2004 年 9 月 7 日 星期二 【乍寒還暖】

今日係 9月8日, 係我被家人遺棄的第三天, 亦係最後一天, 呢幾晚訓得好好, 完全冇怕黑 (真係叻女, 呵呵呵 ^0^ ) 但都要多謝一班玩 icq 玩到好夜o既朋友, 哈哈哈............................ 多謝 freda , stephen , 阿 bill , 阿 yo , tik 等等, 如果冇o左你地, 我一定會好慘架 !!!

另外呢, 今日我約左阿迪同 alison 食飯, 我地傾得好開心呀 (哈哈, 3 個女人一個墟麻 !!) 真係有 d 唔捨得 alison, 唔知點解, 我覺得如果我地成年唔見, 以後就唔會再約出黎 >.< !!! 所以我不斷提醒自己, 要努力 d 同朋友保持聯絡, 我唔想我身邊o既朋友因大家出來工作的關係而越來越少, 我希望我而家o既朋友都會 friendship forever , 我夢想著我地第日退休後, 仲可以一齊出黎飲茶食飯架......................................... 你地唔好唔理我 >.< ~~~~~~~~

>>September 8, 2004 at 4:21:41 PM GMT+8

2004 年 9 月 6 日 星期一 【晴】

孤伶伶的第二天, 時間過得好快, 因為一番到中心就忙到放工, 個人差 d 癲咁滯, 放工之後仲要上英文堂, 嘩.......................... 勁 "晒" 錢呀 , 我成堂響度釣魚o乍 !!! 不過 , 佢都要負 d 責任, 邊個叫佢講書悶喎, o個陣咁夜上 edmond 堂都冇事啦, 都係 edmond 好 ^0^ (唔.................... 我仲好掛住 edmond 呀, 唔知我仲有冇機會見到佢呢 ??? 不過 , 就算見到佢都未必認得我啦, 佢咁多學生, 個個記住仲得了o既 !! )

仲有呢 , 我尋晚好叻女呀, 好快就訓著, 我冇怕黑呀 , 哈哈哈哈 ^0^ !!! 今晚都要加油先得

>>September 7, 2004 at 4:00:26 PM GMT+8

2004 年 9 月 5 日 星期日 【乍寒還暖】

被家人離棄的第一天 , 唉.......................... 一個人在家中吃隔夜飯菜 !! 我因為唔想回家發呆, 今日響公司做到 8 點先走, 好勤力呀 ~~~~~~~ (其實我七點就想走架啦, 點知突然落大雨, 仲落左成個鐘, 所以........................ 黑仔 !!! )

其實自己食飯唔係問題, 但我有少少怕黑, 我驚我唔敢一個人訓呀 >.< ~~~~~ 點算呀 ???

欲知後事如何 ( 即我今晚有冇覺好訓 ???? ) 請留意下回分解 , 多謝 !!

>>September 6, 2004 at 4:18:01 PM GMT+8

2004 年 9 月 4 日 星期六 【清涼】

今日帶 d 學員去大潭童軍營玩, 嘩.............................. 好累呀 !! (真係唔該晒豬豬 , 難得你放假仲入o黎做義工, 同埋o個度又熱又曬, 真係 thx *10000 times 呀 ^0^ )

另外呢, 我已經將尋日買番o架o既 vcd 大概看了一次 ( 用來 10 月教跳舞小組的 ), 哎呀........................... 超 "娘" 呀 , 我完全唔知自己可以點教佢地 , 我一諗起自己要跳 d 咁o既舞, 我就打冷震, 唔............................... 點算好呢 ???

差 d 唔記得添, 我媽咪+爸爸+妹妹明天起會去新加坡四日, 即係話呢四日得番我一個響屋企o乍, 唔......................... 佢地好衰o架, 蝦人地拎唔到大假先去旅行, 唔制呀 ~~~~~~ 慘啦, 我而家諗緊我會唔會怕黑唔敢一個人訓 , 唉 , 激死我 >.<

>>September 5, 2004 at 2:39:48 PM GMT+8

2004 年 9 月 3 日 星期五 【清涼】

好耐冇番過大陸啦, 深圳真係越來越現代化, 表面看來真係以為未來幾年它便可超越香港, 但肯定唔得, 因為香港o既制度真係好好多, 深圳的高樓大廈係好新好靚, 但整條街的大廈全無規劃可言, 亂糟糟的, 東一楝西一楝, 我們的大廈比它整齊多了, 所以我仍相信香港有優勢 ^0^

哈哈, 你地係o米好奇怪點解我會無端端番大陸呢 ??? he he he................................ 因為我響十月會帶一個新小組 --- 跳舞小組 (其實我到而家都唔明點解搵我, 我完全唔識 >.< ) 咁既然搵我做, 我當然要找 d 教材啦, 香港 d 書店一來類別好少, 二來好貴, 所以我就番大陸搵o勒 !! 嘩.................... o個度真係好多書, 連教跳舞o既 vcd 同 cd 都好多, 好厲害 !! 我買o左成二百幾蚊 vcd 呀, 唔知有冇得 calm 番錢呢 ?? 不過冇都冇計啦, 我咩都唔識, 當自己學跳舞o既學費o羅, 希望呢個小組我會教得好啦....................................... 加油 ming ming 要加油 !!!!

明天我要做義工, 唉......................... 難得一天假期都要幫中心做義工, 如果唔係同事叫到, 我真係唔去, 因為我鍾意o既並唔係匡智會 (它俾唔到親切感我) , 反而係呢班同事好好人, 幫佢地我絕對冇問題 !! 但今次竟要豬豬都幫埋手, 真係唔好意思呀, 豬豬真係好偉大, thx 呀 !! ( 其實 stephen 都好唔話得, 如果他唔係要上普通話堂, 他都會幫手, 真係唔該晒, 我識到你地呢班好朋友, 真係好 !! )

>>September 4, 2004 at 10:48:11 AM GMT+8

2004 年 8 月 28 日 星期六 【乍寒還暖】

我終於都電o左髮啦.................................... !!! 但係, 我好睇唔慣自己而家個樣呀, 你地見到我, 唔准笑o架, 就算真係唔好睇, 唔可以 hurt 我o架, 要婉轉 d, 如果唔係, 我受唔住打擊會去做傻事o架 !!! (傻事...................... 唔一定會傷害自己, 有時亦會傷害別人, 尤其係o個 d hurt 我o既人, 呵呵 !! )

經過昨晚, 我不得不承認我已經老了, 只係看奧運看到 3 am o者, 但今日都好似好累咁, 現在已經係下午 3 點了, 我都好似未回復精神, 唉, 廿幾歲就咁樣, 30 歲時我........................................... >.<

明天又要番工啦, 要加油呀 !! 因為仲有 2 日又出糧啦, 好o野 ^0^

>>August 29, 2004 at 7:32:02 AM GMT+8

2004 年 8 月 25 日 星期三 【雷雨】

雖然我連續兩個星期六要番工, 但我明天有得補假呀, 好開心, 因為我好耐冇試過 weekday 放假, 我一定要好好享受 !!! 既然明天唔駛番工, 咁我今晚就可以無憂無慮咁看奧運 lu, 今晚有我最鍾意o既跳水項目, 我要替郭晶晶打氣............................................. (好, 我一定會起到身o既 !!!)

星期六晚放工後, 我地一班同事去大尾篤 bbq (因為有兩個同事要走, 所以同佢地 farewell ), 我緊張得o黎又好開心呀, 因為呢次係我第一次同佢地去玩, 希望個氣氛會好啦 ^0^

最後, 放假先o黎打風......................................... 有 d 掃興 tim !!!

>>August 26, 2004 at 1:11:10 PM GMT+8

2004 年 8 月 20 日 星期五 【乍寒還暖】

哎呀........................ 唔知係咪我太耐冇寫日記呢, 好似越來越少人響度留言咁o既 (上一個留言已經係 10 日前o架啦 !!! ), 但我真係唔知寫咩好, 唉 >.< ~~~~~~~~

我o既電髮計劃就快要實現啦, 響呢兩星期我就會去電髮, 我有 d 緊張, 唔知電o左出o黎會係咩樣呢 ??? 我好驚自己接受唔到自己個樣, 話晒係我咁大個女以o黎第一次在髮型上有咁大o既轉變, 好擔心添 !!! (如果真係唔好睇, 你地唔准笑我o架 !! 最好呢, 你地諗定一 d 安慰我o既說話, 因為我真係好驚接受唔到..............................................)

明天放假, good........................... 但下星期六又係長週, 唔制呀 !!!!

>>August 21, 2004 at 1:45:01 PM GMT+8

2004 年 8 月 17 日 星期二 【清涼】

唔制呀 ~~~~~~~~~~~~~~~~~~~~ 點會咁o架 ??? 中國隊響奧運連番失利, 我好唔開心呀 !!!!

另外, 我已經決定響 10月31日考 ielts 啦, 希望我合格啦, 因為要成千三元報名費o架 !!

至於其他............................ 都冇咩特別事, 所以我都唔知寫咩好 (死火, 幾句就寫完日記, 唔通我o既生活真係咁悶 ???? )

>>August 18, 2004 at 10:04:14 AM GMT+8

2004 年 8 月 14 日 星期六 【晴】

奧林匹克運動會開始o左啦, 哈哈哈哈, 中國隊響第一日o既賽事中遙遙領先, 拎到四面金牌, 加油呀中國隊 ~~~~~~~~~~~~~~~~~~~

話說上星期我問同事借o左隻阿牛的 cd, 好好聽呀................................ 我覺得阿牛o既歌好特別, 係香港 d 歌手冇o架, great !!!

基本上呢幾日都冇咩特別事發生響我身上, 都係番工同放工, 哎呀 ~~~~~ 唔通我要咁樣過幾十年, 唔................................................... >.< !!!

>>August 15, 2004 at 8:09:47 AM GMT+8