2004 年 8 月 12 日 星期四 【酷熱】

前幾日部電腦突然冇晒o野睇, 我仲以為好大件事, 咁我o米即刻拎去俾人整o羅, 原來只係個 window 花o左o乍, 入番隻 window 就冇事 lu, 哎呀............................... 咁就俾人賺o左百五蚊啦 >.< !!! 不過我都冇後悔, 因為自己真係唔識呢 d o野, 咁人地讀o左咁耐電腦, 呢 d 錢係要俾人賺o下o架啦 !!

今日第一日去那打素醫院看洗車, 嘩................................ 真係好曬o架 (好彩我以後可以隔個星期先去, 除非有新學員要跟啦 ) !! 但環境俾我想像中易適應, 因為o個度有好多個唔同區域o既停車場, 我幾驚自己會認唔到路呀, 哈哈哈哈.................................. 但最後梗係冇問題啦 !! 我認唔開始叻女啦, great !!!

今晚係奧運開幕, 唔知我捱唔捱到眼訓去睇呢 ????

>>August 13, 2004 at 11:23:15 AM GMT+8

2004 年 8 月 8 日 星期日 【酷熱】

好開心呀 !!! 今日我地成班同事搞小型大食會, 有芒果布甸+炒飯 (呢個係我媽咪整o架) + 雞翼 + 炒公仔麵 + 壽司 + 糯米 "池" + 咖哩魚蛋 ^0^ !!! 以一個 lunch o黎講, 都算好豐富o架啦, 不過我要努力 d 學煮o野, 因為今日個個同事都係自己煮o架, 但我要搵媽咪煮, 唔.......................................

不過番o左呢間中心咁耐, 真係越來越喜歡呢度, 工作雖然好忙, 但勝o左同 d 同事夾, 大家都好玩得, 因為響我心目中同同事相處得好係好重要, 反正去到邊都係咁忙, 倒不如開心 d, 咁樣日子先易過o架o麻, 哈哈哈哈~~~~~~~~~~~~~~~~~~

明天又要去上堂啦, 希望唔好咁悶啦, 講真, 3 個鐘真係幾難捱o架...................................................

>>August 9, 2004 at 1:58:45 PM GMT+8

2004 年 8 月 4 日 星期三 【酷熱】

昨晚係我第一次同同事去 gathering, 好玩呀, 只係他們認識我o既時間實o左太短啦, 竟然約我響 "旺角金雞商場" 等, 我鬼識去咩, 好在我有一班十分了解我的好同學, 費達用電話搖控o左我去o個度啦, 哈哈哈哈 ~~~~~~~~~~~~~~~~~~~ thank you very much ar freda (and for stephen, 雖然我最後都冇搵你幫手, 但都多謝你答應用電話帶我去呀, thx !!!)

明天係我第一次去醫院看學員洗車, 聽講話o個度仲曬過警局, 哎呀........................................... >.<

>>August 5, 2004 at 3:39:23 PM GMT+8

2004 年 8 月 1 日 星期日 【清涼】

太陽o既威力真係大, 尋日只係曬o左兩個鐘倒, 點知真係曬傷o左 tim >.< ...................................... 我隻手臂又紅又痛到而家呀, 我諗仲要痛多幾日, 唔 ............................... !!!! 不過, 能夠去到香港第一次o既閱兵儀式, 我覺得係值得o既 ~~~~~~~

for terry : 我唔識放 d 相上網俾你地睇喎...................................... 不如等我晒出o黎之後, 搵日 gathering 一齊睇啦 !!!

>>August 2, 2004 at 1:11:42 PM GMT+8

2004 年 7 月 31 日 星期六 【清涼】

哈哈哈哈.................................... 原來呢個世界真係有奇蹟o架 !!! 話說尋晚有個響關心一線識o既朋友打電話俾我, 佢問我去唔去看解放軍閱兵儀式, 因為佢有多一張飛, 咁我梗係死都去啦 !! 跟住我今日先知, 原來我個 fd 都係響兩日前做義工時先識到呢個新朋友, 咁o岩佢有內部認購o既飛, 咁我個 fd 就拎多張o羅, 就係咁樣, 我就有得去睇o勒 !! 多謝 marco , 多謝 marco 的新朋友 ^0^

今日o既閱兵儀式唔駛講, 當然係冇得頂啦, 雖然極熱極曬 (嘩.......................... 曬過我去洗車十倍呀 !! ) 但 d 解放軍真係操得好好睇, 香港警察真係冇得比 , 人地身材都係經過訓練咁 , 個個都好平均o下o架, 但 d警察............................ 唉..................................... 高矮肥瘦咩都有, 好似買叉燒咁 !!! 不過看咁好睇o既閱兵儀式係有代價o架, 我曬到好黑呀, 好似仲有少少曬傷o左 tim, 唔.................................................

看完表現之後, 我地三個梗係搵 d 解放軍同我地影相啦, 哈哈哈, 我地兩個女仔好鬼衰, 響度揀靚仔o黎影相, 咁係呀o麻, 有得揀點解唔搵個靚仔 d 喎 !!! 最搞笑o既係, 我同一個解放軍影完相後說 "謝謝" , 佢同我講番 "thank you" 喎, 哈哈哈, 佢地真係好可愛呀 *0*

好, 今次睇得唔夠喉, 下次要再去, 努力 !!!!!

>>August 1, 2004 at 7:44:07 AM GMT+8

2004 年 7 月 30 日 星期五 【酷熱】

難得的一個假期, 仲要係真正冇o野做o既假期, 我可以響屋企休息, 哈哈 ^0^

我今日響度整理本新相薄, 我又睇番 grad. dinner d 相啦, 唉................................ 我真係好掛住o個日, 不如我地搞個舊同學會啦 !!! (不過講係咁講, 要搞又好麻煩o既, 而且遲 d 個個要悽於工作, 有鬼人開會咩................................)

今日剛剛出o左糧, 哎呀........................ 我又好想去玩啦, 唔知有冇人約我呢 ?????

>>July 31, 2004 at 9:23:57 AM GMT+8

2004 年 7 月 30 日 星期五 【酷熱】

告別 PTU 了.................................. 今日係我最後一日去警局睇洗車, 之後就改去大埔拿打素醫院, 不過都係暫時o者, 睇埋 8 月, 我就唔駛個個星期五都去睇洗車, 兩個星期去一個上午 or 下午就得啦, 因為想真正地訓練學員獨立做o野, 咁都好呀, 唔駛晒黑得咁快o麻, 但...................................... 唔............................................ 人地都未識到一個靚仔警察, 咁就要走o勒 !!!!

不知不覺, 已經番o左兩個月工o勒, 雖然我已經適應o左, 而中心 d 同事都好好, 但我始終都係鍾意讀書時o個種感覺, 自由自在 d o麻.................................... 幾時可以再有呢 ????

>>July 30, 2004 at 4:27:42 PM GMT+8

2004 年 7 月 27 日 星期二 【暴雨】

tired...................... very tired.................................. >,< !!! 為o左讀 master, 我一定要考 IELTS, 但因為我 d 英文差, 所以響一個月前報o左一個 IELTS course, 逢星期二晚七點至十點, 共 12 堂 !! 尋晚係第一堂, 嘩.................................. 差 d 悶死o左, 而且o個度好迫, 搞到我完全訓唔到覺, 唯有響度發呆再發呆, 唔.................................. 仲有 11 堂, 都唔知點算 ??

唔經唔覺, 已經 28 號, 我番o左工兩個月o勒, 我同 d 同事都熟o左少少, 咁番工都冇咁悶 !! 我要加油呀, 因為而家先出o黎做o野兩個月, 我仲要做成 30 年o架......................................

過三日又出糧啦, 哈哈哈, 等o左呢日好耐 lu ^0^

>>July 28, 2004 at 9:56:13 AM GMT+8

2004 年 7 月 25 日 星期日 【酷熱】

哈哈哈哈................................. 雖然我昨日拎唔到飛, 但我夜晚約o左一班兩年前去台灣旅行識o既朋友出o黎食飯, 有阿 To + 阿 cheung + 大小 ming + sirus + polly + c nok + 樹熊, 玩得好開心呀, 估唔到大家冇見咁耐, 但氣氛仍然極好, great !!!

我地去o左旺角o既壽司亭食晚飯, o野食都幾好味, 但大家好似食得好少咁, 我自己就夠飽, 但我覺得 d 男仔係唔夠o既 (其實 c nok 應該食多 d, 因為佢好瘦 !!! ) 不過唔怕, 之後我地去 paris cafe 度飲o野, o個杯咖啡都幾 "漏" o架

我初初響地鐵站度等佢地o個陣真係有 d 擔心, 因為兩年冇見, 真係好怕唔認得他們, 好在.......................... 大家個樣都冇咩點變, 哈哈哈 ^0^ !!! 去到壽司亭之後, 大家都傾得開心, 但唔知點解, 我去度邊都係俾人玩o個個 (佢地想迫我埋o左張單呀, 哈哈哈, 下次等我帶少 d 錢出街先 !!!)

食完o野就去影貼紙相, 好靚o架 (但好細粒呀, 差 d 睇唔到...............................) 影完相就去o左 paris cafe, o個度係我俾人玩得最勁o既地方, 唔................................. 人地玩 uno 輸o左o乍o麻, 佢地竟然要我響 cafe 度搵一班人唱生日歌俾我聽, 唉 !!! 我咁大個女都係第一次俾人咁玩o乍, 好在後來阿 cheung 出o左o黎救我, 咁我先過到關o乍 !!! 哈哈哈, 雖然o個陣真係好擔心唔知點開口, 但我又覺得o個陣係成晚最好氣氛o既時刻 (哎呀, 我都係要快 d 苦練 uno 啦, 咁下次就係我玩人啦, 哈哈哈哈, yeah !!)

係喎, 雖然呢個 gathering 係我提議o既, 但我都要好多謝阿 To , 因為佢都幫我打o左好多電話, 功德無量呀 , thx !!!!!

>>July 26, 2004 at 3:00:35 PM GMT+8

2004 年 7 月 24 日 星期六 【炎熱】

而家係早上九時多, 我已經由石崗軍營門口番o左屋企啦, 我拎唔到飛呀 ................................ >.< !!!

有了今次o既經驗, 我知道我除了去搶之外, 我就一定要通宵排隊, 如果唔係呢世都唔駛入去參觀, 我真係唔夠 ｄ人鬥, 我已經五點幾起身, 七點二去到排隊o架啦, 但當我一去到, 我就知自己機會十分渺茫 ~~~~~~~~ 果然, 都未到八點, 就已經有警察話我地知前面已經派晒飛, 叫我地唔駛等, 我一聽到就立即搭小巴走 (因為咁o岩有架小巴經過...............................) 有好多人仲響度死等, 諗住博一博, 我就唔啦, o個度有成幾千人等, 如果一齊走的話, 我都唔敢想像會幾迫人, 既然拎唔到飛, 早 d 番去休息都好呀.........................................

響呢度, 我要多謝兩個人, 一個係我妹妹 : 如果唔係佢借部 mp3 俾我聽, 我實悶死o架 !! 仲有, 係佢教識我一定要早過人走, 如果唔係 "棧" 衰多 d !!! 另一個人係豬豬, 因為豬豬話下次再有飛派的話, 佢陪我玩通宵之後, 3 點一齊去排隊呀 !! 哈哈哈, 好呀, 多謝晒 !! 我估響十一國慶應該仲有得參觀, 我會繼續努力o架啦.......................................

>>July 25, 2004 at 1:20:37 AM GMT+8