| 日記 | 日記主簡介 |
||||||||
2004 年 4 月 4 日 星期日 【晴】 起身之後..飲左碗湯...跟住就換衫出去同歡食飯... 食完之後...欣就黎到lu...行左陣...去左夾公仔! 又夾到兩隻lu...哇卡卡!一隻$2夾到...一隻$1夾到...哈哈! 好開心...不過之後夾左$30幾都夾唔到lu... 不過唔緊要啦...因為夾公仔真係好好玩... 我好在乎個過程囉...夾唔夾到公伙都唔緊要! 當然俾我夾到公仔既話一定會好開心啦!哈哈~^o^ 夾夾下公仔收到小碟既電話...佢話好悶! 問我介唔介意一齊去行街...梗係唔介意啦..俾阿欣"恨"到啦! 佢一直都想見bb既...哈哈!今次見bb又唔同左樣喇... 不過一樣咁得意..見到我即刻笑呀!天天真係好得意唷~ 我地去左沙田snoppy land度影相相...哈哈! 我一直都"咩"住bb架...bb扭眼訓...仲o係我度訓著左tim...好好好可愛呀! 行到七點幾就去食飯...食住我又幫小碟"咩"住bb...餵bb飲奶..卡卡! 今日好開心呀...返到屋企都九點幾lu.. 跟住就即刻上網整今日影既相..影左好多呀... 整到十二點幾先去洗白白...哈哈! 唔知點解唔想訓覺覺住..但係其實好眼訓囉! 聽日仲要上廣州架... >>April 6, 2004 at 6:14:41 PM GMT+8 2004 年 4 月 3 日 星期六 【晴】 今朝點幾鍾先起身...之後又係急急腳咁刷牙洗臉換衫.. 兩點鍾落去樓下等媽咪...去飲下午茶! 飲完都三點幾lu...去行左陣街!買左個地拖..當然係非一般果隻啦.. 百五蚊架...又買左件衫...一條褲...我仲買左件衫俾媽咪.. 我d錢就係咁無晒lu...慘!不過唔緊要啦...最緊要就係駛得開心嘛!^.< 唔...五點幾去左肯德基食左少少野!六點就過pizza hut等嬤嬤!! 去pizza hut食晚餐嘛!!新出個pizza都唔好食既... 勁多芝麻囉...嬤嬤係咁o係度嘈...又話多芝麻...乜都嘈一餐!好q煩呀... 食完行左陣tim...之後就返屋企沖涼洗頭lu.... 今晚有個意外收穫...其實前兩日我開始send返message俾阿傑... 佢又覆我喎...我已經好開心架喇!但係尋晚佢仲打電話俾我呀... 不過傾左一陣咁多咋...><" 阿傑:希望你快d搵到份good job啦!^.< >>April 4, 2004 at 10:47:44 PM GMT+8 2004 年 4 月 2 日 星期五 【雨】 跟住就起身刷牙洗臉換衫...落去酒樓等阿嬤!! 飲完茶之後就去左郵局交水費...好多人呀!排左幾耐隊呀.. 阿欣又要交喎..但係又鬼死咁遲先黎喎! 我交完佢都未黎到...又要我幫佢再排過!><" 咁交完之後..我地去左買六合彩..哈哈! 之後我地去左食車仔麵...食完又去夾公仔! 哈哈...今日我地既成績食四仔呀!!有進步...唔錯唔錯! 之後咪四周圍行下咁囉....行到唔記得幾多點返左屋企lu... 夜晚約左阿華食飯...八點三出門口! 佢今晚放九點半呀...我地去左食吉野家... 食完去左灣仔海旁....影下相相..傾下計咁啦! 之後行返過中環碼頭...點知去到中環天星已經十二點十分喇! 激死我...搭返101去紅磡火車站....點知上到火車站...尾班火車已經開出左lu... 當時真係唔知點算好...好想喊呀!嗚嗚... 其實有諗過去媽咪度訓...不過又驚...唔知阿叔o係唔o係度嘛!! 咁咪行返上大堂..睇下有咩車搭囉! 見到N271..咪諗住搭返大埔...再轉小巴囉! 唔...當時又醒唔起可以落旺角搭小巴喎!真係蠢呀~><" 哈哈...我o係架N271度拎部相機出黎周圍影...影條街囉... 影到cyber..348..哈哈!當架巴士去到旺角果時... 仲見到有個男人跳過條圍場...跟住.....趴左o係樹囉! 都幾攪笑下架...哈哈!^o^ 不過當時我好眼訓...所以醒唔起拎部相機出黎影低佢囉... 諗返起都覺得好笑呀...真係趺得幾有型下架!呵呵~~ 唔知幾多點...終於都到大埔喇...我係勁暈架囉!@_@ 咁唔搭得車係咁架啦...抖左陣..再轉小巴返上水! 唉...成二點幾三點先返到屋企...勁慘呀!><" 又無人理我喎...阿華一早訓左覺!激氣... >>April 4, 2004 at 10:38:35 PM GMT+8 2004 年 3 月 31 日 星期三 【雨】 飲完就搭車出藍田搵豪仔!佢o係巴士站等我... 跟住兜左個圈就上左佢屋企lu... 嘩嘩嘩...佢間房真係好好好亂架...><" 唔..傾下計咁囉..又玩下自拍..聽下歌咁! 未夠五點就搭返車走lu...去到華明村再搭70K去天平村.. 約左阿欣今晚食飯嘛!^.< 唔...見到阿欣之後又去左龍豐夾公仔...今日有好好成績呀... 唔駛十蚊就夾到兩隻...一隻青蛙...夾佢屁股兜佢落去..哈哈! 另外一隻係sony cat..俾我如來神掌夾到... 好耐都未試過lu...第一次呀!哈~次次如來神掌都夾唔到既...呃人架!><" 後尾再去另一個商場...又俾我$6夾到一隻pooh返黎..哈! 最近我同阿欣既成績真係有進步呀!呵呵~ 今日有三隻公仔進帳...開心! 其實我今日o係藍田都有夾過架...夾左十蚊到啦.. 不過都係夾唔到...可能無心機夾啦! 豪仔都夾唔到呀!! >>April 1, 2004 at 4:12:35 PM GMT+8 2004 年 3 月 30 日 星期二 【雨】 好悶呀..都唔好睇既!睇完都五點幾lu... 今晚約左媽咪去萬麗酒店食buffet...出到九龍落狗屎!><" 又影左好多相相喇...哈哈! 我同媽咪既合照啦...媽咪好屎呀....唔識用數碼相機影相呀! >>April 1, 2004 at 4:04:13 PM GMT+8 2004 年 3 月 29 日 星期一 【晴】 同我阿嬤&阿欣...飲完茶之後去左夾公仔...勁呀! 俾我地夾到四隻公仔呀...勁呀! 三隻都係阿欣夾到架...我只夾到一隻咋!><" 夾完之後就去左醫院o勒...係我睇醫生姐..阿欣陪我! 唔....等左幾鬼死耐呀!唉...訓著覺咁滯呀! 我地有帶口罩架..仲影左相相tim...哈哈! 未試過帶口罩影相嘛...哈哈~ 睇完去左M記食野...食完又去左夾公仔... 今次我又夾到隻喇...今日有五隻!業積唔錯丫...哈哈! 今日好開心呀.... >>April 1, 2004 at 3:57:53 PM GMT+8 2004 年 3 月 28 日 星期日 【晴】 真係慘慘呀..諗住會有人約tim...哈哈!><" 唉...點解我會咁既..俾著以前我真係唔會係咁架囉... 點解我會咁掛住一個人...我自己都唔明...不過呢d野真係唔到我去控制囉... 係咁啦.... >>April 1, 2004 at 3:38:10 PM GMT+8 2004 年 3 月 27 日 星期六 【晴】 唔知點解會咁既呢？我以前都唔係咁既.. 點解我會咁...唔通我真係變左...唉! 我真係唔敢去諗呀! 人就係咁架啦..當你有既時候...你唔好好咁去珍惜! 當人地對你好既時候...而你又對人理不彩... 到人地唔理你既時候...你又掛住人...唉!! 點解人係咁犯賤既？唉~我都唔識講呀! >>March 28, 2004 at 7:54:07 PM GMT+8 2004 年 3 月 26 日 星期五 【雨】 不過出面又凍又落雨..而阿華又唔係咁舒服.. 所以我到最後都係無出到...今日成日都o係屋企.. 無出過去...希望佢快d好返啦! >>March 28, 2004 at 7:50:15 PM GMT+8 2004 年 3 月 25 日 星期四 【雨】 我o係度祝佢地生日快樂.... 今日無做過咩囉...7點幾同阿欣出左黎... 又去左夾公仔...一蚊夾到喇..之後夾左十幾蚊都唔得!><" 九點鍾就去打邊爐...同阿欣&歡囉! 我地仲影左好多相相tim...咪個白痴歡囉...呵呵! 打到唔記得幾多點lu...十二點未夠就返到屋企啦! >>March 28, 2004 at 7:48:32 PM GMT+8
|
|
寫這個日記既目的..係想我既親戚朋友知道我每日所發生既事情
nope...
<br>is v人氣: 39981
Design & Scripting by ShowHappy.Net