2003 年 8 月 21 日 星期四 【晴】

今日我同媽媽去o左旺角行街街, 我終於都買o左 placement 開學禮o既衫啦, 唉......................... 我覺得自己著得太斯文真係唔好睇 >.< !!! 不過都未得住o架, 因為我仲未買鞋, 真係過份呀, 原來我同我個妹連一對黑色皮鞋都冇......................... 我仲有一個星期, 唔知買唔買得切呢 !!

>>August 22, 2003 at 12:13:24 PM GMT+8

2003 年 8 月 20 日 星期三 【晴】

呢幾日都係躲在家中發呆........................ 唉............................ 成個人都呆晒 lu !! @.@ -- 呆樣

可能響屋企太得閒, 所以我不斷叫媽咪俾我養兔仔 (佢死都唔肯 !! ) 我連名都諗埋啦, 如果係兔女就叫 "喵喵" , 兔仔就叫 "road road" (即係狗吠聲 ) , 真係冇得頂呀 !!! 只可惜媽咪仲係唔肯俾我養, 其實兔仔都唔係好大隻o者 (雖然大過老鼠少少 ) , 而家 d 大人真係冇愛心 .

我而家o既心情真係好矛盾, 好想快 d 開學, 咁就唔駛響屋企呆, 但又唔想做 placement, 因為我好怕要咁早起身, 點算呀 ?????????

>>August 21, 2003 at 6:12:29 AM GMT+8

2003 年 8 月 18 日 星期一 【晴】

真係好煩呀 !!! 我而家開始執書櫃, 唉......................... 越來越多書同 notes, 樣樣都覺得將來會有用, 咁就樣樣都唔捨得丟掉. 我想問, 你地 year 1 o個 d soc notes 仲有冇響度呀, 我好想 "dump" 晒佢地呀 !! 仲有呢, year 2 d social problem 又唔關 counseling 事, 唔要得唔得呀 >.< ???? 再係咁落去, 我就o黎冇地方訓o架啦......................

>>August 19, 2003 at 8:14:09 AM GMT+8

2003 年 8 月 17 日 星期日 【晴】

我而家有一個新玩意呀 .................................登...........登......... 登...............登................................. 就係 "鬥獸棋" !!! 係o米有 d 奇怪呢, 因為我都唔知點解會買o既 , 可能係放暑假放到悶悶地o掛, 哈哈 ^0^ !!!

話說前日o既一個下午, 我同媽咪行一間較為舊式的超級市場, 行行o下我發現有鬥獸棋賣, $2 o乍, 咁我就忍唔住買o左一盒番屋企玩. 其實我以前成日玩o架, 但大o左 d 之後就冇玩 lu, 而家玩番覺得好得意 !! 但最慘o個個係媽咪, 因為我一日起碼捉住佢玩兩次, 玩o左兩日佢就叫救命, 話好悶喎 !! 所以我而家要搵其他人同我玩o羅, 唉........................... 但我住得咁遠, 又邊鬼個會睬我呀 ??

如果大家睇到呢篇日記而又想玩o既話, 開o左學都可以玩o架, 真o架, 真係好玩o架 !!

>>August 18, 2003 at 6:02:19 AM GMT+8

2003 年 8 月 16 日 星期六 【晴】

今日星期日, 爸爸, 媽咪同妹妹都各自有節目, 但我竟然要留響屋企做家務, 有冇搞錯呀
..................................... >.< !!

唉............................... 都就o黎開學o勒, 但我仲未執好 d 櫃放新書同 notes, 又未整 placement d o野,我諗我梗係想畢唔到業 !!! 唔知點解, 我一諗起 placement 就好驚, 我驚我做得唔好, 又驚出年會好忙, 又驚出年要咁早起身 (我要 6 點出門口呀 , 嗚嗚..................... ) 都唔知驚得邊樣 tim, 希望出年會順順利利啦.

既然出年咁辛苦, 咁今個暑假要玩多 d 啦.......................... yeah !!!

>>August 17, 2003 at 6:50:59 AM GMT+8

2003 年 8 月 15 日 星期五 【晴】

嗚..................... osa 竟然唔要我 (做 o-day leader), 我有咩唔好喎 !!! 好衰o架 !!!

for stephen: 你就好啦, 幫完啟良之後 osa 就鍚晒你 !!!
for mandy + freda: 真係好多謝你地o既留言, 好在都仲有人支持我o乍 ^0^
for galie: 我知你有睇我 d 日記o架, 多謝你響 icq 度安慰我呀 !

哎呀, 寫完篇咁長o既日記後會搞到我之後 d 日記好短咁喎, 唔通真係要學 mandy 咁寫 d 歌詞落去............................... 其實呢兩日都冇咩事, 我都係響屋企上o下網咁. 不過都幾好彩, 我屋企部電腦係 window me o黎o既, 所以今次 d 病毒影響唔到我, 如果唔係我都唔知點算, 大家都知我 d 電腦知識係幾咁 "好" o架啦 !!! 如果我真係有事, 我中學個電腦阿 sir 同 stephen 一定俾我煩死, 哈哈 !!

>>August 16, 2003 at 6:26:07 AM GMT+8

2003 年 8 月 13 日 星期三 【晴】

(我到今日先知, 原來呢度係冇好嬲o既公仔樣................................. 有冇搞錯呀 !! 唔俾人嬲o架 !!! )

唉........................ 我今日真係好嬲, 早知去飲茶會咁激氣我就寧願留響屋企. 話說今日我阿姨唔知點解入o黎屯門, 咁媽媽就叫埋我一齊去飲茶. 一坐低, 媽媽就覺得有 d 凍, 就問我有冇帶外套, 咁我就一邊拎外套俾佢一邊講笑咁話 :"我拎俾自己著o架o乍" 跟住我阿姨就鬧我, 話我正一死女包, 駁嘴駁舌, 我心諗我一向都係咁同媽媽講o野o架啦, 一家人講o下笑都得o掛 !! 跟住我就勁後悔o黎飲茶, 一坐落就要俾人鬧.

之後呢, 食到一半o既時候, 我地唔知傾開 d 咩講到游水, 我就話我仲未識游, 佢就好大反應咁話: "咩你仲未識游水呀 ?? 你學o左好耐啦喎, 咩你咁鬼蠢o架, 游水都學唔識" (跟住佢就自言自語咁講o左成分鐘話我真係好蠢, 冇可能學唔識等等........................................ 佢自言自語o既原因係因為我同媽o米都唔知俾咩反應佢好 >.< !!! )

再之後, 佢就講到自己個女點叻, (即係我表姐 ) 又話而家呢份工真係做死佢個女, 又話公司好重用佢, 冇o左佢唔得等等 ! 我唔係話我表姐唔好, 只係有冇咁誇張呀, 講真心o個句, 而家份份工都辛苦o架啦, 係佢未出o黎做過o野所以唔習慣o者 !

唉............................ 總之我成個鍾就聽佢響度發謬論, 咁我梗係黑口黑面啦, 唔通仲笑住咁同佢講o野咩. 咁就仲弊, 食完飯之後仲俾媽咪鬧話我唔應該發脾氣, 話我咁大個人唔應該仲咁幼稚, 真係激死我啦 !!!!!! 我以後寧願食公仔麵都唔同佢食飯呀, 不知所謂 !!

o夷.................. 我都好耐冇試過篇日記咁長啦喎, 哈哈 !!

>>August 14, 2003 at 9:42:43 AM GMT+8

2003 年 8 月 11 日 星期一 【晴】

今日見冇咩好做, 一早就走o左去剪髮 (放心啦, 今次唔係剪得好短, 大家仲可以見到我扎辮個樣o既............................ ^0^ -- 哎呀, 最近鍾意o左呢隻公仔 tim, 哈哈 ) 咁我番到屋企之後, 就試o下 jel 個頭啦, 唉........................... 好似點整都唔靚, 激死我啦 !!!

仲有呢, 似乎我地 plan o左o既長洲之旅有 d 阻滯, 唉, 點解次次都係咁 (雖然有好幾次都關我事 ................................) 其實我仲有另一樣o野擔心o架, 因為我響北京買o個 d 手信係食物o黎, 如果再唔俾人o既話就唔得o架啦, 不如你地入屯門拎啦 !!

>>August 12, 2003 at 5:45:33 AM GMT+8

2003 年 8 月 10 日 星期日 【晴】

唉..................... 日子一日一日咁過, 今日已經係 8 月 11 日啦, 我咩都未做過 >.< !!! 我而家最擔心o既係我 d 實習, 我好多o野都未準備, 唔好話 d proposal, 我連開學禮要著咩衫都未諗. 學校o個度就叫我地著好 d, 但係我冇 suit, 亦唔想買 (唔知點解, 我覺得我著 suit 個樣就好似著起龍袍唔似太子咁 ) 所以我而家好鬼煩, 要搵 d 好斯文o既衫, 激死我啦 !!!

>>August 11, 2003 at 3:33:45 AM GMT+8

2003 年 8 月 8 日 星期五 【晴】

Yeah................. Yeah............................ Yeah .............................. 尋日場波真係幾好睇, 估唔到中國隊踢足球都開始似番 d 樣 o勒, 我諗過多 20 年倒, 中國隊應該可以響世界佔一席位, 足球唔再係外國人o既天下 (咁都好, 響我有生之年都可以見到中國隊威水o既一日 !!! ) 仲有呢, 我覺得香港隊能力保不失已經好好, 至少唔好等皇家馬德里o個班人以為掃香港隊 4:0 係一件易事, 呵呵呵 !!!

另外一件令人 (尤其係我 ) 開心o既事.................................. 就係而家 d 品客薯片好平呀 !!! ^0^ 我買o左少少番屋企食咁啦 !!! 哎呀......................... 我減肥o既願望呀, 今次冇啦 !!! 我都知唔係個個人都鍾意食薯片, 但真係幾平, 係近呢兩年難得o既一次, 信我啦, 我等o左佢特價好耐o架啦.

>>August 9, 2003 at 8:55:49 AM GMT+8