2003 年 10 月 4 日 星期六 【微冷】

唔知大家仲記唔記得暑假o個陣我話想睇 "千年女王" 呢? 前幾日我搵到 "千年女王" o既漫畫, 咁就惜o黎睇o下啦.......................... 嘩.............................. 原來好深o架, 我仲以為好似卡通片咁淺 tim (我好懷疑究竟我以前明唔明 "千年女王" 講咩 ???? ) 我從來未試過咁花精神去睇一套漫畫, 睇完之後我簡直有虛脫o既感覺 >.< !!

今日呢, 我唔知發咩神經, 竟然好有興緻咁 set o左一個好簡單o既髮型出街, 我第一次 set 頭o乍, 估唔到效果都算 ok (因為真係好簡單, 所以唔會靚得去邊.............................. ) 我咁做o既主要原因係我妹妹話我呢個髮型已經由出世到而家, 我唔悶佢都悶, 而且佢又知我份人好懶, 太晒時間o既頭我係唔會整, 所以佢就教o左我 set 呢個簡單o既, 哈哈 !! 但我暫時都未敢 set 呢頭番學校, 因為我唔知大家會有咩反應...................................... (可能會以為我 short o左 !!! )

>>October 5, 2003 at 9:34:54 AM GMT+8

2003 年 9 月 30 日 星期二 【炎熱】

"前奏..................................
起來 ! 不願做奴隸的人們
把我們的血肉築成我們新的長城
中華民族到了最危險的時候
每個人被迫發出最後的吼聲
起來 ! 起來 ! 起來 !
我們萬眾一心
冒著敵人的炮火, 前進 !
冒著敵人的炮火
前進 ! 前進 ! 前進進 ! "

雖然今日係國慶, 但我只係響屋企睇電視, 睇住人地好開心咁睇升旗禮同埋參觀駐港解放軍營, 而我就要好可憐咁響屋企睇住人地開心 >.< !!! 唔制呀, 我又要睇升旗禮同駐港解放軍營. 有冇人可以話到俾我知響邊度買 "飛" 睇o架, 點解我唔見有宣傳o既 ????

我年年都係咁同自己講 : "希望出年有得睇啦 ! " 結果............................................... 年年都響屋企睇電視........................................ >.<

>>October 1, 2003 at 11:54:01 AM GMT+8

2003 年 9 月 29 日 星期一 【雷雨】

點算呢...................... 大家話點算呢................................. 我出o左 placement 已經成個月o勒, 但仲係未開到 case 喎 >.< !! 雖然話我同 d 小朋友好玩得埋, 又傾到o下計, 但呢 d 唔叫做 case 喎, 我而家只係不斷咁同好多小朋友傾計, 但就一個 case 都開唔到, 唉 ~~~~~~~~~~~~~~~~~~ 我要努力 d 啦, 雖然我唔擔心冇 case 而搞到畢唔到業, 但成日番到學校咩都做唔到, 硬係覺得有 d 唔係幾好o既感覺, 而且, 我有個 partner 已經開o左兩個 case 啦................................ 有 d 壓力 tim !!!

不過我真係越來越鍾意間學校呀 ^0^ !! 佢地好 free , d 小朋友又得意喎, 最衰我 add o左 edu psy 啦, 如果唔係我真係想問o下可唔可以俾我番多日呀 !! (哈哈, 嫌自己未夠o野做咩...................... )

>>September 30, 2003 at 11:34:14 AM GMT+8

2003 年 9 月 27 日 星期六 【晴】

隔o左兩日, 好似咩都冇發生過咁, 所以我都唔知寫咩好 >.< ~~~~~~~~~

不過, 我o岩o岩又學識多一樣 printer funtion 啦, 就係可以較你想 print 黑白定彩色o架. 可能大家一早就識呢樣o野, 但我都幾滿足o架啦, 因為我對自己響電腦方面o既要求唔高, 交到功課就 ok o架啦, 所以我唔會好俾心機咁學. 因為我相信一句話: "出外靠朋友" , yeah！！！

>>September 28, 2003 at 10:54:35 AM GMT+8

2003 年 9 月 25 日 星期四 【晴】

哎呀..................... 6日冇寫日記啦 !!!

今日終於鬆o左一口氣, 因為o個個普通話水平試響今日 4:25 pm 完成o左啦, 呢個包袱已經跟o左我成一年多o架啦, 今日考完, 真係好開心 ^0^ !!! 不過, o個兩本跟o左我出出入入成年o既普通話書以後就要響屋企休養啦 (我住得遠o麻, 所以我習慣響車度溫普通話 ) 真係有 d 唔捨得佢地 tim, 話晒都對o左年幾, 有 d 感情o既 !!!!

死火o勒.................... 都成 6 日冇寫過日記o架啦, 我都係唔知寫咩好 tim. 不如講o下 placement d o野啦. 而家番慣o左 8 am 又唔覺得好辛苦, 初初仲以為自己會死 tim, 同埋我真係好開心呀, d partners 好合作得好, 間學校又 free, 個學校 i/c 又好人, d 學生又得意........................................ 總之就好開心啦, 我都估唔到 placement 係咁好玩o架 (如果冇埋 d paper word 就仲 perfect ), 我而家有 d 擔心我第日會唔捨得間學校呀 !!! 哈哈, 而家擔心又好似早o左 d, 希望以後o既日子都咁開心啦 !!!

唔知幾時知我普通話o既成績呢 ??? 好緊張 tim....................................

>>September 26, 2003 at 3:18:58 PM GMT+8

2003 年 9 月 19 日 星期五 【清涼】

呢幾日都好忙呀 !! 又要 present 又要出 placement, 真係好羨慕 d 同學可以有咁多 dayoff 呀 ~~~~~

不過出 placement 都幾好玩o既 (如果唔駛做 paper 就仲好 ) 我而家同 d 小朋友都開始熟, 仲有 d 同學仔寫信俾我 tim 呀 ^0^ !! 其中有一個小朋友話 "你是一個十分美麗的人" , 嘩................... 我收到之後勁開心呀, 我都係第一次聽到人話我靚o架o乍, 唔通 d 小學生o既睇法唔同我地o既 ??? 但我開始要搵 case 做啦, 如果唔係就唔駛畢業, 唉......................... 一個 sem 搵 5 個, 都唔知搵唔搵到. 其實其他 lecturer 一年 5 個 case 就得o架啦, 係 ms tse 要一個 sem 5 個o乍, 唔制呀 >.< !!!

開o左學兩個星期, 我已經覺得有 d 悶啦, 都唔知點算 ........................... 尤其係 brain & behavior, 好悶呀, 雖然佢已經盡量令我地覺得 interestung 一 d , 但可能我對 d 腦o既o野冇興趣啦, 好想死, 真係唔想再上呢堂. 都係星期三好 d, 可以見到 calvin yu 同 edmond, 而且佢地又教得唔錯 (哈哈, 好似有 d bias tim), 最衰好多假都撞星期三啦, 撞星期一o米好o羅................................. 唉 !!!

>>September 20, 2003 at 8:18:08 AM GMT+8

2003 年 9 月 15 日 星期一 【乍寒還暖】

今日好開心呀 !! 我朝早先同 d 小朋友宣傳話有個 "叮噹信箱" 俾佢地寫信俾我地, 點知第二個小息就收到 3 封信啦, 仲有兩封係俾我o架, 哈哈....................................... (不過都幾慘o架, 要回信, 而家少少地都仲回得切, 第日多信o個陣都唔知點算 lu >.< !!! )

同埋呢, 而家 showhappy 又改o左制度啦, 14日唔寫日記就出 warning letter, 搞到我唔敢太放肆 tim, 雖然今日好 tired, 但都 "拿拿臨" 寫番 d o野響度. 冇計啦, 雖然我講過開學之後就唔再寫日記, 但寫落有感情o麻, 唔捨得呀 ~~~~~~~~~~~~~~~~~~ (咁唯有死死氣繼續 )

>>September 16, 2003 at 10:53:42 AM GMT+8

2003 年 9 月 11 日 星期四 【炎熱】

都好耐冇寫過日記啦 (冇辦法, 番學忙o麻............................... ^0^ )

已經開學一個星期 lu, placement 亦出o左 4 日, d 小朋友開始認得我啦, 佢地見到我o個陣會自動走埋o黎問我幾時得閒同佢地玩, 真係好開心呀 !! 咁証明我地都做得唔錯, 佢地幾鍾意我地. 仲有呢, 話說尋日我要去早會宣傳 (得我一個人去), 原本好驚o架, 但當我講完o野之後, 佢地拍手呀, 我o個刻好感動, 因為其他老師宣傳完都冇人拍手, 我一個外人佢地都咁俾面, 嗚嗚..........................

因為而家仲未要見 case 同帶組, 我響小學o既職責就係同 d 小朋友建立關係, 暫時睇都幾成功, 希望第日帶組都係咁好啦 !!!

講番樹仁, 見番 d 同學同 lecturer 個感覺好好, 但有 d 美中不足o既就係好大班人一齊上, 變o左彼此o既溝通唔多, 咁唯有小息o個陣同人傾多 d 計啦, 哈哈 !! 仲有一件好重要o既事, 我發現 edmond 到而家都仲未記得我個名, 佢上年就叫我 "mi mi", 今年仲衰, 叫 "M M" , 唉.............................. 好難聽呀, 我寧願佢唔叫好過 >.< !!

>>September 12, 2003 at 5:19:31 AM GMT+8

2003 年 9 月 7 日 星期日 【晴】

今日係第一日正式番學 (因為上星期係出 placement only ), 好開心呀, 見番好多同學仔, 而且今年仲係一大班人一齊上堂, 應該會幾好玩o既 !!! (根據我o既經驗, 一大班人上o個 d 堂我唔會訓o架, 因為易 d 傾到計, he he he )

又開始忙啦, 而且我仲懶醒咁 add 埋 educational psy tim, 唉...................... 希望做得o黎啦 !! 而家最重要係讀好 d 普通話, 決定o左響 24/9 考啦, 我俾o左 $2000 o架, 一定要合格呀 !!! 加油 加油 !!!

>>September 8, 2003 at 1:36:41 PM GMT+8

2003 年 9 月 5 日 星期五 【乍寒還暖】

今日我好 hurt 呀.................................... 今日係我開始補習o既日子,其中一家人係有兩姊妹要補, 姐姐讀六年班, 妹妹就今日第一次補, 係o岩o岩升上一年班o既. 初初同家姐補習o個陣冇事o架, 妹妹仲響身邊周圍走, 又望o下家姐讀 d 咩, 點知一輪到叫佢補o個陣, 佢即刻喊, 仲要係喊到收唔到聲o個隻 (我心諗, 我冇咁恐怖呀 !!! >.< !!! )結果呢, 今日就唔同佢補住, 佢媽媽話等佢下星期有心理準備先再補喎......................... 唉................................. 我竟然嚇成佢咁. (佢究竟係唔想補習定唔想見到我呀 ???? )

>>September 6, 2003 at 2:37:53 PM GMT+8