2003 年 11 月 22 日 星期六 【微冷】

今日係 11.23 o既日子, 我同家人食完早餐後, 就一齊去盡公民責任o勒.......................................

之後呢, 我就要去浸大同兩個 fd 影畢業相, 哈哈......................... 我真係有 d 感觸, 出年就輪到自己啦, 我由 yr 1 一直等都係而家, 都係希望見到自己影畢業相o乍 (而我呢個願望亦響今日實現o左 lu........................... 因為我問個 fd 借件袍同埋一束花影 !!! ) 同個 fd 影完相, 我諗我而家都係時候 plan 定我 d 花呀.................. 公仔呀........................ 等等影相用o既道具由邊個送啦, 仲有一年時間, 我要努力呀 !!!!

>>November 23, 2003 at 11:08:03 AM GMT+8

2003 年 11 月 22 日 星期六 【微冷】

嗚嗚嗚.................................................. 我上次寫o既日記真係唔見o左呀 >.< ~~~~~~ o個個衰人, 做咩要攻擊 showhappy 喎 ????

我已經唔記得上次寫咩啦, 大致上係好開心學識o左 "扭波波", 哈哈......................... 我而家識扭劍, 狗仔同兔仔, 遲 d 再學其他 *0*

另外, 明天我會去浸大影畢業相 (係我 d 中學同學畢業 ) 好感觸呀........................... 出年就到自己影畢業相啦, 唔知有冇人肯上o黎樹仁同我影相呢 ??? 不過我到而家都仲未知自己將來的去向, 究竟會繼續升學定搵工呢 ?? 如果搵工我又可以做 d 咩呢 ?? 唉.................................... 一諗呢 d 我就覺得好煩............................

>>November 22, 2003 at 4:24:35 PM GMT+8

2003 年 11 月 16 日 星期日 【颳風】

唉........................... 心淡 ............................... 真係好心淡 >.< !!

我響條街度爛o左隻鞋係一件好狼狽o既事, 但點解 d 人留言會覺得好好笑o既呢 ??? 仲要係一 d 安慰o既說話都冇, 我諗我以後都要帶眼識人先得 !!

原來放o左學仲要去補習係好 tired o架, 冇計啦, d 學生今個星期要考試, 所以呢個星期一, 二, 四放學後都要同佢地溫習, 我已經好多o野做o架啦 ~~~~~~~~~~~~~~~~~~~~~~~~

>>November 17, 2003 at 2:00:12 PM GMT+8

2003 年 11 月 13 日 星期四 【颳風】

為o左唔會再發生 11.13 (即昨天) 的恥辱, 我今日一早就去荃灣睇鞋, 響愉景新城度行o左幾間鞋店, 最後竟然響 mirabell 買 (我係第一次響呢間買, 通常都係 walker shop), 仲要一買就買兩對 tim, 唉............................ 我今個月 over budget 啦 !!! 不過o個兩對鞋都幾靚`幾斯文o架, 本來諗住買一對算數, 但佢 $300 一對, $480 有兩對, 諗諗o下兩對都幾鍾意, o米買埋佢o羅, 哈哈 !!

to freda: 你個留言好長喎, 拍得住我 d 日記..................................

>>November 14, 2003 at 3:09:31 PM GMT+8

2003 年 11 月 12 日 星期三 【颳風】

今日係...................... 11.13之恥日 !!!

今日要出 placement, 我為o左唔著o個對整傷我對腳o既皮球, 咁o米搵o左一對已經有 3 年o既有一寸高o既密頭鞋o羅.......................... 點知就出事啦 >.< !!! 番到學校冇幾耐, 其中一隻鞋底就裂開o左, 我以為咁樣已經好樣衰啦, 要 "跛o下跛o下" 咁行, 個個都以為我扭親隻腳, 唉........................... 本來我諗住放學就去附近 d 商場買一對, 點知 alison (其中一個同我出 placement o既 partner ) 幫我睇過, 話 d 款一 d 都唔 ok , 而且o個陣又放學o勒, 咁o米諗住捱多 15 mins, 去到巴士站就冇問題啦, 入到屯門可以叫媽媽拎對鞋俾我o麻 !! 點知行去巴士站行到一半 (而且o個陣我又同佢地唔同路, 得番我一個人o乍 ) 對鞋突然甩底呀 ......................... >o< .......................... 我一個人響條街度超狼狽呀, d 人不斷望住我, 但又唔係幫我, o個陣真係超級樣衰 (簡直係呢世人最樣衰o既一次 ) 不過都好彩, 結果有 2 個大陸女人走o黎幫我, 俾條繩我捆住隻鞋, 然後又扶我去附近一間士多借 "封箱膠紙" 再包多次隻鞋, 就係咁, 我靠佢地o既幫忙就成功咁行去巴士站o勒 !! 但真係好樣衰, 人地一定以為我窮到連鞋都買唔起啦, 要用膠紙包鞋, 唉................................................. 人間悲劇 !!!

另一件事, 就係我真係唔明點解 d 大學生要罷課, 喂, 聽講納稅人俾錢你讀書唔係叫你去罷課喎 ! 點知同我地 齊出 placement 有個 poly 學生, 今日竟然同我講佢地好支持罷課, 話佢地冇資源喎 ! 我心諗, 你都痴線o架, 響樹仁學生面前講冇資源, 咁我地叫咩呀 ?? 跟住佢地仲過份, 話前幾日經過寶馬山, 見到樹仁間校舍好唔掂, 叫我地反映o下, 叫學校裝修喎 ! o個陣我就忍唔住串佢, 我話我地冇咁多錢喎, 呢間學校係學長佢地用自己o既身家出o黎起學校, 冇用過政府一毫子, 但我唔覺得有咩問題o羅...................................... 點知佢仲唔醒目, 仲繼續話佢點同 d 同學仔研究我地間校舍點樣唔掂, 跟住我就唔出聲, 費事睬佢, 心諗 : "哼.................. 去死 !! "

>>November 13, 2003 at 11:52:50 AM GMT+8

2003 年 11 月 11 日 星期二 【颳風】

今日雖然係星期三, 但因為偉大o既孫中山先生生日, 所以我可以放假一日, 哈哈 !! 多 d 呢 d 咁偉大o既人, 咁我地就可以多 d 假期o勒...................................... (咁諗會唔會好衰呢 ??? )

難得今日放假, 咁我就同媽媽+妹妹一齊出去買衫, 因為我冇咩斯文o既冷天衫, 咁就買 d 出 placement o羅 !! 我地首先去o左食茶 (因而我遲起身, 所以呢餐係早餐 + 午餐 lu ) 之後就行旺角同深水"步" , 收獲都唔錯, 買o左 4 件長袖冷衫 同一條裙, 好開心呀 !! 不過我最想買o既鞋就買唔到, 唯有著番o個對整到我好痛o既鞋啦 >.< ~~~~~~~~~~~~~~~~~~~~

經過今日, 我又冇晒錢 lu.............................. 又要等大半個月先有錢 !!!

>>November 12, 2003 at 11:01:09 AM GMT+8

2003 年 11 月 9 日 星期日 【颳風】

唉............................ 我越來越唔鍾意 b&b 堂啦 !! 我真係頂唔順 grace, 佢除o左叫我地做o個個好 "interesting" o既 sleep research 之外, 而家又叫我地將已經好多o野做o既 research proposal 變做更多更多................................. 就係要做多一 part 叫 "comment" , 仲要係睇 11 組 present 之後俾 comment, 想我地死咩 >.< ~~~~~~~~~~~~~~~ (總之一句講晒, 我完全唔覺得 interesting )

>>November 10, 2003 at 1:32:11 PM GMT+8

2003 年 11 月 8 日 星期六 【微冷】

死啦.................... 唔知係o米已經慣o左幾日先寫一篇日記呢 ?? 好似隔o左咁耐都冇咩好講咁o既 !!!

不如講o下呢排 d 功課啦 .......................... 我o黎緊呢個月會好忙.................. 好忙.................... 好忙呀 >.< !! 根據我保守估計, 響未來的一個多月我有以下的功課要完成:
b&b - 1research paper
mct - 1 case study
ab-psy - 1 presentation + 1 paper
psy-ass - 1 paper (individual )
edu-psy - 4 porfolio + 1 self reflection paper + 1 micro teach
placement - (基本上係好多o野做, 但我都唔知要交 d 咩俾 ms tse ~_~ )

你地話點算 ??? 得番一個月就要做咁多o野.................................. 唉 ! 點解我以前玩咁多呢 ??

>>November 9, 2003 at 10:49:58 AM GMT+8

2003 年 11 月 5 日 星期三 【微冷】

yeah !! yeah !! 我今日又響度睇 vcd 啦.......................... ^0^ ........................ 今次係 "雙雄" !! 哈哈, 原來呢套導都幾好睇, 至少俾我想像中好, 不過好可惜, 間學校o既中期評估已經過去 (今日係最後一日), 下星期開始, 我地又會繼續忙碌地工作 lu !! 其實都冇所謂, 因為我又可以同 d 可愛o既小朋友們玩遊戲同傾計 lu !!

唔經唔覺, 今日係我出 placement o既第 20 日 (我地總共要出 50 日). 做o左咁耐, 我依然覺得呢間學校好好, 同 d partners 又合作得好, 我都算好好彩o架啦 !! 希望跟住o個 30 日 placement 都咁好啦 !!!

>>November 6, 2003 at 11:32:32 AM GMT+8

2003 年 11 月 4 日 星期二 【微冷】

今天很清閒, 感覺也很舒服 (雖然我有很多 paper 未做 ) !! 很久沒試過星期三的早上可以悠悠閒閒地做自己的事了, 因為 calvin yu 飛了去別的地方, 3:35 pm 的課不用上, 只需上 6:40 pm 的課, 加上今天也不用早些回校開會, 哈哈哈 ^0^ ~~~~~~~~~~~~~~~

今天和媽媽飲早茶 (但其實係 10 點幾先起身去 ), 之後番屋企同我隻可愛的小老鼠洗白白, 跟住睇報紙, 上網..................................... (咁就 2 點幾 lu ) 然後出去銅鑼灣同 counseling o既同學仔食 tea, 識o左佢地都第四年啦, 今日先係第一次約佢地, 感覺有 d 搞笑 !!

如果日日都咁舒服, 咁就發達 lu......................................

>>November 5, 2003 at 5:28:12 AM GMT+8