2003 年 6 月 24 日 星期二 【陰】

今日都冇咩特別, 一樣係好忙好忙………………. 做落至知, 原來秘書真係唔易做, 好多 “濕碎” o野要處理, 而且愈來愈覺得讀得書多唔代表做得o野, 已經正式做o左秘書幾日啦, 我到而家都未能夠好有效率咁處理公司d o野, 仲係俾人一種好 “論盡” o既感覺………………………….. >.< !!! 但目前都幾慶幸自己冇做錯o野, 係慢 d o羅.

我突然發覺, 自從番o左工之後, 我o既生活變得好有規律……………………… 我 7am 起身, 到放工番屋企已經成 8pm, 跟住呢我就會洗白白 / 睇電視, 8:30pm 食飯, 9 pm 就上網/ 洗白白/ 睇電視, 到 10:30 就去整定聽日d o野, 最後……………………. 11 – 11:30 pm 就 “覺覺豬” (真係咁耐都未試過)

哎呀……………… 我都開始冇咩心機寫 tim, 死啦, 先寫o左20 篇o乍喎, 咁落去唔駛到8月我個日記o米會 “倒閉” o羅 !!


>>June 25, 2003 at 11:04:13 PM GMT+8

2003 年 6 月 23 日 星期一 【晴】

今日好忙, 我成日都未停過, 但咁都好, 咁樣時間就過得好快好快 !!

今朝我同 boss 有以下的一段話, 當我用部 fax 機影印時 (因為部機係 fax + copy 兩用o既), boss 走出o黎同我講, 叫我唔好用呢部機影印, 因為貴好多 (我用 fax 機係因為佢響我個位後面, 但影印機就要行去門口………………… ) 咁我o米不斷講 “對唔住”, 之後佢同我講: “你唔駛咁緊張喎, 你先做o左3個星期, d o野係未清楚o架啦! 你之前有冇做過其他暑假工呀?” 我話: “有呀, 響 baleno 做 sales ” 跟住佢話: “係o羅, 做過 sales 應該見識過好多人先o岩o架, 你做咩咁緊張呢? 我地呢d 細公司冇咩o既”

就係咁, 我就反省咩我個樣真係好緊張咩? 但我又唔覺喎, 我淨係好驚做錯o野之o麻!!! 所以話呢, 我都係做唔到大事, 個樣咁易就俾人睇穿……………….. 但我個 dream (哎呀…………. 唔識打 tim) 係做一個事業有成o既女人喎.

算啦………….. 第日先算…………… 我都係諗o下做完呢份工去邊度玩好d.


>>June 24, 2003 at 11:20:02 PM GMT+8

2003 年 6 月 22 日 星期日 【晴】

今日係我 23 歲生日, 等我唱番首歌俾自己先: happy birthday to me, happy birthday to me, happy birthday to ming ming, happy birthday to me !!!! (都未見過有人咁無聊 tim ) 我o既生日願望………………………… 想高d (一寸都好) , 又或者變得靚 d !!!

今日係我第一日正式做秘書, 嘩……………………. 好多o野做呀, 加上我又做得慢呢, 但我寧願做慢 d, 都好過做錯, 做得慢人地最多覺得我唔熟手, 但做錯就會俾人鬧 (死都唔想俾人鬧 !!)

好啦………….. 今日有驚冇險, 又戰戰兢克咁過o左一日, 明天要努力d, 不求有功, 但求無過…………………… 加油 !!! 加油 !!!


>>June 23, 2003 at 11:03:52 PM GMT+8

2003 年 6 月 21 日 星期六 【晴】

今日係最後一日補習啦, 因為我想出年專心d 做 placement, 所以我會俾o左我妹妹補, 咁我又要回復番冇$$$ o既生活o勒!! 亦係因為咁, 我媽媽不斷勸我繼續做呢份工 (因為個老闆娘話我可以做耐 d ), 但係我真係好想休息, 而且我又怕悶呢, 我同d 同事又唔熟………………………………

我同媽媽響呢個問題上爭執o左好耐, 佢鬧我做人唔應該咁唔捱得, 少少o野就打沉自己, 佢問我咁唔捱得第日點出o黎做o野. 但我同佢講, 我知第日出o黎做o野就唔到我揀, 可能超慘都唔定, 但我話我想趁而家仲有得選擇o既時候奢侈o下. 其實我都好矛盾, 你地話呢 ??? 俾 d 意見我呀, 我好想聽o下多 d 意見呀……………………………….

好啦………………… 聽日係我正式做秘書 (星期六唔算, boss 都冇番), 祝我好運, 唔好做錯o野啦.


>>June 22, 2003 at 11:04:29 PM GMT+8

2003 年 6 月 20 日 星期五 【雨】

今日好開心呀 !!! 如果日日都係咁就好啦 !!!

首先, 今日係我第一日正式做代理秘書, 本來好驚o架, 因為好多o野我仲未上手, 點知今日 boss 冇番, 冇人俾o野我做, 咁我就好得閒咁坐o左成朝o勒. 當然, 我都唔係d習慣偷懶o既人, 我都有做o野, 但就揀d 自己鍾意o既o野做, 好似練習用打字機 (個秘書到走o個日都冇講俾我聽部機點用, 咁我o米趁得閒自己摸索o下o羅); 跟住我就睇番以前d單點寫, 有d咩唔明就即刻問人, 費時做到o個陣先問就太遲啦; 然後呢, 我就搵o下佢d file 同其他常用物資放響邊, 方便我第日唔駛搵咁耐o麻………………………. (到o左呢個時候已經11點幾o勒); 再之後我先做秘書交帶落o個d年結. 呵呵………………… 今日過得真係好輕鬆. 最好笑o既係, 平日d人都冇咁快走, 今日大家準時1:30 pm 就走 lu, 搞到我想去o下洗手間都唔得.

然後呢, 我就約o左人食飯 (因為我23/6 生日o麻, d friends o米趁 weekend 同我慶祝o羅). 好開心見番一個好耐冇見o既朋友, 我地 form 4 就分開o左學校讀書, 但事隔7年(但我地每年都會見一次面o既), 大家都仲係好好感情, 真係好難得, 我地不斷咁傾番呢一年發生o既事, 真係好開心 !!!
到o左6pm, 我又同另一班朋友去食飯, 呢班係我樹仁d同學仔, 大家由 year 1 就認識, 所以都好好感情. 但唯一唔好o既係, 佢地好似已經當串我係生活o既一部分, 等我之前仲期望佢地會因為我生日而俾o下面tim, 點知……………… (哎呀, 唔知佢地睇到會有咩反應呢 ?? 好驚呀……………………… ) , 不過, 我都玩得好開心, 唔講唔知, 原來玩具反斗城好好行o架, 我地行o左成個鐘都唔悶呀, 下次都再去玩先得 ^.^

今日過得真係好開心, 而我更開心o既係, 有好多對我好好o既朋友. 多謝各位!


>>June 21, 2003 at 5:33:27 PM GMT+8

2003 年 6 月 19 日 星期四 【晴】

點解會咁o架 ??? 我隻 floppy 唔知做咩呀, 話 “無法辨識媒介” 喎, 但我 save 晒 d 日記響裡面, 而家拎唔出o黎, 所以冇辦法 upload 尋日o既日記, 真係對唔住咁多位支持我日記o既朋友啦………………………… >.< !! 唉, 都唔知呢排搞咩, 上次就係 showhappy 有事, 今次就輪到我隻 floppy, 咁………………下次會發生 d 咩呀 ??

今日發生o左兩件好突然o既事, 第一就係我終於屈服, 已經報名參加北京團啦, 係o米好奇呢 ?? 我尋日先話冇錢, 點解今日就有錢去呢 ?? 好簡單, 就係我屈我爸爸幫我出一半…………………….. 呵呵呵 !!! 所以各位男士真係要諗過先好生 BB , 如果一個唔覺意生o左我呢 d 咁不考o既女就真無謂o勒.

另一件呢………………. 就係我份工會番多3日, 即係到5/6, 因為佢話想我番足一個月, d 人工好計 d (我因為6月1-4號要考試所以唔番得工), 同埋佢話想我交代清楚 d o野俾個秘書先走喎 !! 咁都好o既, 雖然我極度想放假, 但番多幾日拎多 d 人工都好, 當係幫補o下去北京 d 團費o羅.

好啦…………… 今日發生o既事就係咁多啦, 明天再見啦 !! (如果我可以將佢成功 upload o既話 )


>>June 20, 2003 at 11:02:37 PM GMT+8

2003 年 6 月 17 日 星期二 【晴】

唔經唔覺, 已經係番工o既第12日啦 !! 呢幾日都總算過得唔錯, 可能因為有好多月結同年結要做 (個秘書想係佢走之前清晒 d o野), 所以我呢兩日好忙, 而且 d o野都未做晒就放工走人 lu…………………………. 呵呵呵!!!

今日發生o左3件好事, 第一 : 係星期五老細講食飯 (我終於都感受到呢間公司o既人情味啦 ). 第二件事, 就係個秘書竟然同我講o左一句笑 (雖然係一句, 但我已經好開心啦, 佢從來唔同我講笑o架, 唔知係o米就快結婚所以心情特別靚呢 ?? ) 第三呢, 就係我今日同同事一齊放工, 我仲陪佢去o左 “卓悅” 買o野 tim 呀…………………………… ^.^ ^.^ ^.^

雖然今日係好, 但我唔可以鬆懈o架, 正所謂: 勝不驕, 敗不餒 (嘩………………. 好有文彩呀 !!!) 我都要繼續努力工作, 因為如果我做錯o野都會俾人鬧o架, 我唔想再過 d 俾人話o既日子啦.

哎呀, 唔記得同大家講 tim., 因為 showhappy.net 唔知搞咩, 話實行 “早5晚7” 計劃喎, 所以我唔可以當晚 upload d 日記上網, 我要響每日臨出門口前先 upload 上去o架, 所以會遲一日, 希望大家唔好介意啦 !!!


>>June 18, 2003 at 11:13:03 PM GMT+8

2003 年 6 月 16 日 星期一 【陰】

個日記又唔知搞咩o勒, 話實行咩 “早 5 晚 7 計劃” 喎, 咁我以後點寫日記呀 ? 我番到屋企最早都要 7:40pm 啦 !!!

另外一件事呢, 就係 ……………………………….. >.<…………………… 我今日又遲到啦 !!! 今次輪到地鐵發生故障, 唉 ~~~~~~ 我真係好黑仔呀! 我平日都唔會遲到, 但番工唔夠兩個星期就遲到 2 次, 真係撞鬼 !! 不過呢, 我今日都叫提早試o下做秘書o既滋味啦, 因為個秘書今日請半日假, 所以下午得番我一個做o野o乍, 但原來壓力仲大, 好辛苦, 好驚做錯o野, 我真係唔知佢放假o個陣我點算 !

哎呀, 我都唔知再寫咩好啦, 不如今日就咁算啦. 哈哈……………………………
(我開始懶啦………………………)


>>June 17, 2003 at 11:11:31 PM GMT+8

2003 年 6 月 14 日 星期六 【雨】

我好唔開心...................... 我好唔開心............................... 我好唔開心呀 !!!! 我 d 日記點會唔見晒 o架, 咁而家點呀............................... >.<

人地本來今日好開心o架, 媽媽買o左好多o野俾我食, 有一個 10 幾磅o既西瓜, 一盒雪糕, 同埋煮我好鍾意食o既 '草菇波波炒西蘭花", 點知呢 d 咁不幸o既事竟然發生響我身上, 仲有呀, 呢篇日記都係重新寫過o架, 唉 ~~~~~~~~~~~~~~~~~ 浪費晒我 d 心機 !!! 我唔制呀 !!!

算啦, 我今日無心機再寫啦, 響度只想同大家講聲 sorry, 因為我聽日放工之後仲要番樹仁聽一個講座 (6:30 - 9:30 pm) 番到屋企已經好夜啦, 所以我聽日唔會寫日記. 仲有就係, 呢個講座係連續三星期o既, 即係話我會連續三個星期一唔寫日記. (你地唔介意呀o麻 ?? )

好啦, 今日就寫咁多先啦 (本來唔止咁少o野o架..................... >.< ) 星期二見 !!!

>>June 15, 2003 at 1:18:27 PM GMT+8

2003 年 6 月 14 日 星期六 【雨】

今日係美好o既星期日, 除o左唔駛番工外, 我媽媽仲唔知 short o左邊度買o左好多o野俾我食 tim, 好似有一個西瓜 (10 幾磅o架, 我拎o架 ) , 一盒雪糕, 仲煮我最鍾意食o既 "草菇波波炒西蘭花" tim. 而我個妹呢, 就買o左個生果蛋糕慶祝父親 (啍 !!! 我生日唔見佢地咁好死o既呢 )
哎呀, 佢地咁做, 我仲點減肥呢 ????????

今日有兩樣幾開心o既事, 第一係黃秋生做o個套 "黑白森林" 有吳廷燁呀 !!! 大家可能唔識佢, 其實佢都有份做 "無間道" o架, 佢做o個個初初唔鍾意 andy lau o既高級警察呢, 如果有睇 "大陸版本", 佢就係臨尾 "扣" 劉德華走o個個....................................... 仲諗唔起................................ 唔緊要, 大家有冇睇 atv o既 "我和彊屍有個約會 2" 呀, 佢係對張文慈好痴心o個個 --- 堂本靜. 我好鍾意佢o架, 佢響亞視捱o左咁耐, 終於有出頭啦............................... ^.^

第二件開心o既事就係........................... 我而家計劃緊去 "珠海園明新園" 呀, 兩日一夜都係 $200 乍, 哈哈......................... 我諗住做完呢份工就去, 媽媽同妹妹就一定會陪我去, 而爸爸就要睇o下請唔請到假, 真係諗到都開心呀.................................. ^.^ ^.^ ^.^

最後, 我要響度同大家 say sorry , 因為我聽日放工之後要番樹仁聽一個講座 (6:30 - 9:30 pm) , 番到屋企太夜啦, 所以我聽日唔會寫日記, 希望大家原諒我啦 !!! 仲有就係呢............................ 呢個講座係連續三星期o架, 即係話我會連續三個星期一唔寫日記o勒, 你地唔會嬲呀o麻 !!!

咁好啦..................... 星期二見, bye bye !!

>>June 15, 2003 at 12:07:23 PM GMT+8