| 日記 | 日記主簡介 |
||||||||
2004 年 10 月 18 日 星期一 【晴】 今日都係做同樣既野...帶少梅去街街! 俾廖蘭話我d頭髮咁紅...><" 下午又係保羅美食坊既時間! 今堂係整壽司...佢地似乎唔係咁識整...所以都係我整多! 不過佢地都有整到...每人至少都整左一條! 但佢地覺得自己唔識整...話我整得靚! 哈...佢地落得太多飯...所以整到好大"舊"... 剩餘既佢地都係叫我整....話請人食都好睇d咁話喎! 不過材料剩係得腸仔同蟹柳! **************************************************** 今日係小暉既生日!一早同佢講"生日快樂"..^^" lunch仲有得食 tiramisu tim....我都唔知邊個買既...係小暉叫我食架! 好好味...今餐好肥呢!><" *************************************************** 今日好早就走左lu....四點三倒啦! 出左又一城...去左HOSO睇衫...又買左幾百蚊衫!><" 唉...今個月都唔知點捱!最衰都係佢啦...要我等咁耐! 五點幾打俾佢...佢話就放喇喎!咁我就搭地鐵過尖咀囉! 見到佢個恤衫西褲look.....ha!都唔知點形容好....俾左d野佢!! 見面時間大概十分鐘啦!佢都要返學...我又要返學! 六點三就走左lu....大家都係搭地鐵....不過唔同線! 我六點半都唔駛就過到旺角喇.... 今堂好悶...講見工技巧!仲要成九點九先放...聽朝仲要返早!><" >>October 22, 2004 at 4:47:39 PM GMT+8 2004 年 10 月 17 日 星期日 【晴】 唔..我想大概是我心情不太好...和喊完就走去訓啦! 所以今朝九點就起左身...對眼腫腫地咁啦! 梳洗後就整野食...減肥餐?我同嬤嬤都要食呢... 就係蘋果o勒!我好失魂啊.....有兩個蘋果..... 一個洗左..一個未洗!但我竟切左個未洗既蘋果俾嬤嬤食... 到我諗返起果時...佢已經食緊...不過我無同佢講!希望佢唔好有事啦!><" 十點半就出左門口...落樓下飲茶! 飲完都係十二點鐘!嬤嬤去街...去培叔度呀! 唔...我要去買米!明明我係記得架...諗住行入去惠康! 但點知去到....就落左電梯!好在我即時記得我要買米! 咁又搭返電梯上去買米....惠康d米好貴呢... 所以我又走左去百佳...平成十蚊呀!^^" 買完返屋企就o係雪櫃拎d雞翼出黎! 等左陣就煎雞翼o喇!仲煲埋飯tim.... 等我返工有得帶飯...同留埋嬤嬤今晚同聽日食既飯!^^" 不過我又是失魂喇...我頭先整左幾條菜! 但係整完先記得..原來果幾條菜我係未洗既!><" 希望我聽日食完唔會肚痛啦... 十二點幾搞到點幾咁啦....haha...開著個電視都無乜點睇到! 整完晒咪睇左陣囉...睇完三點半就去左上網! 呢個時候嬤嬤都返黎lu... 未夠四點半鐘..我又搭273a去左粉嶺!幫嬤嬤買合桃! 去左粉嶺我又走左去搵oscar....點知又係見唔到佢!! 剩係見到liz...liz話oscar今日放早喎!兩次都見唔到佢!!><" 咁我唔講啦...買完合桃就搭返273a返彩園!!返到屋企都未夠五點..哈! 拿拿臨沖涼洗頭...沖完之後就晾衫...因為嬤嬤之前已經洗緊! 晾完衫就整飯俾嬤嬤食.....整完俾佢又係我煮野既時候! 今次整菜我記得洗喇...haha! 仲整左午餐肉炒蛋tim呀...哈哈! 又煲左少少飯!我好鐘意今日既生活呀...好似好忙碌咁... 但好充實...間唔中煮下"送"真係唔錯架! 不過我實在太失魂呢...菜又唔記得洗...蘋果又唔記得洗!><" 可能心情唔係咁好啦.....哇卡卡!傻架.... 希望我快d無事啦!^^" 其實我今日都喊過黎架... **************************************************** 今晚大概八點鐘倒啦!歡黎左我屋企scan野...借左dc俾佢!! sorry ar...歡...無幫你scan多次..皆因我都幾趕時間呢! 其實你已經遲多了個多小時...do you know?^^" 好快整完就急急腳咁走...我約左阿d o係火車站等! 好開心呀...終於有機會見到佢!!上幾次個衰d都放我飛機呢!><" 唔...我去到火車站dd已經o係度等緊我喇! 咁我就將o係泰國買俾佢既手信俾佢啦! 哼...我去完泰國都個半月啦...就快放到發霉啦! 唔...我俾左禮物俾阿d...佢竟然都有禮物俾我喎! 仲好有份tim...傻dd黎架!咁我地傾左幾句就走左lu... 因為dd九點就要返到屋企!dd靚左呀...d頭髮長左... 佢話我以前d頭髮好長...而家短左好多..哈! 咁我就返屋企啦...急不及待咁拆阿d送俾我份禮物! 好大份......原來係姆名相架黎架.....傻dd! 一定好貴啦...入面仲有封信......dd話係我份生日禮物黎喎! 多謝晒你呀...dd!遲d等我得閒我就會曬我d靚相相俾你架喇! 你要等我啊!miss u~^.< >>October 17, 2004 at 9:07:19 PM GMT+8 2004 年 10 月 16 日 星期六 【晴】 其實是可以的...但今天約了某某人! 但他遲到了....所以我就繼續留o係公司做野! 一點鐘先放工...出了紅磡....行過尖咀食lunch... 無見咁耐....殘了很多 n 瘦了一點呢! 唔...但性格一點兒也沒有改變....一如以往!多麼的笨啊... 今天的心情不太好.....六點已回到家了! 食飯...上網....都無咩做! 十時多....check check e-mail.....俾我發現了...... 很不開心呢....點解要瞞騙我...我很好"蝦"嗎？ 點解？點解？記得有段時期....我又係成日問點解! 現在又回到那個時期嗎？我不想這樣... 是我工作太忙....返學太辛苦所致嗎？ 我想或多或少都會有點兒影響!真的感覺不太好.... 很辛苦呢...只是返左三星期工.....讀兩個星期既書.... 已經辛苦到咁.....那麼我以後的日子怎樣過? 又偷偷的一個人躲在一角哭起來了! 為什麼我要哭?我今天已經很不開心...還給我發現了一些東西! 就令我加倍不開心....再看到歡的日記! 她說要上我家.....我就哭了出來呢! 原來還有人記得我的存在! 為何這樣.....我前陣子不是很積極和很開心的嗎? 為什麼今天會這樣.....其實不剩只是今天...... 真的很辛苦呢....不想見人....想放假躲在家裡休息! 想一想....><" >>October 16, 2004 at 11:07:52 PM GMT+8 2004 年 10 月 15 日 星期五 【晴】 當我o係靜思室做野既時候...佢地入黎睇呀!緊張緊張.... 不過我無理到...繼續做自己野!^^" 十點半又帶左少梅落去曬曬.....哈哈! 少梅真的好可愛呢...佢笑得好得意架! 但係又唔知佢笑咩...成日都係咁!!哈~ 叫親佢都笑....^^" 今日lunch time有馬豆糕食呀!冬梅整架...好好味!ha~ 食左兩小件啦.....小暉食左四件呀...變態變態!^^" ********************************** 好快就三點幾喇...就放工lu~ 不過四點到五點...佢地要去開會!! 所以小暉叫我留o係度聽電話...><" 但係果時已經三點九....唔係卦...大佬...我放四點喎! 咁小暉就叫我同annie兩個諗掂睇下邊個問OT... 頂~小暉都話唔到時....唔通叫我問孫姑娘咩!!><" 唉唉唉...咁難得我今日唔駛返學....仲諗住四點即刻走...返屋企訓陣tim..><" 咁文員annie都係放四點...但佢手頭上有d野未做晒! 所以留o係度做埋先走...佢話大概四點半走... 咁四點半之後咪無人聽電話囉...所以唯有我都留低囉!唉~ 點知四點至四點半一個電話都無...想死囉...我全程坐o係度釣魚!><" annie仲未走....早知我就唔駛留低啦! 我成五點三先放工....果時annie都無走架...蝕呀今日! 無啦啦o係公司一個鐘...無得計OT...頂丫! 平時就無所謂呀...因為等返學! 一至四都要返....難得星期五唔駛返.....又......唉! 所以覺得今日勁唔底囉....累到爆燈! 本來我今日好興奮架嘛...唔記得幾時果時仲同同事講... 今日唔駛返學...放工就即刻返屋企訓覺!點知.....><" 去死啦.......哼哼哼!好...我忍忍忍....做一次忍者咁多多啦!豈有此理~ 今日有點兒無奈~><" ************************************************** rachel:你搵過我咩？唔知喎... 都唔係你既電話來電...如果知係你...我就會覆返你啦! 你搵我咩事呢?我返緊工..電話唔可以跟身呢! c:我都係讀普通話...社會福利員同埋心理學咋嘛!^^" 你都可以架...不過你份工既時間就麻煩d.... 菁兒:係啦..你忙時我又忙...haha! 返學咁忙呀?忙d咩呀...溝仔呀?^^" 點解要揀"重陽"既日子見我呀...唔係卦! 乜你咁快想去拜祭我呀?><" >>October 15, 2004 at 8:21:05 PM GMT+8 2004 年 10 月 14 日 星期四 【晴】 我五點半起身...六點半出門口...七點二十分就到左公司! 快手快腳貼埋d製成品上去....因為九點鐘就會有人黎呢度check果度check~ 內審嘛....雖則係唔關我事...但今日我既心情都份外緊張呢!haha~ 阿yu仲叫我扮到好忙咁....因為我自己一個o係靜思室整野嘛!! 不過佢今日都無入到黎....今日我又唔係咁忙喎! 但係都有野做....我就慢慢咁黎做囉!因為唔趕架嘛!^^" ************************************************************** 今日四點幾走左....去左又一城行左陣!^^" 買左少少野...坐o係度睇人溜冰...我真係好想玩下...好多年無玩過!><" 唔...仲好似見到做<智叻小人類>入面既芷菁tim...我o係電視都睇過下佢溜冰! 都好得下架....haha!六點半就搭火車過旺角上堂.... 今堂勁悶囉....其他唔講咁多啦! 本來今晚果堂係放九點半既....但係講講下講到成九點五十分先走... 因為我地要攸 一個project呀...好煩好煩...又要約黎約去!><" 我好眼訓呀...趕住返屋企沖涼洗頭架嘛!! 不過返到屋企都唔夠十一點....即刻整野啦.... 整完都未夠十二點...就訓覺覺lu~~~ >>October 15, 2004 at 7:49:48 PM GMT+8 2004 年 10 月 13 日 星期三 【晴】 因為聽日同後日公司要俾人內審呀!所以所有野都要整得好好睇睇..整整齊齊! 首先要換過晒新既消防圖啦...之後又叫我做board....勁趕囉d野生! 都痴痴地既....唔急都唔叫人做....趕頭趕命...趕死人!><" 好多野做呀好多野做呀.....一係就無咩做...一係就多野做到唔停得手! 變態變態!><" 今日未停過手之餘.....我仲做到六點三先放工... 係我自己留o係度做...所以無得計OT呢! 無咩所謂啦...因為今日我又係等返學咋嘛! today返何文田....七點三....心理學! 阿sir問問題...話要捉d人答....佢睇點名簿! 第一個就俾佢叫中我....真黑仔!我果時o係度釣緊大魚! 佢叫我個名...我無第一時間應佢...真係無諗住認! 到佢再問...邊個係xxx...我先舉手.... 我答:「咩話?你問咩呀?可唔可以講多次?」 到佢講多次...我又話唔識...haha!成班都笑啦...我都笑! 係勁勁搞笑囉...咁阿sir咪叫後面既男同學幫我答囉!hehee~^^" 真係好眼訓呀....今日對得部電腦多卦....做左十個鐘頭野喇! 真係有d神智不清呀!放九點九.....放學即飛奔去火車站! 終於到上水喇....有信喎!!點解係請菲傭既....肯定係某個死仔玩野啦! 乜字都無...信封入面只係得一張傳單...邊鬼個咁死無聊呀!白痴~ 入到屋就即沖涼洗頭....吹埋個頭就訓覺lu.....><" >>October 15, 2004 at 7:46:21 PM GMT+8 2004 年 10 月 12 日 星期二 【晴】 不過今日既太極班取消左....可能校長唔得閒呢!^^" 咁一早返到去又忙著整攤位呢!^^" 十一點鐘有女童軍練習...加油! 因為29號佢地又要表演lu....二十週年院慶嘛! 到時有好多大粒野...haha!孫姑娘已經叫左我果晚返埋夜晚喇! 好在果日係星期五...我唔駛返學!其實我都好想去睇下...^^" 今日都無咩特別.......^^" 夜晚都係返學咁囉! >>October 15, 2004 at 7:25:15 PM GMT+8 2004 年 10 月 11 日 星期一 【晴】 今日院舍既活動已經正常返...開始<齊來做運動>同<陽光晒一晒>.... 咁十點半帶左少梅落去曬曬太陽....曬完直接o係護理部做運動!都ok啦... 其他既時間都係忙著整攤位...好忙好多野做! 所以d時間過得特別快...好快就到左lunch time... 食完飯...下午兩點三就開組! 今日係星期一....我地有<保羅美食坊>...今日係整沙津既! 材料有雪梨..蘋果..雜果..菠蘿...粟米...桃~ 好快就整完有得食...都ok喎!簡單又易整..haha~ 佢地真係做得幾快下....小暉又去左開會...又係我一個人帶... 真係好似唔知點咁...尤其是阿珍o係度...佢成日都認叻!!><" 少梅原來唔鍾意食沙津架..真係小朋友呀!^^" haha...三點鐘喇....今日衛生署既人黎講座呀! 所以三點我就返左office做自己野! 四點鐘完左個講座...我都未走呀! 雖則我係放四點...但係都係都返學咋嘛! d野又未做完...咪留o係公司做埋佢囉...哈~ 好過我自己一條友o係條街度盪黎盪去丫! 我做到成五點九先走呀...出到去九龍塘先係六點倒! *********************************************** 出到旺角行左陣....七點鐘上堂! 今堂個阿sir都幾好...我地分左兩組...都唔錯! 不過我抽中左做worker就唔好喇! 簽名行動同問卷調查...haha! 九點半放學....累到爆...好眼訓... 拿拿臨返屋企沖涼訓覺啦! 又一day o勒!唉~ >>October 15, 2004 at 7:20:39 PM GMT+8 2004 年 10 月 10 日 星期日 【晴】 今日九點幾就起身...真係想睡多一會兒呢!><" 放假既例牌節目當然是同嬤嬤飲茶啦!想屎~ 一早起身去等位...今日去左<金都>飲...開左咁耐都未去過! d野食都唔錯...價錢都ok喎!^^" 飲完同嬤嬤行左陣...返到屋企都差唔多成兩點! 睇左陣電視...就開始執我d衫喇...多的是... 不過好多都未著過呢!><" 亦掉了不少吊帶...呵呵!執呀執... 執完衫又執第樣...因為我實在太多野...屋企很亂呢! 所以我係絕對唔會俾朋友來我家...呵呵! karen同歡歡都想上黎架...不過我唔俾囉!呵~ 我都知你地變成了長頸鹿了!哇卡卡~~^.< 執到六點幾..算係攪掂啦! 咁又無左一日既假期..慘! 原本今日諗住寫信俾brenda同edmund架嘛!! 但已沒有多餘的時間了...真的不夠時間用!好慘~><" then去左洗白白...洗完就去上網了! 功課也不想做了!嘻嘻~ ********************************************** 今日打過俾jackie......想約佢出來行陣街街! 但佢還未起床呢...到她打給我的時候...我差不多回到家了! 之後我都無打返俾佢...因很多野做很忙呢!sorry ar~jackie!^^" 下次再約過你啦~ >>October 10, 2004 at 7:47:17 PM GMT+8 2004 年 10 月 9 日 星期六 【晴】 返半日...d時間好快就過左去! 今朝六點十出門口...去左沙田M記..幫winky買早餐! 搭搭半班車...搭八就返到公司了!呆坐左半小時~ 就躲埋o係靜思室整野...好似閉關咁!!^^" 到左十點九就佈咪叫女童軍十一點到靜思室練習... 今日小暉放假..又係我"擔大選"既日子! 好緊張呢...佢地聽日就要表演喇!不過我唔駛去呢~><" 其實我好想睇下架都...不過.....算數啦! 佢地要著上制服架...一個好醒目o者!^^" 練到十一點四...我整埋少少野! 好快就十二點鐘喇...不過我整到搭三先走! 趕去bank呀要...好耐先有bus....去到關左門! 勁炆囉...bank到既職員d服務唔要得...所以我都無俾面佢!! 哼...攪到我要去連城用櫃員機入票...都唔知得唔得tim呀!><" 之後就返屋企食飯..飲湯!仲食左薯片.... 鄭欣其你有病無呀?係咁鬼死多野既? 係真架喎...唔知點解返左呢份工之後好似食多左野咁!!ha~ 暴肥囉...><" 食完抖左陣就拖地...腰骨好痛囉! 但係我又唔想嬤嬤拖..雖則我好累...但都要做了! 當做做運動吧~^^" **************************************************** 我身邊沒有朋友嗎？ 我不開心有誰會知道?我辛苦又有誰會關心? 我的電話很久沒接到朋友的來電了! 來電的人..是我不喜歡的..所謂的朋友! 返工+返學的日子...是十分辛苦! 一早醒來到夜夜才有得睡!做功課的時間也沒有... 朋友?我需要嗎?這個問題又再一次在我腦海徘徊! 唔...我忙到沒有時間致電給我的朋友... 累到不想拿起電話打給朋友...我有否真正的朋友? 有的..大概是vicky & 小歡歡罷了! 何解我會有這樣的想法呢?我也不知道~ 最後我想說:朋友..其實我十分掛念你們每一位...很想見見你們!! 但我實在太累了!放假只想躲在家中~~~~~ ************************************************************* 多謝kathy既留言..我係好想有人留言俾我!ha~ 多謝brenda成日牛言俾我!唯獨你是最好的?haha~ 歡歡也好.....我的朋友......原來這麼多啊!^.< >>October 10, 2004 at 7:49:34 PM GMT+8
|
|
寫這個日記既目的..係想我既親戚朋友知道我每日所發生既事情
nope...
<br>is v人氣: 39981
Design & Scripting by ShowHappy.Net