| 日記 | 日記主簡介 |
||||||||
2004 年 9 月 28 日 星期二 【晴】 只係訓得個幾鐘既時間...今日o係公司上午既時間差不多全程釣魚! 好眼訓啊...因為無咩做!剪紙...拿住把較剪都訓得著呀..勁! 好辛苦...以前我返文具舖果陣...玩通頂唔訓都無乜大問題! 可能果份工多野做...同埋唔准坐啦!而家呢份坐o係度又無野做... 有時真係幾悶下.....所以坐o係度瞌眼訓! 好難先捱到lunch time..又去左南豐食! 今日食左個西炒飯+熱鮮奶! 食飯果時都想訓呀...勁累累累累!好辛苦呀~ 食完就返公司呆坐左一陣...下午買左奶茶飲..先精神左d!! 放工之後出左去觀塘驗身...真係超快喎! o係新田圍搭巴士去觀塘都係半個鐘唔駛... 驗完就oo3觀塘搵van仔車返上水....見到一部寫住上水既! 但係我仲要走去問下個司機...係咪去上水架? 個司機就答我:咁都俾你估到去上水!我..無奈囉~ 哈哈...搞笑!個司機幾後生架...呵呵! 坐van仔果時...我係咁釣魚...皆因實在太眼訓! 坐左一個鐘就返到上水o勒...返到屋企都係五點鐘! 跟住沖涼...整下呢樣整下果樣...六點幾就落左樓下! 姑丈黎接我同嬤嬤去姑媽度食飯! 成八點半先開飯呀...撞鬼! 食完o係度睇電視....我趕住走架嘛!! 佢地又話約九點...點知又咩九點半! 唉..但係一個電話都無喎! 咁我就成十點先o係姑丈度走... 仲要係自己一個走...姑媽叫姑丈車我出火車站! 因我約左summer佢地去玩嘛!!^^" 去到大埔..阿c叫我搭K12...但係好奇怪無人等車! 咁我唯有飛的過去大中啦!haha....好人齊喎..好似差我一個!><" 佢地買晒野喇...咁就一齊向住海濱公園進發....好多人呀! 行左好耐呀...我地行到入去最篤篤...行屎咁滯! 搵個地方落腳場先..haha~ 咪住..講講今晚有咩人先! 今晚有:kk..summer..kathy..阿詩..菁兒..ivy..jacky..jackel..andrew...9個人! 但係o係大中果時我明明見到嘉儀架啵...點解後尾唔見左人...哈! 我地有月餅食...有燈籠有蠟燭!又有啤酒飲....haha...正呀! 今晚我地又玩trur or dare...haha!搞笑...不過我真係好眼訓! 頂唔順喇..鬼咩!!尋晚到而家只係訓左個幾鐘!其他唔多講啦... 玩到三點幾先返屋企...好在聽日放假...如果唔係我都唔黎啦! 行返出去真係幾拎我命下....出到去jackel..andrew..jacky陪我等van仔! 後尾andrew同jackel走先....剩返jacky陪到我上左車先走..thx!! 返到屋企都成五點鐘lu....嬤嬤已經起左身!haha~ 沖埋個涼又訓覺lu... ***************************************************** 今日係中秋節+係我既好朋友brenda既生日! 大一年喇....歡送19...有咩感覺呢? 往後既日子要好好把握....努力奮鬥喇!我們一齊上...加油!haha~ 今天是中秋節...雖然我無打電話俾你講聲"生日快樂"... 但每當我抬頭望向夜空的月亮...我就會想你!928~ 你那"圓dum the"的面頰....haha!月餅好玩嗎?燈籠同蠟燭好食嗎?haha~ 最後祝你心想事成!^^" >>October 2, 2004 at 10:51:31 PM GMT+8 2004 年 9 月 27 日 星期一 【晴】 六點半出門口...想死呀!><" haha...返到公司七點半..變態架! 真係唔識咁識預時間...返工都要成粒鐘...唉! 唔記得今日做過d咩lu....孫姑娘俾左每人一個水晶梨同楊桃我地! 中秋節嘛...哈哈! lunch去左南豐餐廳食...星洲炒米!+熱鮮奶~ $32...好貴又難食!e....其他唔講啦! 因為真係唔記得左.... ****************************** 放工返屋企....企o係度都訓得著呀! o係火車度仲見到三個男學生哥溝女...問個學生妹拎電話! 話想同人做個朋友喎...但最後俾人拒絕左...笑死!呵~ 白痴架...好耐無上網咁..又無打日記....日記唔知乜鬼去唔到..shit!! 攪到我乜都唔記得晒...又要一次過打好幾篇!哼~><" 返到屋企上網....沖涼...執下野!勁眼訓囉... 八點半先出門口....落到樓下仲買左六盒蠟燭同一pack燈籠! 約左o係大埔等!去到大埔..有patrick...歡..rachel... 之後我地就打的去海港...去到candy已經o係度... 佢同jackie開定位等我地黎!我地今晚打邊度呀....有七個人! 人物有:我...歡..candy..rachel...葉嘉敏...patrick...jackie... 哈哈...攪笑!patrick仲問我飲唔飲啤酒!我地兩個人叫左三支~ ok咁啦...歡歡都入左dd...壞呀你!呵呵~ 打到十點幾就埋單...每人八十幾蚊...貴呀! 我平時打開都係六十幾蚊位咋嘛!我始終都係鍾意人頭收貴... 唔鍾意碟碟計.... 之後vicky黎join我地...叫埋輝落黎! 但係葉嘉敏同patrick走先....剩返都有7個人! 走左兩個又返黎兩個...呵! 我地七個人就搭巴士入大尾篤.... 入到去...我地首先點燈籠....之後就行入去堤霸度! 今晚都有人...但唔多囉!聽晚係正日..一定好多人啦! 入到去十一點半倒啦....玩蠟燭....食月餅...又有燈籠...影下相都幾開心!haha~ 潘生潘太兩公婆玩晒d蠟燭...我買得六盒! 佢地兩個人玩成四盒...我地兩個人都係玩兩盒....離晒譜呀!上年又係咁..haha~ 玩到點半倒就走左lu.....哈哈!諗落都幾無聊下...無計啦! 為左中秋要一齊過...今晚都係迎月咋....賞月各有各既節目! 今年好似好唔同咁...candy就好啦...聽日放假... 難為我仲要返早...搭返van仔出大埔!再轉van仔返上水... 返到屋企都兩點幾lu....洗埋白白...攪掂晒d野都成三點幾先訓!! 未夠五點又起身...想死囉!訓左個幾鐘就玥走身...勁勁勁辛苦囉! 五點半就出門口...返七點嘛!!唉~~~~~ >>October 3, 2004 at 4:37:10 PM GMT+8 2004 年 9 月 26 日 星期日 【晴】 訓到三點半俾嬤嬤叫醒我!佢話如果唔叫我..我實會有排訓! 佢又驚我訓咁耐..今晚會訓唔著...哈! 起身又沖過涼...夜晚都唔係好記得做過d咩lu.... 好似都係睇下電視...十點幾又再訓過....無計啦! 聽日又要返工...好累呢! 聽晚仲要同candy佢地去打邊爐~><" 拎我命...... >>October 2, 2004 at 5:03:15 PM GMT+8 2004 年 9 月 25 日 星期六 【晴】 原本今日我應該去礪爐架..但係要返工..所以...嘻嘻!唔好意思~ 今日返工好好多....幫阿winky整中秋晚會既野! 仲拎左返屋企整!今日放十二點....諗住返屋企整埋d野! o係火車度諗諗下都係搵阿歡幫手好d...所以返到上水! 就搭車過左天水圍...唔該晒阿歡既幫忙... 留到四點半倒就走左! ****************************************************************** 日期:2004年9月25日 地點:屯門蝴蝶灣 活動:ＢＢＱ+同kathy & paco慶祝生日~ 人物:miu..summer..oscar..liz..andrew..kk..詩..ivy..jacky..jackel..小冰..paco..kathy~ 今日約左summer佢地去蝴蝶灣bbq... 原本佢地約左兩點半o係荃灣等...再一齊buy food!! 但係我o係公司拎左野返黎做...so無一齊buy food!! sorry..咁我四點半o係歡屋企走...就搭輕鐵過去蝴蝶灣... 搭左大半個鐘...頭都暈埋呀!@.@" 去到我都唔記得幾多點lu....好多人呀! 無晒爐喇...不過有個女人好好人呀! 佢地霸左兩個爐...話驚細路仔多...一個爐唔夠! 所以佢地霸左兩個爐....但係唔知點解俾左一個爐我地... 真係好感激佢呀...thx..thx! 佢地o係荃灣只係買左野食...炭呀..飲品呀...其他零碎既野都未買! 之後佢地出左去買啦...剩返我同ivy..andrew三個人! 咁我地咪o係度傾下計囉...呵呵! 嘩...狂買冰囉!我都走左轉呀!同andrew去左蝴蝶村間惠康度拎野... 超遠囉...又熱..行到成隻屎狗咁!哈~ 七點半就開始燒野食...後尾liz呀..oscar..詩同paco都陸續黎到! 佢地放工放得夜嘛...^^" ************************************************* 到左十二點...summer同小冰拎個b-day cake出黎.. 因為26號就係kathy既生日...哈哈!而paco就係同佢補祝! happy birthday to kathy & paco......恭喜恭喜!又老一年..哇卡卡~ 佢地d cake唔係拎黎食架...係拎黎掟架...勁慘囉! summer整我先架...嗚嗚嗚!攪到我d hair吊住舊生果...哇哈哈! 攪笑...我俾人整...咁我梗係整返人架啦! 我整左andrew...jacky...liz...summer.....haha~ 我都係第一次咁玩...真吹脹呀!><" 掟到無晒蛋糕...我地就去洗頭...好大陣奶油味呢!臭臭~ 到左唔記得幾點...個個都嗌悶!後尾佢地成班落左沙灘! 剩返我..ivy..詩..miu..andrew..paco.... 坐o係度唔知做咩...我同miu係咁大笑....笑屎我!^.< 後尾andrew都落埋去.....四點幾我同詩都落左去... 玩燈籠....蠟燭!呢個時候仲有好多人呀! 原來蝴蝶灣真係幾多人黎燒野食...果晚沙灘好多人玩火...哈! 玩蠟燭....都幾好feel....雖然仲有兩日先到中秋節!但真係唔錯囉~ 我同阿詩仲訓左o係沙灘度睇星星...佢地o係度玩解手...呵! 仲有好多好多....我都唔多講喇! 到左五點幾我又上返去繼續燒野食...ha! 六點幾就執野走人....嘩!剩返好多啤酒呀!! 梗係啦...13個人...買成兩打!仲要係生力... 浪費呀簡直...今次每人夾左$100... 哈...13個人..每人$100...勁呀! 你睇下我地幾咁晒野....買左好多薯片! 兩包綿花糖都未開過....有一兩包著片又未開! 六點四搭返van仔出上水....七點就返到屋企lu... 真係開心....咁多人陪我搭van仔..哈哈! 因大部分人都住大埔...佢地搭van仔返上水再轉火車~嘻嘻! 今次bbq真係玩到癲同喪~^^" >>October 2, 2004 at 4:51:03 PM GMT+8 2004 年 9 月 24 日 星期五 【晴】 不過我八點半未夠就菠到公司喇...><" 無計...第一日返...唔通遲到咩...所以未夠七點半就出左門口! 次次第一日返工都係咁...唔知自己做咩! 所以周圍問人有咩做...唉!悶囉... 同d阿公阿婆傾下計咁...感覺d時間過得好慢.. 可能係第一日返工啦...都無咩做! 十一點果時...哈!小暉帶我同班婆婆(落齡女童軍)上堂... 手語呀...佢地遲d要表演呀!手語歌...歌名係夢中天使...長腿叔叔既主題曲呢! 到lunch time喇...我地食飯時間唔同! 所以我都係自己一個食...我返工果度乜都無! 得間餐廳同大排檔...唉!慘~ 我今日都係捱麵包咋....好快食完就返上公司! 下午都係咁啦...唔講咁多...五點咪放工囉! 好累呀.....之後拿拿臨搭巴士出返沙田火車站! 再轉巴士去荃灣....唔駛六點就到喇! 超快囉...半小時! 今晚約左karen去panda hotel食buffet嘛.... karen成六點四先到...之後就去panda hotel o勒! d野食..我覺得都ok既...算係岩胃口啦! 食到七點就埋單...行左陣先去搭巴士! 返到屋企都差唔多十一點lu... 拿拿臨沖涼..攪掂晒d野就訓覺...因為聽日仲要返工呢! >>October 2, 2004 at 5:38:47 PM GMT+8 2004 年 9 月 23 日 星期四 【晴】 但係都要起...起身上網!咁早起身就係為左上網?唔係卦~><" 哈...上到十點半!就執野...化妝+換衫..哈! 近排唔知為咩出親街都化妝..呵!無計... 近期腸胃唔係咁好...生多左瘡瘡!嘛好樣衰呢~ 十一點出門口...出去佐敦! 仲經過上次同brenda cut hair果間salon...><" 今日既lunch係...吉野家既(細)牛肉飯+麵豉湯! 好飽飽...但係未夠鐘覆診..食完都未夠一點! 我仲去左M記飲左杯熱朱古力...好味!^v^~ 到左一點三就行過去QE...哈! 俾左錢就入去搵姑娘....佢話醫生無咁早到! 都預左架啦..次次黎到都係等! 等呀等...等呀等...好眼訓啊!睇睇下書訓著左...zzzZZZ! 哈..訓到唔知去左邊咁!!=.=" 到醫生叫我咪入去囉...果時先係兩點半! 不枉我咁早黎到呀!真係第一次呀...三點鐘就見完醫生lu... 印象中上一次覆診好似係5月咁上下啦... 今次輕左3kg...即係4個月輕左3kg...咁少既點解? 咪就係因為我呢兩三個月掛住玩玩玩..係咁食食食! 又生日..又farewell..又buffet既次數又多左!哈...死未? 唔駛瘦啦....唉!同醫生講另一個問題~ 就係我個心口果度.....嘻! 醫生寫左張紙叫我去照x-ray... 咁我出去約埋個期就上左六樓換埋衫等照x-ray o勒! 攪掂晒都係三點半....超早喎今次!勁~ 但我仲係好眼訓呢....仲要過尖尖搵人! 咁我就打俾pauline啦...點知佢仲未返到公司..又要我等佢!><" 唔....四點未夠我已經去到美麗華...兜左個圈咁啦! 無耐就上左佢公司等佢!!一路睇書一路等~ 有個男人無啦啦走埋黎問我點解要睇呢兩個字... 咁我咪答佢..學做人囉!呵~大家知唔知係邊兩個字呢? 就係執著....凡事都係唔好太過執著... 呢d野你地自己去領悟啦..我都唔o係度多講喇!^^" pauline無耐就到喇...仲俾左份手信我tim呀!哈~ 多謝晒...我話佢"風蘇"左好多..都唔知係咪"介"到條仔!kekeeke~ 傾完就行返火車站搭火車返上水lu..... 真係好眼訓呢....係咁o係火車度釣魚!ha~ 返到上水都未夠六點...好肚餓! 走去"吉"左串魚蛋...hehee~增肥? 返到屋企仲食左一小個冰皮月餅..都係芝麻好食d!^^" 飲埋鮮奶..好飽呢!滿足晒~~~嘻嘻! 今日就係咁過喇...睇黎今晚要早d訓先得! 唔係聽日就累死架喇! 聽晚仲約左karen食buffet..ha~ 又食....一個月食成二,三次buffet... 嚇死人咩?想增肥定係錢多的是呢? ****************************************** 喂喂...呢排究竟有無人睇我日記架? 點解無人留言俾我既?><" 唉......無人理了!可憐既小其其...又變回孤兒女了!嗚嗚~~~ 哇卡卡......朋友們!快d留言俾我呢?關心下我唷~~^.< >>September 23, 2004 at 8:31:02 PM GMT+8 2004 年 9 月 22 日 星期三 【陰】 梳洗後就換衫落樓飲茶!今日都無咩食既...><" 但係就飲左好耐...十一點飲到成十二點半先走... 唉...快d啦!都話左趕時間架啦! 人地約左三點鐘o係沙田見工架嘛!! 唉唉唉...急屎人喇! 咁差唔多一點返到屋企啦...拿拿臨執好d野! 洗個臉就化妝...換過套衫...點半鐘就出左門口o勒! 兩點鐘先到沙田...仲要轉巴士..唉!! 等巴士等左好耐呢...二點四都仲未有車黎..急屎我! 好喇...終於都有車黎喇!去到果間中心先係二點十..好在! 不過呢個地方都幾難搵下呢...><" 等等等....都等左幾耐下...先有人俾份form我填! 填完又等等等...院長見我...見左都幾耐下架...haha~ 幾得意丫....其實都係傾下計...個院長份人幾nice...^^" 有d野好難講俾你地知..總之個過程都唔錯下! 成四點先走....走果時我都一路行一路笑! 是否傻左!?haha...我也不知道..我記得有一次都係咁架! *********************************** 之後又搭返巴士出火車站...自己行左陣! 去左大眾睇書...揀左好好幾本下架...但由於資金既關係... 同埋一次過根本就睇唔晒..so到最後買左兩本! 咁又無左一畢錢了.....唉!!錢~好重要啊! 五點幾喇..咁就行返去火車站諗住搭火車返屋企啦! 點知俾我見到......很久沒見既happy..... 哈哈...大肚婆!第一次見你呢...個肚真的大了喎! 記得上一次見你既時候..應該係七月! 我同朋友o係海港等位...而你就同你媽咪一齊.... 果時我都未見到你個肚大既...haha! 你話講遲d打俾我架...記住呀!^^" 12月就係你既預產期喇..希望果日快d到啦! 生返個肥肥白白既BB仔/女..嘿嘿!!^.< 六點幾返到屋企...累爆囉今日! 仲周身骨痛tim...十足十阿婆咁!!慘~ 提早退化?哈~ 夜晚都係咁啦..唔多講! 我想今晚應該會早睡點...明天還要出去QE覆診呢! >>September 22, 2004 at 11:39:35 PM GMT+8 2004 年 9 月 21 日 星期二 【雨】 傻傻地架佢...出去咪自己出囉..叫醒人地同人講都有既!><" 咁佢出左門口之後我就起身o勒! 無人o係屋企煩住...的確係好free... 一清早..我已經開到個電腦鬼屎咁大聲o係度聽歌! 正爆~真係好耐都未試過!so good... 到左十一點幾就睇電視....睇到十二點幾整野食! 煮左個麵...無"送"...食左一個聖安娜o既冰皮月餅..難食非常.. 再+兩條蕉...消滯嘛!^^" 跟住洗碗...攪掂之後就...化妝換衫走人... 未夠兩點鐘就出左門口...去到火車站個天突然黑晒! 幣..又會變得咁快既..無關窗tim架...去到太和果時..即落"dog shit".. 屎未...今晚返到屋企仲唔俾阿嬤鬧屎!><" 好快就去到尖尖喇...今日出黎係想去一間cafe度見工既! 點知上到去個商場度..我竟然無去到interview...走左過隔離間書店度睇書! 哇卡卡...cafe果份係o係news paper搵既...所以無須打電話預約! 唔...無所謂啦...咁諗住一路行就一路搵啦...睇下邊度請人嘛!! 沿途其實都見到好多舖頭請人囉...不過我始於都無走到入去! 傻傻地...有d怯!><" 行到身水身汗...熱蕉呀! 唔記得行到幾點就搭火車返上水lu... 返到上水之後...即去龍豐fax.... then就返左屋企lu...早知今日唔出黎啦! 晒左我廿幾蚊車錢...蝕呀!嗚嗚..... 好在今日都有fax... ****************************** 夜晚都係上下網咁啦....今晚唔知咩事好肚餓!! 所以睇緊<金枝慾孽>果時勁食零食....又食餅餅又食...豬肉條!ha~ 又黎生大食蹟嗎?不是嘛~ 玩到差唔多兩點就訓覺lu....聽日去飲茶! 可以唔駛咁早起身...好野! 不過聽日三點鐘又要見工...好累呀!><" >>September 22, 2004 at 11:20:04 PM GMT+8 2004 年 9 月 20 日 星期一 【雨】 不過都一定要起身...食完早餐就出左去!大概九點九倒啦! 去華明比番d野人...落車之後竟然俾我見到張俊國(大耳佛)!嘿嘿~ 好耐無見喇...幾好嘛?^^"記得對上一次見面都係o係華明... 你同個女仔黎我做野間文具舖度買x'mas card!哈哈~ 那個應該是你的女朋友..是嗎?^.< 我地都問下大家既近況...而我就話你瘦左好多! 你話好辛苦..一至五要返學...星期六日就返工! 真係很辛苦呢!難怪你瘦了這麼多啦! 祝你減肥成功喎...但咁樣瘦法唔健康喎...要小心身體啊! 跟住你就自己一個人去飲茶...哈哈!我仲話你成個阿伯咁自己一個走去飲茶tim!^^" 你就話:其實我真係幾鍾意飲茶架!ha...咁下次飲茶搵我陪你啦~^.< take care ar~朋友!雖然我同無contact...亦都知你唔會睇到我既日記! 我都唔知點解我可以寫到咁多野出黎..呵呵!不過我覺得幾搞笑下囉~ ************************************************* 十點半落番上水....就去左copy同fax.... 唉...咁又無左$37....屋企部機又壞左! 如果再唔整返佢..我豈不是咪要日日係咁駛成幾十蚊...想屎!><" 攪掂晒...去左銀行入錢...行左陣就返左屋企lu...... 點幾鐘整野食...有菜...有包...又有嬤嬤煲既老火湯! 今餐食到好飽飽呀...仲要食左條"蕉仔"...haha! 是染上了大食蹟嗎?我也不知道呢... 三點幾仲飲左一大樽鮮奶...呵呵!而家我每日都有飲鮮奶的習慣呢! 好好味.....^^" 跟住在家睇下報紙...好悠閒呢!哈哈~ 聽日唔知會點過呢?其實好早之前已經約左karen聽日上黎我屋企架喇! 因為佢成日都話要上我屋企嘛..而嬤嬤聽日又去旅行...so咪....hehee~ 不過而家我又未必得閒呢!等我今晚諗諗先啦...呵! >>September 20, 2004 at 6:56:49 PM GMT+8 2004 年 9 月 19 日 星期日 【晴】 唔..無咩做!上網睇下野..check下e-amil咁!! 下午食完lunch..三點幾出左去! 諗住去copy同fax...點知間舖頭無開!失望~ 之後諗住去入返d錢錢落銀行...點知今日假期部機關左!><" 我覺得自己今日好黑仔囉...唉! 做呢樣又做唔成...做果樣又做唔成!無鬼用... 之後就返屋企...返屋企前去左惠康買鮮奶同麵包..仲買左兩包麥提莎!^^" 夜晚都係上下網咁...plan下聽日有咩做!呵~ 好忙呢..又要講電話..又icq又msn....暈咁滯呀!><" 平時上網都無咁多野做呀...睇<這個夏天有異性>..其實我都睇過啦!哈~ 今晚又喊過黎喇..俾人整喊!係因為講起屋企事.....慘! 夜晚十二點幾就訓左lu... ************************************ Brenda:唔..屋企既事我都唔係成日同人地講架! 可能有d自卑卦...其實講開呢個屋企..真係唔係咁開心! 話就話已經咁多年..但係我仲係好介意...唔知點解好執著呢樣野~ 好羨慕你地可以一家人齊齊整整!呢樣野..係我由細到大都諗唔開既!so... 放心啦..我會叫爺爺小心d架喇!^^" 唔...5隻雞翼都唔係好多咋嘛!!哈哈~ 味道如何...幾好味架!^.< 因我+埋你媽媽d辣油呢...非常捧呢! >>September 20, 2004 at 6:36:35 PM GMT+8
|
|
寫這個日記既目的..係想我既親戚朋友知道我每日所發生既事情
nope...
<br>is v人氣: 39981
Design & Scripting by ShowHappy.Net