| 日記 | 日記主簡介 |
||||||||
2004 年 11 月 27 日 星期六 【晴】 女童軍既board!哈...不過今日有狗醫生黎探訪....我無出到去呀...于姑娘攪掂!! 不過好好笑囉...我見到少梅拉住隻班點狗.... 我就問少梅...點解係隻狗拉住你走...而唔係你拖住隻狗行既? 場面幾攪搞笑下...我問佢好唔好玩...佢話好玩!haha~ 今日又遲放工喇...整到成一點鐘先走!><" 好肚餓呢...出到新城市去左M記買左個餐...走左去公園度食! 食完就返屋企lu....上網...攪埋公司d野!燒碟...又蝕左隻CD-R...呵! 都成三,四隻喇好似....唉! 三點鐘就出左去....去左晒相! 晒完相打左俾菁兒...諗住約佢早d出黎行一陣... 點知佢都係四點半先到大埔火車站! 我地就係約左大埔火車站四點半等! 都係我同andrew & 菁兒最準時呢! 後尾oscar...miu同liz都黎到lu...咁就一齊去新街市買野.... haha....買買下kathy都黎埋!之後阿kathy同阿miu去大尾督搵爐先... 咁我地五個人就再去百佳買其他野!都唔記得幾點入到去lu..... 佢地搵唔到爐呀...咁就等我同oscar出馬啦...我地一問就...... 嘿嘿....果家人就話讓個爐俾我地呢...真係好好人啊! 上次又係咁....真係good luck....上次同今次一樣好好運!呵呵~ 好肚餓呢...咁我地又唔駛"透"爐....咁就拿拿臨燒住d野食先o勒! 八點幾先人齊呢...唔講有邊個啦...哈!Total有十四個人啦~ 佢地今次玩咩<超級無敵大電視>同另外一個game...不過我唔記得叫咩名! 果個咩"唔係嘛,咁鬼易"....果個呢....哈!不過我無玩呀..睇佢地玩咋!^.< 玩到一點半..阿詩..阿miu..菁兒..ivy就走lu.... 到左兩點半阿liz又走....剩返八個人! 佢地o係度玩非洲話事啤...我都無玩呀! 最尾果舖俾佢地成班迫我玩...嗚嗚! 都唔知係咪成班夾埋做我架...輸左!同埋阿jackel... 又要攬住條腰十秒~~~~~無奈!><" 玩完lu...我地就三點半分兩架的士出返大中..... 咁我同paco都係住上水...所以就一齊搭van仔返上水... 佢問我駛唔駛送我返屋企.....我話唔駛lu.... 都慣架喇....又鬼死咁凍!thx晒~~~~^^" **今晚好多謝andrew件外套...不過佢都唔係咁願借俾我架咋! 呵呵.....anyway thanks la.....如果唔係我都凍死左喇! 我地都算近海嘛...鬼屎咁凍!><" >>November 29, 2004 at 7:29:10 PM GMT+8 2004 年 11 月 26 日 星期五 【晴】 今日一返到公司就想訓覺!哈哈~ 忙著幫辜姑娘整野...又要整綠化個board....唉! 好煩呀....唔講咁多喇!><" 下午四點...夠鐘放工喇! 不過我無走到...留o係度教翠蘭同阿珍整粟米...哈哈! 之唔係尋日去西貢章木頭教整既粟米匙扣囉! 尋日果度成幾十人...但係先得一個導師教...點教到丫! 所以果度既導師就教我地d職員咁o勒....好唔掂囉!><" 佢地五點鐘開飯....所以我五點鐘都走o勒...其實一早已經想走...哈! 因為真係超累...小暉仲叫我留到六點...今晚同佢同winky一齊dinner tim~呵! 不過我無理佢呢! 聽日又同summer佢地bbq lu~~ >>November 29, 2004 at 7:11:21 PM GMT+8 2004 年 11 月 25 日 星期四 【晴】 haha...去西貢章木頭老人渡假中心! 九點鐘開會...九點半就出發...我係日營既...有三十多名院友去! 過程唔講咁多喇...不過真係幾好玩呀!都辛苦架.... 因為要成日扶d婆婆去洗手間!好吃力呢.... 但係有小手功做...又有漂染喎!我小學都玩過架....哈哈! 開心開心......我三十年後都要去呀!呵呵~~ 今日真係唔識點講...玩得真係開心!不過超累... 唯一最唔好既就係.....我影得幾限大合照! 因為我要負責影相...其實辜姑娘同winky都係負責影相架.... 不過....算啦!無所謂啦!起碼我都有影過大合照丫..... 係我朋友既都知道我鍾意影相架啦...更何況係同d咁可愛既公公婆婆一齊影! 我都想影返多d呀....^.< 仲有一樣野好攪笑架....就係我地院友有一對夫婦! 千7地做小手工喎...整花花!咁工友就叫公公送花俾阿婆... 但係阿公唔肯送...佢話無意思喎!送錢好過...哈哈! 估唔到阿公係咁現實架啵!!hehee~ 阿公阿婆兩老都已經九十幾歲架喇...勁呀! 其實我地間院...有好多都已經超過九十歲!^.< 佢地都過得幾開心丫! >>November 26, 2004 at 8:46:19 PM GMT+8 2004 年 11 月 24 日 星期三 【晴】 返工覺得好煩...好唔開心!所以唔講咁多! 四點九先走....放工有d肚餓...所以食左少少野!! 諗住返屋企...但係一路行一路諗... 返到屋企又要諗野...又唔係咁想對住部電腦! 所以就打電話俾媽咪約佢食飯....原先諗住o係沙田食架... 但係都好似無咩岩食咁....所以決定卞旺角食韓燒! 可能我放工食左少少野啦...都唔係食得好多野! 又突然之間即興喎....所以都食唔到幾多!><" 我都係食菜多...ha!唔抵呀今餐~ 八點幾就走左....同媽咪行左陣旺中同新之城! 我終於忍唔住要駛錢喇...買左件衫同個袋... 咁又無左二百蚊!><" 哈...不過都ok開心...好過返到屋企又係咁諗公司d野! 我幾時都話食野同駛錢係最開心既!yeah~^.< >>November 26, 2004 at 8:37:49 PM GMT+8 2004 年 11 月 23 日 星期二 【晴】 未夠七點落到樓下....唔...院友都到齊喇! 但係仲未見校長既人影....我地等到七點四..就走左喇! 慘....食左二十分鐘風!哈...唔知校長係咪唔知醒呢? 今日做過d咩唔多講啦! 三點半先放工...同winky一齊走.... 去左旺角花墟呀我地....哈! 仲有..佢今日打左好多次電話俾我呀! 我又黎白痴喇...佢三點半就放左工喇...真係白痴呀! 又唔過黎搵我喎....哼!><" 喧 我同winky一路係咁行花墟...買假花... 工作上需要...皆因要佈置院舍!^.< 最後都係睇唔岩....我地仲買左曲其餅餅食...呵呵! 後尾我帶winky去左花園街睇假花... 因為我記得之前同vicky去過...佢都買過! vicky都好鍾意呢d野架....花園街又平d呢!hehee~ 最後我地買左兩條草...呵呵! 唔....winky五點九就走左掉低我lu.... 因為佢媽咪約佢睇衫.....人地就好啦! 咁我唯有自己繼續行啦....打電話俾佢!哈~ 唔...六點三就返左學校...諗住報名! 點知full晒....有少少失望咁啦! 我地果班都唔係原班升啦....點解16個位咁快full晒架!><" 一日都係自己唔好..怪就怪自己點解唔早d報...唉唉唉!! 九點放左學盲 拿拿臨返屋企lu.....^^" 同學仔約左last day去食飯!^^" >>November 26, 2004 at 8:27:24 PM GMT+8 2004 年 11 月 22 日 星期一 【晴】 今日八點返工...上網搵資料!十點鐘就同winky一齊開組....笑死我呀! 今次既題目係"趣味相投"....叫阿公張開個口試食!佢唔肯....哈哈! 笑死我同winky.....今日開組真係好攪笑...但係唔講咁多啦! 個組又遲放左喇....攪掂晒之後...我就拿拿臨落去護理部度做運動! 之後就filing....唉....最鬼憎! 下午就幫辜姑娘打報告!其他唔講咁多啦! ******************************************* kathy:其實都唔係咁開心架咋.....你地果度咁多人! 但係我做果度...得我一個ya...我都係同一個同事比較好d咋! 其他人我都不太大好感...唔鍾意佢地既做事手法! 好多野你唔知既....不過對偽d阿公阿婆又幾開心既! 佢地個個都好關心我地!^^" 當我地細路女嘛...哈哈! hody:我無亂諗呀!我唔係話你地唔關心我... 不過算啦...其實我都唔係收埋自己丫...唉! 我都唔知點講呀...不過我真係唔鍾意好似而家咁過生活囉! brenda:我好想你x'mas返黎呀!返黎睇下我肥左幾多都好嘛~呵呵!^o^ >>November 22, 2004 at 7:13:02 PM GMT+8 2004 年 11 月 21 日 星期日 【晴】 梳洗完就出左去....今日我提議去<行樂軒>飲茶!因為我想睇下果度有無馬拉糕! 點知都係無既....唉!原本今日飲茶..我諗住俾錢架... 點解嬤嬤已經拎左錢出黎...咁我梗係唔同佢爭啦!嘿嘿~ 之後我同嬤嬤去左百佳....百佳買左差唔多成一百蚊野...就係我俾錢囉!><" 一人一樣嘛!!買左勁多鮮奶....因為嬤嬤一日飲兩盒....><" 返屋企抖左陣又出過去...因為唔記得帶單去拎相... 又唔想o係屋企....所以約左karen出黎...行上水! 睇下衫咁...不過唔岩!去莎莎買左二百幾蚊mask....呵! 返咁耐工...第一次用咁大筆錢呢!好肉痛呢~><" 跟住去左M記tea一taa.....haha! 食完就返左屋企lu.....因為要煮飯...又煎雞翼喇! 如果今晚唔係應承左嬤嬤同佢煎雞翼...我諗我都出左九龍lu....慘! 放親假都屈o係屋企......好辛苦呢!慘慘慘.... 我真係覺得而家既生活無咩意思....都唔知為左乜!!唉~ 今晚收到brenda打黎既電話....好意外也很開心呢! 皆因好耐無聽過你把聲lu....^^" 得閒就多d打黎啦...haha!真係好想你x'mas返黎呀! >>November 22, 2004 at 7:31:15 PM GMT+8 2004 年 11 月 20 日 星期六 【晴】 寫字樓都係得我..于姑娘同joanna.... 初初無咩野做...就問下于姑娘有咩攪啦! haha..又係做board...救命!><" 上網搵左陣資料就無理lu......做環保喎!開正我果"飯"...其實我都唔識既! 落左護理部做運動....then再拎埋護理部院友既針咭!! winky打左兩次電話返公司搵我...叫我幫佢print野...同拎水壺!ha~ 好快就十二點鐘lu....我十二點十分就鬆人! 約左winky十二點半沙田火車站等! 點知佢....遲到!唉.......><" 佢同佢個fd一齊....佢個fd叫阿福!^^" 我地三個一齊返深圳! *************************************************** 點幾鐘就到左深圳....lunch都唔食.... 就搭骨場既專車去"按摩"....haha!呢間係阿福介紹...佢平時同d同事去開既! 但係我同winky都唔係咁鍾意....間野都幾殘舊下.....仲有陣味tim呀! 不過真係幾平既.....三點前拎key就$100四個鐘....仲有$10現金卷tim! 我同winky就一個鐘腳...三個鐘身!而阿福就四個鐘都係身! 好攪笑...我唔明點解要分開房...我同winky兩個人一間...阿福就自己一間! 上次我都係同vicky同阿輝三個人一間咋嘛!^^" 四個鐘完左...我地就去沖身+焗左陣"桑那"...hehee~ 正...好耐無焗過!跟住去左食飯...... 我地好勁呀...三個人叫左六個"送"....果間酒樓叫<幸福來>.... d價錢同香港差唔多....份量又唔多......埋單每人$70啦!都ok呀~ 最後行左陣商業城....仲買左兩磅栗子tim呀!正...最鍾意食栗子!yummy~yummy~ 十點四就返到屋企lu......^.< >>November 22, 2004 at 6:49:10 PM GMT+8 2004 年 11 月 19 日 星期五 【晴】 但係我就著少左衫...攪到我係咁打冷震!><" 唔....九點鐘同阿璇娟傾計...佢知道我凍! 所以俾左張毯我蓋住...頓時即刻warm晒啦!^.< 今日返工都無咩做過....做下運動咁囉! 悶q死我...有野做但唔想做!><" 仁姑娘叫我幫佢執針咭...下星期準備同院友打針!^^" 講返今朝真係好辛苦呀...又凍喎...又肚痛! 之唔係M痛囉....好在伍姑娘俾左兩粒止痛藥我食... 無耐就無咩事lu...... 今日lunch同winky出左去食....我地去左街市買左個飯盒! 另外買左d小食...有薯餅..餃子同腸仔!^^" winky出左$15...我就出左$18......好貴呢!><" 原本今日放工同winky出去買星期一開組用既野... 不過佢四點就未走得...所以我決定唔等佢...自己走先!><" ************************************* 放工即刻返上水...去左行上水一陣! 之後去左惠康入貨...仲唔肥死!><" 如果呢個世界無分肥瘦..你話係幾咁好呢!^.< *************************************** hody:多謝你既支持呀...我同樣會支持你架! 大家一齊努力啦!^^" 不過我有一個不祥既預兆呀! 我怕自己過唔到月尾...唔知點解我會有呢種感覺! 都幾強烈下架...好驚呀!!><" >>November 19, 2004 at 7:50:08 PM GMT+8 2004 年 11 月 18 日 星期四 【晴】 諗下下個星期一開組用既料...寫下感想咁! 因為保羅通訊就快推出喇...所以于姑娘叫我寫一小段自我介! 放o係新同工介紹入面...haha!如果要我寫...真係好多野想食架! 不過佢只叫我寫50-60字...haha...到最後我都寫左百幾字咁啦! 唔....今日大大老闆開始放佢既大假....haha! 所以o係公司既自由度好似大左咁...hehee!! 唔..聽joanna話個文員請到喇喎!其實我都知啦.... 因為尋日見到老闆拎住份form打電話嘛...聽講話好似係女仔黎架... 睇黎winky好似有d失望咁喎!呵呵~ 今日好準時就收工....so good....好耐未試過!^^" 放工即刻返上水...約左爺爺拎野...o係M記等! 佢係咁問我食唔食野...我話唔食! 點知返到屋企又係咁找野食...肥死! 咁樣唔得了啦...一直肥下去!><" 尤其是冬天啊...好快就會覺得肚餓...因為好凍呢!慘慘慘~ ******************************************** 我的朋友...小歡:話我日記唔提佢喎! 好啦...咁我就提下你啦... 好開心尋日聽到你留言俾我... 好開心你話掛住我...好開心你話想聽到我把聲.... 真係好開心架...不過我就係咁架喇! 你知啦...其實我都好掛住佢...不過人地有男朋友! 唔理我...唔打俾我!又話掛住我多過掛男朋友...呃人既~哼!><" 有朋友關心真好.....很想見你們呢!^^" >>November 18, 2004 at 6:41:34 PM GMT+8
|
|
寫這個日記既目的..係想我既親戚朋友知道我每日所發生既事情
nope...
<br>is v人氣: 39981
Design & Scripting by ShowHappy.Net