2003 年 7 月 6 日 星期日 【晴】

又一日, 我咩都冇做過..................... 唉 ..........................我又試發揮我o既專長 --- 虛渡光陰 !!

不過唔緊要, 因為希望在明天, 我聽日會去睇 "神探俏嬌娃2", 睇早場只係 $25 o乍, 好抵呀 !! 另外, 我呢排突然好想去游水, 可能見妹妹游得好開心, 我又想去游, 但我好矛盾, 因為我學o左 2 年都唔識, 咁我仲去o黎做咩呢 ?? 唔通見住人地游然後自己企埋一邊浸水咩........................................ 唉, 點解我會學唔識o架, 人唔係一跳落水就會浮o架咩 ???

因為今日咩都冇做過, 所以都冇咩好講啦...................................... ^.^

>>July 7, 2003 at 9:04:26 AM GMT+8

2003 年 7 月 5 日 星期六 【晴】

我真係乖........................ 今日係星期日, 但我 6:30am 就起身, 9am 就去到關心一線聽 hotline, 聽到 3pm. 我覺得而家 d form 7 學生怪怪地, 咁大個人都唔敢打俾我地, 要父母打 ( 真o架 !!! 我今日有 30% o既 call 係家長 call, 只係打個電話o者, 我地唔會食o左佢o麻 )

聽完 hotline 我就去o左會展o個個 "澳洲升學巡禮" , 其實我好驚o架 (驚蕩失路) , 我唔想俾人知我連會展都去唔到, 好彩冇事...................... 哈哈........................... 不過呢個展覽呃人o既, 都冇咩關於 master o既課程, 全部都係俾 d form 7 學生去外國讀 degree, 而且差不多有 50% 係 d 化妝同美容o既文憑課程 (無聊................... ) 我行完成個會場先拎到 2 份讀 counseling master o既簡介, 早知唔去啦 !!! ( 我唔駛 30 分鐘就行完, 浪費晒我 d 車錢同時間 )

就係咁, 番到屋企已經 6 點幾o勒, 又一日......................... 我都唔知我今日叫唔叫過得充實 ???

>>July 6, 2003 at 10:54:13 AM GMT+8

2003 年 7 月 4 日 星期五 【晴】

今日係我放假的第一天, 感覺好舒服.................................... 唔知係o米慣o左早起身, 今日 6:30 am 就醒o左, 呢個係我平日起身番工o既時間, 咁我梗係訓番啦, 唔通落樓同 d 婆婆一齊晨運咩 !!!

不過我都係 9am 起身, 響屋企傻o下傻o下咁過了 2 小時都諗唔到做咩, 咁唯有寫日記 (而家先 11:50 am, 今日咩都未發生就寫日記, 點算呢 ?? ) 但係呢度我要多謝 stepehn, 原來以前 d 卡通片歌真係好好聽, 好似 "千年女王" "長腿叔叔" 咁, 同而家 d 歌真係冇得比, 我突然好想睇番呢 d 卡通片呀.............................. 我最鐘意o既係 "千年女王", 我記得o個陣我有喊o架...........................

唉 ~~~~~~~~~~~~~~~ 番工o個陣就想放假, 而家放o左假又唔知做咩好, 真係犯賤呀 !!!

>>July 5, 2003 at 3:57:09 AM GMT+8

2003 年 7 月 3 日 星期四 【晴】

今日係最後一日番工啦, 唔知點解, d 人都好似變得好 nice 咁, 個個都對我笑 (哎呀………….. 唔知佢地係o米因為我走所以開心到笑呢 !!! ) 點都好, 我終於都可以去玩 lu

我已經 plam o左好多活動o勒, 好似去北京啦, 去長洲啦, 去聽 hotline 啦, 約人食飯啦……………… 不過我都好對唔住我班同學仔, 因為我唔陪佢地去坪洲, 太遠啦, 我唔想一放假又要過海呀………………….>.< !!! 總之由宜家起我就可以自由自在啦, 我好耐都未試過放假啦 ( 我上3年o既暑假都做 baleno 呀)

不過我最先o既活動係………………… 響屋企訓幾日 …………….. 哈哈哈 !!!

>>July 5, 2003 at 3:32:51 AM GMT+8

2003 年 7 月 2 日 星期三 【晴】

今日………….. 臨放工o個陣我問個秘書, 我聽日係o米 last day 呀 ?? (其實我諗住佢話 “係), 點知佢去問 boss, 咁 boss 就話不如俾我做多陣, 計我 $200 一日, 咁就方便我要番學或請假. 我o個刻簡直唔知講咩好……………….. 講真, 我好多謝佢地響呢個時候仲肯請我, 而且我又唔係特別幫得手; 但另一方面,我真係好想放假, 好想去玩呀 !! 唉 ~~~~~~~~~~~~~~~ 我而家都唔知點算 >.<

算啦, 我唔理咁多, 聽日見步行步啦…………………. 講開 23 條, 我又有 d o野想補充, 有 d 人成日話好多其他國家都唔支持香港o既 23 條 (梗有最多管閒事o既美國同英國啦) , 但我想講o既係, 香港o既事究竟關佢地咩事, 佢地唔好成日以 “國際警察” 自居先得o架, 冇人話俾佢地干涉我地國家o既事喎 !! 佢地咁得閒, 搞掂加洲政府財政問題好過啦, 如果破產就唔好啦………………………………. ( 鬼唔望佢真係破產 )

好 lu…………… 唔講 lu………………… 聽日再講o下我番工o既發展啦 !!

>>July 3, 2003 at 11:30:33 PM GMT+8

2003 年 6 月 30 日 星期一 【晴】

今日終於有假放啦............................ ^.^ !! 我計過原來自己已經有一個月冇放過假啦 !!! 因為我星期六要番工, 有時放o左工仲要去 "關心一線" 開會, 星期日就要去補習, 所以今日係放暑假以來第一次可以在家中休息.................................. (好感動 !!! )

今日都冇咩特別事, 都係陪o下媽媽買菜, 響屋企上網, 睇電視咁啦.......................... 反而我最想講o既係, 我知今日有多同學仔去 7/1 遊行, 我梗係冇去啦!! o個 d 支持 23 條o既遊行又冇我份 (o個幾百艘漁船呢 ) 但我又唔想去銅鑼灣o既嘉年華 (因為太迫人啦...................... 遊行又響埋o個度), 咁我唯有響自己本日記度講o下我o既心聲啦, 希望各位 "支持反23條" o既朋友 容許我都有自己o既言論自由啦 !!!

我覺得既然香港已經唔係殖民地, 係中國o既一部份, 咁有一條保護國家o既條例都好正常, 就算係大家以為好自由o既美國, 都有一條比香港更苛刻o既保護國家條例啦, 點解香港就唔可以有呢?? 講真, o個 d 去遊行o既人, 有幾多清楚了解 23 條係咩先?? 其實我仲有好多o野想講, 但唔講咁多啦, 唔想得失朋友................................. 總之一句 : 我絕對支持香港政府 !!! 絕對支持 23 條立法 !!!

講住咁多先啦, 最後都講多句, 希望各位同我政見不一樣o既朋友容許我表達自己o既心聲啦 !!

>>July 1, 2003 at 10:41:05 AM GMT+8

2003 年 6 月 28 日 星期六 【晴】

今日係星期日, 本來我諗住係屋企休息o下 (因為我已經不用補習), 但結果我係去o左 “關心一線” 做 helper, 我好 tired 呀……………………. 聽日放工後又要番學, 星期三放工後仲要去 “關心一線” 開會. 哎呀…………………. >.< ………….真係忙死人啦 !!!

不過好在………………..我忙埋呢幾日就可以休息啦, 我 4/7 係番工o既 last day, 雖然變成失業一族, 但都冇所謂, 因為我諗通o左 (或者係又幫自己搵多一個唔做o野o既藉口), 我年年暑假都做o野 (前o個幾年做 baleno) 今年係最後一個暑假, o米俾自己休息o下o羅, 因為之後就有幾十年做o架啦, 做到 ‘爬” 係到都似. 既然係咁, 趁自己仲有機會, 就要去奢侈o下 !!!

不過講開又講, 我本來都想報 d course 讀o下, 但見到 mandy 個秘書 course 有咁多o野做, 我即刻放棄…………………………. 我唔想放暑假都要溫書呀 !! 唉 ~~~~~~~~~~~~~~ 總之而家o既我咩都唔想做…………………. 想 “訓” 想食仲想玩足一個暑假tim (o夷………… 咩我有咁多 $$$ 做咁多o野咩 !!)


>>June 29, 2003 at 10:44:47 PM GMT+8

2003 年 6 月 27 日 星期五 【陰】

今日唔講公司d o野啦, 都講o左咁多日. 今日放o左工之後我去了 “關心一線” 度開會, 見到一個今年 year 4 畢業o既同學, 佢話而家好難搵o野做, counseling d 工就更加難, 佢話好多center 同學校都請註冊社工, 都冇咩人肯請 counselor, 所以我都好擔心我出年可以做d 咩…………………………… >.< !!!

之後我地又傾到 d lecturer, 我發覺原來個個 lecturer都唔係想像中咁好 (其實呢句都廢廢地, 係人都有缺點o架啦), 但最令我心淡o既係, 我發覺原來做人 (又或者係一個較成功o既人)係要有一d手段, 就好似 dr sun 咁, 我地分析個所有 counseling department o既 lecturer, 發覺只有 dr sun 係最適合, 佢個人係最現實 (又或者係最勢利), 但佢又的確做到 department head, 大家都冇佢辦法. 所以我響度諗, 我將來應該點呢, 要成功定要正義呢 ??? 我第日又會唔會為o左上位而用d唔好o既手段呢 ??? 咁我身邊o既朋友又會唔會變呢 ?? 我地事但一方變o左仲會唔會係朋友呢 ???

唉 ~~~~~~~~~~~~ 突然覺得讀書o既時間真係好寶貴, 至少不用去勾心鬥角, 明爭暗鬥. 死啦……………….. 都未出黎做o野就已經好擔心o勒………………. 點算呢 ??? (嘩…………………我突然覺得自己好深奧 !!! )


>>June 29, 2003 at 12:23:51 AM GMT+8

2003 年 6 月 27 日 星期五 【晴】

首先, 我想覆o下 d 留言.
For mandy: 我係唔會揀 milky o架, 我會要 pink colour 呀!
For terry: 都唔算係我寫晒, 我係參考個秘書以前d 信再加自己o既o野.

呢個方法都唔錯喎……………… 咁又寫o左一段o勒, 呵呵……………… 等我以後唔知寫咩好o個陣都咁做先 !! 講番今日, 因為boss 朝早冇番, 咁我就好清閒咁渡過一個早上. 本來我想上網o架, 點知部電腦個 mon無端端壞o左 (點解我用親d電腦一定有事o架), 咁我唯有call人上o黎修理啦, 點知佢都唔駛一分鐘就整番好, 搞到我好似玩佢咁. 唉~~~~~~~~~ 所以話d 電腦真係好鬼麻煩, 部部電腦都 “蝦” 我o既 ………………………. >.< !!!

好啦, 唔經唔覺, 又一個星期o勒 !! 仲有5日, 我就可以享受自由自在o既暑假啦…………………………. ^.^………………………… 又或者到時我會同各位一樣覺得好悶都唔定, 但呢 d 係之後o既事, 而家我淨係想玩 !!! 玩玩玩玩玩玩玩玩玩玩玩玩玩玩玩玩……… ……………….. (下省 1000 字 )


>>June 27, 2003 at 11:04:23 PM GMT+8

2003 年 6 月 26 日 星期四 【陰】

真係一日比一日忙呀…………………. 我今日做到 6:40pm 先走得呀 >.< !!! 我早o個幾日都係由朝忙到5點幾, 之後都可以做 filing 等整理文件的工作, 但今日呢, 係直落忙到 6:40 pm, 做到我散o左……………………. 其實今日會咁忙o既原因, 係 boss 聽朝唔番工, 佢要交帶落 d o野俾我做, 咁我今日o米要起晒草稿俾佢簽名, 然後聽日自己做跟進o既工作o羅. (咁都好o既, 起碼聽日有半日得閒…………… 呵呵 !! )

今日, 我突然覺得自己好叻女, 因為我d信件開始打得似模似樣o勒, 個感覺好好呀…………………. ^.^ !! 以下係其中一封, 我想問個客佢究竟想要d咩寶石 (即 opal ), 因為佢o既 fax 唔清楚, 大家俾o下意見啦 ~~~~~~~~~

Dear XXX ( 名唔 show 出o黎啦 )
Re: Fax on 26 June, 2003
Thank you for your kind fax. Please be noted that there are different opal colors, like milky, red, green, etc. And the price range of the opal is from USD1.00 to USD100.00. What kind of opal you would like? Please confirm.
Thank you for your kind attention and understanding.
Best regards,
Pinky
Secretary

覺得點呀………………… 雖然唔係好好 (因為仲未夠 formal ), 但我已經好滿足啦, 當然再進步就仲好啦. 哈哈……………………. 其實, 我想知我咁樣將d 公司信寫出o黎算唔算犯法o架 ????


>>June 26, 2003 at 11:17:55 PM GMT+8