| 日記 | 日記主簡介 |
||||||||
2004 年 9 月 18 日 星期六 【晴】 點幾鐘煮左個麵...有五隻雞翼做"送"呀...haha!! 一路食一路睇電視...食完洗埋d碗! 之後就換衫同化妝...三點半出左去! 出到果間野度...好多人喎!拎d資料睇下先... 好多人..間野又細!要排隊問野...><" 點知我想讀果個課程...我唔合資格架...不過有第二個岩既~ 但係已經截左止報名....唉!!好失望囉!!! 咁都算啦...繼續睇下其他啦... 決定都係報返我之前揀左果d.... o係果度攪左都幾耐下...差唔多六點先o係果度走! ************************************** 走左去旺角中心想買個bag....不過無錢..ha! 咁就索性唔行返屋企...返到上水就即刻打俾爸爸! 佢問我o係邊...話陣間打俾我! 到左七點佢就打俾我...叫我五六分鐘之後落樓下... 咁我就即刻換返條裙落樓下啦...拎埋d資料! 上到爸爸架車度.....爸爸同我講左好多野! 講佢以前d野...同媽咪d野...聽到我喊囉! 好在我忍到d眼淚無流到出黎...如果唔係..俾爸爸見到都唔知會點! 我很難想像果時媽咪既心情...我都要對媽咪好d!! 講就咁講..希望我真係大個生性識諗啦!唔好再要佢地擔心我.. 全程根本就係有佢講無我講...我聽到個人有d呆..仲有d眼訓! 不過我真係聽緊架...知道爸爸佢好努力好辛苦咁o係出面搵錢! 咁多年黎...亦經歷過唔挫折...但仍然屹立不倒! 其實o係我細個果時爸爸已經係我既偶像黎架喇! 直到到而家都係..雖然我地係兩父女...但係我真係同佢太陌生喇! 經過今晚之後...我真係認識左爸爸好多...覺得佢好叻!! 但係呢幾年..我亦都睇住爸爸個樣一路憔悴落去!><" 但係我幫唔到佢d咩...爸爸話我似足媽媽! 而妹妹就似足爸爸...其實我都好想似爸爸咁叻架! 我真係好羨慕妹妹...而家佢咁細個...爸爸可以o係佢身邊教導佢!! 而我細個就...得爺爺嬤嬤理!咁我成長既過程對我大個左時..有無影響呢? 答案係有架囉! 不過算啦..而家都成廿歲人有多...唔應該再諗返以前d野! 如果要講...真係匹布咁長! 九點姐姐打電話黎..叫爸爸去接佢!! 咁爸爸就開車去接姐姐...接到姐姐就開車返彩園! 果時都九點九lu.....爸爸問我去唔去食飯! 我話唔去lu..返屋企!咁就拜拜啦....唔知下次傾計既時候會食幾時呢? 今晚同爸爸相處既呢兩個幾鐘頭!得著有好多...但係我又可以吸收到幾多呢? 我諗我應該會好快就唔記得晒...哈哈! 今晚開心既係知道左爸爸好多野!o係呢二十一年黎.... 自我懂事開始...真係未試過認認真真咁同爸爸傾過計! 因為佢實在太忙喇!話就話做老闆...其實而家香港地做老闆真係唔易! 其他我唔多講啦.... >>September 19, 2004 at 10:35:04 AM GMT+8 2004 年 9 月 17 日 星期五 【晴】 爺爺好似係前日整親隻腳呀...聽佢講話好似係踩架電動單車果時... 唔知前面有個凹位定係點啦...連人帶車趺左落去! 所以呢兩日都要睇趺打...><" 雖然睇到佢唔係咁嚴重...但都有d擔心! 可能真係老啦..七一幾歲!爺爺今年真係特別多意外... 成日都趺親...小心d呀!我今年真係睇住爺爺嬤嬤既身體差緊落去... 唔得..我要學曉對佢地好d...呢幾日我實在太多野諗喇! *************************************** 夜晚..都無咩做過! 媽咪打電話黎...我同佢話講想讀返書! 大家知唔知點解我會有咁既決定? 呢d唔多講啦...你地知唔知都好...直接同我講就得喇! 咁媽咪咪話...如果你想讀咪讀囉!咁之後我打左俾爸爸! 爸爸竟然問我:你畢左業幾多年丫?無讀書幾耐? 都知佢實會咁問架啦...一向佢都唔想我讀書...因為佢覺得我唔係讀書材料! 佢想我出黎做野...出黎撞下"板"...佢話咁樣個人先真真正正成長喎! 我都知自己係溫室小花架喇...算啦! 同佢講都係無用...收線之後..我即喊左出黎! 嬤嬤問我咩事...問我係咪唔開心! 我話無事...叫佢唔好問我咁多!點知佢仲係咁問... 咁我咪發惡囉...叫佢走開...次次都係咁.. 人地喊緊走黎係咁問...咁我咪仲激動! 況且我都唔想俾佢知道發生咩事!唉...煩! 以我咁既性格...係咪真係唔可以做到對佢好d呢? 但佢實在太煩..乜都要煩下我先安樂! 夜晚...都係咁啦!喊下停下咁...真係好唔開心! 其實我有好多感受想同爸爸講... 但又講唔出口...可能同佢真係生疏左d啦! 爸爸叫我聽日出去睇完..返到黎搵佢喎! *************************************** 今晚特別唔開心...所以諗住好多野!突然覺得身邊無晒人... 多謝業業既關心...柏衡就差d喇...我打俾你都係想你哄下我o者! 估唔到你無囉...haha...唔緊要啦!不過我都要同你講聲sorry...^^" >>September 19, 2004 at 10:04:19 AM GMT+8 2004 年 9 月 16 日 星期四 【晴】 好眼訓呢...真的是十萬個不願意起床! 但一想到小白要飛...就不得不起床了! 因為我要見你o係HK既最後一面..睇住你離開我們..飛去遙遠的美國! 很不捨得呢...唔知我會唔會喊呢?^^" 起身梳洗...化妝..換衫! 六點八出門口了...約左rachel粉嶺等! sorry...遲左少少! 咁起程去蓬x仙館啦..因為我地遲左! 所以要分開站上車..點知仁先岩岩起身! so我地miss左班車...等埋仁黎到..七點九就上車o勒! 大概八點九去到機場啦...等check in咁~ 無耐..歡同阿德都黎到! 攪掂晒之後都九點三倒啦! 一齊去左M記食早餐!好味~好耐無食過M記早餐! 仲食左兩塊薯餅tim..今次仲唔肥死..haha! 小白話十點九入閘...我地食完先係十點鐘倒! 時間多的是...haha!傾下計咁啦我地... 不過小白同潤潤..rachel都好眼訓呢!影下相咁~ 跟住十點半就離開M記...行住離境大堂進發! ************************** 行去離境大堂途中..candy打電話黎! 因她要返工..所以黎唔到送機呀! 唔知佢地講左d咩呢?攪到小白喊呀...乖乖~ 而我...心情都未有什麼大變化! o係南翼既離境大堂..我地都係影下相..hug下..影下大合照咁! 今日送小白機既人物有:kk..歡..潤潤..仁..德..rachel..仲有小白ive既朋友仔! 夠鐘入閘喇...當小白行去入閘口果度.. 就係呢一刻...我既眼淚...就黎喇! 好在小白唔知唔記得拎d咩..行返轉頭..我先可以望多佢兩眼!^^" 潤潤之前已經喊左出黎喇..最後就係我同阿歡! 小白:我仲以為自己唔會喊..點知當你入閘果刻..就喊到不似人形喇! 我會等你返黎架!^^" 之後我地六個人就搭返巴士返上水o勒! ***************************** 落車之後..返屋企..果陣都未夠十二點! 坐左陣..攪d野...十二點三倒就出去join歡~ 行左陣...傾左d野咁啦! 點幾鐘就搭火車去fanling.... 我地上去仁家睇<救命>呀..haha! 好野..仁話唔敢自己一個睇嘛! so我同歡上去一齊睇...套戲都少恐怖下啦! 有d鏡頭真係幾惡頂架..呵呵! 睇完坐多左陣...差唔多四點就走左lu... then同歡行左陣fanling..就搭火車返上水! 返到上水我都無陪歡歡行lu...因為我個肚仔真係好痛呢! 所以就自己返左屋企... 歡歡:掉下你自己一人...好對唔住呀!^^" 返到屋企都係五點倒..就洗白白..之後上網直到現在.. ****************************** 唔知小白而家做緊咩呢?查實我都唔知佢要搭幾多個鐘頭機架.. 唔知佢落左機未呢?安頓好? 記住報個平安呀!!^^" >>September 16, 2004 at 6:50:47 PM GMT+8 2004 年 9 月 15 日 星期三 【晴】 傾左兩句咁啦...多謝你既關心同慰問!我真係無事呀!放心啦~^^" 起身之後就上網..無咩好做!到下午咪拖地囉... 撞埋月事到...唉!肚仔勁痛...仲要做d咁劇烈既運動!haha~ 之後洗頭+洗白白...跟住出左去惠康掃左百幾蚊貨! ***************************************** 夜晚...十點幾出左口! 去花果山食糖水....^.< 人物有:仁..歡..kk..candy..rachel...小白...權等七人~哈! 小白聽日飛喇...心情如何?我暫時未有唔捨得...不過我成晚都有痴住佢既!hehee~ 食完之後我地去到<<上中下>>度坐左陣.."上中下"即上水中心樓下...haha!仁說的~ 坐到差唔多十二點就歸家去了!回家上網.....上到點幾就走去覺覺豬lu..... 因為明早要五點幾起身去送小白機呢~~~~ 唔知我聽日會唔會喊呢? >>September 16, 2004 at 6:09:01 PM GMT+8 2004 年 9 月 14 日 星期二 【晴】 去左石湖墟既一間salon度諗住染返個頭! 我尋日行過見到染髮...$100up...所以問都無問就入左去! 個髮型師竟然話我個頭似八爪魚..總之就係咁踩踩踩啦! 咁本來我剩係諗住染返個頭架咋嘛...佢又係咁講講講... 又話我染+剪+拉直都係三百幾...聽落就好似好抵囉! 不過由於資金+時間都唔許可...所以我就對佢講...我諗住二百蚊出呢個門口! 咁佢唯有話好好好啦....haha! 之後就開始整啦...染啡色...好"那那"呀個頭! 洗完頭...點知仲係紫紫地..."come"唔晒d色!慘慘~ 點返去同嬤嬤交代好呢!我同個髮型師講...點算呀...我交代唔到喎! 佢話剪多幾剪...修下佢就交代到咁話喎! 咁我咪話信佢囉...叫佢剪走我既八爪魚!ha~ 仲有好多攪鬼野...不過唔講得咁多啦! 好...攪掂!!成個過程都唔駛兩個鐘...so good ar~ 成個頭整左$158...我俾五舊水....拎返三百蚊...即俾左$45小費..ha~ 學brenda既....好豪喎!其實窮過鬼!><" 不過我覺得呢間服務都幾好丫...起碼好過佐敦果間先啦! 都唔怪得既...佢都唔夠人!不過佐敦果間既印象就真係bad bad bad law~ ************************************************** 十二點幾返到屋企上網....玩到二點幾先出門口! 搭火車站出九龍塘...再轉地鐵去銅鑼灣! 搭地鐵果時...有個婆婆仲俾對門夾住隻手... 不過係個婆婆唔岩啦...因佢有個朋友趕唔到上車! 所以婆婆咪用隻手撐住囉!咁樣好危險架嘛...夾親咁點算呀! 老人家d骨特別脆...有起咩事上黎就唔好啦!果位婆婆..記住下次唔好喇! 趕唔到咪搭下一班囉...^^" 去到銅鑼灣都未夠四點鐘...第一站就去左HDC... 嘩...好多人呀!真係多人到你唔信...間舖又唔係大! sales得果二三個....所以我覺得服務唔好!因為佢跟本service唔到咁多人! 我要果d產品好多都無貨囉...連幫媽咪買果樣都無..失望! 個sales話今晚會返貨喎!咁我買左黑豆粉同食物纖維! 跟住行左陣...好悶好無聊!打俾andrew傾左陣... 問佢應該點搭車...之後就試下行過去搵10號巴士站.. 好鬼遠呀...時代行過去禮頓道!><" 五點鐘又行返過去HDC...因為佢話五點鐘會返貨... 係咁等等等...等到唔記得幾多點返喇...又要等佢拆箱! 真係等左好耐...五點半喇..媽咪放左工! 咁就梗加屎...又俾佢鬧我咁遲到啦!唉~ 無計...鬼叫HDC係得銅鑼灣先有櫃位咩! 唉...到到最後..真係夠晒鐘要走喇...都俾我買到... 薏米粉同Eye Off Shade & Eye Bright.....haha! 但係好可惜...媽咪要果樣仲未有...可能未送到黎啦! 因為可能佢太多貨..又得一個人送...送貨既車仔又細! 放唔到幾多箱貨....我o係度差唔多成個鐘都見到佢落左三轉! 慘...可惜我再無時間等唔到!好似買左好多野咁...好重呀!><" ************************************* 之後飛奔去禮頓道既巴士站...未行到過去...媽咪已經打電話黎! 佢已經到左合和喇..救命!好在...我六點七都到左!唔係好遲姐~ 上62/F既R66旋轉餐廳....轉呀轉呀!真係有d頭暈暈既感覺! haha...其實間野都幾好feel既...不過同媽咪黎就大打折扣喇! 我同媽咪都係咁話...因為我無野同媽咪談情!呵呵~ 出奇地...媽咪見到我個頭...無鬧到我!呢點係慶幸既~ 因個痛型師gel到我個頭成個飛女咁...我阿嬤已經話我愈黎愈似飛女囉! 我仲upload左d相上網...係我個頭既新look...大家不妨上去睇睇啦! 食飽飽之後就影下相相...其實影風景居多! 最後叫媽咪幫我影左幾張...簡直笑爆咀喎! 係咁震...媽咪真係唔識影相..唉! 影到人地成4條眉...唔知幾多對眼咁...吹脹晒囉!啤啤~~ 今晚食既野唔多...拎左一次野食咋...但係就勁食dessert... 反常既我...平時係掂都唔會掂既!可能果d係泰式dessert啦! 合我口味!^^" 我地坐到九點半就埋單走人lu...落左去投注站對六合彩! ha...媽咪差一個no.就可以有錢收...差d啵!! 我都無買...唔想晒錢..覺得都唔會中啦! 媽咪叫我得閒買黎"駁"下....哈!邊到有阿媽教個女去賭架! 之後同媽咪一齊搭巴士返過海...返到九龍就自己搭火車返上水! 返到屋企都未夠十一點....今日算係幾開心啦! 不過o係HDC果度就真係等得唔係幾耐煩囉! >>September 15, 2004 at 12:56:37 PM GMT+8 2004 年 9 月 13 日 星期一 【晴】 一個話我鬼五馬六..一個又話我成個飛女咁!!慘~ 唉...所以一早起左身!九點鐘啦~ 攪掂d野之後...十點出左去...諗諗搵間平平地既髮型屋染返就算! 點知間間都百幾二百蚊起...拎我命!無錢呀~><" 我差唔多行晒成個上水...近上水圍既行過...石湖墟又去過...商場都睇埋.. 就連我樓下兩間都睇過...行到大汗搭細汗....好辛苦呀! 到最後...都係無整到!激氣....媽咪話出面...即係紅磡...剩染髮都係$58咋嘛!! 咁我仲乜頂咁貴整個頭喎...我齋染咋嘛...又唔駛剪既! 之後...無無聊聊咁自己一個行行行!悶爆~ 但係又唔想返屋企住喎....so打左俾karen! 問佢可唔可以上佢屋企...haha! 最後咪買埋外賣上去佢屋企囉...我無啦啦做左外賣仔! 上到去十二點半倒啦....坐到一點半就走左lu.... 去左惠康買野食....之後返到屋企就開餐喇! 係咁食野...有餐包啦...零食啦!仲有嬤嬤煲既老火靚湯...ha~ 好飽飽囉....兩點一路食..食到五點!勁~都好似未停過咁!! 真係懷疑自己有大食蹟囉....help me! 勁累囉...前日訓得四個鐘...尋晚又唔夠訓...好眼訓呢~zzzZZZ! 夜晚都無咩做過丫.....總之今日就係無聊啦! 聽日應該會好好多架喇!^.< >>September 14, 2004 at 1:04:35 PM GMT+8 2004 年 9 月 12 日 星期日 【晴】 我..歡..brenda又再次通電話了!可想...我這個月的電話費單一定..很長了!^^" 今晚好唔開心...所以很想聽聽brenda的聲音! 內容唔多講啦!朋友們---我是不需要朋友的! 謝謝你們的體恤...其實我也不知道自己在說什麼! 當我感到寂寞時..是很需要朋友在我身旁陪伴我! 但耐何...是沒有的!是她們忙嗎?還是我不想找她們..不要執著這些了! 談朋友經?我又再一次哭了....今次傾電話...我竟一晚哭了三次! 歡...你知咩事啦!哈哈~不過不要再提起了..... 我相信我們已沒事了!這全因是我太過重視...太過執著! 掛線前的指定動作...啜啜! brenda--kk啜..阿歡啜!brenda啜左我地好多次呢..被迫的! kk---brenda啜..阿歡啜! 歡---kk啜..brenda啜啜...brenda是多了一個啜的!haha~ 傾到三點七,八左右我就頂唔順...so收線了! ****************************** 未夠八點又要起床了! 約了karen同菁兒去睇<六壯士>早場! 十點半場...之前同karen早場..<小Q>....我地係坐第三排...近螢幕!><" 所以我今次偉大D...自己一個出去買票先!驚無靚位嘛.... 攪掂晒D野就出門口了....還未夠九點鐘呢! 去到沙田都唔駛九點半...行過去UA...都唔係好多人買票咋喎! 到我喇...<六士壯>十點半丫唔該!都唔係好多人睇咋喎! 之後o係咁諗...咁我咁早出黎為乜...唉!晒氣... 我次次睇親早場都爆架嘛...點知今日...e...><" 真黑仔呀...仲係自己一個出黎tim!! 買完票先係九點半倒...一條友四周圍行! 跟住打俾菁兒...無人聽!諗佢未起身... 所以一直係咁打俾佢...打到佢爆機為止! 但係都係無人聽...到十點鐘...菁兒打俾我...岩岩起身! 話趕出黎喎...我同佢講話買左票...嚇親佢tim呀! 唔係為左撲飛...我駛乜咁早出黎喎!><" 行到十點十分...就行去火車站等karen... 行到先send sms俾karen..問佢o係邊...點知佢先o係大埔! 激屎我...一個係咁兩個係咁!!妖妖....下次我絕不會做d咁蠢既事! 等到差唔多十點半先見到佢...佢仲一路拎住個電話係咁傾... 佢望我唔到架...見佢傾緊電話..所以我亦都無諗住俾佢見到我! 咁我一直係咁跟住佢尾...佢就真係一直係咁拎住個電話傾傾傾囉! 直到...到左UA...佢唔見我...就打俾我問我o係邊! 我就串佢...你唔駛呀...一直o係火車站傾到去UA...想點呀? 當時係十分激氣既...但係有一樣野要讚下佢... 雖則佢係全程拎住個電話...但係佢腳步急速..難得難得! 十點半有多喇..過晒鐘! 即入場啦...入到場打俾菁兒... 佢竟然話..一係你地睇完我先出黎啦!頂..><" 想點呀?菁兒:話你知丫...當時我真係有d嬲架! 咁講好左一齊睇戲架嘛...點知你.....唉!好失望囉~ 算算算....唔開心既事唔講啦! 好眼訓呀....因為訓得四粒鐘! 如果知道呢套戲唔多人睇..就唔一早撲出黎啦! 點知一個兩個都係咁...辛苦既就只得自己! 好想o係戲院入面訓覺...對眼激痛囉!好澀....><" 但係唔知點解訓唔到..好在套戲都唔算悶!哈~ 終於都睇完喇...菁兒守承諾...出左黎喎! 咁我地咪去西田食野囉!据扒呀我...菁兒請我...多謝晒! 其實真係唔駛請啦...都唔緊要..無所謂!! 我只係覺得浪費左張戲票..雖然只係$25... 不過記住下次唔好喇!^^" 食完就行街街...行呀...都幾悶架! 因為我都無野想買...最後買左兩隻生日熊!哈~ 仲落左冒險樂園玩tim...係karen玩姐! 四點幾就搭火車走lu....唔知菁兒你今日係咪好悶呢?^^" ******************************************** 我同karen o係上水落車...行左陣..之後去左M記坐! 我又食野喇....呢排好似生左大食蹟咁...陰功! 今晚我應承左karen同佢撐檯腳呀...haha~ 好似好耐無試過咁.....我地七點幾去左元綠食壽司! 今次係我地食咁多次元綠最平既一次...每人都係五十幾蚊! 好飽囉...頂住tim!!個肚仔好似唔知有左幾多個月咁..haha! 食完行多陣就返屋企....大概九點幾返到啦! 今日真係好累呀!又眼訓喎~ 但係真係唔敢相信囉...覺得自己好勁!hehee~ 朝早未夠九點出左門口...夜晚又九點幾先返到屋企! 足足十二個鐘有多呀..真係好耐都無試過出足成日街!累爆~ 累爆之餘...沖完涼仲要死去上網....上到差唔多成兩點先肯訓!勁~ >>September 13, 2004 at 8:40:08 PM GMT+8 2004 年 9 月 11 日 星期六 【晴】 梳洗一番..繼而換衫...之後就出門口了! 又去飲茶...同爺爺嬤嬤...今次去彩城...好耐無去過lu~ 飲完去左百佳shopping...haha~ 返到屋企就上網...睇網頁...今日上網睇左好多野呀!好開心~ 俾左本相簿嬤嬤入相...勁勁搞笑囉! 嬤嬤都o係度笑...原來我嬤嬤都係好似阿歡你咁....笑.. 笑到"吃吃吃吃"咁聲...haha! 果一刻..我就真的哈哈大笑囉!河河河~~~~^o^ 夜晚睇電視...睇20高飛~ 我覺得好好睇喎...講演藝...haha~ 睇到入晒神囉簡直...嘿嘿! 之後繼續上網...好多野睇..都唔知要睇到幾時先睇完! 我感覺黎緊呢兩日會好忙咁...哈哈! 期待著明天的約會...miss u!^3^ *************************************** 恭喜你搵到工呀... 雖然呢份工既薪資唔高...但係總好過無工作嘛!! 對你黎講...地方係好遠... 唔緊要啦...慢慢黎囉...做住先...一路攸 一路搵囉(不過好難)! 我知道你要負擔屋企....不過... 我唔識點樣去安慰你...但我是真的關心你! 你有咩煩惱..有咩唔開心...隨時call我啦! 祝工作順利 + 愉快!!^^" 朋友~奸爸爹...永遠支持你的其其! >>September 11, 2004 at 9:13:14 PM GMT+8 2004 年 9 月 11 日 星期六 【晴】 第一個謝謝你讓我走入你的生命，作你的朋友， 或許我不是你最精采的，但是我總是盡力作到最好； 第二個謝謝你願意走進我的生命，扮演朋友的角色， 或許你不是最好的，但卻是我生命中最精采的； 第三個謝謝你這一路走來，很多的包容、安慰、關心、用心…… 所有的深刻都在你給我的回憶裡。 在這美麗的星空裡，你在想誰呢？我就當然想起你啦，親愛的好朋友。 有緣做到朋友是很難得的，只要大家將心交出來， 沒有事情是不可能的，不過千萬不要勉強，right？ 人的思緒是複雜而凌亂的，當夜深人靜時，你會想起誰？ 我會想起與各位認識的種種，也會想起發生過的點點滴滴。 直到我們都年老時，是否會像現在這樣，坐在電腦前互訴心聲？ 我想，到那時候大家都已經老到無法打字了吧……^_^ 不管如何，我們永遠是最真誠相對的好朋友。 >>September 11, 2004 at 2:27:00 PM GMT+8 2004 年 9 月 10 日 星期五 【陰】 >>September 10, 2004 at 6:06:30 PM GMT+8
|
|
寫這個日記既目的..係想我既親戚朋友知道我每日所發生既事情
nope...
<br>is v人氣: 39981
Design & Scripting by ShowHappy.Net