2005 年 4 月 17 日 星期日 【晴】

今日剩係去左飲茶咋..跟住就返左屋企..
夜晚...都無做過d咩lu...

>>April 20, 2005 at 8:12:30 PM GMT+8

2005 年 4 月 16 日 星期六 【晴】

好累呀...今朝五點鐘就醒左喇!救命....
七點八返到公司...于姑娘問我做乜咁早返...
我話返黎食早餐....食完就返寫字樓做野....
十點鐘飲左中藥.....飲完個頭好暈呀!
但係又要趕落護理部做運動...暈呀暈呀!
美娟叫我坐低...食少少野!我無食到呀...
咁就坐低抖抖啦.....十一點九就開飯.....
開到十二點三......

其實十二點我都收工lu....不過唔知點解今日唔夠人開飯....
咁我又無咩做....約左karen出MK又未夠鐘...so就o係度食埋飯先走...
咁咪幫埋手開飯先囉!開完飯....到左十二點八落去大排檔買粉食.....
韮菜餃米粉...幫美娟買炸雞翼炸豬扒....食完好飽飽啊!><"
頂住要住......一點五十分就走左lu.....出MK.....

出到去都無買過野....其他唔講咁多啦!
六點就返到屋企lu........
七點沖涼....沖完涼頂唔順...好眼訓....
o係sofa度訓著左.......起身時已經八點半lu...
連殘酷一叮都無睇到...><"
咁見無電視睇...又眼訓....索性上床訓覺!

>>April 17, 2005 at 8:55:31 AM GMT+8

2005 年 4 月 15 日 星期五 【晴】

今日放工即刻走....趕住去拎藥...
跟住去聽talk....5:30開始...聽左三個幾鐘....
聽到就訓著咁滯...因為呢兩日我真係覺得自己唔夠訓...
好無精神...個人好累!><"
夜晚成十一點先返到屋企...好累...十二點半鐘訓覺!

今日爺爺出左院喇...
但佢唔肯去姑媽度住住先...自己返左屋企!
真係好擔心佢呢....唔通日日走出去買"送"咩?
條路咁鬼遠...真係擔心佢有咩事都無人會知呀...><"
但係我又開始忙啦...邊得黎咁多時間丫!唉~
好煩呀....

>>April 17, 2005 at 8:58:00 AM GMT+8

2005 年 4 月 14 日 星期四 【晴】

今日咩都唔想講...好唔開心..好煩...好頭痛..心情非常差!
放工去左睇中醫...

嘩...好貴呀!四百幾呀~~~想死呀!!
入不敷支呀...救命!~
各位兄弟姊妹們...唔該今個月唔好約我食飯呀!
無錢喇.....除非你請我啦!哈哈~~~~

>>April 14, 2005 at 8:53:51 PM GMT+8

2005 年 4 月 13 日 星期三 【雨】

尋晚得知爺爺入醫院的消息...但係我完全唔知發生咩事!
因為尋晚上堂.....爸爸又咩都無講...所以尋晚訓得唔係咁早...成晚醒!><"
今朝一返到公司我就打去醫院問爺爺d資料....
先知道佢幾樓幾號床果d...我都費事打俾爸爸問...><"
唉!今日放四點...即係走人!返到上水買野...蛋糕...豆奶...
橙橙...一碗粥...咁去探爺爺!d鬼好鬼死重...又落雨..
無手拎"遮"....><"

趕頭趕命咁...去到醫院五點三....唔俾入!
要排隊...因為五點半先開始係探病時間!唉...又熱又乜....><"
上到去見到爺爺...即刻俾碗粥佢食....我五點半陪到佢八點半!
講真...其實真係好眼訓....爺爺都叫我走...不過我又怕佢悶喎!><"
爺爺其實都係感冒...把聲就唔係幾講到野咁....好多"談"咁啦!
詳情爺爺都無講我知.....

姑媽真係丫....成七點五十五分先到呀!唉~
咁又係既..佢有自己既生意....唔係話行開就可以行開...><"
都係咁啦....八點半同姑媽一齊走...佢車我返屋企!
希望爺爺快d無事啦~~~~

>>April 14, 2005 at 8:54:10 PM GMT+8

2005 年 4 月 12 日 星期二 【雨】

今日返工......好多野做!但三點準時走左....
去左MK買野....七點鐘又趕返返上水上堂....
好累....今日駛左好多錢....買左$50朱古力...
好得意架...得好少...食包裝....送俾同事O既!^^"

由於今日太早起身既關係...所以夜晚上堂好眼訓!
唔講咁多喇...係咁先啦!
因為都無咩人會睇我日記既....以前就多!><"

>>April 14, 2005 at 8:55:13 PM GMT+8

2005 年 4 月 11 日 星期一 【晴】

今日唔駛返工...因為清明返左..今日補假!
其實係因為今日唔得閒..所以先調左假!
今朝好早起左身...到左八點半公司同事打電話黎問我o係邊!
痴線...我今日補假..唔駛返工呀!好彩我有野做起左圭o者...
如果唔係我一定火山爆發咁鬧鬼佢!!
我明明寫左左版我11號補假架嘛...
點知佢話見唔到...俾人擦左喎!
邊條粉腸未撚到11號就擦鬼左去呀...食屎啦!
炆到我死呀....之後去左bank....than就出左大埔...
約左媽咪十點三o係大埔火車站等...整回鄉証呀!
我之前去左相舖影証件相...但係佢果間話唔合規格...
又要我再影過...激鬼氣!$20得果4張相...唔好去搶~><"
好快就整完啦....之後同媽咪一齊行新達....再去M記食野!
十二點鍾就搭火車返屋企lu...媽咪就返工!

返到屋企我食飯啦....之後落左樓下白普理退返學費....
再報返個課程...玩野!多鬼餘...
搞到我又要再去多bank一次入票.....
入完就去北區醫院覆診~~~
睇三點...但我兩點鍾去到....差唔多成四點先見醫生...
早知唔咁死早去啦....唉唉唉!!!
睇完就返左屋企...其實野唔講啦~

>>April 14, 2005 at 8:37:29 PM GMT+8

2005 年 4 月 9 日 星期六 【晴】

有樣野唔記得左講呀!!!!我今日得知一個消息.....
就係我地院舍護理部又有兩名院友離開人世....><"
雖然我同佢地唔係好熟....但....知道呢個消息...
個心都好唔舒服....佢地入左醫院都有成個幾月架喇!
始終都係推唔住...唉!希望她們早日安息!
o係另一個世界生活得開開心心啦...
而佢o既家人就快d回復心情啦!

>>April 9, 2005 at 9:41:39 PM GMT+8

2005 年 4 月 9 日 星期六 【晴】

今日星期六．．．好開心呀！
又返左一星期工了．．又放兩日假．．哈哈！
但係我心情仲係忐忑不安．．＞＜”
今日好無聊咁放工就返左屋企．．覺得好悶呀！
但係又唔想出街．．所以就ｏ係屋企睇書，上下網咁ｏ勒！

其實唔講咁多喇．．呢兩日我ｐｏｓｔ左ｄ相上網．．
大家有興趣．．不妨去睇睇丫！ｓｅｅ　ｕ～
http://www.fotop.net/littleyanki

>>April 9, 2005 at 5:29:49 PM GMT+8

2005 年 4 月 8 日 星期五 【雨】

呢兩日心情唔都唔係咁好呢～～＞＜”
唔．．尋日佢地開會有抽獎呀．．雖然無我份開會．．．
但係我抽中左呀．．．不嬲都無咩抽獎運既我．．．
o係呢間公司做左咁耐..抽過兩次獎！
竟然兩次都抽中我．．．連老細都話我好運！哈～
上次團年飯抽中左大獎．．．今次好似係最尾先抽中我．．
不過今次無分大細囉．．．因為有間公司寄左ｄ版黎．．．
係護膚品．．．有十幾份卦．．．
三十幾個同事抽！咁都抽中我．．真好彩～哈！

唔．．呢兩日真係好怪呀個心情．．．
一．可能做野辛苦卦．．．
二．可能掛住一個人卦．．不過咁多野做．．我都無時間去諗佢！
三．係為左一件事而唔開心．．．仲喊左兩日．．．唉！
好煩呀．．．救命！好唔想返工．．．．＞＜”

尋日終於都簽左約啦．．．但係．．．係咪真係值得我繼續留o係度呢？
算啦．．．做住先啦！老細同我講左好多野．．老細真係對我唔錯架！
好開心．．個個同事都話老細乜乜乜．．．
其實我都知既．．不過我ｆｅｅｌ到老細對我同對其他同事係唔同ｄ既！＾＾”

今日講住咁多先啦．．．
補充：我要努力減肥呀，公司ｄ個個都話我大隻！
哼．．咁人地生成係咁架嘛！你估我想既咩？
成個男人咁啦．．．唉！好ｈｕｒｔ我呀～嗚嗚．．．．

>>April 8, 2005 at 7:20:12 PM GMT+8