| 日記 | 日記主簡介 |
||||||||
2004 年 8 月 15 日 星期日 【晴】 尋晚一早十一點幾就訓左覺lu...所以今朝未夠八點半就自動彈左起身! 激氣...人地諗住訓到九點幾先起身架嘛..衰呀! 因為我不嬲都係訓夠就會自動彈起身果隻...唉唉唉!!><" 醒左又訓唔返...唯有起身流洗之後上網啦! 上到十點鐘就換衫出門口lu....約左karen十點三o係名都既M記等! 今次我又遲到喇...真係唔好意思...sor sor...肚痛嘛...咪行得慢dd囉!^.< 去到果時佢都差唔多食完早餐lu...食完之後..karen就去cut hair.... 而我....就自己一條友on居居咁四周圍行..... 行行下...o係度諗...不如去做個facial啦!總好過咁無聊四周圍行又無野睇!! 之後咪行去間舖頭度囉....點知無位...佢話要等到一點喎! 果時先係十一點鐘...幾時等到黎...到 一點鐘我都唔得閒做啦!><" 咁無得做facial...就唯有修左條眉先啦!個女仔整到我條眉好q死痛! 真係痛到眼淚水都"必"埋出黎呀...可惡~ 修完繼續行...專登買左對沙灘拖去泰國著....haha~ then去左carzy room度睇野...買左個散紙包...同一對襪! 無耐jackie打黎...話起左身...而家換衫出黎俾返部相機我..thx!! 我諗佢大概十二點幾出到黎啦.....陪佢去左呢個仙"宗"林係野... 睇住佢食..哈哈!未夠一點...karen都整完頭過度黎o勒! 等jackie食完..我地三個就一齊去睇鞋! 上水中心有show睇喎...係周國賢同薜凱琪呀!ha...睇左一陣咁多多啦! 之後我同karen就出mk.....而jackie就去練piano..... 出到mk....超肚餓....已經係兩點幾....我地去左<越南灣>食...呵! 我叫左一個越式炒飯...一個炸春卷!好飽飽啊....haha.....$55~~~貴! 之後就行呀行呀....首先係買左件衫...之後又買多件衫..... 死o勒...掛住買衫都未睇袋...無袋點去旅行呢? 哈哈..行到女人街...俾我搵到一個又大又平既袋... 正岩晒我去旅行用...開心!抵到爛呀....唔打緊啦...用一次都唔會再用架啦! 之後諗住走啦.....但係醒起又無短褲喎!so karen就話去"GIORDANO"度買o勒! 買左喇...人地想買青bb架嘛...哈哈~佢叫我試埋條粉紅色... 最後都係買左粉紅色...thx karen~~~^^"不過咁又無左$120~><" 唔行啦...真係搭車走啦....返到上水都係七點九.....好累呀!><" 今日好似有好多收獲咁...但係我d錢就...唉!! 而家係咁買野....去到泰國都唔知點死...咪就係唔駛買野囉!呵呵~ ************************************************** 今日開心事---------就係阿d打俾我呀!哈哈~開心! 我之前份工老闆既工人.....印尼人...佢d廣東話講得都幾正下架..haha! 好掛住佢..好耐無見喇...dd!!^.< 不快事-----知道左人地老婆唔鍾意我搵佢老公.... haha...其實我都無乜搵過佢老公.....你唔係以為我想溝你條佬丫嘛! 聽到之後...勁唔開心囉!好似俾人當係情婦咁.....哼!勁嬲.....關我咩事!><" >>August 16, 2004 at 12:13:00 AM GMT+8 2004 年 8 月 14 日 星期六 【晴】 十一點鐘上床...衰司馬十一點幾連續打左三次電話俾我..打手提! 我已經專登唔聽架啦...佢仲係死唔斷氣咁..係咁震! 激氣...於是頂唔順!打返電話俾佢鬧佢...haha...嘈住晒人地訓覺! 佢話打黎關心下我喎...多謝你喇...司馬!不過早d打黎先再關心啦~呵! 皆因我喊完對眼好痛嘛..前晚又訓得唔好...不過尋晚真係幾好訓! 但係今朝八點幾就起左身lu......之後.... 之後咪上網囉....上到一點鐘食lunch...坐到patpat都扁埋!!><" 飲左一大兜湯..芫茜魚片湯...d魚片好多骨呢...食左個杯麵...haha!! 之後玩左一陣icq...就去左換衫衫...... 約左karen兩點九火車站等!遲到..因我肚仔痛...行得勁慢! 我地出左沙田....哈...我地行左一陣....我就好快買左對play boy o勒! 屎未...上星期日先買左對nike...一星期內買兩對....嗚! 之後去HOSO又買左件衫衫呢...而karen就買左一對涼鞋+一件衫衫! 我地兩個都出大血囉....then去左西田坐左陣! 六點幾就搭火車返上水...又去左上水廣場既馬拉松睇波鞋! 又無款又無碼...超!都唔知乜q舖頭黎架! 又去左HOSO...karen又買左對Vans鞋...haha...真有米的呢!^.< 好累呀....終於買到鞋喇...karen...唔駛再行喇! 好野....返屋企...haha~~ 今日真的好累呢...仲要肚痛足大半日!慘~ 輪到講下今日既情緒~~好左好多喎! 今日check e-mail果時...睇返以前d e-mail...哈! 無咩特別感覺....一般咁啦! 睇到朋友send俾我既連鎖信... title係:<你是否容易忘情？>......大家不妨可以去search一search黎玩下丫! 我本人覺得幾準架...haha!!^^" ******************************************************** 菁兒:多謝你呀..我都唔知可以同你講咩好... 不過我真係好鍾意你呀...haha~ 同你一齊果種感覺真係好舒服好舒服!^.^ 你對我所講既呢番說話:係o係d咩地方抄返黎架?哈哈~ anyway....多謝你! ********************************************************* 今日係愷玲既20歲生日...我o係度祝我呢位好朋友...生日快樂! 心想事成....早日找到如意郎君!sweet..sweet!!^3^ 我都好耐無同呢位老朋友出街喇...掛掛你唷!! >>August 14, 2004 at 9:52:45 PM GMT+8 2004 年 8 月 13 日 星期五 【晴】 另一篇先真真正正係我做過既事情!haha~ 今朝一起身...望住塊鏡腫爆囉對眼... 因為尋晚喊得好勁...但係已經點幾鐘先訓覺... 訓之前大半個鐘已經無再喊...但係起身對眼仲係咁腫!><" 今日心情好好多....因為有咁大班朋友支持我同撐我! 認真諗下...呢個男人真係唔值得我再為佢喊... 但焦呢個念頭只係今天...唔知明天會否改變..... 心情雖然平伏左...但個人好似好煩燥咁!! 因我想自己一個靜下來看看書....但不行...因為..因為.. 我的嬤嬤經常"哦"我......我已經唔理佢架喇!我真係覺得好煩囉... 所以我一定要努力...俾心機...加油啊..kk...你一定做得到架!haha...... 凡事看開一點...hody講既! 我知道架...我會慢慢咁去學習...睇開d...放開d...個人都開心d啦! 我今日真係好開心...諗左好多野...但我無喊過呀!哈哈~我會慢慢領會架喇! 五點九約左歡出黎..借部數碼相機俾佢!! 之前仲行左陣...我真係諗住行一陣架咋! 點知一行就行到八點九...haha.... 我地兩個傻下傻下咁入左上水圍行.....好低能啊! 不過都蠻開心的...呵呵!之後我仲o係HOSO買左衫...嘻嘻! 又買...真的忍唔住呢...狗狗很可愛!^3^..... 今日要說的..都差不多了! 最後想講既...就係:我的朋友們...真係很多謝你們一直在我身邊支持我..鼓勵我! 對我不離不棄....haha!!我真係好感激你地呀...愛屎你地呀!!啜啜...卜卜...haha~傻q左! >>August 13, 2004 at 9:39:13 PM GMT+8 2004 年 8 月 13 日 星期五 【晴】 candy咁岩又唔開心....之後傾傾下搵埋vicky一齊傾! 三個人係咁傾...haha...呢個組合!好耐都無試過呢... 可能我地又傾下男人事啦....candy又喊喇!傻豬... 唔值得架...不過我也沒有資格話她...因為自己都是這樣子! 好多謝我d朋友咁關心我...開解我! 尋晚o係icq同hody傾計...好耐無試過! 記得佢o係香港既時候..我都成日同佢傾計架! 但係而家佢移左民....已經無咁既機會可以成日同佢傾計喇! 所以我尋晚好快就由唔開心變到好開心...真的是很開心嗎? 其實不是...不過同佢地傾計可以暫時忘記悲痛咁囉! 多謝你地呀! 小白:用把口講..有邊個唔識丫! 就好似candy唔開心咁...我夠識得話佢傻啦..咁既人值得你去為佢喊咩? 答案係唔值得!不過旁觀者清丫嘛....但當你係當局者既時候... 你就會不其然咁做出一d好唔理智既野!唉...我都唔知點解人係咁既! 究竟人類係什麼動物黎架...真的很奇怪! Vicky:你無想過自殺唔出奇丫!你咁幸福...你老公又對你咁好! 我同candy都好羨慕你可以搵到一個咁好既"歸叔".....我地亦都好"登"你高興!haha~ 我真係希望你地可以白頭偕老呀! 唔...話唔諗就可以唔諗咩!我地真係有好多既回憶... 我都唔想...真係食蕉la~唉!><" Hody:我真係無你地咁睇得開囉!你都識左我咁耐啦... 你應該清楚我份人係點!我都相信時間可以沖淡...但要用幾多既時間呢? 你放心啦...我盡量嘗試唔去諗埋一邊啦...我知道有你地一班好朋友支持我就得架喇! 男人咋嘛...無又唔駛死既!有你地呢班好朋友o係我身邊都已經好足夠了! 一大班人咪仲開心過兩個人...haha!! >>August 13, 2004 at 10:50:41 AM GMT+8 2004 年 8 月 12 日 星期四 【雨】 為什麼?我也不知道!或許整日呆坐於家裡吧! 其實不算是整日...因早上和嬤嬤去了飲茶... 飲完茶回到家裡..睇左陣電視!!之後拖地...接著就是上網! upload星期一去山頂d相上網...有得睇喇!大家快d去睇睇啦.. 不過今次很求其呢...不是全部都有命名啊! 大半天就是這樣子...上網上網....不停的上網! 七點幾洗白白....洗完就過左爸爸度拎野俾佢! 之後又是上網...這幾天他也沒給我電話呢~><" 於是我就.....竟給我發現一些東西!其實我應該一早預料到的! 不過我還是相信他....沒辦法啦!鬼叫我是女人...女人就是世界上最蠢的動物啊! 於是...我就很不開心呢!!!我都知道自己一定會忍不住哭出來的! 結果...當然是......大喊了一場啦!舒服了些嗎？答案是沒有.... 心很痛...很難受呢!回想起我看到的東西....再一次哭了!! 今天check e-mail的時候....看了朋友send給我的信件!! Title係<愛上一個人的九種感覺 >......我曾經以為自己很愛很愛那個人! 但..今天當我看完這封信的時候....我發覺原來我都不是很愛他! 在九種感覺當中...我只有五,六種的感覺! 有無人可以答到我....我是否真的很愛那人？？？ 現在的心情...很低落呢？我在掛念他嗎？ 否...這個人再也不值得我去想念他! 我這樣說...但我又能否做得到呢？ 這種感覺....真的很辛苦很難受呢! 請鄭欣其你不要再自我欺騙!你醒覺吧.... 認識我的朋友...請你們把你對我既感覺..印象說給我聽吧! 我突然有一種很憎恨自己的感覺....為何我會這樣？ 為何我有這樣的性格？情緒化...小姐既脾氣!我恨...我恨...我恨我自己! 曾經想過自殺...我相信曾想過自殺的人不只得我.... 你們也試過有這種想法嗎？想並不等於要做...right? 好了...今日就讓我發牢騷發到這裡罷了! 若我再說下去....一定很長很長呢! >>August 13, 2004 at 12:45:45 AM GMT+8 2004 年 8 月 11 日 星期三 【雨】 之後都係o係屋企上網...實在太無聊喇! o係網上遊黎遊去....開左個板板! 俾你地得閒上去留下言咁啦!haha... 網址係：http://gb1.557.com.tw/afgb.php?A=hala033-littleyanki 今日又行雷又閃電...驚驚!><"..因我由細到大都怕行雷!哈哈~ 好早個天已經黑媽媽....令到我心情更加不知所措!唉~ 快過到我生日就好了...我唔係想慶祝... 仲有6日先到我生日...之後再要等到24號...先去旅行!唉~ 快d啦....最憎下雨天...哼! >>August 11, 2004 at 5:34:45 PM GMT+8 2004 年 8 月 10 日 星期二 【晴】 2004 年 8 月 10 日 星期二 【晴】 個身"痴lum lum"咁...真係想沖返個凍水涼呀!呵~ 癲喪過後...今日心情不佳! 有點兒失落....唔知想點! 仲一下子哭了出來....我想不想都是這樣的! 玩完一輪...到靜下來的時候....就是這樣子! 唔想講野...再好唔好有人煩我!為什麼我會這樣情緒化... 希望有朝一日...我可以除去這個壞習慣啦! >>August 10, 2004 at 8:41:24 PM GMT+8 2004 年 8 月 9 日 星期一 【晴】 所以十二點半就上床訓覺覺lu...而今朝諗住十點幾先起身! 點知九點鐘俾candy既一個電話--《鈴鈴‧‧鈴鈴》...吵醒了! 激氣呀...人地尋晚已特登關掉手機才去睡覺啊! 而家裡的電話亦都給我掛上了...或者是我反訓的關係... 一不小心給電話打回原位....就是這樣....九點鐘電話就鈴鈴的響起來了! 講了兩句就再也睡不著....><" ************************************* 之後上網...上到十一點半就換衫執野...約了brenda十二點o係火車站等! 怎料她又遲到了...大概遲了7-8mins啦!去左fanling又要等小白.... 小白都到了...就上火車啦!見到...細蚊呀!哈哈~~~意外! 她也跟我對望呢...之後我向她say hi...佢也一樣囉!很久沒見面了... 到到呢個沙田...還見到郭寶...佢與細蚊應是相約的.... 郭寶真的瘦了很多呢....呵呵! 我們一樣是在紅磡下車..之後我們三人便由呢個火車站行去呢果新世界中心! 那時karen已經在新世界中心的M記等緊我們了! 之後她們三人就o係M記享用午膳...食完坐左陣... 等埋rachel黎...再等她食完...我地就一齊踏入呢個星光大道..... o係星光大道...行行行...睇睇睇.... 其實無乜野睇...得果行字.....行行下我地仲見到王sir tim...... 王sir個囡囡好得意唷....櫻桃小嘴!呵呵~ then行完呢個星光大道之後...我地就搭天星過中環..... 去到中環再搭呢個15C去到花園道纜車站...再轉山頂纜車! 唔...我地買左套票....包呢個纜車來回...信不信由你...超動感影院!$123... 價錢都ok啦...唔知d人第一次搭纜車有咩感覺呢？哈哈~ 朋友呀...你一句話想搭纜車咋...我地就即刻陪你喇!呵~ 不過搭纜車真係幾辛苦下...到站落車喇! o係纜車站停低影返幾張相先....之後就去左呢個信不信由你.... 都無我想像中咁好睇既...都睇左幾耐下咁啦!! 之後行行行...行左去....我都唔係好記得喇! 唔知去左瞭望台定玩呢個動感影院!唔記得個先後次序喇... 去到瞭望台咪睇下風景同影下相咁囉! 而動感影院就...一d都唔好玩,都唔知坐o係度做乜~唉! 一d都唔刺激既! ********************************** 之後我地去左獅子亭睇風景同影相相... 行左咁耐同玩左咁耐...大家都好累喇! 所以六點鐘倒就去左杏花樓食左少少野! 嘩...六點鐘!!無事嘛..一陣七點半仲要食buffet架啵!!哈~屎未？ 不過我都無食...佢地都只係食左少少..少少姐.. 坐到七點就去bus stop接candy!! 大約七點四倒啦....candy終於由呢個尖沙咀好辛苦咁自己一個上到黎山頂!! 真係可憐啊...咁我地就拿拿林趕去呢個唔知叫乜餐廳.... 因我們book左七點半鐘食buffet.....嘩...$288一位...仲要收呢個加一既服費! 但係其實唔多野食囉...我覺得仲衰過出面果d乜乜酒店! 貴不突只..食既野選擇唔多囉!不過算數啦..因為我地無乜機會咁多人(六個--算多喇).. 真係無咩機會可以約埋一齊食buffet...今次仲要o係山頂! 講到呢到...我想讚讚一個人先囉....佢就係小白o勒! 我識佢咁耐...同佢講既野唔多...係今年..就全今年.... 一齊出街多左...因為今年暑假真係好多一大班人既meeting! 我覺得同佢既(感情)←唔知用咩黎形容....都增加左唔少既! 唔知小白你有無同感呢？Joe tam---食蕉啦你!呵~ 講返正題先.....小白今晚真係抵讚呀!! 佢都食左唔少野架...平時佢食好少野架咋!獎你十個叻叻啦...haha~ 梗係要食多d啦...咁q貴! 我地七點半食到呢個九點半至十點倒啦... 跟住就埋單再行左陣...又去左瞭望台影相...去左獅子亭! 哈哈...開心...不過成個人都好"笠"..好辛苦... 十一點就搭纜車落山....之後果d唔想再講喇! 去到紅磡火車站...就join埋阿歡... 佢今晚同佢d同學仔慶祝生日...食呢個巴西燒烤呀! join埋佢一齊搭火車啦....一點過d返到上水.... 大概點三返到屋企......之後沖涼...上網到而家....打日記...haha~ 傻左...其實已經好暈好暈!@.@"..要休息喇! 總結:呢篇日記如果有咩錯處..請大家唔好介意! 因為呢篇日記既大部分文字都係o係我累到"溫溫登登"既情況下打的! 真係連對眼都爭唔開囉...so多多原諒!thx~ >>August 10, 2004 at 5:09:27 PM GMT+8 2004 年 8 月 8 日 星期日 【晴】 唉..都唔知點解訓唔到著....好眼訓啊!zzzZZZZ~ 起身之後就上網啦...上到八點幾就換衫執野.... 九點二出門口....約左karen九點三o係火車站等! 去shatin睇早場....<導盲太小Q>......haha~ 我地九點十倒去到.....佢十點鐘場... 點知...後座剩返既都係單丁位!咁我地唯有揀前排啦.... 係第三排呀...想死囉!條頸都唔知想點...係咁顎高...haha~ 初初睇果時真係眼都花埋...@.@"..........頭又暈喎!好辛苦啊~><" 哈..大概睇到十一點九度啦....出黎行左陣!睇波鞋呀..... 終於都買左我鐘意果對nike喇...haha!!開心呀~繼續行行行... 行到點半鐘去左連城廣場上面果間元綠度食壽司....haha~ 食完就兩點半喇...之後係咁行...好辛苦...又眼訓喎! 行到去HOSO...問佢有無某隻款既白色.... 點知個sales話全線都無晒...激氣呀!我真係好鍾意件衫架..嗚! 算數.....之後五點幾去左M記坐....坐左成粒鐘... 又打俾邵霖同佢講生日快樂.....haha~ 傾左兩句就收線lu...... then..candy打黎...話就到shatin.... 咁我同karen就行返去body shop等佢!! 我仲o係body shop買左百幾蚊野tim...... 無耐rachel都黎到.....我地就上去康泰報團! haha...都攪左幾耐下....咁又無啦啦無左幾千蚊.....慘! 呢一兩個月駛錢真係好似倒水咁倒.....唉!無奈.... 報完就返上水....candy同rachel就出九龍..... 同karen返到上水之際.....無啦啦聽到"啪"←唔知點形容..的一聲.. 我地仲以為係d車爆"泰"...呵! 原來係撞車啊....之後我地都無理到lu... 各自返屋企.....好累啊!就屎咁滯.......... 聽日又上山頂喇....因乜解究.....會咁屎多節目架...... >>August 9, 2004 at 10:45:49 AM GMT+8
|
|
寫這個日記既目的..係想我既親戚朋友知道我每日所發生既事情
nope...
<br>is v人氣: 39981
Design & Scripting by ShowHappy.Net