| 日記 | 日記主簡介 |
||||||||
2004 年 9 月 2 日 星期四 【晴】 祝佢快d應承同某某人一齊..sweet sweet!!^^" keep fit成功...尋夢成功!yeah~ 恭喜恭喜~~ 雖然今日係karen既生日..不過我都無出過屋企門口半步! 一直留在家裡上網....整相相!終於完成喇....開心!^.< 泰國之旅----五日曼谷巴堤雅...終於都得睇喇!仲有我地d靚靚泳裝照~haha.. 直到夜晚七點三先出門口....同karen一齊dinner~ 原本一同dinner既人有:candy..kk..歡..老鼠..karen架! 點知candy臨時話要收夜...無計啦! 老鼠無啦啦甩底...估唔到鼠鼠係d咁既人黎架! 而小歡歡呢就..學生嘛...so無咩經濟能力... 唔好講歡啦...我都無錢錢啦!因今個summer hoilday真係太多的活動! 散盡了我的身家性命財產喇!ha~ 咁七點三就出門口...去左新都幫嬤嬤整眼鏡! 之後就周圍行下咁..睇下東海堂...美心…金龍船咁!! 睇下有無靚靚蛋糕嘛!!^^” 之後去左”禁”錢錢..無錢錢嘛!去完旅行之後真係窮過乞丐呀~ 無耐karen都黎到喇..我地去左紅樹林dinner.. 呢間野個場都ok架..不過我地坐既位就唔多掂囉! 咁岩無晒卡位...激氣! 好o勒..點菜!karen叫左個海鮮焗飯..我叫左個海鮮焗意粉+一個芝士焗青口! 碟意粉唔掂囉我覺得...個青口就ok...仲有薯蓉底tim..正呀! 我個意粉..同karen個飯都食唔晒...bad bad...浪費食物呀!><” 找數都係$150..今餐我請!禮物就稍候補上..hehee~ 食完我地就去左冒險樂園度玩!Karen傻架... 佢”暢”左$60...黎玩公仔機呀!到最後咪又係一條毛都無...><” 差唔多十點鐘喇...就去搭巴士入天水圍! 上到車無耐就收到candy小姐既電話! 佢又唔開心囉..所以我就要開解佢啊! Candy呀...點解我唔開心果時..你又咁識講野..咁識鬧我! 話咩唔值得之類....難道你男朋友又值得你對佢這麼好嗎? 男人..唔駛對佢咁好..唔駛咁緊張佢架! 你清醒d啦...我知道講係好容易...做出黎就比較困難! 但你都嘗試一下囉...盡量控制一下自己啦! 呢個世界無話無左邊個係唔得架....hody都咁講啦! 你仲有我地嘛....朋友係永遠既!我地一直都會o係你身邊~支持你! 唔好再亂咁諗喇...知無? *********************************** 終於入到天水圍喇...都唔記得幾多點lu~ 約左歡o係OK等...歡一黎到就話:仲乜黑左咁鬼多? 話我地好似舊炭咁...真係傷心呀!唉~ 俾人話似舊炭喎...都唔知幾時先白得返晒~慘!><” 之後一齊上左百佳...我同歡搜求蛋糕! ha..我地最後買左個所謂既雪糕蛋糕! 仲有薯片..汽水..蠟燭..haha~搞笑! 期待~ 買完就直上歡屋企.. 去到就食著片...睇電視! 差唔多十二點鐘喇...不過差dd啦...未到既~ 我就同歡整個cake..點蠟燭咁啦! 整好歡就熄燈...跟住一齊拎個cake出去! Then當然要唱生日歌啦!music~~~ Happy Birthday to you, Happy Birthday to you, Happy Birthday to karen, Happy Birthday to you...yeah!!! 未吹得蠟燭住...hold住~ 我地影下相呀..拍下movie咁啦! 跟住就吹蠟燭..許願...切蛋糕+食蛋糕! 個蛋糕味道都ok喎...haha! Karen:唔知你有咩感覺呢? 雖然人唔多...但係我都覺得幾特別丫~個蛋糕!haha~ 算係咁啦...有雪糕蛋糕食喎! 最多出年同你大排延席啦...haha!! 食完蛋糕都無咩特別lu... 歡就上網+傾電話囉! 而我同karen我就睇電視!玩下呼拉圈咁~ 哈哈...終於到我上網喇...haha~ 打日記...新鮮滾熱辣架~~ ! >>September 3, 2004 at 7:12:26 PM GMT+8 2004 年 9 月 1 日 星期三 【晴】 上網..真辛苦呢!咁辛苦為乜..為左整相相!! 為左可以俾我d朋友仔睇我去泰國旅行既相相... 只係短短五日...我地六個人就已經影左七百幾張相! 你要知道...upload相係一件好辛苦..好晒精神既事! 我對眼真係就快可以煉到金精火眼!><" 整到個人好炆..都唔知幾時先整完! 整到兩點半..就去左拖地! 熱鬼屎...拖完就去左沖涼洗頭..成個人爽晒!^^" 跟住拿臨換衫出去..搭van仔落聯和墟!! 約左司馬拎相相...係泰國既泳裝照..haha~ 落到去四點幾..去左仙桃園lunch... 叫左個湯米..炸玉子豆腐...茄子...食得好飽飽! 行左陣就搭去搭車...見到penny呀!haha~ 問佢幾時得閒帶我地去行山...^.< 返屋企之後去左曬相舖整CD... 舖頭d人話我傻豬喎...唔曬相果時整埋! 如果一早o係曬相時整埋就+八蚊... 而家就貴好多咁話喎!咁我咪問佢幾錢囉..佢話$20... haha...我就話廿蚊o者...呵呵!都唔係好貴貴...嚇得我丫!^.< 佢話聽日先有得拎喎...我係咁爹佢..話要今晚拎..haha~ 搞笑...於是留低左電話...叫佢今晚整好就打俾我黎拎!! 返到屋企都係六點鐘! 上網..玩電腦果時..我房盞光管眨下眨下... 熄下著下咁...唉!燒硬啦... 後尾咪就係燒左喇...黑媽媽望住部電腦係一件好辛苦既事! so o係我好唔願意既情況之下...都落左實惠買返支光管! 返到黎裝...唔係裝唔到!係唔知邊度甩左樣野... so...就無光管喇..好辛苦呀...對眼!@.@" 十五分鐘之後...大概係九點鐘! 樓下相舖打電話黎...話隻碟有得拎喇! 激氣...又熱喎...換左衫..又要著返... 今日都唔知出出入入左幾多次囉...炆~><" 唔係講笑..真係好辛苦呀!so...九點半就offline去睇金枝玉葉!^^" ******************************* 多謝歡既關心..你知我一向心急架啦! 一整就想快d整好佢...唔好停! 一停又唔知仲要整幾耐...唔知幾時先有得俾你地睇! 所以我咪唔休息係咁整囉! 多謝brenda既關心... haha...可能真係食得飽得滯卦... 唔知呢...我腸胃不嬲都唔係咁好架! 下次我會控制一下架喇!thx~^^" 小白:有機會我一定要同你去旅行.. 同埋brenda & 歡歡...要玩得好開心既!^.< 唔駛sorry...你都有你自己既朋友仔要見... 不過真係時日無多...唔知我地仲可以見到幾多次面呢? 唔捨得你啊...不過我預祝你順風啦! >>September 2, 2004 at 3:58:52 PM GMT+8 2004 年 8 月 31 日 星期二 【雨】 整下相...好辛苦...估唔到去左泰國五日...返黎可以有咁多相!><" 約左karen三點鐘...出去果時仲見到黃兆基...haha~ 去左bank先...之後陪佢去左KFC食! 食完去左Broadway買電話...佢真係有錢啊! 我都想換機啊!部LG真係垃圾...><" 行到四點九...karen就返屋企! 我就搭火車出紅磡...約左媽咪食buffet~ 我地今次去馬哥孛羅太子酒店入面既香味屋! 今次buffet d菜式幾岩口味喎...不錯不錯! 平時去食果d都唔岩胃口既...香味屋都只係$248/一位! 價錢都ok啦...仲有冬陰公飲tim....o係泰國都係飲呢d.... 估唔到返到hk都係飲呢d...我都幾鍾意飲冬陰公架!^.< 我地食左兩個多鐘頭啦...都好似無乜點停過口咁..好飽飽啊! 唔..呢度有得食馬來西亞同印度野...超正呀!^.< 上次同完summer佢地去重慶大廈食完呢個印度咖喱之後... 都鍾意左食..haha!!今晚都有燒雞食呀..正!有個印度師父o係度! 不過今次我無食到燒餅啊...因見唔到有咖喱汁...串燒都好好味! 去完泰國返黎之後...銀包剩餘二百多元...銀行又所剩無幾! 不過今餐我都要請架喇...因為媽咪27號生日嘛!!補返請媽咪食飯... 媽咪:粗粗地食住餐先啦....haha!^.< 跟住同媽咪行去碼頭果邊搭車返火車站....之後就自己搭火車返屋企! 返到屋企都未夠十一點....跟住沖涼上網...好累呀! 個肚唔知咩事爆痛囉....去左兩次廁所都仲係好痛... 可能食得飽得滯啦...今次都已經無食生"豪"架啦!><" 好痛呀...都唔知要痛到幾時...慘慘!好辛苦啊~ 我最怕肚仔痛~~~~ >>September 1, 2004 at 7:55:37 PM GMT+8 2004 年 8 月 30 日 星期一 【雨】 哈哈...爺爺嬤嬤開心呢!我去完旅行返黎同佢地飲茶... 係咪好耐無飲過呢...hehee~ 飲完就返左屋企lu...人地吹我打日記... 咁我咪打囉...五日既行程...打到我屎屎下.... 計埋而家呢篇...今日共打左七篇日記...勁哩! 就連我自己也不敢相信呀....好累!真係打到手抽筋...haha~ 今日都無咩可以講...咪打日記打日記...再打日記囉~~~ 係咁先~ >>August 30, 2004 at 8:35:48 PM GMT+8 2004 年 8 月 29 日 星期日 【雨】 我一概不理...屋企電話都俾我"晾"起左....好鬼累嘛!訓覺大過天~ 差唔多啦...訓左十二個鐘...但都仲好累...好想繼續訓! 起身就執野...洗衫....二點幾煮左個麵食! 食完d衫就洗完...晾埋d衫佢..就上網整相~ 我upload左去爺爺度bbq既相同埋送brenda機既相上網喇! 大家快d去睇下啦... 四點幾沖涼洗頭...之後繼續上網... 七點二倒同嬤嬤落樓下"燒衣"....農曆七月十四日嘛! 返到黎...一路上網上到十點九出左去! 歡約我出去...好耐無見喇...俾埋d手信佢!! 我著睡衣落樓咋...無所謂啦!點知仁同小白都黎左呀~ 開心呀...因我想見小白...haha~ 但係估唔到...係我同小白傾計囉...傾去泰國玩左d咩咁.. 而仁同歡就呆左咁坐o係度!呵呵~ 阿歡衰呀...約人出黎又唔聽人講野! 十一點半就走lu...返到屋企繼續上網整相! 到兩點半先捨得去訓覺...因為我對眼已經頂唔順喇...><" >>August 30, 2004 at 8:19:26 PM GMT+8 2004 年 8 月 28 日 星期六 【雨】 起身即刻沖涼洗頭...梳洗完就執野...放行李出門口...九點鐘食早餐! 九點半集合上車....o係車度又訓覺喇...但係又迫又熱...訓唔到! 點解呢五日既泰國之旅....我地都係六個人迫埋一齊坐五個位! 真係好迫囉...搭左兩個鐘頭車!終於去到第一站蛇園.. 無咩好睇囉...不過用蛇做出黎既藥...真係好吸引...個女人講到好似仙丹咁!! 不過價錢就當然貴到嘔啦!><" 十二點半出發去食飯...一點鐘到左BAIYOKE SKY HOTEL食buffet~ 呢一餐食唔包既..要自己俾錢...500銖....為港幣$100啦~ 不過我地都無咩點食到野....因為先前o係車度勁食零食... 皆因我地實在買得太多喇...拎唔到...所以要o係車度係咁食囉! 我同candy都話....咁大個女都未試過食薯片食得咁認真架!haha~搞笑! 呢間酒店好似係Bangkok最高既建築物...樓高84層! 我地食buffet o係76樓...而84樓就可以飽覽Bangkok既景色!個台仲識轉架... 三點上返旅遊巴出發去機場...我地六點機! 哈..點知落大雨...又行雷閃電... 唔知係咪因為咁...所以班機delate左半個鐘...變左六點半! 咁我地未夠六點半就登機啦...好累!所以無耐我就訓著左... 一醒返已經七點幾....加加埋埋班機delate左成個半鐘頭囉! 終於都起飛喇....我突然成個人精神晒! 係咁同後面果三個玩...karen..司馬 & 佢妹妹! 我隔離果兩個candy同rachel就覺覺豬~ 香港時間十一點落機....跟住check-out... 等拎行李...等左鬼屎咁耐...諗住搭的士返上水... 但係d的士佬寫到明話無價講....so我地又行返轉頭搭巴士! 十二點先開車...十二點九落車....落車幫karen放d行李上的士... 佢就好啦...可以搭的士!我就唔得喇..鬼叫我屋企近火車站咩!! 一點鐘先返到屋企....好多野呀!抽住一個handbag...&一箱野...背住兩個bag..勁慘囉! 好重呀...返到去屋企樓下...個護衛仲幫我按lift...同我拎埋d行李tim..haha~ 因為我好耐之前已經識佢架啦嘛...thx~ 返到去...野都唔執...就即刻沖涼訓覺喇! 兩點鐘倒啦~ *************************** 總括黎講:呢個旅程一般啦.. 無我想像中咁好反...最好反咪遊水果日囉.. 食就差到唔知想點咁...學司馬同candy話齋...真係我地自己plan既行程仲精彩過佢!! >>August 31, 2004 at 9:44:09 AM GMT+8 2004 年 8 月 27 日 星期五 【晴】 Happy Birthday!!!可惜我唔o係HK~ 不過媽咪都開心啦...請假去左反反!haha~ 希望你玩得開心d啦~^.< 唔記得幾點食早餐喇..真係慘...黎到無啖好食...剩返食菜同蛋蛋... d菜都唔知咩菜黎架...好似食樹葉咁!!><" 司馬最慘啦...無胃口...又無"送"食...攪到好似剩係食白飯咁!! 食完就坐船去一個平台度玩降落傘...我無玩呀! 得candy同rachel兩個玩...等到呆晒! 等到d人玩完晒...又搭返船出發去珊瑚島...yeah! 陽光與海灘....搭船果時勁好玩啦....未去到珊瑚島已經濕晒! 六個人我濕得最勁啦...haha...又"登"喎!屁股都飛起呀...真係幾好玩架!^.< 我地係咁尖叫囉...呵~我諗去到大概都係十點鐘鬆d.... 聽佢講解下...我地登記!玩左兩次香蕉船..一次水上電單車...超好玩囉! 香蕉船麻麻啦...就咁撻落水咋嘛!!玩水上電單車先刺激呀! 我同candy一架...rachel同司馬妹妹一架.... candy手車勁辣囉...嚇鬼到我丫!之後佢俾我開...估唔到我都....haha~ 一樣咁辣...不過就無佢開得咁順囉...坐o係我後面既教練...我諗佢仲驚過我地囉! 有一下我地差d拋左落海..嘻嘻!個教練都要扶實d...驚驚!^.< 肯定話緊我地都傻既...我地兩個都踩行晒油...呵!我仲差d撞埋架船到tim~ 勁搞笑囉...好好反~下次一定要再玩過! 玩完我地去左遊水水....影下相咁!! 到左十二點就食飯...有魚蝦蟹食...不過我都無乜點食到! 今餐我地自己六個人一張檯...好開心!食得好自在囉... 人地八個人一張檯都食唔晒d送...我地六個人一張檯...d送好快就無晒!哈~ 我地都幾有料架...千祈唔好當我地係"流"既~hehee! 一點食完搭返船出去...返hotel...買左上船既相相! 沖完晒涼都只係兩點三....三點半先o係lobby集合去按摩! 我地見有時間...所以出左去行街! 今次karen有去呀...不過司馬同佢妹妹無去到! 我地又分開行...哈!rachel去左Wacoal...candy去左Levis... 我同karen去左Boots....我買左野呀!係用黎落妝既... 之後去左Big C買野食...而candy同rachel去左"delifance"←唔識串...食野! 走之先我都去左果度買左兩個eggs salad同一個雞批... 返到去酒店時間岩岩好...見仲未人齊...咪上房放低d野囉! 俾左一個eggs salad司馬...其餘自己食晒...增肥囉!>o< 三點半喇...等齊人跟住出發去泰式古法按摩.. 勁搞笑囉...幫我按摩果位姐姐仔...偷睇我同candy換衫....haha~ 佢識講廣東話架...問我幾多歲...咁我咪話21囉...佢話我靚女喎!呵~ 佢真係可愛...佢仲同我講話佢自己23歲...老咁話喎! 我話唔係...你都好靚女丫....haha!佢仲幫我踩背tim... 有一個動作...係打座....跟住半邊身向左咬(同音)..向右咬(同音)咁既... 第一下向左咬(同音)...我即刻尖叫左一聲...candy見到都嚇親! 佢立即指住係咁say no no no...haha~我都嚇親呀!^^" 按左兩個鐘...跟住返hotel...都係六點鐘倒! o係酒店食buffet...食完未夠七點半...我地去左MIKE SHOPPING MALL邁利商業中心度行街! 個商場入面又係有好多Wacoal..Levis..Lee等等.... 佢地一見到Wacoal就即衝入去..變態架! o係呢個商場買野有95折...約左九點半集合去食宵夜... 跟住我同candy & rachel要去做SPA...司馬佢地三個唔去...... so佢地都唔join去食宵夜o勒....自己繼續行! 咁我地準時九點半去到集合地點!我地去左大光明魚翅酒家... 食呢個魚翅...我都話左唔食架喇! 唔食又要迫人食...叫人試少少...最後咪又係要我夾返份...><" 咁又無左200銖...又要對錢喇!唉~ 好快食完就搭專車去到呢個SPA VIEW海景..做SPA~ 成團39個人...都只係得六個人做...一個媽媽...一對兩公婆...加埋我地三個姐姐仔! $500港紙呀...而家香港d姐姐仔真係捨得呀...唉! 上到去講明話可以一個人一間房架嘛!點知到頭黎同我地講話無房...叫我地兩個人一間房! 咁我地梗係屎人都話唔制啦..果度d人又無禮貌喎! 我俾錢架喎!大佬..2500銖架..為起港幣成$500/位架嘛!肉赤屎呀~><" 去到首先洗左個白白...跟住濕蒸...再乾蒸...浸浴... 入房開始...我都唔知佢幫我做d咩喇...因為我好眼訓... 好舒服咁訓著左....一時又俾佢拍醒唔知叫我做d乜! 最後果個牛奶浴加花瓣...都唔知咩黎架!白痴... 後尾有燕窩..一個小cake..一杯所謂既養生茶..四小件生果俾我地食.. 加加埋埋...都只係做左大概個半鐘既時間! 搭返專車返酒店...返到酒店都係點幾鐘! 我敲門又無人應喇...又要麻煩candy佢地打電話俾karen... 真係丫...原來karen無訓到覺...睇緊電視! 不過聽唔到我敲門囉....><" 好眼訓呀..zzzZZZZ~ 我整下呢樣整下果樣...執下野.. 因為聽日就係最後一日喇...所以執定d野..聽日可以訓晏d嘛! 聽日八點鐘先morning call...^^" 執得七七八八...二點三就去左覺覺lu~ >>August 30, 2004 at 7:23:50 PM GMT+8 2004 年 8 月 26 日 星期四 【雨】 所以要執拾行李...七點半放晒d行李出房門口...我地又遲喇! 同尋日一樣...八點鐘先落去食早餐!八點三集合..認埋d行李就上車... 八點半開車...去第一站寶石廠...搭左一小時十二分鐘車先到! 即係九點九...入到去首先聽左個講坐! 原來八月份出生的人..幸運石係"尷"欖石...我一早知啦!嘻嘻~ 聽完同司馬去左餐廳坐...之後佢地都黎埋!我同rachel & karen去影相... 跟住十一點出發去第二站TIGER ZOO老虎仔樂園.. 十一點九去到...首先到S & R RESTAURANT享用午膳~ 食完就周圍行下...睇左溫馨家庭..入面有狗狗..老虎..豬一齊! 牠們自小就一齊生活架喇...真係好溫馨喎!哈哈...仲有老虎BB飲豬奶...好得意! 睇左好多野...詳情唔講咁多...想知就直接問我啦! 一點半集合上車...一點九開車... 兩點半去到第三站金三角蜂園...佢地預備左d蜜糖水俾我地飲! 好甜丫...介紹下佢地公司既產品...講到好好咁...好吸引...不過好貴無錢買!><" 好想買俾爺爺同嬤嬤架...產品包括有蜂蜜..鮮王漿..花粉等等! 奈何我沒有金錢呢...可惜! 三點四集合...出發去酒店!大概三點九到達目的地....A-One Hotel.....間酒店係船型既! 分房喇...講左六點三大堂集合...即係仲有兩個鐘時間! 我地上房喇!間麻麻啦...我都係鍾意bangkok果間多d...一入到房..兩張床係拍埋一齊架!haha~ 窗廉好似水手服裝咁既colour...藍白間....唔錯!仲有一個大水泡型鏡子! 但係我唔係咁鍾意..一起身就見到自己個樣...有d恐怖!><" 等d行李到左...又執下野...見仲有時間...我地就行左去Big C.. 好近咋...行出去都唔駛十分鐘...karen又唔出..o係房度訓覺! 我地又分開行...我同司馬兩個人!果到又有Wacoal..Lavis..Boots..都ok多野行架! 我地仲去左Dalifance←唔識串...買左個 eggs salad! 好好味呀...香過香港果d...之後就返左hotel...大概六點鐘倒啦! 我以極速既時間沖涼洗頭...六點三準時落到lobby集合! 等人等到六點半...出發去今日第四站既艾蘭卡唔知咩鬼... 七點鐘去到...食dinner先..又係自助餐囉! 果度既環境唔錯架...我個人覺得幾靚囉! 原本係八點鐘開show....點知提早左十五分鐘.....咁我地食到七點九... 之後就o係出面影下相咁....真係好靚呀!仲有煙花睇...哈~ 八點三先至開show...我唔知呢d叫做話劇定係咩啦..但係我覺得好精彩囉! 不過睇到佢地表演..又睇唔到字幕!><" 司馬妹妹同司馬 & rachel就訓左覺...唉!不過睇到我對眼好辛苦... 因為佢有好多激光...我地係o係一個黑媽媽既大影院入面睇架...入面唔淮拍攝! 睇到我流晒眼水...講真架...真係唔係講笑!candy就辛苦d... 凍鬼到佢丫...佢椅子下面係咁吹d風出黎...haha~ 睇到九點三就完場o勒....九點半上返車.... 十點三就返到hotel....原本我地諗住夜晚出去Big C行架嘛!! 點知又落雨喎...咁咪上房..拿拿臨執野沖涼... 無耐就訓左喇...大概十二點幾啦! 好開心...明天出發去珊瑚島!萬歲~~~~^^" >>August 30, 2004 at 5:44:23 PM GMT+8 2004 年 8 月 25 日 星期三 【晴】 八點三集合...但係我地成八點零五分先落去食早餐...haha~ 今日行程既第一站係野生動物世界.... 司馬唔想去...咁我地六人就...各有意見咁啦! 到最後...candy同司馬唔跟團..自己去行街! 咁我..karen..rachel & 司馬妹妹四人就join團出發! 八點三集合...九點半到呢個<野生動物世界>... 都幾大開眼界架...o係香港睇動物係...d動物o係個籠入面...我地o係出面咁睇架嘛! 但呢度就唔係...我地o係架旅遊巴入面...而d動物就自由自在咁o係外面既世界! 我就說笑咁話...都唔知係我地睇動物...定係d動物當我地係動物咁睇囉...呵呵! 動物包括有獅子..老虎..黑熊..長頸鹿..斑馬.....好多好多.. 十點九去睇海獅表演....同Ocean Park無咩分別.. 只係d鯨魚變左海獅咁...大概二十分鐘既表演時間! 跟住自己活動...我去左同老虎仔影相相...仲買左件Tee俾人..做手信! 十二點鐘去左睇西部牛仔...都幾刺激下架個場面! 可惜唔知佢up乜...唔明咩意思!一大班人...都唔知邊班人係同一黨... 有d搞笑場面囉...最好笑真係後尾...爆炸果陣時...d水濺晒上黎... 坐頭果幾行d人全部濕晒....好在我地係坐最高o者!呵~ 睇完十二點半...之後lunch又係自助餐! 一點半集合...二點九去到林來香..唔知乜鬼野公司到睇燕窩.... 我叫左個椰汁燉燕窩...200銖...為港幣$40碗! 我地四個每人一碗..仲叫多左個胡椒豬肚湯... 三點三集合去皮具世家...三點九去到! 俾半個鐘既時間我地行...四點三集合!出發去下一站四面佛... 一落車我地去左M記買雪糕食...果然係又香又滑喎!香港果d同泰國簡直無得比呀! 四面佛呢度應該係市中心...對面好多大型百貨公司... 有ZEN..Central World Plaza.....其實我唔知呢兩幢野有無分別! 呢度有好多Wacoal..Levis...等等既名牌子! 不過間Levis勁細間...d款式又舊喎!而Wacoal就無size & colour....失望而回!><" 後尾收到candy send俾我既sms...原來我地o係同一個商場...咁就join埋一齊... 因為都差唔多時間食晚飯...講左六點三o係M記集合! 我地準時到左...但係架旅遊巴仲未到... 等呀等呀....車黎到果時...竟然見到小白....好開心呀! 我即衝過去同佢影相啦...小白係早我地一日出發去泰國...即23號~ haha...估唔到我地咁有緣...去到泰國都會撞到呢...嘻嘻! 我同小白...candy & rachel係咁影相...搞笑! 之後就要上車喇...小白都應該係等緊旅遊巴...佢係跟永安架! 雖然我地上左車...但係仲有兩個...人未到...咪就係坐我地前面果兩母女囉... 話明要準時到...係人等車...唔係車等人架嘛!咁都遲...都唔知點教女既~ 又無禮貌...唉!之後都決定唔等...剩返個導遊等佢地...帶佢地去食晚飯果度! 我地等到成六點九先開車....今晚食咖喱蟹.. dinner前上左樓上買手信...全部都係食既! 我買左差唔多千四銖....haha....我黎泰國原來係為左買野食？變態架... 揀野途中...竟然俾我見到珊同佢屋企人...嘩...都幾有緣啊! o係香港...佢都係住我隔離幢樓咋嘛..哈哈!搞笑...一日之內見到到兩位朋友... 仲要係o係泰國...好似香港咁!!哈哈...無計啦...泰國平嘛....撞口撞面都係香港人! 買完就落左樓下食飯...果碟咁既野叫咖喱蟹...ha~我都唔知可以講d乜... 八點半食完就坐車返hotel...好累呀! ************************************************** 返到酒店...執下野咁啦! 我地諗住自己出去行夜市....大概九點九倒啦... karen唔出...自己一個人o係酒店...寂寞嘛? 咁我地五個人就搭的士出去市中心...泰國搭的士真平啊! 計返港紙起錶計都只係7蚊雞咋...抵到爛呀! 原來個司機又係車左我地尋晚去過果度....即係NIGHT PLAZA.. 唉...勁無奈囉!我地五個人分開行...我同司馬兩個人...佢地三個人! 我地約左十一點三o係出口等....行行行...其實都無咩睇架! 不過我都買左個手袋仔..自己既!買左兩件Tee...一件自己一件俾人既!^^" 到左十一點三...唔見candy佢地! 等到十一點半先至搵到佢地....遲左15mins!><" 等佢地果一刻真係想自己搭的士走先架!又熱喎..... 不過又驚佢地唔知o係邊度等緊我地......大家都擔心大家...話晒都唔知自己地方嘛!! 之後五個人一齊搭的士...我地想去7-11...但係又唔識行喎! 同司機講...司機又唔明我地up乜...唔識英文! 我地上左兩架的士都失敗而回...要落返車! 第三次上車...都叫ok啦!架的士一路係咁行.... 我地見到7-11就叫佢停車...搞笑!o係7-11買左好多零食... d薯片有d都幾特別架...有隻幾好食...haha~ 買完又搭返的士返酒店....十二點三返到...好快咋喎! 唔...敲房門竟然無人應囉!勁慘...karen訓著左...zzzZZZZ~ 之後要rachel幫我打去房...karen先起身開門俾我! 好眼訓呀...拿拿臨執野...沖涼洗頭...攪掂都成點半鐘lu.... 覺覺豬去.... >>August 30, 2004 at 4:17:47 PM GMT+8 2004 年 8 月 24 日 星期二 【晴】 繼續訓可以嗎？唔得喇...要執埋d"鎖"碎野...我都係抽handbag咋! 好鬼屎重囉...四點十落到樓下...嬤嬤送我車..哈哈! 我地六個人租左van仔去機場...約左司機五點鐘我樓下等! 我早到..好在司機都準時....跟住去天平村join埋karen... 就出發去聯和墟...又話唔識去聯昌街...約左o係教堂等... 點知...唉!個司機都唔知係咪路架....唔識路都有既... 個領隊本身話要五點九去到機場... 但係五點九我地先去到大埔join埋candy同rachel..... 而rachel又遲到喎...唔知醒...唉!so我地六點半先去到機場.... 去到拿拿臨搵領隊...俾passport佢check-in..放低d行李寄倉! 跟住就同candy & rachel"蔥蔥"忙忙咁去左M記買左個餐... 甘返去同司馬一人一半..好快食左佢!!真係狼狽呀!><" 我地果團有39個人囉...全部都係一家大細既..除左我地六個女仔&一對情侶! 都太唔記得幾點入禁區喇...好似係七點四卦! 我地搭八點三機....飛去泰國要兩小時零二十三分鐘...呵! 我地個個都o係架飛機度訓覺...飛機餐真係難食到不得了....我右邊隻耳仔勁痛囉!慘~ 唔記得幾點到曼谷機場lu.... ****************************************** 終於到左Bangkok喇...上旅遊巴...去第一個景點Dream World.. 去到就食lunch先...去左一間叫<自助大餐廳>既地方...成個飯堂咁!! 都幾大下...但係無野食...感覺就好似返左大陸咁!! 一人拎住隻碟...去輪野食咁...不過都係自助拎囉! 我地同行六個人...無一個滿意囉...衰d講句...好似豬食果d野咁!!><" 食完就開始我地既行程...呢度有好多機動遊戲玩..... 第一站我地去左Wacoal..haha! 之後我地六個分開行..因candy & 司馬唔玩機動遊戲! 咁我同司馬妹妹..rachel & karen就四出搜尋有咩好玩... 第一站玩左呢個THUNDER BIRD閃電飛鳥.. karen無玩到..我自己一架...司馬妹妹同rachel一架!都唔係咁刺激咋嘛! 第二站玩呢個GRAND CANYON大峽谷...今次karen都同埋我地一齊玩! 之前去左買雨衣...哈哈!因為呢個game會玩到成身都濕...我地仲除埋鞋玩tim...^.< 第三站去玩呢個SUPER SPLASH海盜船.. 呢個其實好似香港既滑浪飛船咁...有大概有六層樓高啦..haha~ 跟住一衝衝落黎...感覺好正囉!玩完一次...我地再玩多次... 不過karen只玩左一次...好好反!呵~ 原本諗住玩另一個海盜船架..不過無水既! 因為karen話好激架...我去到海洋公園最鍾意都係玩海盜船... 但係點知佢修理中...勁勁勁唔開心囉!><" 咁第四站..亦都係最後一站玩既機動遊戲... 玩左HURRICANE大颶風..其實呢個game香港既冬季嘉年華都有得玩啦! 360度咁轉咋嘛...我覺得好好玩囉...今次得我同司馬妹妹 & rachel三個人玩咋... candy仲拍左我地玩既過程tim...haha~^^" 之後六個一齊行...玩下攤位咁!周圍行下影下相... 泰國時間慢香港一個鐘....三點九集合...搭左個幾鐘頭車... 好累呀...又熱...o係車上訓覺...都訓唔到...熱到個人又炆炆地喎! 又迫喎...因為一落機...我地六個係行得最慢既! 所以剩餘最後排....得五個位...我地六個人咁迫住一齊坐! 五點鐘到左呢個麗都人妖歌舞劇團睇人妖show~ 成五點半先開show...個show歷時一小時十五分鐘...睇到我有d想嘔既感覺! 睇完show出到去....已經有好多人妖企晒o係度!俾我地影相... 每影一張20銖...個價係好賤囉!雖然我係有想嘔既感覺... 但係黎到泰國睇人妖show係一件最普通既事....所以我都同左兩個人妖影相! 之後大概八點鐘去左一間唔記得叫咩既hotel食自助火鍋... 呢餐都叫做ok啦!起碼好過lunch先啦~ 食左一個鐘既時間....九點零五分上車.... 行夜市...NIGHT PLAZA...都無野買既! 原本我諗住買返幾件Tee返香港著...但係唔夠時間行!佢只俾得我地45分鐘既時間~><" 十點三集合...去酒店!大概十點四十分就到酒店... 分左房間之後...就上房等行李.....之後就洗白白... 舒服晒....十一點半先沖完涼.....等埋karen沖完... 我就就o係房度影下相相....呵呵! 咁就完左一日既旅程喇...好累...都唔記得幾點訓著左lu..zzzZZZ~ >>August 30, 2004 at 2:59:19 PM GMT+8
|
|
寫這個日記既目的..係想我既親戚朋友知道我每日所發生既事情
nope...
<br>is v人氣: 39981
Design & Scripting by ShowHappy.Net