2004 年 6 月 1 日 星期二 【清涼】

哎呀......................... 漏o左一件大事唔記得o左講 tim !!!

哈哈, 就係今日我響太和火車站等我 partner o既時候, 豬豬又響太和 interview 呀 !! 咁我梗係唔會放棄呢個大好良機去同豬豬見面啦, 真係好開心呀, 我冇諗過可以咁樣見到同學仔o架 !! 如果你地有咩 interview, 記住話我知喎, 因為我成日四圍走, 話唔定可以約你地食 lunch 呢 !!!

>>June 2, 2004 at 11:17:22 AM GMT+8

2004 年 6 月 1 日 星期二 【清涼】

好熱..................... 今日真係好熱.......................... 我仲要出去做成日家訪, 好在去到人地屋企都有風扇同冷氣o者, 如果唔係我一定會融化o左 !!!

今日去o左好多地方, 由粉嶺去林村, 然後再由林村去元朗, 呢份工都帶我去o左唔少地方, 哈哈, 如果第日個 partner 走o左之後, 我一個人會唔會迷路呢 ??? ( 希望唔會啦 ~~~~ ) 聽日我又要帶一個小組同晚上去家訪 again 啦, 我要努力 d, 快 d 上手, 加油............... 加油.................. 加加油 !!!

哈哈, 發呆了幾日, 呢兩日終於都有o野做 lu, 係一個好開始 !!

>>June 2, 2004 at 11:07:35 AM GMT+8

2004 年 5 月 29 日 星期六 【酷熱】

辛苦..................... 好辛苦.............................. 估唔到連星期日我都要出去補習, 唉, 一星期做足 7 日, 唔制呀 !! 我想響屋企休息呀 >.< ~~~~~~~

上一篇日記唔記講我響間 center 度係冇桌子用o架 !! 好慘 !! 我要周圍走, 總之我要做o野o個陣就要睇o下有冇人行開, 然後借人 d 桌子用, 人地番o黎我又要搵第二張o架啦 !! 所以我而家都唔敢帶杯番去住, 因為我都唔知放響邊好, 唉............................................ !!!!

for alice : 冇人同我搭訕呀......................... 唔知係o米嫌我唔夠靚呢 ???
for freda : 係 lu, 但我一 d idea 同 target 都冇喎, 死啦....................................... 我會唔會嫁唔出o架 ?
for terry : 係o架, 淨係睇住佢地洗車o乍 , 如果唔 "曬" 的話, 都 ok o既 !!

>>May 30, 2004 at 12:14:58 PM GMT+8

2004 年 5 月 28 日 星期五 【晴】

我終於都入到o黎寫日記啦................................ 本來我都想早 d 同大家講o下我番工o既情況, 點知連續幾日我都入唔到o黎 >.< ~~~~~ (睇o黎我真係要考慮o下成為 showhappy o既 vip 會員先得)

番o左 3 日工, 星期四同今日我都係響中心睇 file 或 開會, 都叫輕鬆o既, 因為o個個人仲未走 (我再下個星期一代佢個位), 所以呢, 好多 paper work 佢都大致上幫我做晒, 咁我就好得閒o勒 !!!! 雖然係咁, 但今日開完會, 我已經預見到我o既將來係好忙........................ 好忙啦 !!! 首先, 逢星期三同五要全日出 outing ( "晒" 死人咩 ~~~~~~ ) , 之後星期二同四有 3 個小組要帶及夜晚出去家訪, 星期一同六就要處理 paper work (如 proposal, session plan 等等...............................) 都幾多o野做o架 !!!

不過尋日我跟住去出 outing 都幾得意o架, 係帶住 5 個學員 (弱智人士) 去粉嶺警察局度幫 d 警察洗車 (係佢地 d 私家車喎, 唔係警車) 咁我地響o個度成日, 自然會響o個度o既飯堂食飯啦, 哈哈, 我都係第一次同咁多警察一齊食飯o乍, 感覺好震撼呀 !! 以後我每個星期五都可以去, 雖然好 "晒" (因為o個度係露天停車場), 但我覺得好好玩, 哈哈哈哈 !!!!

>>May 29, 2004 at 11:33:01 AM GMT+8

2004 年 5 月 25 日 星期二 【晴】

過埋今日, 我就要開始漫長的工作旅程, 我唔再可以好似讀書o個陣咁 free, 唔再可以自由自在咁諗o下放o左學去邊度玩 ( 不過我成日都係唔去玩o個個...................................... ), 唔再可以有咁多假期 (死啦, 都唔知佢俾幾多日大假我 tim ??? ) 我唯一仲可以享用o既, 係我o個張學生個人八達通, 咁我都仲可以懷念o下做學生o既身份 (唉................................. 當我再可以享用半價乘車優惠時, 就要拎長者卡o架啦, 真係有 d 唏噓 !!!! )

另外, 我終於都說服o左媽咪俾我電髮啦, 佢而家好接受呢個事實, 只可惜個髮型師話我 d 頭髮未夠長, 要等 3 個月. 好........................... 我等............................... 等等等 !!!

for rachel : 多謝你有支持我o既日記, 我好開心呀 ! 大家都要努力工作呀 !!!

>>May 26, 2004 at 8:23:22 AM GMT+8

2004 年 5 月 23 日 星期日 【酷熱】

今日........................ 我終於試到冇門口入o既滋味 !!!

話說今日我係我妹妹考完試o既大日子, 咁我就陪佢出去行街啦, 但因為她晚上還約了其他朋友去吃飯, 所以我先回家. 可惜o既係, 佢冇帶 key 但又會夜番, 所以叫我俾了我的 key 佢, 點知........................... 我番到屋企後, 先發覺媽媽不在家兼冇帶手機 tim !! 嗚嗚嗚.............................................. 不過不幸中之大幸係, 我只是等了 20 分鐘, 媽媽就回家啦 !!!

話雖如此, 但今日有一件 "大事" 發生, 哈哈哈哈......................................... 就係我有份幫青年協會寫o既 "100 個義工的故事" ( 我是其中一個有份分享感想的義工 ), 今日有得睇啦 !!! 好開心呀 !! 估唔到我都可以有份 "出書" 喎.................................... ^0^ 有機會我帶本書出o黎俾你地睇呀 !!

>>May 24, 2004 at 10:51:15 AM GMT+8

2004 年 5 月 22 日 星期六 【炎熱】

自從我響日記度寫我找到工作的消息後, 好多人 ( 都有三四個o架 !! ) 響 icq 度同我講 "恭喜" , 我好開心呀, 原來有人睇我o既日記o架......................... 咁我以後要俾 d 心機啦, 唔可以辜負人地對我日記o既支持o架 !!!

而家搞謝師宴o既進展唔錯, 已經有好多同學俾o左錢, 咁我地下一步就係要定o下 budget, 睇o下送咩俾老師同玩咩遊戲, 希望o個日會成功啦, 因為我真係俾o左好多心機去搞, 我仲要做司儀, 好緊張 tim.................................. 如果o個日我做得唔係咁好, 你地要原諒我呀 !!!

>>May 23, 2004 at 10:33:52 AM GMT+8

2004 年 5 月 19 日 星期三 【晴】

哈哈哈哈..................................... 我今日收獲好豐富呀 ( 唔輸蝕俾豬豬前日行銅鑼灣o架 !!! )

話說匡智會o個度要我番工前做一個身體檢查, 証明我冇肺病 or 其他傳染病, 所以我今日就出o左去旺角做 medical check o勒 !! 咁難得出o左去, 而且我第日又冇咁多機會行街, 咁梗係去 shopping 啦, 我由旺角一路行去深水 "步", 買o左 3 件衫, 1 條褲 同 1 條裙, 哈哈, 係o米唔錯呢 ^0^

o個條裙同其中一件衫係買o黎謝師宴著o架, 我覺得好靚, 但就擔心會唔會太誇張, 如果有機會, 我去你地屋企著俾你地睇呀 (只限豬豬 or freda 屋企, 因為 alison 同 wenlau 屋企太遠, hehehe ), 俾 d 意見我, 好唔好呀 ?????

>>May 20, 2004 at 11:21:37 AM GMT+8

2004 年 5 月 18 日 星期二 【暴雨】

哈哈哈哈........................... 一係幾日唔寫日記, 一係就一日寫兩篇 tim........................................

因為我真係好開心呀, 我有工番啦, 27 號可以番工, 真係好開心 !!! 但我最開心o既係, 一日內竟然有兩份工請我, 一份係上星期見o既, 一份係今朝見. 今日見o個份早上 9:30 見完, 3:30pm 就問我幾時可以番工啦, 連 second in 都唔駛, 雖然我結果都推o左呢份工 (因為我鍾意第一份工o個個環境, 又靚又新, he he he............................) 但我真係好開心佢咁快就話請我, 我今朝見o個陣佢話要 second in o架, 但估唔到下午佢就叫我即刻番工, yeah !!!! 真係好開心呀, 哈哈哈........................... ^0^

希望工作順利啦 !!

>>May 19, 2004 at 8:26:44 AM GMT+8

2004 年 5 月 18 日 星期二 【雷雨】

哎呀.......................... 又好耐冇寫日記啦, 如果我要唔寫, 陣間有 d 人又會響留言板度話我o架啦, 唉............................... !!!

呢幾日都係忙於找工作同開謝師宴o既會, 而家都算落實o左去邊間酒店同日期, 只係等同學仔入埋數, 咁我地就可以買禮物 or 其他物資o勒, 好緊張呀 !! 另外呢, 我呢幾日去o左好多地方呀, 因為我要周圍睇謝師宴場地o麻, 去過 tsimshatsui 一間地舖 cafe , 又去過中環一間上樓 cafe , 當然都有去過銅鑼灣富豪酒店啦 ( 我地會去呢度o麻 !!! ). 無可否認, d cafe o既裝修真係好好, 好舒服, 我都有心動過好不好搞一個 warm d o既 grad. dinner, 但可惜價錢太貴, 同酒店一樣價錢, 但都食唔到 buffet, 只係 d saland, 生果, 飯, 意粉等等任食, 其他就一人一份, 所以呢個計劃胎死腹中................................ 唉................................ !! (唔知有冇下次呢, 例如我地搞 d 舊生聚會咁, o個 d cafe 真係一個唔錯o既選擇, 再加上到時我地又已經有工, 可以俾貴少少都唔怕o麻)

好, 一於係咁話, 希望我地真係有多 d 定期o既 gathering 啦 !!! ^0^

>>May 19, 2004 at 5:36:13 AM GMT+8