2005 年 4 月 7 日 星期四 【晴】

好悶呀.寫字樓d同事去晒開會!
攪到我要留守o係度聽電話!人地大把野未做架嘛..
但係o係寫字樓又做唔到喎..激鬼死我呀!
悶到死...出一出去做野...電話又即刻響起...唉!
咁你叫我做好定唔做好丫!唉~><"

>>April 7, 2005 at 11:12:45 AM GMT+8

2005 年 4 月 6 日 星期三 【晴】

今日返到工繼續做昨天未完成既工作...
呢個board真係好晒我時間囉...
不過d姑娘同埋阿婆都話做得好靚...好有心機!haha~
靚就唔敢講喇...之不過我真係好有心機咁去做架!
無心機做出黎既野又點會靚呢,right?^^"

d阿婆行過實話我..仲未做完呀?
唉..都唔知佢係話我定"登"我辛苦呀!><"
不過佢地話係怕我辛苦o者....
做左兩日都未做起..真係無鬼用啊!
不過每日都係做三個鐘...你地唔知塊board係點咋...
真係真係好晒時間呢...又要"介"又要"痴"又要貼喎!

我相信禮拜五一定會做起架喇!
因為聽日上下晝都要開會..都無咩時間俾我去做!><"
好辛苦啊....

今日雖然未做好...但係一到四點我就即刻走人...唔想再留o係度繼續做喇!
快d返屋企...可能壓力大呀!返到屋企唔知咩事...猛咁搵野食...
食左個橙...之後又食炸腰果...食完就拆左盒曲其狂食....
唉...仲話減肥...今日食左咁多野...仲唔增肥大磅!
激死我喇...真係唔知發生咩事呀!我剩係知道我好想好想食野囉....
好辛苦....嗚嗚!><"

>>April 7, 2005 at 2:59:32 PM GMT+8

2005 年 4 月 5 日 星期二 【晴】

今日係清明節..原本放假的我..今日返左工!
因為我下星期一有d事..想請假!
但係我地公司唔"興"扣糧...因為比較麻煩!!
咁我今日又唔駛掃墓...所以就改放下星期一o勒!^^

今日返工真係特別free呢...
因為老細不在嘛...朝早寫字樓得我同winky同阿霞...
三條友仔作反呀...haha...
不過我都有做野呀!假期真係特別free...一d都唔似返工呀!哈哈~
但係都有好多野做...原本我今日係返七點放三點既~
但係做野做到四點幾先走...唉!
個衰winky唔等我我..三點就鬆人..唉唉!><"
可憐既kk要做多個幾鐘先有得收工...仲要係未做晒...
無計啦...明天繼續努力!

>>April 7, 2005 at 2:49:44 PM GMT+8

2005 年 4 月 4 日 星期一 【晴】

今日係一年一度既兒童節...我只係紮左條"邊"返工!
講左一句：「今日兒童節喎!」咁就俾人串到我死咁滯!唉~

個文員話..過左18歲就唔好學人講兒童節...
佢一定係唔抵得我細佢咁多啦...因為佢已經係34年歲!><"
院友對我講..今日兒童節喎...咁駛唔駛食蛋撻呀?
咁我梗係話唔駛啦...haha~^^"
老細真係對我幾好架..開心開心!^.<

>>April 7, 2005 at 11:21:12 AM GMT+8

2005 年 3 月 27 日 星期日 【晴】

今日係我假期最後一日...聽日就要返工喇!
放左幾日假都係白過...唔甘心!><"
今日起身後又去飲茶...之後約左欣出黎....
行街買衫...我d駛錢慾又走出黎喇....

唔多講...今日差唔多又駛左成千蚊...唉!
bank都無幾多剩架喇.....五點鍾倒返到屋企啦~
好累....明天又要博殺喇...唉!
明天繼續啦~

>>March 28, 2005 at 8:13:09 AM GMT+8

2005 年 3 月 26 日 星期六 【晴】

今日係復活假期第二日...心情都係咁啦!
上午無節目...有人約不過推左lu....
夜晚同朋友食飯....巴西燒烤....第一次去...食物ok啦!
同行八人....食兩個鐘..九點半走人!
落到樓下走左三個....之後老師又走埋...
同行四人...一直行落旺角....其實仲有下場架...
就係去太子落吧...不過算啦...都係唔去喇....
講真...真係好想飲醉佢...但諗深一層....點解要咁樣作賤自己....
一d都唔好受.....所以都係返屋企!

時間尚早....但....唉!都多謝阿祥送我返屋企啦!
其實咁早係唔需要送我返屋企架....費時晒左你d時間啦!
我住上水..你住樂富喎!><"
anyway....thanks~

>>March 28, 2005 at 8:10:18 AM GMT+8

2005 年 3 月 25 日 星期五 【晴】

今日係耶穌受難日...有兩位朋友生日!
禮貌上都在這裡講聲"生日快樂"啦!
阿華同edmund...祝你地生日快樂!!生活得開開心心...sweet sweet~^.<

今日同嬤嬤去左飲茶...之後自己行左上水一陣....
因為約左阿歡...好耐無見喇!^^"
今日心情唔太靚...等歡等到成個人都吽晒!
所以就打電話俾司馬.....唉!司馬仲煩緊果樣野....
其他唔多講.....

歡黎到...一齊行街!又傾下計....唉!
都唔知自己想點...無計!這是我的性格嘛~
唔鍾意就無人迫到我...可能會令到人地好傷心或失望...
但我又何嘗.........唉!我也不好受~~
四點鐘陪歡去左睇急症...唔好意思....提議左一個咁愚蠢既方便俾你....
要你等左兩粒鐘...真係唔好意思!
記得好好咁保護對眼呀...希望你快d好返啦!

>>March 28, 2005 at 8:04:39 AM GMT+8

2005 年 3 月 22 日 星期二 【晴】

尋晚失眠呢...今朝肚仔痛..所以痛醒左!
仲"柯"左兩次...慘!今朝仲要返早tim...
而家已經上完太極理...o係公司喇!
尋日都無食過d咩丫...唔知點解無啦啦肚"柯"....
而家個肚仔仲係好鬼死痛...救命!
好在今日都放早o者....^^"

個日記真係好怪呢....o係屋企係入唔到架!
o係公司先入到...奇怪奇怪!!><"
唔通以後都要o係公司打日記?

>>March 22, 2005 at 7:40:36 AM GMT+8

2005 年 3 月 21 日 星期一 【晴】

今日星期一...我放大假呀!哈哈~
起身之後出左去飲茶...之後就返屋企執野!
仲上左成日網tim呀...哈哈!好累呀~><"
呢份工都做左差唔多半年lu....
唔知到左4月我既命運會係點呢?苦惱~

>>March 22, 2005 at 7:36:36 AM GMT+8

2005 年 3 月 10 日 星期四 【晴】

今日寫字樓d同事去晒開會呀...
得返我同edward o係度...大概十二點幾倒啦!
火警鐘無啦啦響起...真係嚇死人呀!
好在d院友都唔係咁驚...開緊會既同事立即走晒出黎...
咁我地就分工...分別o係唔同既房間檢查.....
仲有報咪叫院友唔駛驚.....過左約5mins....
消防員就黎到....真的好高大威猛啊....
不過已上了年紀...大殺風景呢!!~.~
經消防員檢查過之後係無發現既...咁佢地就徹退o勒!
總之今日返工就虛驚一場啦!
希望下次唔好再有咁既事發生啦!^^"

>>March 11, 2005 at 8:01:42 AM GMT+8