| 日記 | 日記主簡介 |
||||||||
2004 年 8 月 23 日 星期一 【雨】 小白送完我地去搭車..自己一個行返去大堂..因佢今日同屋企人出發去泰國旅行! 祝你玩得開心d啦...我明天也要飛lu...唔知我們會否在泰國相遇呢?hehee~ 九點半自己一個搭車返上水...o係架車度釣大魚呢... 釣到十點半就返到上水...返到屋企拿拿臨開著電腦幫阿潤佢過黎d相落電腦! 之後十一點鐘上左床訓覺...訓到十二點半倒俾阿潤個電話嘈醒! 咁就又要即刻起身換返衫出去拎返張memory card俾佢!! 原本我諗住訓到一點半先起身架嘛..><" 出到去就打電話俾karen約佢...我地去左成記食車仔麵! 之後去左行街買野...又用左五舊水...唉!! 哈..行到咁上下又去左肯德基食野...karen請既...呵呵~ 多謝!都唔知係咪生大食蹟...去旅行前生大食蹟?唔係化~無病嘛? 係咁行...行到六點幾先返到屋企! 返到屋企抖左陣開始執野...好快就執完lu... 唔知有無帶漏野呢...唔理啦...到時先再算! 記得帶passport同身分証咪得囉!呵~ 之後又要拎野去隔離幢樓俾野爸爸...哼!麻煩~ 返到黎睇左陣電視...跟住去沖涼! then...上網打日記...其實好想早d訓覺! 因明朝又要四點鐘起床...辛苦!><" 但係今天有好多感受...好想即時記低! 如果唔打...唔知又要等到幾時... 某人..我好掛住你呀!我打呢兩篇日記既時候.... 又黎喇...乜野?之唔係d眼淚水囉....好掛住你呀! 唔知你今年既x'mas係咪真係會返到黎呢~ 如果係既話..就好喇!x'mas既記憶...只得記得中三果年同你出過一次... 之後你每年都係在家同家人渡過!><" 而家差唔多十一點鐘喇..我要訓喇!好累呀~ 唔知聽朝起身對眼會唔會腫晒呢? >>August 23, 2004 at 10:55:22 PM GMT+8 2004 年 8 月 23 日 星期一 【雨】 離開 這一刻感覺不會忘記 朋友 抱擁告別明天各自遠飛 難得 並沒傷感依依不捨顧慮 重拾昨天 樂趣一堆 曾經 每一天相約找美麗去 陶醉 美的故事互相勉勵去追 曾經 望著天空一起哭泣至睡 臨別說起 亦笑相對 別了依然相信 以後有緣再聚 未曾重遇以前 要珍惜愛自己 在最好時刻分離不要流眼淚 就承諾在某年 某一天某地點 再見 TODAY WHILE THE BLOSSOMS STILL CLING TO THE VINE I’LL TASTE YOUR STRAWBERRIES I’LL DRINK YOUR SWEET WINE A MILLION TOMORROWS SHALL ALL PASS AWAY ARE WE FORGET ALL THE JOY THAT IS OURS TODAY 唔該晒阿業叫我起身...不過你未打黎我已經醒左! 真的不太願意起身呢...好想再訓多陣!但係估唔到你會叫我快d起身呢!haha~ 奈何...都要硬著頭皮起身! 梳洗之後換衫....brenda約左五點鐘o係巴士站等! 我出到去...佢地已經到齊...好眼訓呢! 有我..brenda..brenda's mum & dad..小白..潤..rachel..同行七人! 佢地個個都無訓過呢...點解仲可以咁精神!傻架? 之後聽聞candy唔來了...而阿歡就唔到身...so我都無理了! 其實好想阿歡來啊...不過...唉!可惜可惜~~ 頭班車係五點半o係聯和墟開出...大概五點九到上水啦... 咁想請問點解要約咁早呢?俾我訓多半小時好過啦~ 算啦...o係等巴士期間...我地傾下計...講下笑...影下相! 幾開心呀都...不過依然好眼訓...不停咁放蚊呢!zzzZZZZ~~~~ 大概五點九...車到了! 好在仲剩餘上層最後排五個位子....brenda's mum & dad就要分開坐了! sor sor~~~謝謝你們!我地又傾計喇...影相咁!! 唔駛一個鐘就到達機場了...第一時間check in.... 之後去左大家樂食早餐....我地分開左坐呀! brenda同佢dad & mum坐...我地四個自己坐...相隔很遠呢! 食緊早餐果時...小白o係度唱 離開 這一刻感覺不會忘記 朋友 抱擁告別明天各自遠飛 難得 並沒傷感依依不捨顧慮................ o係呢個時候眼淚就出來了...是小白!我沒事啊~ 雖然我覺得自己十分眼淺...但對比起小白...真是一山還有一山高呢?嘻嘻~^^" 食完早餐之後我地就行去離境大堂.... 我同小白一齊行...而..brenda就行我前面... 我拍一拍佢同佢講...可唔可以行慢d呀? 而佢又真係放慢腳步....呢個時候...就係呢個時候...我...我... 我的淚水終於忍不住流下來了...我真係無諗過自己會喊!點解? 今年summer真的與上兩年的不同...十分多meeting... 日日見...成日都成大班一齊出街..又唱k..又bbq..又去歡家過夜! 接觸多了...更加唔捨得!所以我同自己講...幾辛苦都一定要去送機! brenda...missing u~~~^3^ 夠鐘了...七點二十分....我地爭取時間影相... 我同小白喊喊喊...brenda只可以對我地說:唔好喊啦! 但我真的忍不住呢...好唔捨得你...唔想你走...唔想你離開我地! 我真係唔想再有朋友離開我...不過學歡話齋... 佢地既離去..都係尋找自己既夢想...我會默默咁支持你地! 比心機啊...快些學成歸來!我地一齊再玩過! brenda入閘了...我就繼續喊...喊左一陣咁多多啦!嗚嗚...... 之後我打左俾阿歡...feel到佢都喊呢! 跟住我地四個就坐低傾左陣計...到九點幾就搭車返上水.... 待續~ >>August 23, 2004 at 10:35:04 PM GMT+8 2004 年 8 月 22 日 星期日 【雨】 我是知道的...但我好眼訓...所以無聽到! 點知屋企電話即刻響起來...是阿歡啊! 當時好炆囉...我知道你打我手提..但係我係專登唔聽架嘛!! 估唔到你又學埋candy d野...打去人家屋企嘈醒人..><" 記住下次唔好喇...你知我會點架啦!會鬧人架..未訓醒嘛! 又唔係咩緊要事喎...打黎問我去唔去唱k..俾你激屎! 尋晚都同左brenda講話今日唔會出街.. 叫佢唔好叫我...點叫我都唔會出架啦! 結果你......唉! 今日全日都o係屋企....好眼訓啊! 嘈醒左之後就再訓唔返....唉! 起身上網囉...對眼好痛...好眼訓..好想訓覺啊! 一直到五點幾...對住部電腦.....訓著左...haha~ 好眼訓呢....想訓覺...嬤嬤又叫我去沖涼.... 話呢個時候訓....你想訓到幾點...><" 但係我都成七點幾先走去沖涼洗頭.... 之後睇電視...<棟篤神探>大結果! 十點幾卦...brenda打黎問我出唔出去食糖水... 唔出啦...因為我個肚勁痛...唔知係咪因為尋日食得生"豪"多呢? 不過brenda聽日就要飛喇...十分之唔捨得!但奈可... 唔緊要啦...我都決定左去送佢機!算係咁啦... 你咁早機...我要四點鐘起身喎!今年係特別既...所以我一定要送你!^^" 雖然係好眼訓....又無出到去食糖水! 但依然唔想去訓囉...因星期二就要出發去泰國了! 再唔整相同寫日記....返黎就有排搞!救命~ 所以一直上網上到十二點幾...先捨得去訓覺!熊貓~ >>August 23, 2004 at 9:49:33 PM GMT+8 2004 年 8 月 21 日 星期六 【雨】 未訓夠呀...唔制呀!不過又要趕住出去喎! 所以拿拿臨涼沖洗頭...換衫.. 約左karen一點鐘火車站等...佢又遲到啦! o係火車到見到傻婆carol...haha!我仲要打電話俾佢... 佢都唔知我見到佢仲同一卡...呵~ 之後佢過左黎...我地傾計囉...無耐佢發現自己唔記得拎把傘.. 返過去搵果時都已經唔見左lu...慘!><" 佢o係九龍塘落車...我同karen就去紅磡.... 因為媽咪問我借相機...媽咪見到我個頭又話幾好... 佢話剪短咪幾好...又黑喎!呵~ 佢同嬤嬤都係咁講...都唔知佢地係咪眼有問題! 我個頭明明又紅又紫架嘛...咁都睇唔到!呵~ 之後我同karen去左mk行街...行左新世紀..旺中同新之城! 行完就搭bus落左尖沙咀...行行行!我買左好多野呀...haha~ 大概六點半倒啦...諗住搭的士去日航酒店之際... 我地見到間內衣店...唔知邊間...呵呵~ karen買左樣野...我都買左樣野...哈! 今次真係搭的士喇...o係馬哥孛羅香港酒店出面...擢左架的士.. 佢唔去喎...攪到我地要行過去天星碼頭果邊搭...激氣!果時落緊雨架嘛~ 未夠七點去到日航...我地book左七點鐘食buffet.... 唔...係咁搵果間餐廳...呵!$400位呀...好在我有張野一送一... 都無咩野食...我食左起碼都有五隻生"豪"呀...三文魚果d囉... 真係唔多選擇囉...我覺得愈貴既buffet就愈無野食囉! 今餐係karen請..當係生日gift喎!哈~thx....^.< 食到九點就走lu...好飽飽! 行返過去火車站果時...我又買左兩件衫....都唔知咩人黎架! 成日都買衫買衫.......唔駛買啦...下次唔著呀! 唔...行到去天橋竟然俾我見到峰...哇卡卡~ 莫非佢係去接某人放工???某人見到...請唔好打我...唔好嬲!! 講下笑姐...hehee~ o係火車度我已經開始釣大魚....眼訓到想屎! 十點幾返到屋企....放低d野...沖埋個涼! 十一點幾又再出門口....約左brenda... 一齊去vicky屋企睇結婚相....好眼訓...早知一早話唔去啦! 去到大埔就同brenda搭的去vicky屋企! 再等埋candy同rachel....四個人上去vicky屋企! 睇相睇相再睇相...真係剩係上去睇相囉....幾靚丫d相~ 好眼訓啊...我都唔想再講今晚既行程..... 十二點半o係vicky家走....四個一齊搭的士去火車站.... 好在仲趕到尾班火車...好熱呀!又沖多次涼....一日沖三次涼..涼到皮都甩呀!哈~ 今日都差唔多啦...累爆呀~ 星期一應該會送brenda機...唔知我會唔會有淚"彊"呢?呵? 某人...閃著淚"彊"的決定....haha~ >>August 22, 2004 at 6:11:00 PM GMT+8 2004 年 8 月 20 日 星期五 【雨】 想屎...因乜解究呢排日日都係咁...出街出街...夜訓早起... 再係咁落去既話...真係癲喪呀!而家都已經癲喪左一半啦!唉~ 原來出得街多係一件好辛苦既事...錢又用多左!><" 咁早起身為乜...為上網?我自己都唔知... 上左陣網...整下呢樣又整下果樣! 三點換衫出門口...去左銀行..之後約埋karen出黎行一陣! 今晚入去爺爺度bbq...我地約左四點半鐘街市等! 點知無一個準時..不過我都預左!so同karen繼續四周圍咁行... 等電話...後尾歡打黎話潤到左..我地先行過去街市! 其詳情唔多講啦...我地有九個人...但係點解得四個人buy food架! 想"抽"屎人咩...鬼屎咁重!><" 阿歡遲左好多啦...罰你一個人拎晒d野!講笑姐...haha~ 阿歡o係惠康買野果陣..係咁計住計住...哈哈! 不過唔該晒你啦...我地仲有錢剩黎買野飲...好可憐啊! 乜都要度住度住...買晒野就搭van仔入去! 果時rachel已經o係村口等緊我地! 大概六點幾入度爺爺度...抖都無抖到..就拿拿林整野! 差唔多八點鐘先起好個爐...八點幾brenda..小白同candy都入埋黎... 咁就燒呀燒...玩呀玩...haha~而jackie呢..我都唔記得佢係幾點入到黎lu... 即人物有:我(kk)..小白..brenda..candy..karen..rachel..潤..歡..jackie.. 當然唔少得既..就係屋主..我爺爺o勒!haha~ 中途..佢地係咁玩爺爺架唔知叫咩車...電動架! 我地輪住黎玩...跟住到我同candy... 我地出到去學校果度...爺爺就俾我地自己架駛... candy反完一轉..就到我...但係我肚仔痛...去左廁所... 出到黎...就見到佢撻極都撻唔到架車...哈哈! 呢個時候都知咩事啦....咪就係死火...要推車返去囉! 推到我地兩個身水身汗...不過呢件事都值得回憶...haha~ 無奈...返到去都俾佢地笑啦....去就去到學校.... 推車...就由學校推返返黎...我自己都想笑囉...我仲要係無玩過!^.< 燒到十二點幾...karen..歡..rachel..candy就走先... 剩返五個人...我地上左天台...又話傾計既...點知變左係咁影相... brenda:果刻真係幾開心架...好得意...好好反...haha~ 五個傻婆係咁玩自拍...到時曬返d相寄俾你啦!^^" 我地反到兩點鐘都走lu...爺爺車到我地出村口.. 我地五個人就分左兩部的士搭返屋企...返到屋企都只係兩點半! 即刻洗白白....我仲要玩左廿分鐘呼拉圈..haha~ 肥屎我呀...好飽飽...今日食左勁多野呀...又燒豬扒..牛扒..雞扒! 平時我都懶得燒既...><" >>August 22, 2004 at 3:50:52 PM GMT+8 2004 年 8 月 19 日 星期四 【晴】 今朝未夠八點已經起左身!好眼訓呀..zzzZZZ! 真係慘...要一早起身拖地!拖完之後上網打日記... 跟住去洗頭...點知brenda仲未得..... 今日約左佢出去佐敦cut hair.....我諗點幾鐘去到間salon啦! 係咁等等等...等到成兩點幾先有人理我地!唉~ 又唔夠人手喎...得兩個髮型師....兩個助理! 有一個唔知係咪新黎既...唔知點解剩係企o係度乜都唔做... 行行企企....連幫人洗頭都唔識? 我唔知啦...我又勁眼訓喎!已經等到好炆... 詳情我就唔多講啦....我整high light同剪頭髮... 而brenda就電髮+high light+剪頭髮.... 唉...由一點幾坐到七點半有多呀!想屎咁滯! d人係咁入黎齋洗頭...因平嘛...好似係$18......哈! 總之我就好炆好炆...唔想再提關於cut hair既事! *************************************************** 重慶大廈食咖喱 攪掂之後就急急腳咁走...因為約左andrew o係警局門口等我! 原本我諗左summer佢地七點三架...但係果間屎人salon攪咁鬼屎耐! 激氣呀...差唔多坐左成七個鐘呀...攪到我地無時間行街買野!哼.... 去到警局..就見andrew o係度等緊我o勒! 跟住行過去重慶....haha....d印度人...巴基斯坦...尼泊爾人係咁擠d單張俾我地! 之後join埋summer佢地一齊上去...嚇屎我呀!佢地d人真係好恐怖啊! 哈..係咁圍住andrew...summer已經預先book左十位...我地去<咖喱王>! 人物有:我..summer..oscar..kathy...詩..菁兒..andrew...jackel...嘉儀..jacky!十個人~ 係果度既老闆johnny幫我地點菜既...而我地自己就叫左洋蔥圈同咖喱角! 哈哈...d野都ok啦!但係我嫌唔多夠辣囉...^^" 食到好飽飽呀...之後我都以為走架喇..但無啦啦見到有個cake! 嚇親我呀...係summer佢地買架...好開心呀! 雖然今次係佢地同我補祝生日...但係我真係無諗過會有蛋糕架! 我真係好開心...好開心呀!多謝你地呀!!^.< 好感動...個蛋糕好靚...好好食...我好鍾意呀!仲一齊影相相留念! 好開心...今年生日真係好開心!多謝你地----我的朋友們! 今餐晚飯仲唔駛我俾錢tim呀...佢地請我呀! 多謝晒....今晚我覺得又特別又難忘! 真係千言萬語呀...所以我都唔講咁多喇! 之後佢地成班搭巴士返大埔...而andrew就陪我行去火車站... 同我一齊搭火車...佢o係mk落車...而我就返上水! 十二點返到屋企...洗白白....跟住就上網lu~ 唔該晒andrew~ >>August 20, 2004 at 1:24:26 AM GMT+8 2004 年 8 月 18 日 星期三 【晴】 去海港飲茶...爺爺話我生日請我飲茶喎!haha...已經過了.... 唔...karen同佢媽咪都係去海港飲...so叫佢幫我拎票...我地三個人..我,嬤嬤..爺爺! 十點鐘倒去到...十點半就有位lu...thx karen! 三個人叫左七點野...埋單$102.5... 之後行左陣就返左屋企.....睇電視! 兩點約左人o係火車站拎野...拎完又返屋企.... 返到屋企就上網....遊黎遊去唔知做乜...又唔想打日記... 又無人上網...五點鐘又出去幫嬤嬤買飯.... 去左商務搵司馬拎野....呵!再去新都拎相....好累...一日出左三次....煩! 夜晚沖涼上網睇電視.....哈!十一點先開始打我既日記.... 長篇大論....唉!悶呀~都唔知自己打出d乜...... 不過今晚都好開心呀.....同brenda..歡..candy...仲有一位神秘嘉賓! 五個人一齊傾...haha!!開心~ 不過傾到某件事情既時候...大家都有點兒氣憤同有d誤會咁囉! 希望佢地唔好因為呢件事而傷左大家既感情啦!^.< candy..唔好為呢件事而唔開心喇!佢唔係當事人...所以唔會明白! 我知道...但係佢都係關心你...ok?傻妹~開心d啦...我地就快出發去旅行喇!開心嗎? 傾左差唔多兩個鐘...我都成兩點先訓...累...聽朝仲要一早起身拖地!><" >>August 19, 2004 at 9:34:26 AM GMT+8 2004 年 8 月 17 日 星期二 【晴】 整埋d野五點幾訓落床..唔駛問梗係一"達"落床就訓著左啦! 唔...訓到十一點幾就起身...刷牙洗臉..跟住睇左陣電視! 今日都好多人打俾我..同send sms俾我同我講生日快樂... 實在太多喇...所以唔講邊個喇...多謝你地呀!^.< 唔...無耐小碟打俾我..哈哈!咁岩既...不過佢唔知道今日係我生日! 之後vicky打黎..話佢o係上水...問我惜碟! so我就拿拿林去沖涼洗頭換衫出門口o勒! 兩點半出到去...見到天天...好可愛啊!呵呵~ 之後去左M記搵vicky...仲有童童..vicky媽咪! aunt仲俾左封利是我tim呀...多謝aunt!!^.< 跟住我同限碟走先...行行下又撞返vicky...haha~ 到左3點幾...vicky仲未攪掂d相... 咁我同小碟..aunt同童童..當然仲有天天啦!haha~ 去左元綠食壽司....vicky攪掂之後又過埋黎.... 無耐karen都黎埋...哈哈!原本今日剩係諗住同karen兩個人食架咋! 點知變左咁多個人...哈哈!意外收獲...所以今日都好開心! 不過我個肚一起身就一直痛係咁痛!我仲要食生冷野...呵~ 呢d咪叫做唔知屎囉~^.< 三點幾去食...食到五點幾..兩個鐘呀!哈~ 之後vicky佢地走先.......我同karen..小碟行左陣! 六點鐘小碟都要走喇..而我同karen就去左M記坐! 好耐無試過咁樣同佢傾計喇...尋晚唱k佢已經唔開心! 今日就更加唔開心...但佢都陪我呢個老死...haha!!多謝你呀~ 唔...同佢都傾左幾多野下...希望karen唔好再為呢件事而唔開心啦! 七點半就返屋企lu......好累呀!><" >>August 19, 2004 at 9:24:35 AM GMT+8 2004 年 8 月 16 日 星期一 【晴】 又遲到啦...因為好肚痛呀!之後一齊坐火車出mk... 出到去...join埋karen一齊上百老匯拎房... 嘩..我地最初book左八個人...點知佢俾我果間房細到嘔呀.. 佢仲要話係十人房黎喎!激鬼氣...之後唔理得咁多...叫dinner~ 無耐candy都黎物喇!我地係咁唱...之後有四個兄弟黎左... 唔知邊個打邊個...哈!好驚呀...><" vicky同阿輝又未到喎!但係果四個兄弟都送左份禮物俾我...haha~ 之後candy無啦啦話要出一出去..好啦! 出左好都幾耐下架....上返黎佢竟然拎住一大紮花... 嘩....係送俾我架...開心死我喇....係佢同小白一齊夾份送俾我架!^^" 多謝你地呀!我好鍾意...好開心呀...雖則我都收過花..但係未試過收咁大紮花囉! ha~小白仲送左個birthday kiss俾我tim呀!真係又驚又喜啊~^o^ 之後因為人愈黎愈多...所以就轉房......都係差唔多...可以坐多兩三個人咁啦! 唔...到到十點幾d人都差唔多黎齊lu....但係我反而無乜mood囉.... 因為我個肚仔好痛呢!唔記得十一點幾lu...carol都到左...人齊lu.. ******************************************** 終於都到左十二點喇...果時我記得我係岩岩唱緊首唔知咩歌架! 唔知點解無啦啦cut左...果時我真係唔知咩事! 之後播生日歌...haha!!唔記得邊個拎個蛋糕入黎...好開心呀!^.< 許返個願先...吹蠟燭....haha....已經係正正式式既合法成年人喇! 咪即係老餅一個~><" 就係果一刻囉...幾開心架!當我切緊蛋糕之際...阿業就打電話俾我! 好準時十二點呀..多謝你!仲有hody打俾我既長途電話...雖然果陣仲未到我生日! 仲有馬來西亞edmund打俾我既長途電話...可惜我聽唔到edmund既電話!><" 同埋brenda打黎既長途..好意外呀!!電話收到好多sms message...好開心...多謝你地呀! 我都唔知講咩好..真係好開心!跟住食蛋糕飲香檳! 係呀...仲要多謝karen呀...我明知佢係唔會唱k! 但係佢放左工都照黎陪我過生日...真係唔話得呀!佢今日仲要唔開心tim... 其實切完蛋糕食埋...大部分人都走lu... 因為歡..小白尋晚都去左唱k...都唱到幾夜下.... 而佢地兩個+jackie明天又要一早送機...所以要早走! karen要返工...so join埋佢地一齊走! candy最好...尋晚去完唱k...聽朝又要送機都繼續留低陪我! 我又飲左酒喇... 人地M痛諗住唔飲架嘛! 但又忍唔到喎...所以咪諗住飲一杯咁大把囉! 點知vicky老公阿輝話每人敬壽星女一杯...飲屎我喇!><" 唔...後尾輝話落d....好呀!!不過最後都係不了了之.... vicky唔知做過咩黎..勁眼訓....已經訓著左喇!! 兩點幾頂唔順就走左喇! 之後誠同政三點鐘又走埋....佢地兩個走左之後! 剩返我同candy..eric同峰...carol同佢同事! 我地幾個o係度傾計.....講阿誠...又係好似上次唱k咁... 不過今次佢主要既target唔係我...係candy...haha!! 真係慘...令到candy係咁求救!><" 阿誠又唔係飲醉喎...成日都o係度乘機博蒙!cheap呀~ 我地又唱又傾咁...到到三點半都走lu..... 剩返carol同佢同事...我同candy..峰 & eric一齊走... eric唔同我地同路...而我同candy & 峰就一齊搭van仔... 果架van仲要係經大埔...我個頭爆痛囉! candy又屎都要送我返屋企....佢話驚我呢個"忽得妹"唔知忽下忽下忽左去邊喎! 話我忽得妹...haha!!我都未醉....^^" 四點九先返到屋企...累屎我...痛爆呀! 佢地仲要送埋我上樓...見住我入埋屋先至走!哈~ 就係咁o勒~ 講講下有咩人物先啦... <當然有主角既我..candy..歡..karen..vicky..輝..carol..小白..jackie..政..誠..eric..峰..喬..偉> 最緊要既係..多謝candy呀!我真係好感激佢呀!我而家先知道佢係咁錫我同咁關心我架咋! 哈哈~講笑咋!真係好多謝你呀!啜啜...^3^ 仲有補充:阿歡都送左個birthday kiss俾我呀!haha~ 多謝candy同vicky幫我約人~ >>August 19, 2004 at 1:07:31 AM GMT+8 2004 年 8 月 16 日 星期一 【晴】 haha...係咁搵資料..睇下有邊間食肆好...日本菜!好苦惱呢~ offline之後...打俾candy..無人接聽!><" 個傻婆今日返早架嘛..唱k唱到咁夜都唔走... 仲邊到夠精神做野呀...今晚又要同我再唱過...真係辛苦自己!傻妹~ 兩點八佢打返俾我...o係屋企樓下...咁都放心d~^^" 咁同佢傾完就訓啦....今朝又係俾佢..candy一個電話... 震醒啦...九點鐘倒卦...haha.....不過傾完之後都係訓唔返... 死啦...今晚我都唔知點捱...慘慘慘! 不過到現時為止...一d興奮既心情都無呢... 唔知點解好似唔係咁期待咁....唔知今晚會點呢? 好似唔係好想去咁...因feel唔舒服嘛!! 個肚仔又痛啦...又feel凍又feel熱咁...死啦... 唔知有咩事.....唔知係咪因為成日坐o係豎...無咩點做運動.. 所以肚仔好痛...我而家好眼訓啊!zzzzZZZZ~ 條腰勁痛...痛到唔想陏...都唔知點坐好! 好辛苦呀...千祈唔好病呀我! **************************************** 到今晚既十二點...我又大一歲喇! 有咩感覺....無乜特別囉! 做左廿年人都係咁...一事無成囉!嘿嘿~ 尋晚突然之間o係度諗....好想一家人齊齊整整咁食餐飯! 不過我諗呢世都無乜機會....人地一家四口可以開開心心坐埋o係張檯度食餐飯! 講下笑咁...但係我無咁既機會...我記憶中....讀小學開始已經只係得兩個人同檯食飯! 一係我同嬤嬤...一係就我同爺爺....唔係咪就係我同媽咪囉! 點解我唔可以好似我d朋友咁同爹D媽咪一齊食餐飯...呢樣我真係好想! haha...講到呢到...我開始眼有淚光...咪傻啦kk...都咁耐啦...唉!! 算..有感而發姐!我諗到我第日再大個d....廿六,七歲倒啦! 到時佢地兩老都可能退休喇...haha!!如果好彩的話俾我結埋婚! 咁一定會有機會可以同佢地兩個同檯食飯架.... 我而家仲細嘛.....不過過埋今日我就係合法成年人喇...^.< 哈哈....好啦...講住咁多先啦... 待續~ >>August 16, 2004 at 3:01:35 PM GMT+8
|
|
寫這個日記既目的..係想我既親戚朋友知道我每日所發生既事情
nope...
<br>is v人氣: 39981
Design & Scripting by ShowHappy.Net