2003 年 7 月 25 日 星期五 【晴】

去完旅行啦...................... 我玩得好開心呀 !! 我諗我有生之年仲會去多次北京, 因為都幾好玩, 但我下次要去會揀冬天, 我想睇雪景o麻 !!! 我都唔記得每日o既行程, 所以唔可以逐一同大家講, 但最令我印象深刻係行長城及去水蜜桃園摘水蜜桃. 長城真係好宏偉, 而且仲好難行, 我行o左一層o乍, 就已經頂唔順 (想減肥就每日行一次啦, 包見效 !!! ) 之後去o左水蜜桃園, o個度可以任摘任食, 但如果拎走就要俾錢 ( $2 一斤都好抵o架 ), 不過我摘到忙o左形, 摘o左成 20 個拎走, 但 d 水蜜桃好熟, 唔可以拎番香港, 搞到我食水蜜桃食到怕怕...................................... >.< !! ( 其實仲有好多好多o野玩, 不過唔可能響呢度講晒, 大家見到我就問o下我啦 )

唔經唔覺, 暑假又過o左一大半o勒, 我咩都未做過 tim, 我諗我都係時候收心養性, 準備一下出 placement o既o野啦 ( 說話就係咁講, 做就唔知 lu, 哈哈 )

>>July 26, 2003 at 10:19:06 AM GMT+8

2003 年 7 月 20 日 星期日 【晴】

今日拎o左 result 啦, 幾多就唔講 lu, 但就退步o左, 因為 d-psy 由上個 sem 拎 A 變 B-, 唉 ~~~~~~~ 我真係對唔住 calvin yu ( 又或者係 calvin yu 對我唔住, 俾咁低分我 !! ) 不過講開又講, 我好似冇以前咁鍾意 calvin 啦 ( 真係花心 ) 點解 ?? 因為我發覺佢對老師 vs 學生 o既階級觀念好重, 響我心目中一個 perfect o既老師唔應該係咁. 就連我中學o既老師都唔介意呢 d o野啦, 佢仲響外國留學返o黎 tim , 唔係應該更加開通o架咩 ??? 算啦 , 無論點佢都係一個幾好o既 lecturer (暫時!! )

有一件事要同大家講o既, 就係我o既日記會暫停 4 日, 因為我去o左北京旅行, 希望大家見諒啦 !!! 唔講咁多 lu, 我要去執行李啦 !!

>>July 21, 2003 at 10:13:32 AM GMT+8

2003 年 7 月 19 日 星期六 【晴】

哎呀........................ 聽日就拎成績表啦, 唔知考成點呢, 好驚呀 !!!

我尋日出o左尖沙咀開茶會 (去北京旅行o個 d茶會), 嘩..................... 簡直變態, 佢要我地 6 am 準時去到機場集合, 班機係 8 am 起飛. 雖然話早機去晚機返o者, 但都唔駛早成咁呀, 我而家去旅行o乍, 唔係去受苦.........................>.< !!! 咁將會係我有生以來最早起身o既一次, 係 4:30 am, 其實我有諗過不如唔訓, 索性玩 icq 玩到 4:30 am 仲好, 我諗o個陣都應該有幾多人 online (但俾媽媽拒絕, 佢仲要我 11pm 去訓, 唉...................... 邊訓得著呀 !! )

前幾日都幾好天 , 唔知點解今日無端端掛起一號風球, 有冇搞錯, 星期二會唔會打大風, 搞到 d 飛機飛唔到o架 ??? 咁我會唔會被迫響機場過夜o架 ???

>>July 20, 2003 at 6:39:36 AM GMT+8

2003 年 7 月 17 日 星期四 【晴】

又要寫日記o勒, 都唔知寫咩好................................................... (冇計啦, 我成日都響屋企, 唔係睇電視就上網, 唔上網就睇漫畫)

不過我最近發現原來桃駁李係好好食o架 ( 真係後知後覺 ), 尤其係雪凍o左之後, 真係好好味 !!! 尋日叫媽媽買 5 個o黎試o下啦, 點知連妹妹都話好食, 咁今日就已經買o左 15 個 lu, 千祈唔好睇少我地o既食量, 只要係我地覺得好味o既食物, 買幾多我地都會食晒, 呢 15 個桃駁李我諗唔駛聽晚就會冇晒 ............................ 呵呵 !!

>>July 18, 2003 at 9:04:20 AM GMT+8

2003 年 7 月 16 日 星期三 【晴】

好熱.....................真係好熱 !!! 我今日同媽媽去荃灣行o左一陣, 行商場都好地地, 一出室外地方我好似被溶化咁, 完全行唔到, 所以行o左都冇一個鐘頭, 我已經支持唔住要番屋企啦. 死啦.................. 暑假先過o左一半, 天氣仲有排熱, 點算呀 ???

除o左呢 d 令人心煩o既天氣之外, 阿松同葉太o既辭職亦令我好唔開心. 點解世界會咁唔公平, 佢地全心全意, 盡心盡力咁為香港人服務, 點解會有咁o既結果 ?? "人言可畏" 原來係真o既, 無論你幾咁好, 都一定有人因各種理由而反對你, 陷害你. 但無論如何, 佢地係我心目中係頂天立地o既好人.

真係好希望政府唔好再有大變動, 而家已經好亂o架啦...............................>.< !!!

>>July 17, 2003 at 10:47:42 AM GMT+8

2003 年 7 月 15 日 星期二 【晴】

我開始有 d 後悔響日記度解釋點解我要 12 點前番屋企, 而家 d 朋友索性勸我唔番屋企 tim, 唉 ~~~~~~~ 咩朋友o黎o架 !!!

可能大家都發覺我已經唔係日日寫日記, 但我唔係有心o架, 係 showhappy 唔知搞咩成日都入唔到去, 搞到我都冇心機寫 lu..................................... (真o架 , 唔係藉口o黎) 其實呢幾日都冇咩特別, 通常都係響屋企頹廢 ( 因為冇錢出街頹廢 ), 咁我就用 d 最慳錢o既方式o黎打發時間, e.g. 玩 icq, 上網打機, 聽歌, 睇書 (當然係小說同漫畫啦, 大家唔會認為我會睇心理學o既書呀o麻 )

就係咁, 時間都過得好快, 唔經唔覺, 我下星期就去北京啦........................................ 真係好, 下星期快 d 到啦 !!

>>July 16, 2003 at 5:21:18 AM GMT+8

2003 年 7 月 13 日 星期日 【晴】

今日我去o左明年出 placement 的小學做 visit, 好遠呀...............................原來屯門出觀塘係同出北角一樣咁遠o架 !!!

因為我唔知點由觀塘去秀茂坪, 所以我都問o左幾個住觀塘o既朋友 (可惜佢地 d 答案個個都唔同) 不過唔緊要, 聰明o既我好快就搵到o個個巴士站. 響呢度, 我要多謝呢幾位朋友, 我尋晚問完佢地, 佢地今日仲特登打電話問我係o米真係識去, 如果唔係就帶我去, 好感動呀..............................^.^ !! 多謝 sunny ! 多謝 terry ! 多謝阿 ray ! 特別鳴謝 stephen (多謝你 sent o左個學校網址俾我, 但我始終唔明點解我同你一樣響 yahoo search 間學校, 但我就 search 唔到 )

原來而家新式o既小學好大o架, 係我中學o既兩倍有多呀, 而家 d 學生真係幸福 !! 唉........................ 去完間小學, 我知道我要開始 prepare 定 d proposal 啦, 我真係唔想做呀 ! 我個暑假先放o左一半o乍.....................................

>>July 14, 2003 at 9:44:40 AM GMT+8

2003 年 7 月 12 日 星期六 【晴】

嘩.............. 原來我都有兩日冇寫日記啦 !!

尋日我約o左中學o既同學仔去科大打邊爐, 都幾好玩o架 !! 但最好笑係我地個個都唔係好識買o野, 成日企響人地 d 檔口度傻o左, 搞好耐都唔知應該買咩. 我都唔識o架 (買茶呢 d o野係媽媽做o架o麻 ) 總之我就死都要買我最鍾意食o既金菇. 初時我以為淨係得我食, 咁諗住買兩包都夠, 點知好多人都鍾意, 所以我都食得唔夠喉...................................... >.< !!!

打完邊爐我就走o左啦, 佢地就玩通宵 (但我走o個陣已經成 10:30pm 啦) , 返到屋企 係 12:10am, 好彩媽媽訓o左, 如果唔係佢會話我咁夜先番o架 !!! 其實好多朋友成日話我應該爭取o下 可以玩夜 d 先番屋企, 因為我已經 23 歲啦, 但我個人認為冇咩所謂, 我地都要為佢諗o下 : 玩得太夜佢會擔心o麻.................................. 所以, 如果大家睇到呢篇日記o既話, 就唔好再叫我玩夜 d 啦 !!!

>>July 13, 2003 at 6:08:47 AM GMT+8

2003 年 7 月 9 日 星期三 【晴】

我竟然唔記得寫日記..................................... 唉 ..................................... 睇o黎呢本日記o既命運都幾坎坷, 個主人放假響屋企傻o下傻o下都醒唔起要寫日記 !!!

算啦, 呢幾日都係響屋企休息, 冇咩特別. 我見暑假咁長, 就睇o下小說啦, 第一本係 "哈利波特3", 嘩.................... 好鬼悶, 都唔知係o個個人譯得差定係本書根本就好悶, 我訓著o左兩次 (我只有溫書o個陣先會訓著) 點解本書會咁出名o架 ???

我今日突然醒起, 仲有兩星期就派成績單, 都唔知自己考成點 tim ........................... 開始有 d 驚 !!!

>>July 10, 2003 at 6:44:09 AM GMT+8

2003 年 7 月 7 日 星期一 【晴】

今日一早起身去睇 "神探俏嬌娃2", ok 啦.......................... 視覺效果係幾好o既, 但我就覺得冇咩劇情可言, 太多支線啦, 有 d 配角我甚至連個樣都未認到 !!!

呢個星期都幾多節目, 星期六會去科大打邊爐, 星期日又約o左人食飯. 所以........................ 呢幾日要乖乖地咁留響屋企o勒, 如果唔係媽媽又會話我o架啦 !! 都好o既, 至少可以慳番 d $$$ , 其實響屋企都有好多o野可以做, 好似睇番 d 買o左好耐但仲未開封o既 vcd, 上網, 睇小說.............................. 再唔係可以午睡 (o夷, 原來都幾豐富喎 !! ) 唔知點解, 我突然好想睇 "千年女王" , 都唔知邊度有得賣 tim .

哎呀, 我 d 日記越o黎越短啦............................ (捱唔捱到 8 月呢 ?? )

>>July 8, 2003 at 8:11:17 AM GMT+8