時間都入到o黎寫日記喎................................................

昨晚我好唔開心, 因為楊永強要辭職, 點解喎 ????????? 我好鍾意楊永強o架, 我覺得佢不但做o野叻, 講o野又夠膽, 真係一個人才, 可惜..................... 佢鬥唔過呢個陰險o既世界 >.< !!! 點解冇人肯倒轉去諗, 辭職真係好容易, 留響度工作先係痛苦, 你估佢真係好 "恨" 響度做咩, 出去做高人工過打政府工幾倍啦 !! 踢人落台好容易, 但之後要搵番一個咁有經驗同咁有工作能力o既人係好難

唉..........................................................................................

>>July 8, 2004 at 3:55:29 PM GMT+8

2004 年 7 月 5 日 星期一 【微冷】

又一日啦...................... 我覺得自從番工之後 d 時間真係過得好快, 每日七點幾出門口, 晚上七點幾先番到屋企, 然後睇o下電視, 上o下網, 咁就一日o架啦 !! 有時我會響度諗.................................. 唔通要我過呢 d 日子過 30 年 ??? 我唔想喎, 好似冇咩意義咁 >.< ~~~~~~

番o左工之後, 我就好想同 d 同學有 gathering, 因為o個種感覺好好, 我真係好希望我同所有朋友 + 同學都 friendship forever o架 !! (但另一方面我又冇錢喎................................. 好矛盾 , 唉 ~~~~~~~)

中心剛剛收o左三個新學員, 佢地俾o左一個住響我屋企附近o既歸我處理, 哈哈哈, 認真唔話得, 真係好近o乍, 行五分鐘就到 lu, 所以如果我要做家訪會好方便, yeah !!!!

>>July 6, 2004 at 11:08:49 AM GMT+8

2004 年 7 月 2 日 星期五 【雷雨】

熱o左咁多日, 終於都有番清涼o既日子o勒................................. 呢兩日雖然都係成 30 度, 但至少有 d 風, 前幾日真係又焗又熱 !! (呢個 "蒲公英" 冇鬼用o架, 風又打唔成, 如果唔係放番過 8 號風球假都唔錯, 可惜............................... 連一號風球都冇............................... >.< !!! )

正當我以為唔駛補習o既時候, 我響今日中午就收到一個家長的電話, 佢話阿妹妹考試唔合格呀, 星期二要補考, 所以我明晚要去補習, 呢間咩學校o黎o架, 一年級都要人補考, 想讀死 d 小朋友咩..............................

>>July 3, 2004 at 9:37:19 AM GMT+8

2004 年 6 月 30 日 星期三 【酷熱】

出o左糧啦.......................... 好o野 !! 我第一件事就係俾家用媽咪, 哈哈哈, 好乖女呀 !! 原來俾家用o既感覺係好得意o架 !!

今日係假期, 但我沒有去街, 因為好熱................................. 所以會響家中發呆 >.< ~~~~~~~

>>July 1, 2004 at 3:48:58 AM GMT+8